Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САЯСАТ ЖАНА КООМ ЖАҢЫЛЫКТАРЫ

№383 5-11-март, 2010-ж.


ҮСӨНОВ МАСКӨГӨ БАРДЫ, БИРОК АНЫ МИНИСТР
ШМАТКО ГАНА КАБЫЛ АЛДЫ

“Орусия менен соода-экономикалык байланышты өнүктүрүүгө Кыргызстан өзгөчө маани берет”,- деп билдирди өкмөт башчы Данияр Үсөнов.

Данияр мырза соода-экономикалык, илимий-техникалык жана гуманитардык кызматташтык боюнча Москвада кыргыз-орус өкмөттөр аралык комиссиясына кыргыз тараптан төрагалык кылды. Ал эми орус тараптан аталган жыйынга Орусиянын Энергетика министри Сергей Шматко катышты. Өз кезегинде сөз сүйлөгөн Орусиянын Энергетика министри Сергей Шматко­ Орусия Кыргызстандын энергетика тармагына кызыкдар экенин белгиледи. Кезектеги Өкмөттөр аралык комиссиянын жыйыны 6 айдан кийин Кыргызстанда өтөт.


ЭМИ ТЫНЧ, КУРАЛСЫЗ МИТИНГ ӨТКӨРӨ АЛАБЫЗ

2-мартта Конституциялык Сот укук коргоочу Төлөйкан ИсмаилованынТынч, куралсыз чогулуу, митинг, демонстрацияларды өткөрүү жөнүндөгүмыйзамдын 1-беренесиндеги жыйындарды өткөрүү жөнүндө даттануусун карады.

"Бишкек мэриясынын токтому Баш мыйзамга каршы келет" деп берилген арызын Консот канааттандырды. Ошондой эле мэриянын 2009-жылдын 24-июлундагы №401-токтому менен “Толс­той­, Термечиков жана Репин көчөлөрү менен чектешкен сейил багы жарандар тарабынан иш-чаралар өткөрүлүүчү жер” деген токтомун жокко чыгарды. Эми тынч жыйындарды уюштуруучу тарап бийлик органдарына алдын ала билдирип, тыюу салынган жерлерден башка аймакта өткөрсө болот.


“ЭрК” ПАРТИЯСЫНЫН АЙМАКТЫК ЖЕТЕКЧИСИ
ЖУМУШТАН АЛЫНДЫ

Партиянын саясий кеңеши Ош облустук кеңештин төрагасы Ю.Истановду партиянын Уставын одоно бузгандыгы үчүн кызматтан алды.

“ЭрК” партиясынын төрагасы Шаирбек Жусуевдин айтуусунда Истанов партиянын саясий кеңеши менен кеңешпей туруп “ЭрК” партиясынын атынан бир нече жолу расмий билдирүүлөрдү жасап келген. Ошондуктан саясий кеңеш облустук кеңештин төрагасын партиянын макулдугусуз чечим кабыл алгандыгы үчүн саясий кеңештин чечими менен кызматтан алды.
"Биздин партиянын саясий багыты башынан эле конструктивдүү оппозиция экенин ачык айтып келген. Бирок айрым маалымат каражаттары такталбаган маалыматтын негизинде партиянын саясий багытын бурмалоого аракет жасашты. Ю.Истановду кызматтан кетирүүнүн негизги себеби анын саясий көз карашы эмес, партиянын ички тартибин бузгандыгы болуп эсептелет",- дейт төрага.


ЭКС-МИНИСТРДИН СОТУ 9-МАРТКА ЖЫЛДЫРЫЛДЫ

Биринчи май райондук сотуна сурак берип жаткан экс-министр А.Жекшенкуловдун соту 9-мартка жылдырылды.

26-февраль күнү каралган сот иши 1-мартка белгиленген. “Жекшенкуловдун тапанчасы менен түрк ишкерин аткан” деген айып менен сурак берип жаткан И.Абдыкадыровдун адвокаты келбей калгандыгына байланыштуу 1-марттан 3-мартка жылдырылган. Эми болсо 9-мартка жылдырылды (муну эң узак болгон сот процесси деп “Гиннес китебине” киргизсек болчудай). Адвокаттардын, айрым саясат таануучулардын пикирине таянсак, 9-март күнү сот өкүмүн чыгарышы мүмкүн.


СОТ ШОРУЕВДИ ӨМҮР БОЮ ЭРКИНЕН АЖЫРАТТЫ

3-мартта Сузак райондук сотунда Хамза Шоруевдин 8 жаштагы 3-класста окуган кызды зордуктоо фактысы боюнча сот иши каралды.

Судья Тажибаев төрагалык кылган сот иши жабык түрдө өткөрүлдү. Бирок жабырлануучулар соттун ачык өтүшүн талап кылды эле, ал өтүнүч канааттандырылган жок. Жыйынтыгында сот Шоруевдин өмүр бою абакка кесилгенин жарыя кылды. Кошумчалай кетсек, Шоруев мындан мурда да Сузак райондук соту тарабынан 6 жылга эркинен ажыратылган. Облустук сот аны 2 жылга кыскартып, ал болгону 1 жыл 1 ай гана түрмөдө отуруп чыккан.


ИСАКОВДУН АДВОКАТЫ ЭМИ КОНСОТКО КАЙРЫЛАТ

19-февралдагы Аскер сотунун протоколу менен таанышып бүткөн адвокат Азимбек Бекназаров эми Конституциялык Сотко кайрылуу аракетинде.

Бишкекте булар болуп жатса, Исаковдун мекени Алай районунун 5 айылында Исмаил Исаковду коргоо боюнча штаб түзүлүп иштеп жатканы маалым болду. Алайдагы Исаковдун талапкерлери 6-8-март күндөрү чоң митинг, нааразылык акцияларын өткөрүүнүн камын көрүшүүдө. Такталбаган маалыматка караганда, акция алкагында жол тосулуп, Ош жана Бишкек шаарларына жөө жүрүштөр уюштурулушу мүмкүн.


БАКИР УУЛУНУН 100 КҮНҮ

Кыргызстандын Малайзиядагы толук жана ыйгарым укуктуу элчиси Турсунбай Бакир уулу­ кызматынын алгачкы 100 күндүк жыйынтыгы боюнча маалымат берди.

Анын айтымында, Малайзиянын расмий бийлиги мурдагы президент жана өкмөттүн туруксуз мамилелеринен улам кыргыз бийлигине ишенбей калган. Алсак, 1996-1997-жылдары кыргыз өкмөтү Таш-Көмүрдөгү “Кристалл” заводун кайра иштетүүнү убадалап Малайзия өкмөтүнөн 1 миллион доллар каражат алып, бирок заводду иштеткен эмес. “Сафуан Групп” компаниясы да “Пишпек” мейманканасын оңдоп кайра иштетүүгө, биргелешип авиакомпания ачууга 1,5 миллион доллар жумшаган. Бул ишканаларды да экс-президенттин күйөө баласы тартып алган. Мындай окуялар айта берсең толтура. Ошондуктан элчи жана элчилик учурда Малайзиянын ишенимине кайра кирип жатат.
"Алгачкы иш катары “Халал” индустрияны алып келүү аракетиндебиз. Кыргызстанда 5 жылдын ичинде 20 чакан ГЭСти курууга 300 миллион доллар инвес­тиция тартуу боюнча келишимге кол коюлду. Буюрса, эки тараптан тең жогорку деңгээлде расмий иш сапарлар уюштурулат",- дейт элчи мырза.


МАРТ АЙЫНА КАРАТА ГАЗДЫН ЖАҢЫ БААСЫ ТАКТАЛДЫ

Энергетика министрлиги март айында калкка болгон газ тарифтерин бекитти.

Ага ылайык, үйүндө газ эсептегичи бар абоненттер үчүн өлкөнүн түштүгүндө бир метр куб газдын баасы 13 сом 80 тыйын деп белгиленсе, түндүктө 13 сом 70 тыйын болот. Ал эми газ эсептегичи жок, ысык суусу бар үйлөрдө бир адамга айына түндүктө 136 сом 96 тыйын, түштүктө 130 сом 79 ты­йын төлөшөт.


АЗАЙГАН СУУ, БЕРИЛГЕН УБАДА...

1-мартка карата “Токтогул” суу сактагычындагы суунун көлөмү 10 миллиард 103 миллион метр кубду ­түздү. Суунун көлөмү күн өткөн сайын төмөндөөдө.

Бул туурасында “Электр станциялар” ишканасынын басма сөз кызматы билдирди. Маалыматка караганда, бүгүнкү күндө суунун агып кириши секундасына 200 метр куб, ал эми агып чыгуусу 394 метр кубду түзөт. Белгилүү болгондой, 4-мартта президент өкмөткө 8-марттан тарта республика боюнча электр энергиясына чектөөлөр алынып салуу талабын койгон.
Кыргызстанды жарык менен камсыздоого 1-апрелден 31-декабрга чейин 12 миллиард­ кВт саат электр энергиясы өндүрүлүп чыгуусу керек. 1 миллиард кВт саат да экспортко пландалган. Ал үчүн “Токтогул” суу сактагычында суунун көлөмү 13 миллиард 900 миллион метр куб деңгээлинде калуу­су зарыл. 8-марттан кийин эмне болот, күтө туралы...


Эл аралык кабарлар

ТАЖИКСТАНДА ПАРЛАМЕНТТИК ШАЙЛОО БОЛУП ӨТТҮ

Шайлоо жыйынтыгында президент Эмомали Рахмондун Элдик демократиялык партиясы добуштардын 71,7 пайызын алды.

Президенттин партиясынан тышкары парламентте оппозициядагы Ислам кайра жаралуу партиясы 7,74 пайыз жана өкмөтчүл Коммунисттик партия 7,22 пайыз добуш менен орун алды. Шайлоонун толук жыйынтыгы 10 күн ичинде чыгарылат. ЕККУнун жана Европарламенттин байкоочулары “шайлоо мыйзам бузуулар менен өттү” дешсе, КМШ менен ШКУнун байкоочулары “таза өттү” деп чыгышты.


АКШ ЯДРОЛУК КУРАЛЫН КЫСКАРТАТ

“Президент Барак Обама Американын ядролук куралдарын кыскартууну көздөөдө”,- деп билдирет BBC маалымат агенттиги.

Жаңы стратегияны ишке ашырууда басым негизинен согуштук куралдарга жасалмакчы. Бул туурасында Обама келерки аптада АКШ­нын Коргоо министри Роберт Гейтс менен жолугушмакчы. Айрым булактар Обаманын администрациясы ядролук куралдардын санын 1000ге чейин кыскартууну пландаганын айтышууда. Белгилей кетсек, Вашингтон менен Москва стратегиялык чабуулдук куралдануунун чектөө жөнүндө келишимди жаңылоону талкуулоодо.


УКРАИНАДА ӨКМӨТ ТАРКАТЫЛДЫ

Украина парламенти ишеним көрсөтпөгөндүктөн, Тимошенко өкмөтү таркатылды.

Бирок жаңы өкмөт түзүлгөнгө чейин Тимошенконун өкмөтү убактылуу иштөөсү зарыл болчу. Бирок Тимошенко министрлерин таштап өзү жалгыз кызматтан кетип калган. Анын ордуна убактылуу өкмөт башчынын милдетин аткаруучу болуп мурдагы вице-премьер министр Александр Турчинов ­бекитилди. Эми президент Радада өзүнүн коалициясын түзө алат. 30 күн ичинде өкмөт түзүлбөсө, парламент таркатылып, жаңы парламенттик шайлоо өткөрүлөт.


БЕРЛУСКОНИ МЕНЕН СОРОС АКЧАСЫН КАЙДА ЖУМШООДО?

Учурда көптөгөн адамдар кара жанын багуунун камын көрүп жатса, Берлускони, Сорос сыяктуу байлар акчаны кайда жумшоонун жолдорун издөөдө.

Алсак, Италиянын премьер-министри Берлускони Франциянын императору Наполеон Бонапарттын колодон жасалган керебетин сатып алгандыгы маалым болду. Анын баасы канча экендиги айтылган жок. Ал эми америкалык миллиардер Жорж Сорос акчасын алтынга жана интернетке короткондугу маалым болду. Ал 2009-жылы “Яху” интернет-гигантындагы акциясын 4 эсеге көбөйткөндүгү жана чоң суммада алтын сатып алгандыгы айтылууда.

Айбек Кочкоров
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
26.03.2010. 17:45 
Тайпасы:
Кыймылы жок
Комментарийлердин саны:
50
Катталган:
11-09-2009
Соӊку аракети:
26-12-2012 22:59
Жынысы:
Белгисиз
Калаасы:
Бишкек
0
Данияр Үсөнов- Электричество озубуздон чыгат бирок аябай эби жок бааны которуп койду. Мага кызык ушул адамдын мээси деги качан иштейт болду экен, мурдун кортошкодой кылып алып биздин кыргызстандын убалына калатко..........
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: