Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ГУДБАЙ, ВАНКУВЕР. САЛАМ, СОЧИ!

№383 5-11-март, 2010-ж.


28-февралда Ванкуверде XXI Кышкы Олимпиадалык оюндары аяктады. Жабылыш аземинде Ванкувердин шаар башчысы Грегор Робинсон Олимпиаданын желегин Сочинин мэри Анатолий Пахомовго өткөрүп берди.

КАНАДАЛЫК ОЮНДАР
Ванкувер Олимпиадасынын жыйынтыгында Канада 14 алтын медаль жеңип алды. Буга чейин Кышкы Олимпиадалык оюндардын тарыхында мынчалык санда эч ким алтын медаль уткан эмес. Бул абсолюттук рекорд! Андыктан өткөн оюндарды Олимпиадалык оюндар же канадалык оюндар десек болчудай. Чындыгында канадалыктар Олимпиадалык оюндарды жогорку деңгээлде өткөрүп гана тим болбостон, кыялдарын ишке ашырышып, чоң ийгиликке да жетишишти.

БАШКЫ КААРМАНДАР
Мелдештин уюштуруу комитети “Ванкувер-2010дун” каармандары деп жеңиш үчүн эрктүүлүгүн көрсөтүшкөн төмөнкү 2 бийкечти атады. Словениялык лыжачы Петра Майдич жарыштын жүрүшүндө 4 кабыргасы сынганына карабастан коло медалды жеңип алды. Ал жарышта токтоно албай аңга кулап, бакты сүзүп алган да, марага жетер замат эсин жоготкон. Майдич эрдиги үчүн Словениянын Сиңирген эмгеги үчүн ордени менен да сыйланды.
Ал эми канадалык жекеликте муз үстүндө бийлөөчү Жоанни Рошетт апасы каза болуп калганына карабастан өзүнө күч таап, коло медалдын ээси боло алган. Анын апасы кызынын чыгуусун көргөнү атайын Монреалдан Ванкуверге келген. Бирок кызынын чыгуусуна 2 күн калганда жүрөк оорусунан каза тапкан.

ОБАМА ЖАШИК СЫРАГА СЫНЫП...
АКШнын президенти Барак Обама Канаданын премьер-министри Стивен Харпер менен мелдеше кетип, жашик сырага жеңилип калды. Экөө хоккей боюнча финалдык «АКШ-Канада» беттешинде өз мекенинин командалары жеңет деп талаша кетишкен эле. Андыктан канадалык хоккейчилердин жеңиши өлкөсүнө аброй жана алтын медаль гана алып бербестен, өкмөт башчысына жашик сыра да алып берди.

«СОЧИ-2014түн» АЛДЫНАН ЧОҢ СЫНОО
Учурда Орусияда спортчуларынын ийгиликсиз катышуусу өлкөнүн алдыңкы адамдарына чейин кызуу талкууланып жаткан кез. Олимпиададан кийин эле президент Медведев: “Бир катар спорт чиновниктери кызматтарынан четтетилет”,- деп айтты. Буга жооп иретинде Спорт министри Мутко: “Мен кызматтан кетүүгө даярмын. Бирок муну менен эч нерсе өзгөрбөйт. Биздин учурдагы начар жетишкендигибиз чыныгы реалдуулук. Колдоо кандай болсо, натыйжа ошондой болду”,- деп билдирген. Орусиялыктардын пикиринде спортчулары алардын ишеничин акташкан жок. Өзгөчө хоккейчилеринин канадалыктарга 3:7 эсебинде жеңилиши кечирилгис болду. Гезитибиз басууга даярдалып жатканда Орусиянын Олимпиадалык комитетинин жетекчиси Леонид Тягачев өз каалоосу менен отставкага кеткендиги маалым болду.

Р.S. Кыргыз делегациясы Ванкуверден 2-мартта кайтып келди. 27-февралда Дмитрий Трелевский слалом боюнча соңку мелдешине катышып, тилекке каршы, финишке жетпей калган. Буга чейин ал чакан слаломдо 76-орунга илинген эле. Ал эми лыжачыбыз Ольга Решеткова 17-февралда 1,5 чакырым аралыкка болгон жарышта 54-орунду ээлеген.


Жергиликтүү кабарлар

Бокс

ЖЫЛДЫН МУШКЕРЛЕРИ АНЫКТАЛДЫ
23-февралда бокс сүйүүчүлөр арасында КРнын кезектеги чемпиондугу аяктады. Мелдеште караколдук Максат Алимбаев “Мыкты мушкер”, бишкектик 1994-жылкы Самаган уулу Нургазы “Эң жаш мушкер” аталышты. Бишкектик Иса уулу Жакшылык “Жеңиш үчүн эрдиги” наамына татыса, мелдештин “Мыкты калысы” деп караколдук Тилекмат Энкеев табылды.

Дзюдо

“РАДЖИВ ГАНДИден” 7 МЕДАЛЬ
Дзюдо боюнча улуттук курама командабыз Индияда өткөн 4-Эл аралык “Раджив Ганди” мелдешинде чоң ийгилик жарата алды. Мелдеште алтын медалды Ислам Баялинов (66), Алимбек Жусупов (81), Чыңгыз Мамедов (90) жана Юрий Краковецкий (+100) жеңип алышкан. Бул мелдеш күзүндө Японияда өтүүчү Дүйнө биринчилигине жана Кытайда өтүүчү Азия оюндарына карата зор даярдык болду десек жаңылышпайбыз.

Ушу

ЖАЛГЫЗ АТТЫН ДА ЧАҢЫ ЧЫГАТ
Ата мекендик ишенген ушу чеберлерибиздин бири Алмаз Тойчуев Казакстандан чоң жеңиш менен келди. Ал 20-21-февралда Алматыда өткөн мелдеште алтын, күмүш жана коло медаль жеңип алган. Алмаз азырынча спорт чеберине талапкер, ушу боюнча өткөн бир катар мелдештердин жеңүүчүсү болуп саналат.


Жылдыздар турмушунан

Бокс

КЛИЧКО ЖАШЫРУУН ҮЙЛӨНҮП АЛДЫБЫ?
Жаздын алгачкы күнүндө европалык басылмалардын бири украиналык Кличколордун кенжеси Владимир жашыруун үйлөнүп алгандыгы тууралуу такталбаган маалымат таратты. Анда Владимирдин келинчеги катары актриса Хайден Панеттьер аталууда. Далил катары белгилүү актрисанын кечелердин биринде нике шакегин тагынып жүргөндүгү айтылууда. Ал эми эки жаштын өзү мындай маалыматтарга комментарий берише элек.

Футбол

2 КОЧКОРДУН БАШЫ 1 КАЗАНДА КАЙНАБАЙТ
Жакында Англиянын ишенген коргоочуларынын бири Уэйн Бридж улуттук курама командада ойноодон баш тартты. Ал мындай чечимин Жон Терри менен жеке келишпестигинен улам кабыл алгандыгын айткан. Эске салсак, британиялык ММКлар Терринин Боидждин мурдагы айымы Ванесса Перронсель менен жашыруун махабаты тууралуу жазып чыгышкан. Бул чырдан кийин аталган эки футболчунун мамилесине гана доо кетпестен, Терри Англиянын капитандыгынан да кол жууган. Анан дагы 28-февралда Англия премьер-лигасынын кезектеги айлампасында курамында Терри ойногон лондондук “Челси” Бридждин командасы манчестерлик “Манчестер Ситини” кабыл алды. Оюн алдында футболчулардын өз ара кол алышуусу болот эмеспи. Баары бири-бири менен кол алышып келип, кезек сөз болуп жаткан экөөнө келгенде алар бири-бирин карап да коюшкан эмес. Терри-Бридж чатагы кантип чечилиши белгисиз, бирок ал беттеште Бридж жеңди. Оюнда “Манчестер Сити” 2:4 эсебинде ишенимдүү жеңишке жетишкен.

ХИДДИНК ЖЕҢИШ МЕНЕН КЕТЕ АЛБАДЫ
3-мартта «ЮАР-2010го» даярдык көрүп жаткан өлкөлөр достук беттештерин өткөрүштү. Орусия курама командасы Хиддинктин жетекчилиги астында соңку беттешин өткөрдү (голландиялык адистин мындан ары Түркиянын курама командасын машыктырары маалым). Орусиялыктар конокто Венгрия менен 1:1 эсебинде тең чыгууга аргасыз болушкан. Калган маанилүү оюндарда төмөнкүдөй натыйжалар катталды:

Франция – Испания - 0:2
Англия – Мисир - 3:1
Германия – Аргентина - 0:1
Ирландия – Бразилия - 0:2
Голландия – АКШ - 2:1

Базарбек Абдураимов
sport@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
10.03.2010. 13:45 
Тайпасы:
Кыймылы жок
Комментарийлердин саны:
19
Катталган:
02-03-2009
Соӊку аракети:
06-05-2012 21:26
Жынысы:
Белгисиз
Калаасы:
Бишкек / Токтогул
0
Рахмат,Базарбек, жакшы маалыматтарды жазыптырсын. Лондондук Челсинин о.э. Англия курама командасынын коргоочусу Джон Тэрри да учурдун корунуктуу футболчуларынын бири эмеспи, андыктан мумкун болсо ушул коргоочу тууралуу бир озунчо макала жазып, окурмандарга теренирээк маалымат бере кетсен, сураныч.
Эми кудай буйруса, Гуус байке Туркия курама командасы менен "Дуйно чемпиону" аталышына тилектешмин.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: