Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Эльдияр Кененсаров, Кыргыз Республикасынын маданиятына эмгек сиңирген ишмер: «КВН ҮЧҮН УНААЛАРЫБЫЗ ЖАРЫМ ЖЫЛДАП КҮРӨӨДӨ ЖАТЧУ»

№723 09-сентябрь-15-сентябрь, 2016-ж


«Азия MIХ» командасы – кыргыз жерин КВН аркылуу бүткүл КМШ мамлекеттерине тааныткан сыймыгыбыз. «Голосящий КиВиН-2016» фестивалын биринчилерден болуп жеңген жападан жалгыз азиялыктардын командасы. Бул маекти 3 ай бою күттүк. Себеби Эльдияр мырзанын бош убактысы дээрлик болбойт. Бишкек-Алматы, Алматы-Москва-Сочи. Мына ушул учуп-конуп иштөө режими камчыга сап мырзабызды чарчатып жиберет. Маектешүү жагымдуу маанайда өттү, анткени бул күнү ага «Кыргыз Республикасынын маданиятына эмгек сиңирген ишмер» деген ардактуу наам берүү боюнча жарлык чыккан.

– Эльдияр мырза, сизди «Кыргыз Республикасынын маданиятына эмгек сиңирген ишмер» деген ардактуу наамга ээ болушуңуз менен куттуктайбыз!..
– Рахмат, мен дагы деле ишене элекмин. Мындай наамды өмүр бою иштеп, ак чач баскан карыган адамдарга ыйгарат го деп ойлочумун. Мен 32 гана жаштамын, ушул куракта бийик баага татыйм деп ойлогон эмесмин. Бул менин гана сыйлыгым эмес. Бул наам мага ишенген адамдардыкы, ата-энемдики, жубайымдыкы, жадакалса жашоомо өзгөртүү киргизген балдарымдыкы, менин командамдыкы. Аларсыз бул ийгиликтерге жетпейт болчумун. Бул команданын эмгеги, мен аркылуу бүтүндөй «Азия МIХ`ке» берели деп ойлошсо керек.

– Өлкөбүздүн сыймыгына айланган «Азия MIХ» командасынын тарыхына токтолуп өтсөңүз...
– Биз башында КВН команда эмес, «Большие люди» долбоорун алып чыккан чыгармачыл бирикме болчубуз. Бир күнү балдар КВН көрүп отуруп «келгиле, Сочидеги фестивалга катышып келебиз» деп сунуштап калышты. Ага катышып, өзүбүздү ийгиликтүү көрсөттүк. Андан ары уланып Биринчи Лиганы утуп алдык. Аталган фестивалда ийгиликтүү ойноп, чемпиондордун катарында болгонубуз үчүн Александр Масляков Жогорку Лигага кошту. Ошол кезде команда мынчалык жакшы түптөлө элек болчу. Бизди редакторлор «эмне эле дайыма гастарбайтерлер тууралуу тамашаларды айтып, өзбектерди, кыргыздарды ушундай кылып көрсөтө бересиңер?» деп дайыма уруша беришчү. Айтылган сындар бизди ойлонтуп, башка форматта алып чыгууга түрткү болду. Ошондуктан жаңы команда азиялыктардын стереотиптерин эмес, алардын мүнөзүн, образын ачып берүүгө багытталды. Күйөрмандар азыр Санжар, Абдулниязов, казак шаманы, Ситорага көнүп калышты. Мен биз бул планда туура багыт алганбыз деп ойлойм. Ошондуктан «Алтын КиВиНди» биринчилерден болуп утуп алган жападан жалгыз азиялык команда болдук.

– Алдыда боло турган КВНдин Жогорку Лигасында акыркы жолу оюн көрсөтөт экенсиздер...
– Ооба, биз ушундай чечимди кабыл алдык. Бул биздин акыркы оюнубуз. Соңку сезондо биздин команда ачылып, «булчуңдары» чыгып, көпчүлүк көрүүчүлөрдүн сүймөнчүлүгүнө ээ боло алды. Ушул сезондо өзүбүздү ийгиликтүү көрсөтүп, жеңүүчү аталганга мүмкүнчүлүк бар. Мындан ары болду КВНде ойнобойбуз.

– Өкүнүчтүү... Андан кийин эмне менен алек болосуздар? Сиздерди дагы экрандан көрө алабызбы?
(Күлүп) Биздин үй-бүлөбүз бар да, аларды караш керек. Ар бир оюн сайын акча издеген аябай кыйын. Муну Эрмек Нурбаевден «Тамашоуго» кантип акча издегенин сурап көргүлө. Мына ушул себептен алар Сочиге барып ойнобой калышкан. Биздин балдар кошумча сценарий жазып иштеп келишет. Орусиялык телеканалдардан, компаниялардан түшкөн сунуштар көп. Ошондуктан биз алектенчү иштер толтура. Өнүккөнгө өзүбүздүн багытыбыз, жолубуз бар. Азыркы тапта эч нерсе тууралуу ойлогубуз келбейт. КВНде жыйынтыктоочу оюн көрсөтүүгө 4 ай калды. Баарын жыйыштырып, ошол маселе менен гана алек болобуз. Кандай болгон күндө да биздин ишмердүүлүгүбүз телевидение менен байланыштуу. Чыгармачылыкта эле болобуз.

– КВНде оюн көрсөтүү үчүн карызга батканыңарды да билебиз...
– Мындай учурлар көп болгон. Балдар унааларын күрөөгө калтырып, карыз алып, концерттен түшкөндө төлөчүбүз. Унааларыбыз жарым жылдап күрөөканада жатчу.

– Өкмөттөн колдоо жок, татарстандык досторуңар колдоп жатканы капа кылган жокпу?
– Жон Кеннеди АКШнын президенти болуп турганда «мамлекет мага эмне кылды деп сураба, мамлекетке мен эмне кылдым деп сура» деген жакшы сөзүн айткан. Казакстандык досторубуздан «келгиле, биз силерди колдойлу, силер болсо Казакстандын атынан чыккыла» деген сунуштар түшкөн. Биз үчүн Орусиянын 1-каналына эптеп эле ар кайсы мамлекеттин атынан чыгып, жүзүбүздү таанытуу башкы максатыбыз эмес болчу. Башкы максат – Кыргыз Республикасынын атынан чыгып, кыргыз жеринде интеллигенттүү, өнүккөн, таланттуу жаштар бар экенин, ар түрдүү улуттар бири-бири менен ынтымакта жашаарын даңазалоо эле. Кудай жалгап татарстандык досубуз Ирек кол сунуп калды. Ал өз өлкөсүнүн командасын эмес, бизди колдоду. Кыргыз жеринен Бабур, Имамидин аттуу досторубуз колдоого алышты. Булар жарнама кылуу максатында колдошкон жок. Ошондуктан биз мамлекеттен эч нерсе сурабайбыз жана «мына, мамлекет бизге жардам көрсөтпөй жатат» деп ыйлабайбыз. Мамлекет өзүнүн маселесин чечип алсынчы. Өкмөт жакшысы пенсионерлерге, ардагерлерге жардам берсинчи. Биз жашпыз, колу-бутубуз бар, өзүбүз иштеп таап алабыз. Мен бул биздин милдетибиз деп билем, ошондуктан капачылык жок. Негизи позитивдүү маанай, сыймык алып келгенибиз элдин аң-сезимин өстүрөт, «биз «чурка» эмеспиз, биз мыктыбыз» дешет. Бул, буюрса, спортко да жетет. Жакында Олимпиада болду, анда бир гана чемпиондук дух жетишпей калды. Бардык спортчулар аренага ур-тепкиге алынгандай чыгышты. Чындыгында алардын техникасы, машыкканга жардам берип акча сарптаган достору бар. Алар «биздин колубуздан келет, Америка, Франция болсо эмне болуптур?! Эй, бери келчи!» деши керек. 10 жылдан кийин сөзсүз ушундайга жетебиз деген ишеничтемин.

– Александр Масляковдун сизге болгон өзгөчө мамилеси байкалат. Башкаларды команданын атынан атап чакырса, сизге Эльдияр деп кайрылат. Бул бизге аябай жагымдуу болот...
– Мен сыймыктансам болот, себеби Жогорку Лигада ойногон бардык КВНчи эле Александр Васильевич менен бир столдо отуруп тамактанган эмес. Бардык эле КВНчилер анын үй-бүлөсү менен мендей тааныш эмес. Аны кыргыз жеринде да коноктоо бактысы буюрган. Биз меймандос, ак ниеттүү, «понт» кармабаган элбиз. Мына ушул сапаттар да жакшы таасир берди окшойт. Александр Васильевич бизге көп мүмкүнчүлүк берген, мамилебиз жакшы. Анан менин оюмча, атым жакшы угулат болуш керек. Көнүп калган Вася, Ваня дегендерге караганда, Эльдияр деген өзгөчө болуп жатпайбы (күлүп).

– Команданын ийгилик сыры барбы?
– Бардык жеңиштер дисциплина аркылуу келди. Кыргызда «эртең, бүрсүгүнү, «брат», кечигип калдым» деген жаман сапат бар. Мына ушул жаман сапаттардын баарын алып салдык да, немис технологиясын кыргыз командасына киргиздик. Бирок кыргызда жакшы нерсе бар, эч ким ишенбей калса да акырына чейин бирөө үчүн бешөө барат. Мына ушуларды калтырып койдук. Ошондуктан биздин команда акырына чейин күрөшүп келет. Мен оюнчуларга кечикпегенди, бир жерде отуруп иштегенди, жазганды үйрөттүм.

– Команданын курамы да жаңыланды...
– Курам башында башка болчу. Алар азыр ар ким өзүнүн теледолбоорлору менен иштеп жүрүшөт. Өзгөрбөй өнүгө албайбыз, бул туура тандоо болду. Юрмаладагы фестивалга катышууга бир жума калганда бизге чакыруу келди. Досубуздун жардамы менен бир жумада бүтчү визаны бир күндө жасаттык. Ошол кездеги команданын жарымы, азыр өз алдынча иштеп жаткандар өзүлөрүнүн себептери менен барбай калышты. Мен, Эрмек, Руслан, Бахтияр, Азамат эле калдык. Бул 5 адам «Азия МIХ» боло алабы? «Ким ырдайт, ким кызыктуу?» деп издеп, командага чакырып тааныштарга чалып чыктым. Сергейге (Абдулниязов) чалдым, ал ошол маалда радиодо ди-джей болуп иштечү. Анын мурда КВНде ойноорун, жакшы ырдаарын эстеп кеттим. «Сергей эмне кылып жатасың?» десем «жумуштан бошоп, сериал көрүп отурам» дейт. «Анда жакшы болуптур, жүрү биз менен Юрмалага кеттик» дедим. Мына, ал капысынан эле командага кошулуп калды. Аябай ишти жакшы көргөн адам экен, командага бат эле аралашып кетти. Жаңы командада сулуу кыз, шаман, кыргыз студенти, тажик ырчысы, ысык-көлдүк жигит Санжар бар. Алар абдан кызыктуу персонаждар.


Эльдияр Кененсаров менен болгон маек Кыргызстан менен Казакстандын жолдоштук беттеши орун алган күнгө туш келди. Команданын капитаны футболду жакшы көргөндүктөн «Азия МIХ`ти» футболдук командага салыштырып сүрөттөп берди.

– Теоретикалык мааниде «Азия МIХ`ти» футболдук командага салыштырса болот. Баарыбыз бир бүтүнбүз. Бир кишини эле алып салсаң команда болбой калат. Ошондуктан ар бир оюнчуга кылдат мамиле кылабыз.

РОСТИСЛАВ ЯЩЕНКО (москвалык милиция кызматкери) – жарым коргоочу

Жакында бойдокчулук менен коштошкон Ростислав «Большие люди», «KG club» долбоорлорунун сары баласы катары жылдызы жанган.
– Ростислав кенен тааныштырууга муктаж эмес го дейм. Себеби аны баары таанышат. Ал көптөгөн идеяларды берип турат. Командада көбүнчө москвалык милиция кызматкеринин ролун аткарат.

СЕРГЕЙ ДУШИМОВ (Абдулниязов) – чабуулчу

Абдулниязовдун образы тажик эстрадасынан мурутчан ырчы Мехрубони Равшандан алынган.
«Радиодо 6 жарым жыл иштеп бошоп кеткенден кийин «Азия MIX`ке» кошулдум. Команданын форматы өзгөрүп, тамашасы да кызыктуу болуп калды. Мага Абдулниязовдун ролун сунуштаганда дароо эле макул болдум. Азиялыктардын катарына тажик ырчысы кошулганы жакшы болот дегем»,- дейт Сергей.

АЗАМАТ ТОКТОСУНОВ (ботаник студент Азамат) – каптал жакта ойногон футболчу

– Азамат биз уюштурган «Ала-Тоо» Лигасында ойночу. Ал катышкан команда Азаматтын жардамы менен утуп келген. Азамат үнүн аялдыкындай кылып, «балдар, ким бүгүн үй тапшырмасын аткарып келди?» деген Айнаш апанын ролун ойночу. Көрүнүктүү оюнчу болгондуктан пайдалуу болот деп ага ботаник кыргыз студентинин образын ойлоп таптык. Ал оюн талаасында баланс кармап, күтүлбөгөн жерде пайда болот.

ЭРМЕК КЕНЕНСАРОВ (ысык-көлдүк Санжар) – чабуулчу

– Баарыңыздарга маалым болгондой эле Эрмек менин бир тууган иним. Ал командада эң күлкүлүү персонаж болуп саналган ысык-көлдүк Санжар аттуу баланын ролун жаратат.

РУСЛАН МАКСИМОВ – КОРГООЧУ

– Русланды футбол талаасында коргоочу катары сыпаттамакмын. Себеби ал баары уктап жатканда, таңкы саат 6да менин жанымда отуруп алып уктабастан сценарий жазышат. Көбүнүн сахнага чыккысы келет го, Руслан андайлардан эмес. Ал сахнада аз көрүнөт, көбүнчө командага тийиштүү кара жумуштарды аткарат.

ДАНИЯР МАКАШЕВ – жарым коргоочу


Данияр Сүйүн Откеевдин «Сен эмне кылмаксың?» деген тасмасында Бекзат деген жигиттин ролун ойногон. «Тамашоудо» казакстандык «Эксклюзив» командасынын оюнчусу да болгон.
– Данияр Макашев командага жакында гана кошулду. Ал команда үчүн башкалардан да көп иш жасады. Акчаны дайыма андан алчубуз. «Ала-Тоо» Лигасында чемпион болгон казакстандык команданын капитаны болчу.

СИТОРА ФАРМОНОВА (өзбек кызы Ситора) – күйөрмандардын тобун жетектейт

– Биз башында жалаң эркектердин гана командасы болобуз деп ойлогонбуз. Кыздын кошулушун таптакыр каалаган эмеспиз. Жубайым «командага сулуу кыз алгылачы, керек болот» деп сунуштады, «сенден башка кайсы сулуу кыз? Сенин кичинекей балаң бар» десем, «Ситораны алгыла» дейт. Биринчи турда оюн көрсөткөндө жалгыз аны гана байкап калышыптыр. Негизи жаңы курам менен аябай начар оюн көрсөткөнбүз, көпчүлүк тамашалар өтпөй калган. Бирок редакторлор «кызыңар аябай татынакай экен, азамат, супер» дешти. Ситорага көп тамаша жазып койсок «тамашалабай жөн эле тура берсин, азиялык кыздар жөнөкөй келишет» деп кесип салышат. Мейли, ал аз сүйлөсө да өзүнүн турган турпаты менен элге жагымдуу атмосфера жаратат.

БАКТИЯР КАСЫМАЛИЕВ (казак шаманы) – каптал жакта ойногон футболчу

Шамандын образын жараткан Бактияр командада 2011-жылдан бери ойнойт. Ал кезинде «Тамашоунун» «Ни дай Бох» командасынын оюнчусу болчу.
«Шамандын образын баарыбыз талкууладык. Мен ошол кезде эле ирокез чач жасалгасы менен жүргөндүктөн бул ролду ойноп калдым. «Ни дай Бох» командасы менен чемпион болгонбуз, андан да көтөрүлүп, башка этапка өткүм келди. «Азия MIХ» командасы аркылуу кыргыз жеринде гана эмес, Борбор Азияга чейин популярдуу болдук. Жер кезип саякаттадым, жаңы тааныштарды күттүм»,- дейт Бактияр.

МАРАТ ЖУМАНАЛИЕВ (спортчу Маратик) – дарбазачы

– Маратка чалып, «командада ойногонго каалооң барбы?» десем, «мен эмне маскарапоз белем?» деп жатпайбы (күлүп). «Эми сахнага бир эле жолу чыгып коёсуң» деп эптеп көндүрдүм. Кийин «экинчи оюнга барасыңбы?» десем, «албетте, менсиз барганы жаттыңар беле?» дейт. Үчүнчү оюнда «Мара, эми ырдаш керек» десек, «мени башында сахнада туруп бергенге эле чакырбадыңар беле? Макул, тамаша айтайын, эми силерге ырдашым керекпи?» деген. Төртүнчү оюнда болсо «кана мага тамаша, эмне мага жазган жоксуңар?» деп калыптыр. Эми Марат жашоосун КВНсиз элестете албай калды.

АКИМ КАРАСАЕВ – каптал жакта ойногон футболчу

Аким Карасаев командага Эльдияр мырзанын чакыруусу менен кошулган. Анын персонажы – «Азия MIХ» командасынын күйөрмандар тобун жетектеген позитивдүү, ак көңүл жигит. Бул жигитти Орусиянын «Comedy Баттл» долбоорунун финалына чейин жеткен топучан Акимжан катары да тааныйбыз
.
«Командага жан тартып материалдык, моралдык жардам көрсөткүсү келип тамашаларды ойлоп табууга аракет кыла берген жигиттин ролун аткарам. Анын тамашалары жарабай калат, бирок мунун баарын ал чын жүрөктөн жасайт. Командага кошулуп башка адамдарды угууга, жардам берүүгө үйрөндүм. Эң башкысы жуунучу бөлмөнү башка бирөө ээлеп калбаш үчүн эрте турууга көндүм (күлүп)»,- дейт Аким.

КАМИЛА АБДИЛ – коргоочу


«Ийгиликтүү эркектин артында күчтүү аял турат» деген сөз Эльдияр мырзанын өмүрлүк жары Камила айымга туура келет. Камила – команданын менеджери, аны алдыга сүрөгөн «мотору» десек да жарашат. 7 жыл мурун баш кошушкан түгөйлөр бактылуу үй-бүлөнүн үлгүсү болуп уул-кызды тарбиялап келишет. Камила жолдошунун сүйүктүү жары гана болбостон, ишеничтүү жакын досу жана өнөктөшү. Ал сценарий жазууга жардам берип, команданын оюнчуларын жана жолдошун ар тараптан колдоп келет.

Эльдияр Кененсаров Александр Масляков, жубайы жана балдары менен.


«Башында 1500 тамаша жазабыз, алардан иргелип 500 калат. Электен өткөн 500 тамашаны кайрадан окуп көрүп 100 тамаша калтырабыз. Аны да «кысканда» саламдашуу номерине 20 тамаша калат».


"Азия МIX" командасынын башкы курамында ойногон Ренат Тентимишов 3 жыл мурун жүрөк оорусунан каза тапкан.

Динара Абдыкадырова
Адилет Бектуров
star@super.kg



Эльдияр Кененсаров жана "Азия MIX" командасынын ийгилик жолу

Автор: Айзат Болотбек кызы, Максат Орозумбетов
Оператор: Сергек Шатманов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  15 
Комментарийлер(14)
Super TV
09.09.2016. 20:49 
Тайпасы:
Жаран
Комментарийлердин саны:
45
Катталган:
07-09-2013
Соӊку аракети:
17-11-2018 14:58
Жынысы:
Белгисиз
Калаасы:
бейиш
+5
Уй булоосун корсотуп койсонор да жакшы эле
Медиа-портал
10.09.2016. 13:54 
Тайпасы:
Тартип бузгандар
Комментарийлердин саны:
Катталган:
17-06-2015
Соӊку аракети:
10-07-2017 11:40
Жынысы:
Белгисиз
Калаасы:
moscow
+5
Ийгиликтер! Алга Кыргыз!
12.09.2016. 09:13 
Тайпасы:
Жаран
Комментарийлердин саны:
102
Катталган:
16-07-2014
Соӊку аракети:
09-09-2018 18:16
Жынысы:
Белгисиз
+6
Азаматтар биз силер менен сыймыктанабыз
Медиа-портал
12.09.2016. 10:45 
Тайпасы:
Жаран
Комментарийлердин саны:
28
Катталган:
26-08-2015
Соӊку аракети:
21-11-2018 19:34
Жынысы:
Белгисиз
+5
Мурун сыртынан билчү элем... Энергиясы ашып-ташкан мыкты адам экен, сонун маек болуптур.
12.09.2016. 11:17 
Тайпасы:
Жаран
Комментарийлердин саны:
315
Катталган:
22-04-2015
Соӊку аракети:
03-01-2018 19:32
Жынысы:
Белгисиз
+7
Жакшы интервью
.куудулмун деп эле аны муну суцлой бербептир
12.09.2016. 16:00 
Тайпасы:
Жаран
Комментарийлердин саны:
22
Катталган:
25-12-2010
Соӊку аракети:
07-01-2017 17:33
Жынысы:
Белгисиз
-2
Izdeim_seni., кайсы аны-муну суйлой бериптир. Орду менен маанилуу создорду айткан.
12.09.2016. 20:45 
Тайпасы:
Жаран
Комментарийлердин саны:
106
Катталган:
22-07-2014
Соӊку аракети:
03-11-2018 11:54
Жынысы:
Белгисиз
Калаасы:
Ош
+5
AnGelina,сиз тушунбой калдыныз окшойт, суйлой бербептир деп жазыптыр
12.09.2016. 19:21 
Тайпасы:
Жаран
Комментарийлердин саны:
11
Катталган:
25-07-2016
Соӊку аракети:
29-03-2018 03:01
Жынысы:
Белгисиз
+4
мыкты интервью
12.09.2016. 20:50 
Тайпасы:
Жаран
Комментарийлердин саны:
Катталган:
13-05-2014
Соӊку аракети:
18-11-2018 16:07
Жынысы:
Белгисиз
Калаасы:
МО
+4
Мындан ары да коп ийгиликтерди жарата бериниздер сиздер менен сыймыктанабыз!
12.09.2016. 21:05 
Тайпасы:
Жаран
Комментарийлердин саны:
1
Катталган:
04-08-2016
Соӊку аракети:
03-08-2017 22:14
Жынысы:
Белгисиз
+5
Чынында эле мыкты бала экен, Азаматсын биз сени менен сы
ймыктанабыз.
12.09.2016. 21:33 
Тайпасы:
Жаран
Комментарийлердин саны:
17
Катталган:
21-08-2015
Соӊку аракети:
24-11-2016 21:23
Жынысы:
Белгисиз
+4
Кандай гана дем дух берет кучтуу адам ошондой эле жонокой дагы сыймыктана турган улгу ала турган соонун инсан...ар дайым ийгиликтер коштоп журсун сиздерди
13.09.2016. 18:13 
Тайпасы:
Жаран
Комментарийлердин саны:
110
Катталган:
01-08-2011
Соӊку аракети:
21-11-2018 07:27
Жынысы:
Белгисиз
Калаасы:
Bishkek
+7
Азамат! Эльдияр. мына ажобуз айткандай мекендештерим жаман жашоонорго кечке эле мамлекет окмот ажону куноолой бербей айткан создорунон сабак алсанар болчудай биз деген жашпыз. Аракетке берекет.
tokitok түзөттү 2016-09-13 18:15:37
13.09.2016. 23:24 
Тайпасы:
Жаран
Комментарийлердин саны:
9
Катталган:
02-06-2014
Соӊку аракети:
16-11-2018 03:02
Жынысы:
Белгисиз
+2
Azamattar, ozu aitkanday mimika ele menen emes, dagy bilim, mee menen tamashalashat. Iygilik!
15.09.2016. 12:05 
Тайпасы:
Жаран
Комментарийлердин саны:
12
Катталган:
19-04-2016
Соӊку аракети:
20-11-2018 00:40
Жынысы:
Белгисиз
+2
Эльдияр Азаматсынар, мен Казахстанда жашасам да силерди коргондо журогум жарылып-болеть этем, и горжусь вами! Молодцы, очень жаль что этот сезон крайний у вас, но ничего надеюсь вы всегда будете делать Кыргызский крутые проекты чтобы дальше мы гордились вами и вашими трудами.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: