реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Малика Бердибекова, Манас Бердибековдун жубайы: "УШАК КЕПКЕ ЭМЕС, МАНАСКА ИШЕНИП ЖАШАДЫМ"

№724 16-сентябрь-22-сентябрь, 2016-ж


Күйөрмандарынын эсинде болсо керек, Манас Бердибеков сахнага чыккандан көшөгөгө кирип кеткиче боорубуз эзиле каткырчубуз. Жараткан куудулдан талантты аябаганы менен, өмүрүн кыска кылып койгон экен. Мындан 15 жыл мурун кырчындай 45 жашында, чыгармачылыгы толкуп-ташып турган кезде куудул дүйнө салган. Кыргыздын жөнөкөй уулу катары эскерсек, 23 жыл бирге жашаган өмүрлүк жары Малика Бердибекова экөөнүн ортосунда чоң сүйүү болгон деген кептер айтылат. Маек учурунда Малика эже өткөн күндөрүн эстеп бир сыйра каткырып, бир сыйра ыйлап алды.

"МЕНИ ДОСТОРУ "КОБРА" ДЕШИПТИР"

­­- Кара-Суу райондук Маданият үйүндө 1981-жылы жигиттерден түзүлгөн "Мурас" деген эстрадалык топ ачылып калды. Мен ал кезде Маданият үйүндө ооз комуз чертчүмүн. Бир жолу репетицияга үстүңкү кабатка чыгып бара жатсам тепкичтен бирөө токтоп калды. Мага жол бошотуп жатат го деп көңүл бурбай чуркап кеттим. Репетиция кылалы деп жатсак улам бир жигит эшикти ачып бизди шыкаалап каткырып коюшат. Көрсө, тепкичтен мага жол бошоткон Манас экен, ал мени жакшынакай кыз экен деп карап калыптыр. Топтогу балдарга айтса, "кана, көрсөтчү, кайсы кыз?" деп мен кирген эшикти шыкаалап жаткандагылары тура. Мени көргөндө "бул кыз эмес, баласы бар келин. Анын үстүнө эч ким менен сүйлөшкүсү келбеген "кобра" деп каткырышыптыр. Ошондо Манас "көрөсүңөр, ал "кобраны" мен баш ийдирем" деп айтат. Ошол күндөн тартып Манас менин турмушума жакындан аралаша баштады. Бирок мен аны сезбей, кесиптеш катары эле кабыл алчумун. Бир жолу Маданият үйүндөгүлөрдү бир нече топко бөлүп гастролго жөнөтүштү. Манас "бул биз менен ырдайт" деп жетекчилерди укпай мени машинага салып кетти. Дагы бир жолу "Мурастын" балдары сыйлайбыз дешкенинен барсам жетекчи экөөбүздү эле чакырышыптыр. Кыскасы, ушинтип эле жүрө бердик. Мен анда Манасты мыкты куудул катары баалап калгам.
Күндөрдүн биринде кызуу болуп келиптир. "Ичип алып келбесем айта албайт экем. Сени көптөн бери жактырып жүрөм, баш кошолу. Мен деле аппак эмесмин, мынча аял алгам, мынча балам бар",- деди. "Мен да сен жөнүндө угуп жүрөм, биринчи мага эми эч ким менен жүрбөйм деп сөз бер",- дедим. Ал кезде мен күйөөм менен ажырашып жүргөм. Манастын туугандары да, меники да каршы чыгышты, ошого карабай баш кошуп жашап калдык.

"БАЛАБЫЗ ТОКТОБОЙ КОЙДУ"

- Кара-Сууда өкмөттөн мага берилген үй бар эле, ошол жерде жашап калдык. Манастын чыгармачылыгына байланыштуу борборго көп каттачубуз. Бир жолу Борончу Кудайбергеновдун үйүнө келдик. Кечинде Манастар сатира жазабыз деп кетишкен, Борончунун келинчеги да жок болчу. Жалгыз жатсам эшиктин алдында 2 колун бөйрөгүнө таянып саксайган бирөө турат. Чаңырып тура калып, жарыкты сыйпалап жүрүп араң күйгүздүм. Кошуна орус аял экен, "Тез жардамга" телефон чалып алайын деп келиптир. Боюмда бар болчу, чочуганымдан улам козголуп калган экен. Эртеси ооруканага көрүнбөй туруп машина менен Кара-Сууга жөнөп кеткенбиз. Ошентип боюмдан түшүп калды. Удаасынан бир нече жолу боюмда болду, бирок сактай албадык. Кудайга шүгүр, Манастыкын, меникин кошкондо 7 балабыз бар. Балдар азыр деле бир туугандардай катташат. Манас каза болгондон кийин бир кызы пайда болду. Телефон чалып, "мен Манастын кызымын, сен атамды өлтүрдүң, эми мен сени өлтүрөм" дейт. "Манас өлгүчө келбейт белең, анын кызы экениңди кантип далилдейсиң?"- десем, "Рахман Разыков далилдейт",- деди. "Манастын сакталуу каны бар, сеники менен салыштырып текшерели, кел" дегем, ошону менен экинчи телефон чалган жок. Чын эле кызыбы же кызы эмеспи билбейм.

"МЕНИ ЖУРНАЛИСТТЕН КЫЗГАНЫП..."

- Канчалаган ушак-айыңдар айтылды, бирок бир гана Манаска ишенип жашадым. Бир жолу ал үйдө уктап жаткан. Бирөө телефон чалып "мен Фрунзеден чалып жатам, күйөөң кечинде мени менен болгон, азыр үйдө уктап жатат, алып кетпейсиңби" дейт. Ал кыз кандай максатта чалды түшүнгөн жокмун. Мындай ойдон чыгарылган сюжеттер да бизди бөлө алган жок. Рахман да ар кайсыны айта берчү. Анан "Рахман айтып жатпайбы, ошондой болуптур го" десем, "сен Рахманга ишенесиңби же магабы?" деп койду, ошондон кийин кыздар тууралуу кеп козгогон жокмун. Мен да эркектер менен абайлап сүйлөшчүмүн. Бир жолу борборго келип Жаныбек Алыкуловдун үйүндө жашадык. Манас сырттан келгенде эле үйдөгү телефон шыңгырап калды. Сүйлөшүп туруп "ме" деп трубканы мага карматып койду. Менден интервью алган журналист жигит экен. Ал менин бала-чакамды, мен аныкын сурап бүтүп, аягында жөн турбай "мейли, дагы жолугабыз" деп койгом. Манастын жини келгенсип калган. Тамак ичип бүтүп туруп бара жатсам эшиктин айнеги күбүлүп түшүп калды. Көрсө, туруп кеткенимде Манас мени чыны менен бир уруптур. Ал мага тийбей эшикке тиет. Ваннага кирип алып бир саат эшикти ачпай таарындым. Ошондо ал мени журналисттен кызганганын түшүндүм.

"КЕСИПТЕШТЕРИ КЕНЕДЕЙ ВРЕМЯНКА АЛЫП БЕРИШКЕН"

- Куудулдар чогулуп концерт коюп, түшкөн акчага Бишкектен үй ала башташкан. Манаска алып беришкен үйүн көрөйүн деп барып аябай ыйладым. Ага чейин алгандардыкы жакшынакай эле үйлөр болчу. Бизге Ала-Тоо конушунан полу топурак, түрмөнүкүндөй кичинекей терезеси бар времянка алышыптыр. Анда бул конушка үйлөр жаңы түшө баштаган. "Жок, Манас мындай үйдө жашабайт, ал чыгарма жазышы керек, анын үстүнө балдар менен кыйналабыз, акчасын бергиле",- дедим. Ортомчу аялдарга 15 миң сом берип коюшкан экен, кайрыганда толук беришкен жок. Анын үстүнө акча кошуп шаардын четинен эки кабат үйү бар дача алдык. Манас ошол жерге көчүп баргандан тарта чыгармачылыкка катуу киришти, жакшы сатиралар жазылды. Мен анын концерттерин уюштурууда жардам берип, кассир боло баштадым. Акыркы концертинде афишаларга катышат деп берилгенине карабай Рахман Разыков, Абдылда Иманкулов, Жамбыл Камчиев келбей койду. Манас туталанып, аябай капа болду. 5 күн коюлган концерт аншлаг менен өттү. Ошентип түшкөн акчага Бишкектен 3 бөлмөлүү үй алдык. Өлөрүн билген окшойт, ал үйдү мага каттатыптыр, аны кийин билдим.

"ЭКСПЕРТИЗАГА БЕРБЕЙМ ДЕГЕНИМДИ ЭЧ КИМ УККАН ЖОК"

- Манас 2001-жылдын 2-сентябрында Көлгө куудулдар менен гастролдоп кетти. 5 күндөн кийин таң эрте кыйналып ойгондум. Жүрөгүм түпөйүл тартканынан Жаныбек менен кошо Көлгө барайын деп үйүнө жөнөдүм. Дарбазадан кирсем Бек (ред. Борбиев)менен Жаныбек отуруптур. "Манас бир аз ооруп калыптыр" дешти, "ачыгын айткыла, эмне болду?" десем, өлгөнүн угузуп жатышпайбы. Такыр ишенген жокмун. Көлгө эмне болуп жеткенимди деле билбейм. Караколдогу концертинен кийин Бөкөнбаев айылына конокко келишип, Манас ошол жактан үзүлүптүр. Барсам диванда жатат, бетин жаап коюшуптур. Ачсам эки колу көкүрөгү тушта катып калыптыр, көзү, оозу кичине ачык. Мени ар кимиси ар кайсы жакка сүйрөп, дары ичирип, бетиме суу чача беришти. Манасты экспертизага бербейм деп жаткам, мени уккан жан болгон жок. Болбой эле алып кетишти.

"МАГА АЗЫР ДЕЛЕ КЕЛИП КАЛЧУДАЙ СЕЗИЛЕТ"

- Өлгөн кишинин каны токтош керек эле, туулган жери Базар-Коргонго жеткиче Манастын кийими, төшөгү чылпылдап кан болуп барды. Бөкөнбаев айылындагы экспертиза панкреатиттен каза болду дешти. Анын жыйынтыгын Караколго да жиберишиптир, ал жактан башка жыйынтык чыгарышты. Эмне болуп өлгөнүн Кудай, анан бир өзү билет. Эмнесин айтайын, жакшы күндөр көп болду, бирок ичте арман калды. Көпкө чейин өзүмө келе албай, эшик тыкылдагандай, бирөө кирип келгендей болуп жүрдүм. Азыр өзүмө келгеним менен, көчөдөн элесин издеп, бир бурчтан чыга калчудай боло берет. Манастан ажырагандан берки өмүрүм аны күтүү менен өтүп келет.

"Экөөбүздүн жашыбыз тең, 27 жашыбызда баш кошконбуз. Көзү тирүү болсо быйыл 60ка чыкмак".


"Манас жанда жок ак көңүл, берешен, бала кыял эле. Концерттерде бирөө менен акча эсептешип көргөн эмес. Кыйналган бирөөнү көрсө акыркы тыйынын карматып кала берчү".


"Базар-Коргон акимчилигине, жергиликтүү кеңештин депутаттарына рахмат. Манастын эстелигин ошол райондук Маданият үйүнүн алдына коюшту. Быйыл 60 жылдык юбилей концертин беребиз. Кесиптештеринен Кубик Калыков уюштуруу иштерине жардам берүүдө".


Сүйүн Кулматова
star@super.kg



М.Бердибекова: “Манасты куудулдар менен катыштырбай койгонум чын”

Автор: Кызжибек Раимова, Максат Орозумбетов
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(14)
19.09.2016. 11:59 
Тайпасы:
Жаран
Комментарийлердин саны:
39
Катталган:
25-11-2012
Соӊку аракети:
21-11-2018 08:00
Жынысы:
Белгисиз
+12
Эн мыкты куудул таланттуу адам болчу,жаткан жери жайлуу болсун.Манас байкедей куудул чанда чыгат,олгондон кийин башкалардын концертин анча коро бербейм.
19.09.2016. 13:41 
Тайпасы:
Жаран
Комментарийлердин саны:
87
Катталган:
23-09-2015
Соӊку аракети:
20-11-2018 21:58
Жынысы:
Белгисиз
+23
Абдылда,Рахман,Жамбыл агаларыбыз коро албайт окшойт эле концертине келбей койсо ал эми уюштуруу иштерине Кубик эле жардам берип жатса.
22.09.2016. 20:20 
Тайпасы:
Жаран
Комментарийлердин саны:
18
Катталган:
13-02-2015
Соӊку аракети:
05-01-2017 12:53
Жынысы:
Белгисиз
+1
Alixan-Nookat.2015,мен дагы ошондой окшойт деп ойлоп калдым,анан концерттеринде Манас досум деп калааты сүйлөшөт...
19.09.2016. 19:57 
Тайпасы:
Жаран
Комментарийлердин саны:
1226
Катталган:
05-04-2015
Соӊку аракети:
21-11-2018 15:20
Жынысы:
Белгисиз
Калаасы:
Алматы
+5
Жаткан жери жайлуу болсун!
Мыкты куудул эле козун жымшыйтыып кулгону укмуш эле ээх....
19.09.2016. 22:19 
Тайпасы:
Жаран
Комментарийлердин саны:
1760
Катталган:
06-02-2012
Соӊку аракети:
18-11-2018 14:42
Жынысы:
Белгисиз
+6
Ошол учурда ушак чыкты эле короалышпайт Манастан башкасы жакшы уйлорду алып кезеги жеткенде веремянка алып берип,,кудай бардыр,коруп тургандыр,,,
20.09.2016. 03:33 
Тайпасы:
Жаран
Комментарийлердин саны:
7
Катталган:
03-01-2016
Соӊку аракети:
21-11-2018 13:49
Жынысы:
Белгисиз
-1
Санжардын апасыбы?
20.09.2016. 10:22 
Тайпасы:
Жаран
Комментарийлердин саны:
0
Катталган:
31-08-2016
Соӊку аракети:
20-11-2018 22:25
Жынысы:
Белгисиз
+2
Санжардын апасы эмес,Куудулдун,Алла Таала булжагы кызык болдугоо,карасам баары эле экиекиден баратат,мендагы айтканга деле так не удобно деп айткан сатирасын эстеп кулуп калабыз.Талантту куудул болчу,жайы жаннаттан болсун.
Медиа-портал
21.09.2016. 11:38 
Тайпасы:
Жаран
Комментарийлердин саны:
144
Катталган:
22-11-2011
Соӊку аракети:
20-02-2018 11:21
Жынысы:
Белгисиз
+1
Аягында ырдалган ыр эмне деген ыр жана ким ырдайт айтып коесуздарбы?
Медиа-портал
21.09.2016. 12:44 
Тайпасы:
Супермодератор
Комментарийлердин саны:
7573
Катталган:
22-02-2011
Соӊку аракети:
21-11-2018 14:33
Жынысы:
Белгисиз
Калаасы:
...
0
zinaniz,
Саламатсызбы! Элмирбек Иманалиев "Коштошуу вальсы" www.super.kg/media/audio/153853/
Медиа-портал
21.09.2016. 19:26 
Тайпасы:
Жаран
Комментарийлердин саны:
144
Катталган:
22-11-2011
Соӊку аракети:
20-02-2018 11:21
Жынысы:
Белгисиз
0
admin_media,Чон рахмат!
Super TV
23.09.2016. 03:16 
Тайпасы:
Жаран
Комментарийлердин саны:
15
Катталган:
03-06-2014
Соӊку аракети:
06-11-2017 13:13
Жынысы:
Белгисиз
+1
Ооба, менин оюмча ал кезде Манас байке номер биринчи куудул, жана эн жакшы, популярдуу маданият кишиси болгон.Мен биринчи жолу театрда 1989 жылы концертин коргомун, анда он жети жашта элем , дале эсимде.Кайра кайра коргубуз келет эле
23.09.2016. 09:28 
Тайпасы:
Жаран
Комментарийлердин саны:
Катталган:
14-04-2016
Соӊку аракети:
11-10-2018 22:31
Жынысы:
Белгисиз
Калаасы:
Түп айылы
+1
Негизи эле адамды күлдүрүүгө караганда, ыйлатуу оңой, Манас Бердибеков бүтүндөй залды, элди "жарчу" да! Өзгөчө "Жалпак жөжөсү", "Кроссворду" эстен кетпейт ко
24.09.2016. 13:48 
Тайпасы:
Жаран
Комментарийлердин саны:
2
Катталган:
11-03-2014
Соӊку аракети:
04-05-2017 17:27
Жынысы:
Белгисиз
+1
Жакшы адамдар аз жашайт окшойт
21.11.2016. 20:47 
Тайпасы:
Конок
Комментарийлердин саны:
1
Катталган:
20-09-2016
Соӊку аракети:
18-12-2016 16:06
Жынысы:
Белгисиз
0
акимчилик жергиликтуу кенештин депутаттары бир тыйын кошкон эмес баары жалган
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: