Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

РУУД ГУЛЛИТ

№221 26-январь-1-февраль, 2007-ж.


Ойногон клубдары:

  • “ДВС Амстердам” (1978,1979)
  • “Харлем” (1979,1980-1982, 91 оюн, 32 гол)
  • “Фейенорд Роттердам” (1982-1985, 85 матч, 30 гол)
  • “Эйндховен” (1985-1987, 68 оюн, 46 гол)
  • “Милан” (1987-1988, 1992-1993, 125 оюн, 38 гол)
  • “Сампдория Генуя” , (Италия) - (1993-1994, ноябрь 1994-1995, 53 оюн, 24 гол)
  • “Челси”, (Англия) - (1995-1997, 43 оюн, 4 гол)
  • 1996-1997-жылы Челси клубунун оюнчу-машыктыруучусу. (Англия кубогунун ээси - 1997)
  • 1998- 1999-жылы Ньюкасл Юнайтед (Англия) клубунун машыктыруучусу.
  • Голландия курама командасы. (1981-1994, 65 оюн, 16 гол)

Жетишкендиктери:

  • 2 жолку Европанын, Италиянын Суперкубогунун жана эки жолку континент аралык кубоктун ээси;
  • Голландия менен Италиянын 3 жолку чемпиону;
  • Чемпиондор кубогу менен Голландия жана Италия кубокторунун бир жолкудан жеңүүчүсү.
  • “Алтын топ” сыйлыгынын жеңүүчүсү.

Жеке өзүнө тиешелүү наамдар:
Голландиянын мыкты футболчусу;
Голландиядагы футболчулардын экинчи “алтын муунунун” жылдызы.


КИЧИНЕКЕЙ ЧЫГААН ОЮНЧУ
Голландия футболунун тарыхы эки «алтын муунду» билет. Биринчиси 70-жылдары жаркырап жанган Круифтин аты менен байланыштуу. 80-жылдардын экинчи жарымына туш келген дагы бир муундун негизин Гуллит, Ван Бастен жана Райкард түзөт.
Бала чагынан эле футбол Рууд үчүн жашоосунун бир бөлүгү болуп калган. Гуллит жана Райкард жакын жашашкан жана Амстердамдын аянттарында чогуу топ тээп чоңоюшкан. Рууд дайыма өзүнөн чоңдор менен ойноого умтулчу. Анткени, өзү менен теңдерден бир кыйла узун болуп, алардан эки эседей ылдам чуркачу. Атаандаш командасындагылардын бардыгын алдап барып, гол киргизген учурлары көп кездешчү. 15 жаш курагында Рууд Голландиянын мектеп командасынын намысын коргоп чыгып, ошондо эле аны келечекте жаркын профессионалдык карьера күтөөрү белгилүү болгон. Бирок,16 жашында Рууд күтүлбөгөн окуяга туш болот. Атактуу «Аякс» клубуна тандоодо аны кабыл албай коюшат. Ал эми аны менен бирге барган Франк Райкард өтүп кетет.
Аргасыз Рууд амстердамдык «ДВС» клубуна алынып, дароо эле команда курамы менен ойноп баштайт.

ЛИДЕРЛИККЕ ЖЕТҮҮ
17 жашында Гуллит «Харлем» командасы менен биринчи профессионалдык келишим түзөт. Аталган клубдун намысын коргоп жүргөндө ал улуттук курама командага да чакырылат. Бул 1981-жылдын 1-сентябрында 19 жашка чыккан күнү болот. Ал эми улуттук команданын негизги курамына Рууд андан үч жылдан кийин кошулат.
Гуллиттин келечектүү жолго чыгуусу 1982-жылы, «Фейеноорд» командасына алынганда башталат. Ошол кез өзүнүн карьерасынын аягына чыгуу үчүн бул клубга атактуу Йохан Круифф келген маал эле. Аны менен бирге ойноо Гуллиттин айтымында, чоң ырахат жана чеберчиликтин сырларын үйрөнүүдөгү улуу мүмкүнчүлүк болчу. «Фейеноорддо» өткөргөн үч сезондун эң мыктысы ортодогу 1983-1984-жылдары болду. Анда «Фейеноорд» эки ийгиликке жетишип, өлкө чемпионаты менен бирге Голландия Кубогун алган. Оюнчуга «ПСВ» кызыкдар болуп калып, Рууд жаңы клубга өтөт. Буга чейин жарым коргоочу болуп келген Гуллит «ПСВда» чабуул сызыгына өтө баштайт. Ыкчамдык, талааны мыкты байкоо, ажайып техника жана өзгөчө ойлонуу менен Рууд алгач «ПСВнин», андан соң «Милан» клубунун жана Голландия курама командасынын лидерине айланган. Ал өзүнүн өнөктөштөрүнө пас берип, атаандаштарынын чабуулдарын кесүү менен 1985-1986-жылдары чемпионатта 24 гол, ал эми кийинки биринчиликте 22 гол киргизген. Муну менен команда эки ирет чемпион болгон.

“МИЛАНДЫ” ДҮЙНӨГӨ ТААНЫТУУ
Суперклубдардын ээлеринин арасынан ага Сильвио Берлускони өтө кызыкдар болгон. Телевизиондук магнат жаңы гана «Миланды» сатып алып, ага мурдагы атактуулукту кайтарып берүүгө умтулган. Берлускони Гуллитти ал мезгилдеги рекорддуу акчага, 10 миллион долларга сатып алган. Ал эле эмес, эң жогорку айлык маяна, жылына 2 миллион доллар төлөп берип турган. Бул акча жумшоолор текке кеткен эмес. Гуллит менен бирге Берлускони Франк Райкардды да сатып алат. Ошентип, эки дос Рууд менен Франк кайра кошулган. Булардан тышкары, Берлускони Марко Ван Бастенди алууга да жетишет. Натыйжада, “Милан” (1987-1988-жж.) соңку он жылдагы Биринчи Чемпиондук Кубокту алган. Ал эми 1988-жылдын жай мезгилинде голландиялык­тар Европа чемпиону болушат. СССР – Голландия матчынан демейде, Ван Бастендин суперголу эске түшөт. Бирок, анын алдында эле Дасаевдин дарбазасына (Россиянын футбол командасы жөнүндө сөз болуп жатат) Гуллит гол киргизген.

ИЙГИЛИК КОШТОБОГОН ЖЫЛДАР
«Миланга» Фабио Капелло машыктыруучу болуп келгенден баштап Гуллиттин оюнуна балта чабылган. Жаңы машыктыруучу аны оң тараптагы жарым коргоочу кыла коюп, Гуллитти оңтойсуз абалда калтырган. Ал эле эмес, «Миланда» чет элдик легион көбөйүп кетип, орун алмашууга туура келгендиктен, Гуллит көбүнчө ашыкча болуп калчу. Кийин «Сампдория» клубуна барып, эркиндик алуу менен ал кайрадан укмуш оюн көрсөтө баштаган. Бир сезондо 15 гол киргизип, «Сампдорияга» Италия Кубогун алып берет.
«Сампдорияда» дагы бир жыл жаркын оюн көрсөткөн соң 1995-жылы ага «Челси» клубунан сунуш түшөт. Андан баш тартууга болбойт эле. 1996-жылы «Челсинин» машыктыруучусу Гленн Ходдл Англия командасына ишке кетип, өз ордун Гуллитке калтырат. Ал алгачкы кезекте Жанлуко Виаллини сатып алуу демилгесин көтөрүп, команда Англия Кубогун алууга жетишет. Бирок, Рууд 1998-жылы катуу чарчагандыгын айтып, күтүлбөгөн жерден «Челсиден» кетип калган. Бир аз эс алуудан кийин Гуллит «Ньюкасл» командасын баштап калат. Бирок, иштери жүрүшпөгөндүктөн, кайра кетүүгө аргасыз болот.

РУУД - МУЗЫКАНТ
Жаш кезинде Гуллит гитара ойной коюп, бир мезгилде рок-группаны да жетектеген. Чынында, анын тобу анча популярдуу эмес эле. Бирок, иштин баары мында эмес. 1988-жылы Рууд өзүнүн досу жана Голландия курама командасынын жылдызы Франк Райкард менен Германиядагы Европа чемпионатындагы жеңишинен кийин эс алып жүрүш­көн. Гуллит өзүнүн мурдагы жолдошторунун бирине конок болуп кирүүнү чечет. Аны менен убагында Рууд сахнага чыгып жүрчү. Ал жолдошу музыка жолу менен эле жүрүп олтурган, бирок, өзгөчө ийгиликке жете алган эмес. Эски достор чогулуп, гитараларын болушунча кагып, моокуму канган соң тарап кетишет. Анын бардыгы магнитофонго жазылып жатат деген ой Руудга таптакыр келген эмес. Жөндүү жолдошу жазылып алынган ырлардан кандай пайда тапса болот экендигин ойлоно коюп, көп өтпөй пластинка чыгарат. Анын эсеби туптуура чыкты. Футбол дүйнө­сүндө атагы алыска угулган Гуллит менен Райкард ырдап жаткан пластинка дароо эле элге тарап, сатылып кетет. Ошентип, шылуун жигит өзүнүн ойдо жок иши менен байый түшкөн. Голландиянын улуу футболчулары өз үлүштөрүн албаганы менен айкөл­дүгүн билдирип, эски жолдошко эч кандай доо коюшкан эмес.

Даярдаган Медер Тентимиш уулу


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: