реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Кундуз Канатбек кызы: «ВРАЧТАР МЕНИ МАЙЫП БОЛУП КАЛАТ ДЕШКЕН»

№383 5-11-март, 2010-ж.


Дилмаек

Сахнаны терең түшүнгөн адамдардын “сахнага биринчи бой, келбет керек” дегендерин угуп калабыз. Бүгүн бизде ырчы Кундуз Канатбек кызы. Ал күйөрмандарын назик үнү менен арбап, ырлары менен жагымдуу маанай тартуулап келет.

– Кундуз, эки-үч жолу телефон чалганымда “ооруп жатам” дедиң эле, жакшы болуп калдыңбы?
– Кайдан? Мен дайыма аллергиядан жабыркап келем. Тамагым кычышып, көзүм кызарып, мурдум бүтүп жатат. Аллергия бир дарылансаң эле кетип калчу оору эмес экен. Өмүр бою дарыланып жүрүп өтөмбү деп кээде коркуп кетем. Бирок ооруп жатканыма карабай бир топ ыр жаздырып койдум. Буюрса, аларга жакында күбө боло аласыздар.
– Үнүң абдан назик. Негизи, ырчылар бийик үндүү болуш үчүн көп аракеттерди кылышат эмеспи...
– Быйыл Улуттук консерваторияга тапшырып, фортепьянодон, анан вокалдан сабак алайын деп жатам.
– Билишимче, 5-курсту аяктап жатcаң керек?
– Ооба, КУУнун экономика факультетинин финансы жана кредит бөлүмүнүн 5-курсун аяктап жатам. Чындыгында, чыгармачылыгыма байланыштуу сабактарды көп эле калтырдым. Зачёт, экзаменге келгенде келбей калган күндөрүмдүн айынан мугалимдердин артынан жумалап, айлап чуркаган күндөрүмдү эч унутпайм го. Учурда болсо борбордогу банктардын биринде практикада жүрөм. Мага окугандан да иштеген абдан жакты. Биринчи күнү банкка барганда уялып, кысынып, жадакалса эркин баса албай жаман болдум. Жамаат менен таанышканда, жакшы кабыл алышты. Алар деле шоу-бизнеске аябай кызыгышат экен. Качандыр бир кезде ушул кесибим менен сөзсүз иштейм деп коюп жүрөм.
– Жигитиң барбы?
– Мени сүйгөн, сыйлаган бир адам бар. “Жүр, ата-энем менен тааныш” деп айта берет. Бирок мен уялам. Жеке концертимди берип, анан турмушка чыксам деген тилегим бар. Анткени көшөгөгө киргенден кийин үйдө отуруп калам да, туурабы? Балким, бир жыл, балким, он жыл дегендей. Кайын журттун менин ырчылыгыма болгон көз карашы кандай болот деген да бүдөмүк ойлорго такалам. Ушунча убакыт ырчы болуп жүрүп анан жеке концертимди бере албай калсам эл эмне дейт? Ушул нерсе жүрөгүмдү өйүп, тынчтык бербей келет. Анын үстүнө үйдүн кенжесимин да. Бир байкем, эки эжем үй-бүлө күтүп кетишкен. Апам экөөбүз аябай жакынбыз. “Сен кетсең эмне болом? Артыңдан барып сени менен эле чогуу жашап алам го” деп айта берет. Апамдын мындай сөзүн укканымда ыйлагым келип кетет.
– Эмнегедир атаң жөнүндө көп айтпайсың...
– Атам мен төрөлө электе ооруп каза болуп калган. Апам күйүтүнөн улам эртеден-кечке ыйлай бериптир. Дарыгерлер “капаланып эле жүрөсүң, ичиңдеги балаң майып болуп калышы мүмкүн, алдырып сал” деп айтышкан экен. Дарыгерлердин сөзүнөн корккон апам мени алдырганы күнүгө ооруканага барат да, кезеги келгенде жүрөгү чыдабай кайра үйгө кетип калат. Ошентип жүрүп апам мени бул жарык дүйнөгө алып келет. Атам балдарын аябай эрке өстүрүптүр. Байкем да, эки эжем да укмуш тентек экен. А мен болсо апамдын күйүтүн түшүнүп, аяп жаткансып такыр ыйлап чыргоолончу эмес экем. Апам “мүнөзүң дал атаңдыкы, анан оозуң менен мурдуң куюп койгондой окшош” дей берет.
Атам менден улуу эжем төрөлгөндө атын Кундуз деп коёт. Бирок чоң энем менен чоң атам эжемди Назгүл деп чакырып алышат. Улууларды сыйлоо каныбызда бар эмеспи, ошондон улам атам чоң атамдын койгон атына макул болот. Ошентип, атам жактырган Кундуз деген ысым мага арткан. Атам аябай сулуу, мода менен кийинген, көп сүйлөбөгөн, жоош, билимге умтулган адам болуптур. Кыздар сулуулугуна кызыгышса, туугандар кийимине кызыга беришчү экен. 7-классымда бир жолу туулган айылым Бөкөнба­евге барсам, бир чоң эле эже “сен Канаттын кызысыңбы? Көп жериң окшош экен. Атаң апаңа үйлөнгөндө биз аябай ыйлаганбыз. Анткени көп кыздар жакшы көрчүбүз” десе аябай таң калгам.
– Бөкөнбаев айылында эле чоңойдуң беле?
– Апам бизди башка балдардан кем кылбайын, иш баштайын деген негизде мен бир жашка чыкканда Бишкекке көчүп келет. Кесиби боюнча медик болгону менен, чакан бизнес ачып ошону менен алектенет. Мектептен ата-энеси жокторго жардам катары акча берип жатат деп апама айтсам, такыр алчу эмес.
Ошентип, Бишкекте чоңойдум. Ырчы катары атым тааныла баштаганда киндик каным тамган Бөкөнбаев айылын айта баштадым. Алгачкы жеке концертимди да биринчи кичи мекениме бердим. Жердештерим “биздин айылда мындай кыз жок эле. Кимдин кызы экен?” деп катуу талкуулашыптыр.
– Качан көрбөйүн дайыма күлүп-жайнап жүрөсүң. Деги жиниң келеби?
– Мүнөзүм жумшак болгону менен, менин деле жиним бар. Маанайым жок болсо да элге жакшы мамиле кылганга аракет кылам. Үйдөгүлөр менен анда-санда урушпасам, эч ким менен деле урушпайм. Жиним келгенде колумда эмне болсо ошону ыргытып жибермей адатым бар. Ушул адатымдын айынан канча телефонумду, косметикамды сындырдым. Артка кылчайып көрсөм, ырчы болуп таанылганга чейин бой көтөргөн кыз экем. Сахнага чыккандан кийин эл “жылдыз болуп кетиптир” дебесин деп ойлой берчүмүн. Анын үстүнө турмушту көрүп дегендей, аябай жөнөкөй кызга айланып алганымды өзүм да байкабай калыптырмын.
– Көп учурда кыска, анан ачык кийингениңди көрөм...
– Ачык, кыска көйнөктөрдү азыр кийбегенде качан киймек элем? Негизи, өтө деле кыска, ачык кийинбейм. Аялзатына шымга караганда дене-мүчөсүнө көйнөк жакшы жарашат эмеспи. Ошондон улам дайыма көйнөк кийгенге аракет кылам.

“ӨЗҮМӨ-ӨЗҮМ СЫНЧЫМЫН”

  • “1987-жылы 13-апрелде туулгам”.
  • "Жеңем тамакты "кайненеме же күйөөмө жаксын" деп эмес, мага жаксын деп жасайт”.
  • “Жаңы ырдаганда гастролго көп чыгып койгон окшойм. Азыр эс алып жатам”.
  • “Жумасына үч жолу фитнес менен машыгам”.
  • “Бирөө катуу айтканда гана эмес, сүйүнсөм деле ыйлай берем".
  • “Эмнегедир жолдошумдун ырчы болушун каалабайм”.
  • “Өзүм төрт бир тууган болгондуктан, мен дагы көп балалуу болгум келет. Азыр баарыбыз убак-убагы менен чогулуп турабыз. Бири-бирибизди дайыма колдойбуз. Жалгыз кыз болуп калсам эмне болмок деп ойлоно берем”.
  • “Түнкү клубдарга, кыскасы, ызы-чуу жерлерге барып эс алганды жактырбайм. Жайкысын жаратылыш коюнунда, кышкысын тоого барып лыжа тепкенди жактырам”.
  • “Мектепте окуп жүргөндө эле чачтарачтын курсун бүткөм. Жумуштан эртеден кечке чач кесчүмүн. Кечинде "чачымды тегиздеп бер" деп туугандарым келишет. Акырында тажап, эч кимди тейлебей калдым. Бирок азыр өзүмдүн чачымды өзүм эле жасап алам”.
  • “Ашпозчунун окуусун да бүтүп алсам деген тилегим бар”.
  • “Буга чейин ырларымдын сөзүн Алтынбек Алымов жазып берчү. Азыр башка акындар менен да иштешкени жатам. Ал эми обондорду Азамат Такырбашев, Эркин Мээрканов жазып беришүүдө”.


Жылмайып коюңуз!

Кундуз азыркы минип жүргөн Лексус үлгүсүндөгү темир тулпарын алардан мурун машина айдоону үйрөтүүчү курска тапшырат. Айдоочунун күбөлүгүн аларда агайы Кундузга суроо берет.
– Үч ай окуп эмнени үйрөндүң?
Кундуз унчукпайт.
– Сөз менен түшүндүрө албасаң кыймыл-аракет менен деле көрсөт.
Кундуз колун жаңсап:
– Ву-ун, ву-ун, кы-ыйк!

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(4)
06.03.2010. 15:09 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
eeh Kunduz mnege myncha suluu sun ?
kyrgyzstanga barsam , konzertine kirem buirusa ))
udachi tebe vo vsem
06.03.2010. 23:57 
Тайпасы:
Тартип бузгандар
Комментарийлердин саны:
11
Катталган:
19-04-2007
Соӊку аракети:
26-04-2013 12:27
Жынысы:
Белгисиз
Калаасы:
istanbul
0
kunduz maga jagasynda
09.03.2010. 12:27 
Тайпасы:
Жаран
Комментарийлердин саны:
9
Катталган:
09-08-2009
Соӊку аракети:
05-10-2017 08:28
Жынысы:
Белгисиз
Калаасы:
Bishkek
0
a men suyom da suyom bul kyzdy...
14.03.2010. 22:34 
Тайпасы:
Жаран
Комментарийлердин саны:
690
Катталган:
10-03-2010
Соӊку аракети:
21-09-2017 13:32
Жынысы:
Белгисиз
0
Сулуусун, бирок ачык кийинип жүргөнүн үчүн сыйлабайм. Сенин прелесттеринди бир гана адам көрүш керек. Анан азыр ачпаганда качан ачам дегенин кызык. Ачкан жакшыбы? Анча деле ачпаганын ушу болсо ачканын кандай болот? Дырдай жыла...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: