Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АТАКТУУЛАР ҮЙДӨ КАНДАЙ АТА?

№722 02-сентябрь-08-сентябрь, 2016-ж


"Балам, балалуу болгондо билесиң" дегендей, үй-бүлө күтүп, башыңа баш кошулганда байкалбастан эле бир топ жоопкерчиликтүү боло түшөсүң. Бул пикирди бүгүн шоу, маданият чөйрөсүнүн "супер аталары" да тастыкташты. Экран, сахнада көргөн белгилүү жаш аталардан балдары тууралуу суроо салсак, бири "сезимдерди сөз менен айтып жеткире албайм" десе, бири алыс жакта жүрүп балдары көздөн учуп турганын айтат. Кесибине байланыштуу баласынын жанында көп болбой калышса да, баскан-турганынан дайыма кабардар болуп турарын баары бир ооздон белгилешти.

Атай Өмүрбеков, актёр: "УУЛУМДУН КЕЛБЕТИ МЕНИ, МҮНӨЗҮ АПАСЫН ТАРТТЫ"

АТАЙДЫН уулу ИСКЕНДЕР
Төрөлгөн жылы, күнү
– 2014-жыл, 3-сентябрь
Төрөлгөндөгү бою, салмагы – 50 сантиметр, 3 килограмм 400 грамм

– Атай, уулуң Искендердин күнүмдүк режими кандай өтөт?
– Бир билгеним, апасынын уйкусу канбай эле жүрөт (күлүп). Искендер түнкү 12де жатабы, 1деби, эртең менен саат 8де туруп алат. 20 мүнөтчө жатат, анан буту менен "тур-тур" деп тепкилеп баштайт. Анан "мультфильм коюп бер" дейт. Ошол учурда гана жарым сааттай уктап алабыз. Андан кийин бизде уйку жок, келип тебелеп ойноп баштайт. Мурун кичине чагында сонун болчу, уктап эле жата берчү. Азыр басып алгандан кийин такыр тынбай калды.

– Уулуң сенин эле көчүрмөң экен. А мүнөзү жагынан кимди тартты?
– Искендер мага окшош болгону менен, мүнөзүнүн баары апасы. Бир орунда тура албайт. Активдүү, тентек. "Ар кимдики өзүнө ай көрүнөт көзүнө" дегендей, акылдуу, мээримдүү. "Апаси, энеси, атаси..." деп бизге эркелеп сүйлөп көңүлдү алганды жакшы билет.

– Учурда Ысык-Көлдө жүрүптүрсүң. Сагынычыңды кантип таратып жатасың?
– Телефон чалып сүйлөшүп турабыз. Искендер телефонду кармаса "Алло", "КамАЗ", "айбуж" деп билген сөздөрүн айта берет.

– Кимге жакын, кимдин тилин жакшы угат?
– Апасы менен дайыма эле чогуу жүрүшөт да. Мени көп көрбөй калат. Ошон үчүнбү, сагынып мени менен жакшы ойнойт. Тентек деп жатпаймынбы. Чектен ашып баратканда "кой" деп койсом унчукпай калат. Албетте, бир жолкусунда эмес, эки-үч жолу айткандан кийин (күлүп). Бирок ата-энесин жиндентпеши керек дегенди билет.

Турдакун Ниязалиев, ырчы: "БАЛАМДЫ АРСТАНСЫҢ ДЕП МАКТАП ТУРАМ"

ТУРДАКУНДУН уулу ХАМЗА

Туулган жылы, күнү – 2012-жыл, 19-август
Төрөлгөндөгү бою, салмагы– 53 сантиметр, 3,5 килограмм

– Турдакун, бир уул, бир кыздын атасы болдуң. Ата болуу жоопкерчилиги кандай экен?
– Ата болуу – бул чоң жоопкерчилик. Себеби мени буга чейин эч ким үлгү тутпаган болсо, эми мени үлгү туткан балам, кызым бар. Алар сага карап түздөнүп жаткандан кийин ошого татыктуу болуш керек. Мисалы, үйдө таарыныч болуп жубайыңа ачууң келгенде балдардын көзүнчө урушпай, көчөдө кетип баратканда бирөө менен кыйкырыша кетпей, сабырдуулук менен ар бир сөздү ойлонуп сүйлөп, ар бир ишти ойлонуп жасоо керек.

– Тарбиянын кандай ыкмасын колдоносуң?
– Эки ыкмасын колдоном. Биринчиси – кызыктыруу. Бир нерсени жасоодо мактап, комплимент айтып турам. Негизи баланы 7 жашка чейин хандай кылып өстүрүш керек дешет. Мен да колдон келишинче урбай, урушпаганга аракет кылам. Хамза – пайгамбардын жанында жүргөн сахабалардын бири, анын "Кудайдын арстаны" деген каймана аты болгон экен. Ошон үчүн балам бир нерсеге таарынып, жыгылып ыйлап калса, "сен деген арстансың, баатырсың" деп көңүлүн көтөргөнгө аракет кылам. Кээде эркелетип "күчүгүм" десем, "мен күчүк эмесмин, арстанмын" деп калат.

– Балдарыңдын кимиси сага жакын болду?
– Мага уулум көбүрөөк жакын. Түндө мени менен уктайт. Бир жакка кетсем "атамды чакыр, телефон чалып бер" деп апасын кыйнай берет. Кечинде чарчап келсем да "ата, кел, мушташалы, күрөшөлү", "экөөбүз сууга түшүп жууналы" деп эркелеп кирет. Бирөө тийишип койсо да "атама айтам, атам урушат" деп мага ишенип турат.

Нурдөөлөт Копоев, телеалпаруучу: "УУЛУБУЗДУ КИРИНТҮҮ БИЗГЕ МАМЛЕКЕТТИК ИШ-ЧАРАДАЙ БОЛЧУ"

НУРДӨӨЛӨТТҮН уулу НУРБАЙЫР

Туулган жылы, күнү – 2015-жыл, 12-февраль
Төрөлгөндөгү салмагы – 1 килограмм 900 грамм

– Нурдөөлөт, уулуңузга өзгөчө ысым ыйгарыптырсыздар...
– Тун уулубуз да ушундай салмакта 7 айлык болуп төрөлүп, чарчап калган эле. Андыктан мунусунда аябай сарсанаа болдук. Атын да бул дүйнөгө байыр алсын, жашап кетсин деген таризде Нурбайыр деп койгонбуз.

– Ара төрөлгөн баланы караш да мүшкүл иш эмеспи. Сиз кол кабыш кыла алдыңызбы?
– Төрөтканадан чыгарып келген күнүбүз эстен кетпейт. Кайненем, мен, Зульфия болуп жуунтуп жатабыз. Бир кезде ары басып кетсем Зульфия кыйкырат "шамал кыласың" деп. Ошентип менден коруй берчү. Киринтейин деген күн биз үчүн чоң мамлекеттик иш-чарадай. Сууну кайнатып туруп мага берип коёт, мен аны сапырып муздатып отурам. "Муздак суу кошуп эле койбойлубу" десем болбойт, "кайнаган суу менен жуунтуш керек" деп.

– Демек, бала кароонун жол-жобосун өздөштүрсөңүз, экинчи уулуңузда кыйынчылык болгон жокпу?
– Ооба, көз тийбесин, Нурбайыр жоош болчу. Кечке уктай бергенинен "эмнеге уктай бересиң, ойгонбойсуңбу?" дей берчүбүз (күлүп). Ошентип билинбей эле чоңоюп, өнөрү чыгып баштады. Өткөндө залдагы дубал кагазды жыртып салган экен, Зульфия коркконунан аны скотчтоп коюптур. "Мобуга тийбе, уктуңбу, колуңдубу колуңду" деп урушуп койсом кечке тултуюп жүрдү. Ага кайра боорум ооруйт. Араң тапкан балабыз болсо өз жайына эле койдук.

– Балдарыңыз жашооңузду канчалык өзгөрттү?
– Өткөндө бир кесиптешим "сенин бир колуңдан "Кока-Кола", бир колуңдан "Сникерс" түшчү эмес го" деп жатпайбы. Анда бойдок болчумун да, үйдүн түйшүгүн билчү эмесмин. Азыр жумуштан бир аз эле убакыт боло калса балдарыма таттуу алып келип, кичине ойной коюп кайра кетем. Бир аз эле тыйын болуп калды дегиче "кокуй, Нурбайырга оюнчук, Нуршайырга таттуу алып барайын" деп тапканымдын баарын үйгө алып барганга шашам.

Гүлжамал Бөрүкулова
star@super.kg



Жылдыздардын кичинекей балдары

Автор: Элнура Ташбаева
Оператор: Айбек Алимов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(6)
05.09.2016. 09:22 
Тайпасы:
Жаран
Комментарийлердин саны:
204
Катталган:
20-03-2016
Соӊку аракети:
14-11-2018 12:58
Жынысы:
Белгисиз
Калаасы:
Татарстан
+10
Чонойуп кеткенче баланы эркелетуу кк чонойсо озу эле озгоруп калат. Балдар бар жашоо кызыктуу!
05.09.2016. 19:38 
Тайпасы:
Жаран
Комментарийлердин саны:
26
Катталган:
02-04-2016
Соӊку аракети:
14-11-2018 11:17
Жынысы:
Белгисиз
Калаасы:
Ош
+6
Ар бир ата -энеге оз балдарынан откон бакыт да байлык да жок .Балдар бар жашоо бар .Баарынара бактылуулук каалайм.
05.09.2016. 21:36 
Тайпасы:
Жаран
Комментарийлердин саны:
106
Катталган:
11-10-2015
Соӊку аракети:
17-03-2017 18:12
Жынысы:
Белгисиз
+3
Нурдоолот биздей брлупсунар точно азыр эстеп кулуп калдым баланыз ден соолукта болсун
05.09.2016. 22:31 
Тайпасы:
Жаран
Комментарийлердин саны:
174
Катталган:
24-10-2015
Соӊку аракети:
17-12-2017 16:45
Жынысы:
Белгисиз
+4
Турдакундун уйбулосу жакты менде да ушундай куйоо болсо бактылуу болушсун.
09.09.2016. 12:42 
Тайпасы:
Жаран
Комментарийлердин саны:
43
Катталган:
08-05-2014
Соӊку аракети:
08-02-2018 00:20
Жынысы:
Белгисиз
0
мен Кыргызстанда коп жашабагангабы билбейм бул атактууларды жакшы тааныбайт экемин биринчи суроттогулорду Ээнсиреген уй деген кинодогу бала менен кызга окшоштурдум ошолор эмеспи уйлонушконбу(эгер ошолор болсо)
09.09.2016. 16:50 
Тайпасы:
Жаран
Комментарийлердин саны:
53
Катталган:
07-09-2016
Соӊку аракети:
10-10-2018 21:39
Жынысы:
Белгисиз
0
Оооба бала бала ширин болот. Балдарыныздардын омурун берсин ыймандуу, акылдуу, балдардан болуп чонойсун.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: