Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨЗ ЭРЕЖЕЛЕРИН БУЗГАН ЖҮК ТАШУУЧУ

№383 5-11-март, 2010-ж.


Тасма таржымалы

Мыкты трюктар, «крутой» машиналар жана катуу ылдамдык... Буларды камтыган «13-район», «Такси» тасмаларын, албетте, «Жүк ташуучу» («Перевозчик») да толуктайт. Мушташтар, куушуу, атышуу, айтор, чеберчилик менен тартылган 94 мүнөттүк тасмада көрөрманды зериктирген учур жокко эсе. Эмесе, тасманын алгачкы бөлүгү тууралуу кеп кылсак.

Режиссёру – Кори Юэн, Луи Летеррье
Сценарийин жазган – Люк Бессон, Роберт Марк Камен
Продюсери – Люк Бессон, Стив Чэсмэн, Дэвид Лаи
Оператор – Пьер Морель
Ролдордо – Жейсон Стетхэм, Ки Шу, Мэтт Шульц, Франсуа Берлен, Рик Янг, Дуг Рэнд, Дидье Сэн Мелин, Тонио Десканвель, Лоран Деспондс, Мэттье Альтбертини жана башкалар
Жанры – Боевик
Сарпталган каражат – 21 миллион доллар

МАЗМУНУ
Башкы ролдогу Фрэнк Мартин убагында аскердик ишти аркаласа, эми Франциянын ар кайсы булуң-бурчуна жүк жеткирип акча табат. Бирок ал жөнөкөй жүк ташуучу эмес. Анткени кандай кыйынчылык болбосун, тез, кынтыксыз жана эч кандай күбөсүз жеткирип бергендиги менен кардарларынын купулуна толуп келет. Албетте, Фрэнктин бул кызматы кооптуу, бирок тапканы аскердик пенсиясына аябагандай эле кошумча. Анын кирешеси заңгыраган үйдө жашоого, кымбат баалуу машина менен жүрүүгө жетет. Бардык профессионал жүк ташуучулардай эле Фрэнктин өзүнүн карманган эрежелери бар: эч качан келишимди бузбоо, ысымдарды атабоо жана жүктү текшербөө. Эрежелерин бузбаса, балким, эч кандай балээ башталбайт беле, айтор, Фрэнк Мартин бул сапар эмнегедир кыймылдап жаткан жүктү текшерип көргүсү келет.
Мына сага! Каптын ичиндеги жүк эмес эле кытай улутундагы Лаи аттуу кыз болуп чыга келет. Болгондо да супсулуу. Бирок «перевозчик» кызды тиешелүү дарекке жеткириши керек. Жүктү тапшырып, кайтарда тапшырма бергендер эрежени бузганы үчүн Фрэнкти өлтүрүүгө аракет жасашат. Жүк ташуучу кийинки эки эрежесин да бузууга аргасыз болуп, иштин аягына чыгууга бел байлайт. Лаинин атасы кытай мафиозиси экенин билип, анын кылмышын ачууну көздөйт. Эми кытай мафиясы жигитти көпкө чейин эсинен чыгара албайт го...

ЖЫЛДЫЗДУУ ФРЭНК
Башкы ролду ойногон Жейсон Стетхэм аталган тасмага чейин «Үнүн катуураак чыгарчы», «Итальянча тоноо», «Каршы туруу» тасмаларына тартылган. Бирок чыныгы атактуулукту ага «Жүк ташуучу» тасмасы алып келди. Актёрдун аталган тасмадан алган кирешеси миллион долларга жеткен. Кийинчерээк тартылган тасманын уландылары андан да көп киреше алып келген. Ал эми фильмге арналган интернет форумдарда тасмадан мурун үстүнөн аппак көйнөк менен костюм-шымды түшүрбөгөн баш каарман аябай көп талкууланат. Алардын биринде мындайча жазылган: «Фрэнк Мартинди көптөгөн мырзалар өздөрүнүн жакын досу, айымдар өмүрлүк жолдошу катары көргүсү келишет. Френк укмуш келишимдүү же аябай сексуалдуу деле эмес. Ал жөн гана жылдыздуу, адамгерчиликтүү, адамга ишенич тартуулаган сапаттары менен өзүнө тартат. Айымдардын «анын жанында эч нерседен кам санабайм» деп айта турган мырзасы – Фрэнктин образы десе болот».

“ЖҮК ТАШУУЧУ – 4” ТАРТЫЛАБЫ?
Тасма көрөрмандардын арасында чоң кызыгууну жараткандыктан, 2005-жылы режиссёр Луи Летеррье “Жүк ташуучу – 2”, ал эми Оливье Мегатон 2008-жылы “Жүк ташуучу – 3” тасмаларын тартышкан. Бул тасмалар биринчисинен да кызыктуу, ары опурталдуу. Ал эми тасманын күйөрмандарынын арасында аталган фильмдин уландысы, башкача айтканда, 4-бөлүгү тартылары тууралуу кеп кызуу талкууланууда. Кандай болгон күндө да, бул тасма көрөрмандарга сиңип, өз ордун таба алды десек болот.

КЫЗЫКТУУ

  • Айрым пикирлерге караганда “Жүк ташуучунун” образы “БМВнын айдоочусу менен прокатта” аттуу кыска метраждуу тасманын негизинде жаралган. Аталган тасмада да айдоочу Фрэнк сыяктуу костюм-шым кийип машина айдайт.
  • Тасманын кээ бир жерлеринде Фрэнк Хитмен аттуу белгилүү компьютердик оюндагы 47-агентке аябай эле окшошуп кетет.
  • Тасмадагы укмуштуудай мушташууларды Жейсон Стетхэм дублёрлордун жардамысыз өзү аткарган. Анткени Жейсондун бул жаатта аз да болсо таланты бар.
  • Башкы каарман кыздын ролун аткарган Ки Шу актрисалык жолун порнофильмдерге тартылуудан баштаган. Буга чейин Ки толгон-токой тасмада роль жаратканы менен, англис тилинде алгачкы жолу “Жүк ташуучу” тасмасына тартылган.
  • “Жүк ташуучу – 2де” Фрэнктин принциптерине дагы бири кошулат. Ал – “Эч качан аткара албай турган нерсеңе убада бербе!”
  • Ал эми “Жүк ташуучу – 3тө” Одесса шаарында тартылган тасманын бөлүктөрүнө Жейсон Стетхэм эмес, дублёру катышкан. Ошондуктан бул кадрларда каармандын бети даана көрсөтүлгөн эмес.

КАТАСЫЗ КАНТИП БОЛСУН?!

  • Фрэнктин машинасы жарылганда анын күчү аны бир нече метрге ыргытат. Ал эми ошол эле жарылып жаткан машинанын жанындагы отургучтар кыймылдап да койбойт.
  • Баш каарман чынында эле суудан кургак чыгып кете алат окшобойбу! Мушташуулардын биринде төгүлүп кеткен майдын айынан улам Фрэнктин денеси майланышып калат. Бир аздан соң ал сууга секирет. Актёр суудан дароо эле таптаза жана купкургак болуп чыга келет.
  • Бир жолку куушууда Мерседестердин бири машиналардын кагылышуусу боло электе эле жарылып кетет. Сыягы, “кайра тартып отурабызбы?” деп кол шилтеп коюшкан окшобойбу!
  • Фрэнктин машинасынын капталдагы күзгүсү өтө эле жандуу. Куушмайлардын биринде күзгү бир убакта жарым-жартылай, бир убакта толугу менен көрүнсө, бир убакта таптакыр жок болуп кеткен.
  • “Жүк ташуучу – 2деги” эң орчундуу ката – тасманын аягына чейин Фрэнктин машинасынын бир да жери чийилбегени.
  • Ал эми “Жүк ташуучу – 3тө” Стетхэм машинасын уурдап кеткен адамды кууп жетип, машинанын терезесин сындырып кирет. Бир саамдан кийин терезе ордуна келип калган. Ушул эле бөлүмдө Фрэнк көлгө түшүп кеткен машинаны оңой эле от алдырат.

Махабат Догдурбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: