Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№384 12-18-март, 2010-ж.


(Башы өткөн сандарыбызда)

– Бактияр, андай экенсиң, эмне үчүн кечээ убара болуп базарга алпарып, кем-карчымды алып бердиң?!
– Кечээ башка, бүгүн башка күн,- деп камырабай сүйлөгөнү мени күйгүзүп жиберди.
– Ар дайым мени досторумдан алып каласың, жибербейм десең да кете берем!- деп сумкамды алып жөнөп калдым.
– Барбайсың! Кыйын болсоң барып эле көрчү, эмне кылар экенмин!
Бактияр каруумдан кармап, көзүмдү теше тиктеди.
– Билгениңди кыл!
Анын колунан чыгууга аракет кылдым.
– Өзүң билип басып кал­дыңбы, ээ?!
Бактияр адатынча жакка бир чапты.
– Эмне, ар дайым эле никелеп алгансып урасың?! Көчөдө калган кыз барбы сага?!- деп ыйлап да, токмоктогондон көңүлүм калган жаным калтырап коркуп да турдум.
– Өзүң билсең ушундай болот! Менсиз билгениңди жасап калган болсоң, мына!- деди да, карылуу колдору менен моюнумдан кармап муунта баштады. Бошоно албай какап-чакап тыбырчылап жатканым эсимде, анан кийинкисин билбейм.
Көзүмдү ачсам, тегерегимди туман каптап тургандай сезилди. Жанымды карасам, бирөө отургансыды. Көзүм бозомуктан анын ким экенин тааный албадым. Кайра-кайра көзүмдү жумуп-ачтым. Ошондо гана жанымдагы эркек адам экендигин боолголодум. Аңгыча бетиме чачылган муздак суудан денем ичиркене, акылыма келе түштүм. Суу дагы чачылды эле, айланамдагы туман таркай түшкөндөй болду. Ошондо гана жанымдагы караан Бактияр экенин тааныдым. Акырын башымды көтөрүп, турууга аракеттендим. Ал мени сүйөп тургузду. Сендиректей басып барып столго урунуп, жыгылып түштүм. Бактияр мени көтөрүп диванга аяр жаткырды. Канча убакыт ушинтип эс-мас абалда жатканымды билбейм. Бактияр негедир “Тез жардам” чакырганга жараган жок. Сыягы жоопкерчиликтен корктубу же абалымдын оордугун байкабадыбы, ким билет?.. Өкүнүчтүүсү, ошондон кийин эсимди жоготуу мен үчүн өнөкөт болуп калды.
Тааныштарым айткандай, “жер бетинде эркектин тукуму куруп, акыркы эркек Бактияр калгансып” канча азап тартып, ар кимден жаман кеп-сөз укканыма карабай, андан кетип кала албадым. Кетүүгө эми кеч эле… Бардык азапка чыдоо менен аны күтүүдөн башка жол таба алган жокмун.
Акыркы мезгилде акча жаатында экөөбүз тең кыйналып, Бактиярга иш издей баштадык. Акыры Бактияр шаардагы белгилүү соода түйүнүнө жумушка кабыл алынды. Ал жумушка орношуп калсын деп парага жарым айлыгымды берүүмө туура келди. Бактияр түшкө чейин окуп, андан соң кечки тогузга чейин жумушка кетет. Экөөбүздүн мурдагыдай “тигил минтти”, “тигини карадың”, “күлүп койдуң” дегендей чыр-чатагыбыз азайып, иш менен алпурушуп калдык. Менин жумушум жашаган жериме жакын болгондуктан, түшкү эс алуу учурунда даярдаган тамгымды Бактиярга жеткирип бергенге да үлгүрөм. Эртең менен эрте керектүү жашылчаларды арчып, туурап кетем да, түштө келип тамакты даярдай салам. Алпарган тамагыма ыраазы болуп, мага шоколад, шире сыяктууларды сатып берет. Иштегенге да, бири-бирибизге көңүл бурганга да убакыт таап, бизден өткөн бактылуу эч ким жок.
Жай айынын биринчи күнү эле. Бир чоң баштык көтөрүп Бактияр жумуштан келди.
– Бул эмне?
– Ачып карасаң, эмне экенин билесиң.
– Апей, мунун баарын эмне кыласың?- деп чочуп кеттим. Анткени баштык толо йогурт экен.
– Сага алып келдим!
– Магабы? Бүт баарын мага алып келдиңби?- дедим ишенбей.
– Ооба, бүгүн “Балдарды коргоо күнү” экен. Бирге иштешкендер жаш балдарына ушундай белек алышты. А мен сага алдым. Азырча менин бөбөгүм сенсиң,- деди эркелетип.
– Бөбөгүң болсом, анда өзүң жегизбейсиңби?- деп эркелей кеттим. Ал мени тизесине отургузуп, йогурттун эң чоңун тандап ачып, чай кашык менен оозума салды.
– Жаным, аз алып келсем жетпей калат деп ойлодум. Бул жерде баары таанышыбыз, кирип калышса берүүгө туура келет.
– Айтканыңдай эле кыздар телевизор көргөнү келишмек.
– Баарына бер анда,- деп Бактияр чыгып кетти. Ошол күндү ойлосом, азыр да күлкүм келет. “Маликанын бөлмөсүнө киргиле, силерге бере турганы бар” деп кыздарды бөлмөгө толтуруп койгон эле. Ошондо “жигит кишинин колу ачык, март болгону жакшы” деп таенемдин айтканын эстеп ичим жылып калган.
Күндөрдүн биринде өзүбүз­дүн облустун борборуна командировкага бара турган болуп калдым. Бактияр мени аэропорттон узатып кала берди. Тиешелүү тапшырманы аткарып, документтерди өзү бүтүргөндөн кийин төрөлүп-өскөн, балалыгымдын бактылуу ирмемдери калган үйүмө бардым. Апам адатынча жадырап-жайнап тосуп алды. Мен өскөн эски үйдүн ордуна башка жаңы үй курулуп, короо-жайыбыз да өзгөрүп калыптыр. Үйүбүз канчалык заманбап жасалгаланып, заңкайып турбасын, куду чоочун үйгө келип калгандай оңтойсуздандым. Атамдын жыты калган бактылуу балалыгымдын күбөсү болгон эски, чатыры жок үйүбүздү сагынып келген элем. Мен ошол эски үйдү бир убактарда сагынарымды билген эмес экенмин. Агамдын кабагы ачылбай, мурдагыдай жайдары эмес. Жеңем да кыйла башкача. Алардын мындай суз мамилеси эртеси айкын болду.
– Шаарда эмне кылып жү­рөсүң?- деди агам түшкү тамактануу учурунда.
– Иштеп жүрөм.
– Дагы эмне кылып жүрө­сүң?
– Жашап жүрөм,- дедим калтырап. Анткени агамдан катуу коркор элем. Мен гана эмес, улуу эжемдер да агамды атамдын орун басары катары сыйлашчу. Андыктан агамдын айтканы айткан, дегени дегендей болчу. Мени “атамдын эркеси, биздин кенжетайыбыз” деп эркелетип, көзүмө карап, колунан келишинче жардам берип келди. Бир да ката иш жасап, уруксатсыз басып, тил уккан эмес элем. Анан эмне болгонун түшүнө албай таң калып турдум.

Жумагүл Жолматова

(Уландысы кийинки саныбызда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: