Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МЕДАЛГА ЖЕТҮҮНҮН СЫРЫ ЭМНЕДЕ?

№722 02-сентябрь-08-сентябрь, 2016-ж


Үстүбүздөгү жылдын 5-августунан 21ине чейин Бразилиянын Рио-де-Жанейро шаары дүйнө элинин көңүл чордонунда болду. Мунун себеби, албетте, XXXI Жайкы Олимпиада оюндары эле. Олимпиадага жалпы 206 мамлекеттен 11 миңден ашуун спортчу катышып, спорттун 28 түрү боюнча күч сынашты жана 87 мамлекет медалга ээ болду. Биздин мамлекеттен да өлкө намысын коргогону 19 спортчубуз спорттун 6 түрү боюнча катышып, тилекке каршы, бир да медалга жетишишкен жок. Бул сапар "Рио-2016" Олимпиадасында эмне үчүн медалга жетпей калганыбыздын негизги себептерин иликтеп көрмөкчүбүз.

БАШКЫСЫ АКЧАБЫ ЖЕ...

"Рио-2016" Олимпиадасында медалга жетпей калганыбызга ар түрдүү шылтоо тапсак болот. Бирок медалга ээ болуу үчүн тажрыйба керек десек, Косово мамлекети биринчи жолу Олимпиадага катышып жатса да жыйынтыгында бир алтын медалга ээ болуп отурат. Ал эми медаль утуп келген спортчуларга өлкө тарабынан берилүүчү сыйлыктарга келсек, бул да негизги себеп эмес экени билинет. Албетте, спортчуларга берилүүчү сыйлыктын көлөмү ар өлкөдө ар кандай. Мисалы, эң көп акча убада кылган мамлекет Тайвань болуп, алтын медалга ээ болгон жалгыз спортчусуна 628 миң АКШ долларын берди. Ал эми КМШга кирген өлкөлөрдүн ичинен эң көп сыйлык берген Азербайжан алтын медаль үчүн 510 миң доллар убада кылган. Бирок медаль үчүн берилүүчү сыйлыктын баасы жогору болсо эле медаль көп болот деген түшүнүк да туура эмес. Себеби биздин өлкө 1-орунду алган спортчуга АКШ өкмөтү убада кылган акчадан 4 эсе чоң сумманы, башкача айтканда, 100 миң доллар сыйлык убада кылсак да бир медалга жетпегенибиз суроолорду жаратат. Улуу Британия өлкөсү спортчуларына эч кандай сыйлык убада кылбаса да, алар "Рио-2016" Олимпиадасында 67 медаль алып, жалпы эсепте 2-орунду ээлей алды.

КЛИМАТ, КАЛЫСТАР, МАШЫКТЫРУУЧУЛАР...

Биздин өлкөнүн спортчуларынын эл аралык деңгээлдеги мелдештерде медалга илинбей калышынын дагы бир себеби – тажрыйбалуу машыктыруучулардын аздыгы жана заманбап спорт залдардын жоктугу. Анткени ушул "Рио-2016" Олимпиадасына даярданган айрым спортчуларыбыз да абалы начар спорт аянттарында машыгып келишти жана аларга берилген тамак-аш көйгөйү да бар болчу.
Ошондой эле "Рио-2016" Олимпиадасы учурунда калыстардын бир жактуу баа берип, айрым упайларды эсепке албай коюп жатканын спорт чөйрөсү белгилешкен, ал эмес, эл арасында да бир топ калыстарга болгон нааразычылыктар бар. Буга далил катары Монголия мамлекетинин тренерлери кийимдерин чечип, калыстарга нааразы болгонун келтирсек болот. Мындай көрүнүш Айсулуу Тыныбекова жана Арсен Эралиевдин таймашынан да орун алган болчу.
Дагы бир жагдай, климат жана бизде көп өнүкпөгөн спорт түрлөрүндө. Олимпиадага чейинки даярдыкта спортчулардын аба алмаштыруусу алардын организмине таасир тийгизет жана жаңы чөйрөгө көнө алышпай кыйналышат. Андан сырткары климатка көз каранды болгон спорт түрлөрү. Биздин өлкөнүн климаттык шартына ылайык айрым спорт түрлөрүнөн мелдештерге спортчу жибере албайбыз жана бул медаль утуу мүмкүнчүлүгүн азайтат. Мисалы, сууда сүзүүнүн бир топ түрү Олимпиада оюндарында болгону менен, бизде андай спортко даярданганга шарт жок, климат жооп бербейт. Бирок тыйындын экинчи бетин карай турган болсок, кыргыздар илгертен бери алектенип келген күрөш, бокс сыяктуу спорт түрлөрүнөн да медаль ала албай жатканыбыз ойлондурбай койбойт.

БАШКА ӨЛКӨЛӨР ОЛИМПИАДА МЕДАЛЫНА КАНЧА ТӨЛӨЙТ?



Ошондой эле Англия, Швеция, Норвегия жана Хорватия өлкөлөрүндө медалга эч кандай сыйлык каралган эмес. Аларда спортчуларга эмес, балдар спортунун өнүгүүсүнө көңүл буруп, акча сарпташат.

ҮМҮТ БАР

Албетте, спортчуларыбыз медалга жетпегени менен, болгон мүмкүнчүлүгүн жумшап грек-рим күрөшү боюнча балбаныбыз Арсен Эралиев менен кыз-келиндер күрөшү боюнча Айсулуу Тыныбекова 5-орундарды жана дзюдо боюнча Юрий Краковецкий 7-орунду багындырышты. "Токио-2020" Олимпиадасына "Рио-2016" Олимпиадасына катышкан спортчуларыбыздын арасынан эл сүймөнчүгүнө ээ болгон жана тренерлери да коркпой кайра сунуштай ала турган спортчулар катары кыз-келиндер күрөшү боюнча Айсулуу Тыныбекованы, дзюдочулар Отар Бестаев жана Юрий Краковецкий, ошондой эле жеңил атлетчи Дарья Маслованы белгилешти. Кандай болгон күндө да бизде деле спорт өнүгүп, спортчуларыбыз кийинки Олимпиадаларда алтын медаль утат деп үмүт арта туралы.

«Супердин» сурак бурчу

Канткенде алтын утабыз?

Канат Аманкулов, Кыргыз Республикасынын Өкмөтүнө караштуу жаштар иштери, дене тарбия жана спорт мамлекеттик агенттигинин жетекчиси:
– Риодо алтын медалга жетүү мүмкүнчүлүгүбүз бар болчу, бирок ал оюбуз ишке ашпай калды. Ал эми маселелерди айта турган болсок, кылым мурда болгон маселелер бүгүнкү күндө да турат. Бул маселелерди чечүү үчүн спорт имараттарын куруп, тренерлердин деңгээлин көтөрүп, спортчуларыбызды моралдык жана медициналык жактан катуу даярдасак алтынга жетебиз деп ойлойм. Негизинен бизде алтын алууга күрөштүн бир нече түрлөрү мүмкүнчүлүк берет жана ал багытта таланттуу спортчуларыбыз бар.

Каныбек Осмоналиев, "Москва-1980" Олимпиадасынын алтын медаль ээси, оор атлетчи:
– Ар бир спортчу темирдей тартипти сактап, ички дүйнөсүн тарбиялап, акылын, күчүн жана оюн алдыга чогултуп бир максат кылып койгондо гана медалга жетсе болот. Спортчуларыбыз учурунда тамакты, витаминдерди кабыл алып, режимди бузбоосу керек. Ал педагог болуп, жогорку адамдык сапатка ээ болуусу шарт. Өкмөтүбүз каражатты жакшы эле бөлүп жатат, ошону үнөмдүү пайдаланып, берилген стипендияларды максаттуу колдонуу керек. Бул маселелер боюнча жалпыбыз чогулуп кеңешип, алдыдагы иштерди пландообуз зарыл.

Мелис Турганбаев, Эркин күрөш федерациясынын президенти:
– Буга чейин спортко кандай мамиле кылган болсок, ошол жыйынтык болду. Биздин шартта даярданган спортчулар жарым финалга чейин чыкканы жакшы эле көрүнүш. Спорт күндөн күнгө жаңыланып, өнүгүп отурат, спортчулар да, спорттук залдар да ошондой темпте өнүкпөсө артта калат. Спорттун бизде өнүккөн бир нече тармагына катуу көңүл буруп, ошол спорт түрүнөн жыйынтык көрсөтүп, анан калгандарын жандандыруу зарыл.

Орзубек Назаров, мушкер, Жогорку кеңештин экс-депутаты:
– Спорт тармагында бизде мыкты кадрларыбыз бар жана татыктуу муун өсүп келе жатат. Акча маселеси болсо дайыма болгон жана боло берет. Менин оюмча, маселе башкада. Кыргыз Республикасынын Бокс федерациясынын вице-президенти катары бир гана нерсеге токтолом. Спорттун бир эле түрү эмес, бардык түрлөрү боюнча да бизде өзүбүздүн атайын заманбап спорт комплекстерибиз, спорт сарайларыбыз жок. Биз бул маселенин айынан башка өлкөлөргө конок болуп катышып келебиз.

Бектур Токтоноев
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
05.09.2016. 14:16 
Тайпасы:
Жаран
Комментарийлердин саны:
276
Катталган:
29-10-2011
Соӊку аракети:
12-11-2018 11:31
Жынысы:
Белгисиз
+3
Алтынга жетууго мумкунчулук бар болчу дейт"канат брат кулкуну келтирбечи айтчы кана кимисинин мумкунчулугу бар эле? Коло медалга эле болчу шанс биздин потолог ошо болчу к сожелению риодо
05.09.2016. 14:45 
Тайпасы:
Жаран
Комментарийлердин саны:
2
Катталган:
13-04-2013
Соӊку аракети:
17-11-2018 22:07
Жынысы:
Белгисиз
+2
4 жылдан кийин деле ушул койгойлорду айтабыз. Буга чейин деле айтып келгенбиз.
05.09.2016. 15:38 
Тайпасы:
Жаран
Комментарийлердин саны:
101
Катталган:
14-04-2016
Соӊку аракети:
11-10-2018 22:31
Жынысы:
Белгисиз
Калаасы:
Түп айылы
+1
Мен Айсулуу Тыныбекова менен Арсен Эралиевден башка спортчуларга ичим чыккан жок.Мусаевдин бутунан жеңил жаракат алган Андрийцевден утулганын көргөндө жөн эле "күйүп кеттим"!
Базар Базаргуруев деген спортчу бар эле кайда? Ошол менимче алтынды багындырмак.Анан да орустардан да көбүрөөк сыйлык убада кылышканы таң калтырды!
05.09.2016. 19:32 
Тайпасы:
Жаран
Комментарийлердин саны:
376
Катталган:
06-02-2012
Соӊку аракети:
17-11-2018 08:36
Жынысы:
Белгисиз
+2
MIRBOLOT,албаарын билип кобуроок айтып койгонго колону да кайра тарттырганыбыздын сыры бардай...
05.09.2016. 19:04 
Тайпасы:
Жаран
Комментарийлердин саны:
123
Катталган:
29-11-2007
Соӊку аракети:
18-11-2018 03:20
Жынысы:
Белгисиз
Калаасы:
France
+2
Medal aluunun bir syry bul doping ichuu
kerek
06.09.2016. 20:45 
Тайпасы:
Жаран
Комментарийлердин саны:
4
Катталган:
03-07-2013
Соӊку аракети:
23-04-2018 21:59
Жынысы:
Белгисиз
0
Иззат Артыковду эмнеге эстешпейт колдонун жоктугунан коло медалды да допинг деп алып койду кийинки олимпиядага барбай эле койгула алтын алсанар да допинг Деп алып коет
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: