Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЧОҢ САХНАНЫ ЭМЕС, КАБАКТЫ ТАНДАГАН ЫРЧЫЛАР

№720 19-август-25-август, 2016-ж


Көпчүлүгүбүзгө сахнада ырдап, клип тарттырып жүргөн ырчылар гана белгилүү. Бирок кафе, ресторандарда үнү кадимки ырчылардан кем эмес, керек болсо алардан да вокалы күчтүү болгон көп таланттар сахнага чыкпай, табышмак бойдон калууда. Алар эмне үчүн чоң сахнаны эмес, кабакты тандашкан? Ушул суроолордун тегерегинде жооп алдык.

Назэль: «МЕНИН ЫРЛАРЫМ БИР УККАН АДАМГА ӨӨН УЧУРАЙТ»

Туулган жылы, күнү
– Жашын сыр тутат, 20-май
Туулган жери – Чүй облусу, Кара-Балта шаары
Билими – К.Молдобасанов атындагы улуттук консерваториянын вокал бөлүмүн бүтүргөн

– Назэль, ырдоого болгон кызыгуу сизде качан ойгонду эле?
– Мен 6 жашымдан тарта эле столдун үстүнө чыгып алып ырдай берчүмүн. Ошондой эле мектепте өткөн коомдук иштерде ырдап, акырындан ыр дүйнөсүнө жуурулуша баштагам. Бой жетип мектепти бүткөн соң музыка меники экенин түшүнүп, Улуттук консерваториянын вокал жагына тапшыргам. Профессионалдык деңгээлде ырдай баштаганыма көп убакыт болуп калды.

– Эмне үчүн сахнаны эмес, кабакты тандагансыз?
– Студент кезде акча табыш керек деген маселе күч болот эмеспи. Мен бир чети ошол жагын караштырып кабакты тандасам, экинчи жагынан бизди окуткан агайлар «түн ичинде ырдасаңар үнүңөр ачылат» деп айтып калышчу. Ошол дагы себеп болдубу, айтор, кабак мен үчүн жакшы тандоодой көрүндү. Кабакка күндө болбосо да, жумасына 2-3 жолу барып ырдап турам. Мен бул жерден пайдалуу гана нерсени ала алдым. Эл алдына чыгып ырдоону үйрөндүм, үнүмдү таптадым. Ал жактан өзүмдү абдан эркин сезем.

– Ырларыңызда бир философия катылгандай. Аларды ким жазып берет?
– Ырлардын сөзүн Динара Бейшеналиева, Жанар Камбаралиева деген акын эжекелер жазып берет. Ал эми обону болсо өзүмдүкү. Биринчи обону чыгат, анан акындарга барып сөзүн жаздырам. Менин ырларым бир уккан адамга өтө эле өөн учурашы мүмкүн. Ошол эле «Туфли», «Күйөө издейм» дегендер. Бирок эки ырда тең берейин деген оюмда философия жатат.

Адилет Жумабеков: «КАБАКТА ЫРДОО МЕН ҮЧҮН ЧОҢ САБАК БОЛДУ»

Туулган жылы, күнү
– 1990-жыл, 7-сентябрь
Туулган жери – Нарын шаары
Билими – Орто

– Адилет, үй-бүлөңүздө чыгармачыл инсандар барбы же сиз эле ушул чөйрөнү тандагансызбы?
– Атам Жумабек Абдыразаков ар кыл аспаптарда ойночу. Гитара, аккордеон, пианино, комузда кол ойнотчу. Апам Рахима Чоткараева комуз менен сонун ырдайт. Ата-энем таланттуу болушса да, чоң сахнага чыгышкан эмес. Мага алардын чымыны жукса керек, мен да ырчылыкка ооп кеттим.

– Кабакта ырдоо сизге кандай пайда алып келди?
– Кабакта ырдоо мен үчүн чоң сабак болду десем болот. Бул жакта иштей баштаганыма 10 жылдын жүзү болду. Кабакта ырдоого олуттуу деле карабайм. Алдыга үнүмдү таптап алып анан сахнага чыгам деген максат койгом. Азыр чоң сахнага чыгууга даяр болуп калганымды түшүнүп турам. Буюрса, ырларды жаздырып жатам. Сахнада ырдоо кыйла жоопкерчиликтүү. Элдин калың катмарына сиңиш кыйын. Ал үчүн жалпы калкка жага тургандай олуттуу ырларды жазыш керек.

– Жеке жашооңузга кайрылсак...
– Азырынча ал жак тынч эле (күлүп). Азыр чыгармачылык деп жүрүп кыздарга убакыт деле таппайм. Бирок бирөө пайда болуп калса жакшы болмок (күлүп).

Тола Турсуналиев: «АЗЫРКЫ ЫРЧЫЛАР «ТОЙСКИЙ» ЫРЛАР МЕНЕН ЭЛЕ ЧЕКТЕЛИП КАЛДЫ»

Туулган жылы, күнү
– 1985-жыл, 15-август
Туулган жери – Бишкек шаары
Билими – Кыргыз-Орус Славян университетинин эл аралык мамилелер факультетин бүтүргөн

– Сиз эл акыны Эстебес Турсуналиевдин небереси экениңизди көпчүлүк биле бербейт. Чоң атаңызды кантип эскересиз?
– Мен кайсы жерге барбайын, баары «эл ырчысы Эстебестин небереси турбайсыңбы?» деп таанышат. Кээде ырдап бүткөндөн кийин мага улуу муундагы кишилер келип, «биз чоң атаңды жакшы билчүбүз. Абдан таланттуу адам эле» деген сыяктуу кептерди айтып калышат. Мен чоң атамдын эң жакшы көргөн небереси болчумун. Кичинекей кезимден бери эле анын жанында жүрдүм. Ал барган концерттерге да кошо ээрчип алчумун.

– Эмне үчүн эл көзүнөн алыстап кеттиңиз, буга эмне себеп болду?
– Биз 2003-жылы «МКД» тобун түзгөн элек. 2009-жылга чейин иштеп келгенбиз, анан топтогу Толя өз мекени Казакстанга кетип, ошону менен бул топтун чыгармачылыгы токтоп калган. Эми быйыл чыгармачылыкка билек түрө киришип жаткан кезим, кайрадан жаңы ырларды жаздырып жатам.

– Көпчүлүк кабак ырчылары чоң сахнага чыгышпайт. Себеби эмнеде деп ойлойсуз?
– Менин оюмча, алар деле сахнага чыгып, эл адамы болгусу келет. Же колунан келбейби, же ошол жакка көнүп алышабы, билбейм. Анткени кабакта бир иштеп көнүп кеткендер да жок эмес. Бирок кабактын бир жакшы жери – күн сайын практика кылып турасың, үнүң таптала берет. Эгер жөн эле кабакта ырдаса, бул жаман нерсе. Азыр көп ырчылар "тойский" ырларды жаздырып, ошону менен эле чектелип калышпадыбы. Мага андай нерсе жакпайт. Мен ага каршымын. Анткени жогорку деңгээлдеги музыка менен таанышып жүргөндөн кийин сапаттуу ырларды ырдагым келет.

Нурлан Мамбетов: «АЗЫР МЕН ҮЧҮН БАШКЫ ОРУНДА ҮЙ-БҮЛӨМ ТУРАТ»

Туулган жылы, күнү
– 1977-жыл, 12-май
Туулган жери – Бишкек шаары
Билими – Чет өлкөдөн жогорку билим алган

– Нурлан, канча жашыңыздан баштап ырдай баштагансыз?
– Бала кезден бери эле ырга болгон кызыгуум күч. Ошол убактан тарта ырчы болом деп жүрүп максатыма жеттим. Сахнага чыгууга каалоом деле жок. Буга чейин сахна үчүн иштесем, учурда «Студио 247» клубунда ырдайм.

– Салтанат Аширова экөөңүздөрдүн «ТНЕ М.А.Р» деген тобуңуздар бар экенин угуп калган элек, ал топ учурда иштеп жатабы?
– Салтанат (ред. Аширова) экөөбүз бирге иштешүүнү туура көрүп бул топту түзгөнбүз. Анан топко таланттууларды чогулттук, концерт бердик. 2015-жылы ар ким өзүнүн долбоору менен кетти. Топ таркап кетти десе эле элдер башкача ойлошот. Андай болгон эмес, ар ким өз жолу менен кетиши керек дегенди түшүнүп тынч эле таркаганбыз. Салтанаттын өзүнүн чыгармачылыгы, менин өзүмдүн чыгармачылыгым бар дегендей.

– «Алма сабагынан алыс түшпөйт» деп коюшат эмеспи. Сиз дагы атаңыз актёр Мурат Мамбетовдун жолун жолдоп чыгармачыл инсан болдуңуз, атаңыз ырчылыгыңызга кандай карады?
– Атам өзү чыгармачыл адам, андыктан каршы деле болгон жок. Албетте, ал деле менин олуттуураак кесипти тандоомду каалаган. «Дипломат болбойсуңбу?» деп да айтты. Бирок менин жүрөгүм чыгармачылыкты каалап жатканын билгенде батасын берген. Атама ушунчалык ыраазымын, ал мага чыгармачылыкты тандаган күндөн тарта ушул күнгө чейин ар тараптан колдоо көрсөтүп келет.

– Бош убактыңызда кантип эс аласыз?
– Мен үчүн азыр биринчи орунда үй-бүлөм, балдарым турат. Эки наристенин атасымын. Уулум Амирхан 3 жашта, ал эми кызым Деңизага 9 ай болду. Чыгармачылык жашоомдун аз бөлүгүн гана түзөт деп айта алам. Андыктан балдарым, келинчегим менен үйдөмүн. Наристелерим менен өткөргөн ар бир көз ирмем мага бакыт тартуулайт. Аларсыз кантип жашап жүргөнүмдү билбейм. Көрсө, балалуу болуу өзүнчө бир ырахат тура.

Жазгүл Кенжеева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
22.08.2016. 17:21 
Тайпасы:
Кыймылы жок
Комментарийлердин саны:
4
Катталган:
10-08-2016
Соӊку аракети:
10-09-2016 11:17
Жынысы:
Белгисиз
-1
Кабак деген не???
22.08.2016. 20:08 
Тайпасы:
Жаран
Комментарийлердин саны:
67
Катталган:
11-12-2013
Соӊку аракети:
20-09-2018 23:25
Жынысы:
Белгисиз
0
nastinbaba89,кафе, ресторан
22.08.2016. 21:59 
Тайпасы:
Кыймылы жок
Комментарийлердин саны:
Катталган:
27-05-2016
Соӊку аракети:
09-09-2016 20:19
Жынысы:
Белгисиз
+8
назель деген кыз анын жылына биз куштар болгонсуп жашырып койот......мага демектен 1941 жылкы болсун....
23.08.2016. 13:02 
Тайпасы:
Жаран
Комментарийлердин саны:
420
Катталган:
11-09-2010
Соӊку аракети:
21-09-2018 17:33
Жынысы:
Белгисиз
Калаасы:
Белгисиз Арал
-1
Адилеттин апасынын аты Рахима эмес Фатима болуш керек эле.
24.08.2016. 13:43 
Тайпасы:
Жаран
Комментарийлердин саны:
6
Катталган:
19-06-2012
Соӊку аракети:
02-06-2017 20:46
Жынысы:
Белгисиз
-1
AIZAD,апасынын атын унутуп калган го)))
25.08.2016. 21:13 
Тайпасы:
Жаран
Комментарийлердин саны:
28
Катталган:
18-03-2015
Соӊку аракети:
19-06-2018 02:31
Жынысы:
Белгисиз
Калаасы:
Мадрид ул.Лас Вентас 188
+1
Камакта деп окуй берипмин )) Аягында билдим.
01.09.2016. 15:17 
Тайпасы:
Кыймылы жок
Комментарийлердин саны:
3
Катталган:
12-04-2016
Соӊку аракети:
17-10-2016 16:41
Жынысы:
Белгисиз
0
Не ал кабак
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: