КОШ БОЙЛУУ АЯЛ КУМАРЛУУБУ?

Билип ал

Жубайлар наристе күтүп жаткан учурда бир топ маселеге туш болушат. Алардын бири – “аял кош бойлуу учурда секс менен алектенүүгө болобу?” деген суроо. Изилдөөлөрдүн жыйынтыгына таянсак, кош бойлуу учурда рахатка батуу керек эле эмес, зарыл да экен.

КОШ БОЙЛУУ АЯЛДЫН АБАЛЫ
Кош бойлуулукту оору катары кабыл алып, төшөк рахатынан баш тарткан айымдар да жок эмес. Чындыгында, кош бойлуулук аял үчүн кадимки эле көрүнүш. Ошондуктан сексуалдык катнаш болууга тийиш. Кош бойлуу учурда аял физиологиялык, психологиялык жактан да чоң өзгөрүүгө дуушар болот. Аялдын эмоционалдык абалын жөнгө салууда секстин жардамы өзгөчө. Сексологдордун айтуусунда, көпчүлүк аялдардын кош бойлуу мезгилинде төшөк кумарына кызыгуусу күчөйт. Бирок ичиндеги балага зыян кылып алуу коркунучу болгондуктан, кыжалат болушат. Бирок кыжалаттануунун кереги жок.
Ошондуктан...
Эгерде кош бойлуулук калыптагыдай өтүп жатса, жан биргеңиз менен төшөк кумарына батуудан баш тартпаңыз. Төшөк рахаты сизге өтө пайдалуу гормондордун иштелип чыгышына жардам берет. Аялдар үчүн пайдалуу дагы бир жагы, түгөйүңүз рахат издеп башка айымга кетпешинин алдын алган болосуз. Ал гана эмес, секс аялдардын жамбаш сөөктөрүнүн ийкемдүү болушуна жардам берет. Бул, албетте, төрөткө оң таасирин тийгизет.

ЭРКЕКТИН АБАЛЫ
Жакында балалуу болорун уккан эркек, албетте, өтө сүйүнөт. Бирок көпчүлүк эркектердин кубанычы чочулоо менен алмашып, аялы менен төшөк кумарына батууну көп каалабай калат. Бул аялы менен наристеге зыян келеби деген кооптонуудан улам чыгат. Ал эми айрым эркектер, тескерисинче, түгөйүнүн кош бойлуу убагында төшөк кумарына батууну жакшы көрүшөт. Анткени бул убакта аял өтө сезимтал болуп, күйөөсүн болуп көрбөгөндөй кумарга батыра алат.
Ошондуктан...
Кооптонууга эч кандай себеп жок болгондуктан, жубайыңыз менен рахат көлүнө чөмүлө бергениңиз оң. Болгону, экстремалдык ыкмалардан алыс болууну эске алыңыз.

ТҮЙҮЛДҮКТҮН АБАЛЫ
Секс учурунда түйүлдүккө эч кандай зыян келбейт. Анткени табият аны өзгөчө коргогон. Жатын, анын ичинде суу калканычы менен ишенимдүү корголгон түйүлдүк эч кандай оорчулукту сезбейт. Бирок энесинин эмоционалдык абалы түйүлдүккө түздөн-түз таасир берет. Байкасаңыз, төшөк кумарынан кийин түйүлдүктүн кыймылдап жатканы сезилет. Мындан чочубай эле койсоңуз болот. Анткени эненин тез-тез дем алышынан, жүрөгүнүн кагышына улам түйүлдүк да кыймылга келет. Оргазм учурунда бөлүнүп чыккан эндорфин, окситоцин гормондору да түйүлдүккө пайда. Ал эми төшөк кумарын төрөткө даярдык деп эсептөөгө болот. Ошондой эле бири-бириңизге айткан мээримдүү сөздөр түйүлдүккө да таасир берет. Анткени түйүлдүк 5 айынан баштап эмоцияга реакция кылып баштайт.
Ошондуктан...
Түйүлдүк кезинде эле ата-энесинин жылуу мамиледе экенин сезгени бала үчүн пайдалуу. Ошондуктан кубанычты сезүүгө ага да жардам бериңиздер.
Рахаттан баш тартууга туура келген учурлар.
Эненин жана түйүлдүктүн абалына карап, секске тыюу салынган учурлар болот.

• Эгерде бойдон түшүп калуу коркунучу бар болсо, ошондой эле мурун боюнан түшүп калган учур кездешсе.
• Аял мурун маалынан мурда төрөгөн болсо.
• Эгерде жубайлардын биринин жыныстык жактан инфекциялык оорусу бар болсо.Негизи, эле кош бойлуу учурда өздүк гигиенаны жакшы сактап, презерватив колдонуу шартка ылайык.
• Аялдын жыныс кынынан кан келсе.
• Ошондой эле көпчүлүк учурда төрөтү жакындап калган аялдарга секс менен алектенүүгө тыюу салынат. Бирок бул маселеде эки көз караш бар. Анткени айрымдар төрөгөнгө чейин төшөк кумарына батуу төрөттүн оңой жана тез өтүшүнө өбөлгө болот дешет.

КЫЗЫКТУУ...

• Ата-энеси рахатка батып жатканда, түйүлдүк массаж алып жаткандай сезимге туш болот имиш.
• Сексопатологдордун айтуусунда, айымдардын секске калоосу биринчи жана акыркы үч айлыкта төмөндөп, ортоңку айда жогорулайт экен. Бул аялда талгактын кандай өткөнүнө байланыштуу болот экен.
• «Секс менен алектенүү аялдын жыныс кыны үчүн спорттук көнүгүү» дешет гинекологдор.

КОШ БОЙЛУУЛАР ҮЧҮН “КАМАСУТРА”

   Өзгөчө аялдын курсагы чоңоюп калган учурда кадимкидей ыкмаларды колдонуу ыңгайсыздыкты жаратат. Ыңгайлуу ыкмалар төмөндөгүдөй:

• Аял капталдап, эркек анын артында жатат. Анткени курсак кысылып калбоосу керек.
• Жубайлар бирин-бири карап, аял эркектин алдында отурган ыкма ыңгайлуу. Мындай ыкмада бирин-бири эркелетүү да оңой болот.

АЯШЫМДЫН КЫЛЫГЫ

Көп жыл мурун болгон бул окуяны эстегенде, бир жылмайып алам. Досум Бактыбек кыялы чукул, бир мүнөз неме болчу. Анан да аял жагынан жолдуу экенин кантейин! Аялы Наргиза наздуу да, сулуу да аял эле. Соорусун чайкап басса, шилекейибиз агып, артынан көпкө тиктеп калар элек.
Бир жолу чогуу конокко барып калдык. Отурушта ичип-жеп отуруп, досум бир топ кызып калды. Кетер мезгил келсе да кебелип койбойт. Достор мага: “Назымбек, сенин машинаң бар, ичпейсиң да. Наргизага жардамдашып, муну үйүнө ала кет”,- деп калышты. Мен макул болуп, аны үйүнө жеткирип жөнөдүм. Бирок ал жолдо эле уктап калды.
Үйүнө жеткенде “ой, мунуң уктап калган го” десем, Наргиза кабагын түйүп: «Мунун ушундай келесоодой жоругу бар. Эптеп түшүрүшүп кой эми»,- деди.Аяшым экөөбүз тигини машинадан деги бир чыгара алсакчы! Тырмышып тиги бутуна, мен колуна жабышып тартсак да болбойт. Салмагы оор немеге асылып жатып айлабыз кетти. Акыры аяшым: “Бул эми соолукмайынча ойгонбойт. Эми биздикине эле түнөп кет”,- деп калды. “Кой ай, эртең жумушка чыгам” десем, колумду кармаган Наргиза жалооруп: “Эрте ойготуп коём. Жалгыз ээн үйдөн корком да”,- дебеспи! Аяшымды аяганымдан аргасыз макул болдум.
Бутунун учу менен жүгүргөн ал тез эле дасторконун жайып жиберди. Жанагы бүркөлгөн кабак жок, тим эле жаркырайт. Ичимден кым дей түштүм. “Наргиза, азыр эле тамак ичип келдик. Андан көрө келчи, сүйлөшүп отуралы” дедим. Ушуну эле күтүп тургансып, жаныма келген аяшымды кучактап, оозунан соруп алдым. Тиги каршылык көрсөтүмүш болуп барып моюнумдан кучактап, жыттап алды. Кебездей жумшак денеси кучагымда эрип бара жаткансыйт. Экөөбүз тең эшикти жапканды унутуп, рахат көлүнө чабак урдук. Аяшыма бекеринен шилекейибиз куюлуп жүрбөптүр. Мындай кылыктуу айымга буга чейин кезиге элек болчумун. Айтор, аяшым экөөбүз ошол түндү унутулгус өткөрдүк. Эртең менен турсак, досум дагы эле ойгоно элек экен. Аяшым кууруй салган тамакты жеп, эшикке чыгып досумду ойготтум да, машинеме отуруп жумушка жөнөдүм.
Жолдо баратып аяшымдын төшөктөгү кылыктары көзүмө элестеп, жылмайып бараттым.

ЭРОТИКАЛЫК ПРИКОЛДОР

• Мен сени чыдамсыздык менен күтүп жатам. Азыр келбей койсоң жарылып кетчүдөймүн. Денем калтырап, тизелерим титиреп, сага кирүүнү эңсеп жатам. Кирерим менен баш айланткан ылдамдыкта экөөбүз учуп жөнөйт элек го... Деги качан келесиң, менин лифтим?!
• Аңкыган жытың башымды айлантат. Сенден ажыраганыма аз эле болсо да, кайрадан сени эңсейм. Сага жеткенде жашоом укмуш сезилип, бакытка балкыйм. Азыр сага жетип, кылк жутам, жүз грамм арагым!
• Колуңда шамдай эрип бараттым. Мени аяп койсоң боло! Жок дегенде керебетке алпарсаң же столдун үстүнө жетсек... Жок, сен дагы эле колуң менен сыйпалоодосуң. Болдучу эми... Сенин чөнтөк телефонуң!
• Түн кирди. Төшөктө мемиреп уктап жатсам, кирип келдиң. Мен жуурканымдын алдына кирип кирпидей жашынсам да болбой, жанымды койбой кирип алдың. Уйку-соонун ортосунда каршылык көрсөтө албай турдум. Сен каалаганыңды жасап, денемди ушунчалык «өпкүлөп» кетипсиң. Тим эле чоло жери калбады. Эми кармасам, моюнуңду үзөм, ачуулуу чиркей!

Астра Айдарова
erotika@super.kg