Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖОЛ-ЖОЛ, ШЫЙРАК “БЕРЕГИ”!

№384 12-18-март, 2010-ж.


Репортаж

Аткан таң менен кошо адамдар жумушка шашат. Ал эми учурда жашоо шарттын талабынан улам диплом талап кылбаган жумуштардын саны бир топ. Андай жумуштардын бирин аркалагандар базарларда араба түрткөндөр.

ЧӨНТӨККӨ ЖАРАША БААСЫ
Чоң суммадагы акча айланган “Дордой” базарынын арабакечтеринен сөз баштоону туура көрдүк. Базарга кире бергенде эле кардар күтүп арабаларынын үстүндө отурган жигиттерге жолуктук. Нурбек аттуу 20 жаштагы жигитти сөзгө тартканда бул иш менен 1 жылдан бери алек экенинен кеп баштады.
– Жумушка орношуунун жол-жоболору тууралуу айтып берсең...
– Бизде жумушка кириш үчүн алгач базардын администрациясына 1500 сом төлөнөт. Бул акча базардан өзүңдүн ордуңду алыш үчүн берилет.Анан ай сайын мамлекетке 150 сом төлөп турабыз. Анча-мынча акчаң болсо арабаны ижарага алып отурбай эле сатып алып иштеткен жакшы. Анткени пайдалуу. Күнүнө 500 сомго чейин тапсаң болот.
– Арабалардын бааларына токтоло кетпейлиби. Мисалы, сенин арабаң канча турат?
– “Дордойдо” эң арзан арабанын баасы – 3 миң сом. Орточосу – 8 миң сом, ал эми эң кымбаты – 20 миң сомго чейин барат.
Ушул кезде биздин маекке Айбек аттуу арабакеч келип кошулду. Сөз төркүнүн түшүнө калып тамашалап сүйлөп кирди.
– Эже, бизде жашоо жыргал да. Айрыкча майрамдарда кардарлар жокко эсе. Анан биз ушинтип кардарлардын караанына жалынып отура беребиз.
– Майрамды иш менен өткөрөсүңөрбү?
– Ооба, майрамдарда иштейбиз. Бирок жумуштан кийин үч жумуртка менен палоо басып майрамдап коёбуз. Анан бизде бирөө мас болсо баары мас болот. Бул эми тамаша-чыны аралаш.
– Бул базардагы кызмат бааңар башка базардагыдайбы?
– Негизи, биздин кызмат 50 сомдон башталат. Капчыгы калың казактар туш болуп калганда кичине кымбатыраак сурайбыз. Бирок акыны жүктүн оордугуна жана жолдун узактыгына карата баалайбыз. 500 килограмм жүк жеткирүү 200-300 сом болот.
– “Дордойдо” канча арабакеч бар?
– Учурда каттоодон өтүп, мыйзамдуу түрдө иштегендердин саны 500 деп уккам. Бирок уруксатсыз иштегендер да бар. Бирок алар тиешелүү көзөмөлчүлөргө кармалып калышса тапканынын баарын айыпка төгүп беришет. Биздин ар бирибиздин өзүбүздүн катарларыбыз бар. Ал катарларга башка арабакечтер кызмат кыла алышпайт. Кыскасы, ар ким өз аймагынан чыкпаш керек.
– Эмнеден кооптоносуңар?
– Базарда уурулар көп. Айрыкча ишемби, жекшемби күндөрү абдан этият болушубуз керек. Эл көп болуп, арабадагы товарларыбызды суурутуп жиберген учурлар көп кездешет.

АРАБАКЕЧТЕРДИН ТАМАШАКӨЙҮ
“Жол-жол, шыйрак береги, фигура береги” деген тамашалуу сөздөрдү айтып, элди бир жылмайткан тамашакөй арабакеч атаны базарга баргандардын көбү эле байкаса керек. Арабакечтер бул кишини “Весельчак” деп атап, өтө сыйлашат. Ошондой эле алардын айтымына караганда, бир топ жашка чыгып калганына карабай “20 жаштагы жигиттикиндей күчүм бар” деп тамашалап калат экен.

ТАЖРЫЙБАЛУУ АРАБАКЕЧ
“Дордойдун” бир топ арабакечтери менен маек куруп бүткөн соң “Мадина” базарына сапар алдык. Аталган базардын арабакечтери көбүнчө таңгакталган кездеме ташыганы менен айырмаланышат эмеспи. Сураштыра келсек, базарда иштеген арабакечтердин саны 250 адам.
Бул базардын тажрыйбасы көп арабакечи Баяман деген мырза болуп чыкты. Өзүнүн айтымында, араба түртүп иштегенине 12 жыл болуптур. Бирок бул жумуштан тапкан пайдасынан зыяны да бир топ экен. Дайыма оор жүк түртүп иштегендиктен, бөйрөк оорусуна чалдыккан. Ошол себептен 6 айда бир врачка кайрылып, дарыланып турат. Баяман байке ооруганына карабай бул ишке абдан такшалып, кеткиси келбей калганын айта кетти.

АРАБАКЕЧТЕРДИН ЭРКЕСИ
Арабакечтердин эркеси, “Зайчик” деген лакап аты бар Зарылбек аттуу жигитке суроо узатып калдык.
– Зарылбек, бул базардан арабаны канча сомго ижарага аласың?
– Биз айына арабаны ижарага берген адамга 1000 сом беребиз. Ошондой эле айына 270 сом базардын администрациясына төлөйбүз. Эми акча табуу кардарларыбызга байланыштуу болот. Мисалы, бизде “Семичка” деген бала бар. Баарыбыздан көп табат. Негизи, биздин иштин ийгилиги – чоң цехтерге товар алган кардарлар менен көбүрөөк таанышып алуу. Бирок таптакыр эле акчанын артынан да кубалап жүрүп албайбыз. Сулуу кыз-келиндердин жүгүн бекер, каалаган жерине жеткирип берип, телефон номерлерин сөзсүз алып калабыз. Таанышуу үчүн.
– Араңарда мектеп окуучулары барбы?
– Бизде паспорт алгандар гана ишке орношо алат. Себеби жумушка орношуп жатканда паспорт эмес, каттооңду да карашат. Эми бул жакта жалаң алыскы райондордон келип иштегендер. Ошондуктан убактылуу каттоого турабыз. Мындан сырткары ишке орношууга, майда-чүйдө документтерге 200 сом сарпталат.
– Кардарлар менен кызыктуу окуялар деле болсо керек?
– Бир жолу бир кардар мага жүгүн салып коюп өзү жок. Көрсө, тааныштарына жолугуп калып, баарын унутуп кафеге кирип кетиптир. Мен башка кардарларымды кетирип жиберип тигини күтүп отурам. Мына келет жок, ана келет жок. Бир маалда келип 50 сом берет. Жиним келип ушунча күттүрүп, менин убактымды кетирдиңиз, төлөңүз деп уруша кеттим. Таптакыр болбой жатканда кесиптештерим келип мага болуша кетишти. Ошентип, ызылдап жатып акчамды алгам. Бизде таңгакталган кездемени көлчүккө түшүрүп булгап алып, 300-400 доллар төлөп калгандар да бар.

ЧАРЧООНУН ДАРЫСЫ – АКЧА
«Ош базарынан» ун саткан катарды аралап бара жатып боз ала чаң болгон арабакечтерге кайрылсак, эмнегедир кабактарын кайыш түйүшөт. Жарытылуу жооп ала алгыдай эмеспиз. Себеби алардын “ий, ичим жабышып калмай болду, бир кардар чыга калса өзөк жалгасак жакшы болот эле” деп сүйлөшүп калганын угуп, ичибизден бир сызып алдык.
Базар аралап жүрүп мүшөктөрдү үйүп алып жүк тартып бара жаткан илмийген жаш баланын артынан бастык. Өзүн Талант деп тааныштырган бала 7-класстын окуучусу. Сабактан кийин ата-энесине кол кабыш кылуу максатында бул ишке орношкон. Талант арабасы менен 50 килограммдык мүшөктөн 7ни салып тарта алганын айтканда бир чети таң калсак, бир чети бели ката элек баланын келечегин ойлоп кейип алдык. Ал чарчоонун дарысы акча экенин айтып күлүп койду.

АРАБАКЕЧТЕР ТУУРАЛУУ КЫСКАЧА

  • “Жол-жол”, “дорогу-дорогу” деген сөздү көп колдонушат.
  • Тынчсыздангандары – кардар күтүп отуруп калуу.
  • Семичке чагып, жолдун ортосуна түшүп алып шашпаган кардарлардан жүдөшөт.
  • Арабакеч жеңилдерин кошпогондо күнүнө орточо эсеп менен 500 килограммдык жүктү 3 жолудан тартышат.
  • Калориялуу тамак ичип, энергиясын толтуруп турушат.
  • Араба түрткөндөрдүн көпчүлүгүнүн бел омурткалары, бөйрөктөрү көп ооруйт. Ысык-суукта жүрүп муун ооруга да чалдыгышат.

Кайда барба жашоо үчүн күрөш. Бул күрөштө алдыга умтулуп аракет кылгандар гана жеңип келет. Базарларды кыдырып, арабакечтердин жашоосу менен таанышып жүрүп, жумуштун оорчулугуна карабай ак эмгеги менен нан таап жеп жаткандарына баа бердик.

Бахияна Сатылганова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
16.03.2010. 02:44 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
akyl kal4ayly KYRGYZ ELIM
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: