САХНАНЫН ЖАСАЛГАСЫНАН МЕН УЯЛЫП...
Аталышы – «No name» менен Кайраттын мегашоу концерти
Өткөн жери – Кожомкул атындагы Спорт Ордосу
Өткөн күндөрү – 22-23-сентябрь
Башталышы – 18:00, 1 саат 45 мүнөт кечигип башталды (23-сентябрь)
Көрүүчүлөр – Залдын 80 пайызы
Билет баасы – 500-1500 сом
Алып баруучу – Аман Ибраев
Мыкты номер – Кайраттын аткаруусундагы кыргызча «Таң сыры» чыгармасы
Борбор шаарыбызда бул концерттин болорун укпай калып, 1-күнү барбай калдым. Муну жарнаманы жакшы жайылтышкан эмес го деп жоруп койдум өзүмчө. Бирок баргандардан Кайрат Нуртас сахнага маанайы жок чыгып «уюштуруучулар өз ишин так аткарбаптыр, сахнанын жасалгасы да жок, мейли эми, мен сиздер үчүн келдим, ырдай берем» дегенин уктум. Антсе алып баруучу «араңыздарда Толик сынчы барбы? Болсо, ал кишиден да кечирим сурайбыз» деп мени да эскере кетишиптир.
Эртеси Спорт Ордосуна саат 6дан калбай жетип бардым. 500 сомго эң үстүңкү катардан билет алып, зал толбогондуктан эң алдыңкы 1500 сомдук орундукка барып отуруп алдым. Сахнага көз чаптырсам капкараңгы, жупуну, эч кандай жасалга жок. «Ий, тобо, кичине аракет кылышса болмок экен» деп Кайраттан өзүм уялып жаттым. Көпкө күттүрүп акыры сахнага алып баруучу Аман Ибраев чыгып, «сиздерди кенен отурсун деп билетти аз саттык» деп актанып кирди. Ошондо айланага бир көз чаптырсам залдын 80 пайызы толгон экен. Быссымылда дегенде эле Данияр Эрматов жана Жоодарбешим чыгармаларын аткарышты. Андан соң сахнага эл күткөн Кайрат Нуртас күйөрман кыздарынын колдоосу менен чыга келди.
Тойдо кызмат кылган келиндерден бетер көшөгөнүн артына улам кирип-чыккандар көрүүчүлөрдү жакшы эле алаксытты. Концерттин жүрүшүндө Кайраттын атасы да ырдоого жетишип, андан кийин «No name» командасынын жигиттери Мурат Жалиев менен Кадыр Жарматов элдин маанайын көтөрүштү. Кайрат «атам үйрөткөн кыргызча ырлар» деп гитаранын коштоосунда «Нарындан жазган салам кат», «Таң сыры» деген ырларды катыра ырдап салды эле, көрүүчүлөр колдоп-коштоп шаңга бөлөндү.
Кайрат бул ирет бир жигитти сахнага чакырып өзүнүн ырынан бир куплет ырдатып, анан ал жигитке костюмун белек кылды. Биздин эл да ырчыны куру кол жибербей кучак толо гүлдесте, эжекелерибиз кийгизген калпак-чепкен, Кайраттын бейнеси түшүрүлгөн сүрөттү белек кылып узатышты.
Толик cынчы
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (28)
Супер инфо ,оштогу концертин жазбайсынарбы????
биротоло шымын да чечип бербептир костюмдун
nurtilek969796,комплект кылыпбы?))))
Ужас. Кайрат мындай болсо келбейт. Неси болсо да аман эле болгулачы
Мурат эптеп акча табайын деген окшойт да,уят эле ошончо чакыргандан кийин кичине даярдансаңар болмок,эптпемей кылбай.
fanatka19,кыргыздарга боло берет десе керекта,тиги казак андайды тушуно албайтта,алар укмуш шоу кылышатта
ошто да болуптурго аябай сонун
Оштогу сахна да жупуну болгон
Кайрат айдан тушупбу сахнанарды ондогучанар башка жагынарды ондогула анын кастимин кийсен бактылуу болотбекенсин хаха
rawid, Маалымат берип кетейин: адамдар айдан тушпойт, башкача жол менен жаралат. Бирок Кайрат сыйлачу адам, конок да болсо, таланттуу да бала
Кайрат озун баркын озу кетирип журот...
ZHaziko, ozgeldi, raiana53, аймактык бөлүнүүчүлүк маанисиндеги билдирүүлөрдү калтыруудан алыс болууну сунуштайбыз!
Эми уят эледа,Noneme акча деп чонтогунорду ойлобой жалгасында карап коюш керекта,байкуш Кайрат областын айылына барап ырдагандай эле болуптурда.
Мен ойлопмун Ошто болот го деп... Бишкекте болсо бармакмын дааа...
Кайрат Нуртасты жамынып алышып акча жасамай да албетте
Толик сынчы жазбагандай го!
Толик сынчы Быссмылда эмес Биссмиллах болуп жазсанчы озунчо оюндан токуп жазбай!
Но нейм тамашоучу эле, эмне эле ырчы болуп кетишти булар? Безпонтовый болуп кетишти, ырчы ырчыдай-тамашоучу тамашоучудай болгону эле жакшы!!!
