Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Кубик Калыков: “ЭНЕ МЭЭРИМИНЕН ЭРТЕ АЖЫРАГАМ”

№383 5-11-март, 2010-ж.


Апам жапкан нанды сагынам

Бала биринчи көзүн ачары менен апасын көрөт экен. Ошол мээримдүү апа баласы жыгылса чаңын күбүп, мүдүрүлсө тургузуп, ыйласа жашын сүртөт тура. Бул жолу эне тууралуу балладага өз үнүн кошкон ырчы, куудул Кубик Калыков болду.

“АПАМ ТООЛУК КЫЗ ЭЛЕ”
– Менин апам... Апамды эстегенде жүрөгүм туйлай түшөт. Апам Бурулай сегиз бала төрөптүр. Мен жетинчи баласымын. Мен Жалал-Абаддын Базар-Коргонунан болот эмесминби. Апам тоолуу аймакта чоңойгондуктан, апамды тоолук деп коюшчу. Ошондуктанбы биздин айылдын аялдары билбеген көп иштерди билчү эле. Оймо-чийме түшүрүлгөн туш кийиз, шырдак, жууркан-төшөк жасоодо алдына киши салчу эмес. Кайсы жерде кыздын себи жасалып жатса апамды чакырышчу.
Апамды эстегенде балалыгымдын бактылуу күндөрүн эстейм. Кыш күндөрү эрте туруп апам байкуш уй саап, сүт тартып, очокко от жагат. Биз көзүбүздү жылтыратып апамдын ар бир кыймылын тиктеп жата берчү элек. Атам бизди зериктирбей комуз чертип "качан наның бышат? Качан чайың кайнайт?"деп бир нерселерди кыңылдай берер эле. Биздин ар бир таңыбыз ушундай шаңдуу башталчу.

“МҮНӨЗҮ...”
– Апамдын мүнөзү мага окшош болчу. Көп унчукпай, күлүп коюп эле жумушун кылып жүрө берчү. Башкалардын аялдарына окшоп бир да жолу атама үнүн көтөргөнүн уккан эмесмин. Анан эч кимдин көңүлүн калтырчу эмес. Бирөөлөр чакырып калса өз ишин токтотуп коюп барчу. Эми сегиз баланын түйшүгү оңойбу? Баш тартып деле койсо болот да. Баса, бир жолу апамдын жини катуу келген. Кыш күндөрү болчу. Үй-бүлөбүз менен шахматты укмуш ойночубуз. Улуу агам оюндун эрежеси менен ойнобой, мени чычалатып жиберди. Мен куру калбай, айтор, ызылдашып эле калдык. Апам байкуш күйпөлөктөп отун күйгүзө албай жаткан. “Эшикте кар, үй болсо тар, эмне мынча ызылдайсыңар? Ушул силердин шахматыңарды?..” деп туруп шахматты мешке салып жиберген. Апамдан эч качан мындай жорукту күтпөгөн жаныбыз отуруп эле калдык. Ага чейин апам чаап же катуу айткан жан эмес эле да. Жазаны да, тарбияны да атабыздан алчубуз. “Атаңар келе жатат. Азыр силердиби?..” деп коркутуп калчу.
Апамдан дагы бир мураска алган нерсем – сүрөтчүлүк. Бир жолу апамды отургузуп алып сүрөтүн тартканым эсимде. Окшоштубу, окшошподубу, билбейм, бирок ошондон кийин сүрөтчү болсом деп эңсеп калгам. Кийин апамдын шырдакка деген оймо-чиймелеринин үлгүсүн мен тартып берип жүрдүм.

“ТАМАГЫ...”
– Апам нанды тандырга жапчу. Акырында мага арнап кичинекей кылып күлчөтай жасап койчу (жука жабылган кытыраган нанды бизде ушинтип атайт). Анан ысык нанга сары майды куюп туруп мыкчып жасайт го. Мына ошол мыкчымасынын даамы бир башкача. Эсимде калган апамдын дагы бир тамагы толто болчу. Сары майды сызгырып, чөбөгөсүн алып ага талкан, кант, бал, жумуртка кошуп койчу. Азыркы шоколаддардын даамындай. Жасаган тамагын талашып жеп жатсак өзүнө-өзү ыраазы болор эле.

“ТАБЕРИК...”
– Апамдын буюмдарын карап, кээде катуу сагынганымды байкайм. Өз колунан чыккан жакшы буюмдары бар. Менде болсо апамдын казаны эстеликке калган. Өкүнүчүм, апам эч нерсени көрбөй кетти. Менин ийгиликтеримди, жакшылыгымды, урматымды көрбөдү...

“АПАМА АРНАЛГАН ЫР...”
– Апам катуу оорунун айынан мен 15ке чыкканда көз жумду. Ошондо гана апам биздин жашоонун жарыгы экенин туйдум. Менин эң биринчи сахнадагы ырым да апама арналган эле. Ырдап баратып эле муунум бошоп, апамды элестетип кеткенде мукактанып кетчүмүн. Кийин өзүмө оор болуп, ал ырды ырдабай да калдым. Апам каза болгондон кийин оор түйшүк түштү. Улуу бир туугандарым көбү турмуш куруп кеткен. Үйдө иним, атам, мен гана калганбыз. Кир жууп, тамак жасап аялдын жумушун кылып, аз убакта эле жүдөп кеттик. Ошондо атама “ата, аял албасаңыз ого бетер кыйналып калабыз го” дедим. “Жок, балам, маркумдун ашы өтмөйүнчө аял албайм” деп койду. Кызыгы, кийин атама өзүм аял алып бердим. Мен бир жакшы эжени көздөп жүргөм. Бирок атам: “Балам, ал актив чалыш аял экен (мурда контордо иштегендерди ушинтип айтышчу), ал силерге жакшы көңүл буруп жарытпайт го. Мага жөнөкөй эле аял тап”,- деди. Атам өзү мектептин директору болуп кычырап жүргөн киши болчу. Анан мектепте пол жууп иштеп жүргөн 20 жаштагы келинди ылайык көрүп, өзүм барып сүйлөшүп келдим. Турмуштан жолу болбой жүргөн экен, экөөнүн ортосундагы жаш деле тоскоол болгон жок. Ал эжебизден атамдын алты баласы бар. Ошондо туура иш кылган экенмин деп калам. Жаңы апабыз жакшы аял чыкты. Атамды кор кылган жок.

“КААЛОО...”
– Эх, карындашым, апамды эстетип катуу ойлонттуң. Эненин ыйыктыгын сөз менен түшүндүрө албайм. Андан көрө жалпы энелерге ыр саптары менен каалоо айтып кетейин.
Аралап тамыр кан келер,
Адамга дайым жан берер.
Алтындан кымбат асыл жан,
Ардактуу апаң бир келер...

Нуржамал Жийдебаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
09.03.2010. 14:31 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
эх..... тубун тушкур дунуйо , Кубиктин айткандарын окуп толуп/толуп кеттим. Айла жок ....
Аябай жуунумду бошотуп салдыныз го ...
Озумдун апамды аяп кеттим...
14.07.2012. 12:19 
Тайпасы:
Кыймылы жок
Комментарийлердин саны:
17
Катталган:
27-06-2012
Соӊку аракети:
13-08-2012 16:19
Жынысы:
Белгисиз
Калаасы:
Ош.
0
эх менда алыстамын апамды сагынып кеттим.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: