Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Токтобүбү Черикчиева: "КОНЦЕРТТЕН ТАПКАН 2 МҮШӨК АКЧАНЫ 5 КҮН УКТАБАЙ КАЙТАРГАНБЫЗ"

№728 14-октябрь-20-октябрь, 2016-ж


2-классынан тарта комуз мектебине барып, 15 жашында филармониянын астанасын аттап, алгач элге комузчу катары таанылган Токтобүбү Черикчиева кийин эстрада жылдызына айланды. "Кечээ эле кичинекей кыз эле" деп улуу муун эскергендей, жылдар суудай агып, ырчынын сахнада жүргөнүнө быйыл 30 жылдын жүзү болуптур.

Туулган жылы
– 1969-жыл, 5-апрель
Туулган жери – Ак-Талаа району, Баетов айылы
Сыйлыгы – "Маданияттын мыкты кызматкери" төш белгисинин ээси
Ырларынын саны – 30дан ашуун

"АПАМ ЖЕКЕ ЖАШООСУН МЕН ҮЧҮН КУРМАН КЫЛДЫ"

-Мен 3 жаштан өтүп калганда апам менен атам ажырашып кетишиптир. Апамдын жападан жалгыз кызы менмин, кийин турмушка да чыккан жок, жалгыз өзү мени канаттууга кактырбай аталуудан артык бакты. Райондун борборундагы универмагда иштечү, айылга жаңы түшкөн модалуу кийимди эң биринчи чоңдордун балдары, анан мен кийчүмүн. "Союз маалында бош жүргөн адам болгон эмес" деп улуу муун айтып калат эмеспи, апам да элге кошулуп сакманга, чөп чапканга барчу. Ал жакка жеткиче айдоочунун жанындагы орундукка жайгашып алып, жолду катар заңкылдап ырдап барар элем. Кайсы ырды ырдаганымды деле билбейм, эл кол чаап сүрөп койсо, өзүмдү асманда учуп жүргөндөй сезчүмүн.
2-класстан тарта музыкалык мектепке бара баштадым, агайым Нурак Абдырахманов болчу. Бир жыл сабак бергенден кийин агай Ак-Талаадан борборго которулуп кетти. Арадан жылдар өтүп 8-классты аяктаганымда комузчу деген күбөлүк да колума тийди. Анан эле "борборго барып окуумду улантам" деп чыктым. Апам менин жолумду торогон жок. Ал киши өзүн мен үчүн курман кылды десем болот. Автобуска түшкөндөн тарта борборго жеткиче көзүмдөн жашым салаалап агып ыйлап келгем. Апам айына бир жолу этти чала кууруп банкаларга салып алып, боорсок бышырып мага келип кетчү. Келген сайын кучактап алып буркурап ыйлайм. "Өзүмдү алаксытайын, апамдын мага болгон ишеничин актайын" деп бүт дитимди, эси-дартымды окууга бургам. Апамдын бул дүйнөдөн өтүп кеткенине 6 жыл болду. Арбагы ыраазы болсун деп ар бир ийгилигимди ага арнайм.

"Биринчи жолу Москваны 15 жашымда көрдүм".



"ТОПТОГУЛАРДЫН БАЛДАРЫН БАГЫП, КИЙИМДЕРИН ЖУУЧУМУН"

-Ушунчалык бактылуу кыз экенмин. Филармониянын алдындагы 2 жылдык студияны аяктагандан кийин кыргыз маданиятынын каймактары, залкарлары Эстебес Турсуналиев, Ашыралы Айталиев, Тууганбай Абдиев, Мыктыбек Үмөталиев, Толтой Мураталиев, Уркаш Мамбеталиев иштеген "Эл шайырлары" тобуна кабыл алындым. Эң жашы эле мен болчумун. Баары мени кызындай жакшы көрүп эркелетишчү. Союз мезгилиндеги гастролдор айлап узарчу. Кыркынга да, кыштоого да, жайлоого да, каякка айдабасын барып концерт берчүбүз. Чоң эжекелер балдарын жанында алып жүрүшөт, алардын балдарын багып, чайын кайнатып, байкелердин кийимин жууп, үтүктөп да берчүмүн.
Топто жыйырмадай киши барбыз, сыйлайбыз деп айыл аксакалдары же башкармалар концерттен кийин баарыбызды коноктойт. Мына ошондо чыныгы концерт башталчу. Менин таң калганым, Эстебес агай тынбай 3-4 саат деле төгө берчү. Улууну сыйлоо, алдынан кыя өтпөө деген ал учурда мыйзам эле. Улуулар ырдап, төгүп, каалоосун айтып бүтмөйүнчө мага окшогон жаштарга кезек келчү эмес, таң ата баштаганда гана бир аз ырдап калганыбыз болбосо. Анан да улуулар сыртка чыкмайынча бутуң уктап, уйкуң келип, көзүң карайласа да ордуңдан жылмай жок. Таң атканда коробкаларга устукандарыбызды салып беришет, аны мен байкуш көтөрүп барып автобуска салам, анан мейманканага жөнөчүбүз.
Бул топто 25 жылдай иштедим, анын 15 жылы эң кичүүсү катары айткан жактарына чуркап жүрүү менен өттү. 15 жылдан кийин менден кичүү Гүлгаакы Сагындыкова деген кыз келди, анан "өх" деп бир аз эс алып калдым.

"Эл шайырлары" тобу. Биринчи катарда, солдон оңго карай: Эстебес Турсуналиев, Мыктыбек Үмөталиев, Ашыралы Айталиев. Экинчи катарда, солдон оңго карай: Толтой Мураталиев, мен, Райгүл Деркенбаева, Нуржамал Табалдиева, Абдылда Нуралиев".



"ТӨРӨП ЭЛЕ ЖУМУШКА ЧЫГЫП ЖАТТЫМ"

-Биринчи жолдошум Бектен "Ак марал" бий тобунун алдыңкы бийчиси болчу. Экөөбүз Италияга 2 жолу гастролго чогуу барып, сүйлөшүп калдык. Мамилебиз келишип, 20 жашымда ал кишиге турмушка чыккам. Бирок киши колдуу болуп каза болуп калды. Кийин турмушка чыгып бир уул, бир кыздуу болдум. Мен бала бакканды деле билген жокмун. Төрөп эле жумушка чыгып кетип жаттым. Апамды айылдан шаарга көчүрүп келип алгам. Мамлекет келечеги бар деген артисттерге Жал кичи районунан 1 бөлмөлүү үй берген. Апам балдарымды карап такай менин жанымда болуп, ошол үйдө жашадык.

"Мага жардам берген Кудай, анан апам болду. Өмүрүмдө бир жолу директордун кабинетине кирип бир нерсе сурап көргөн эмесмин. Жумушта бухгалтерияны, кассаны, анан сахнаны билем. Башынан эле өзүм менен өзүм болуп келе жатам. Мени айрымдар "одинокая волчица" деп коюшат".



"КАЧАН ӨЛТҮРҮП КЕТЕТ ДЕП КОРККОНУБУЗДУ СУРАБА"

-Ырчы катары элге алынгыча эле мени көпчүлүк комузчу деп таанып калышкан. 1990-жылы Асанкан Жумакматов жетектеген чакан топ Германияга гастролго бармай болду. Андай алыскы сапарда бир адам бир нече роль аткарса пайдалуу эле. Асанкан агай "Токтобүбү, сен жакшы ырдайсың, кыңылдаганыңды угуп калам, ырдап көрчү" деди. "Сен кызыл гүл жайнаган" деп комуз менен ырдасам, "болду, жетет, Германияга сен барасың. Ырдайсың, күү ойнойсуң, ооз комуз чертесиң" деди. Ошондон баштап ырчылыгым башталды. Ушул эле жылы "Жолугуу", "Кайыр кош" деген ырларды эстрада жаатында ырдап чыктым.
"Жалгыздыктан тажап бүттүм" деген ырым 1996-жылы жазылган. Негизи бул ырдын сөзү да, обону да
Элмирбек Иманалиевге таандык. Бирок Элмирбек менен макулдашып алып, ырдын текстин Шайлообек Дүйшеев агайга жалгыздык жөнүндө кайра жаздырып чыккам. 1997-жылы "Жалгыздыктан тажап бүттүм" деген аталыш менен борбордо Нооруз майрамына карата 4 күн концерт бердим. Элдин көптүгүнөн филармониянын айнектери талкаланганы эсимде. Билеттерди 20 сомдон сатып, 2 мүшөк акча тапкам. Мындай акча кармап көрбөгөн жаныбыз апам, аталаш иним, мен болуп акчаны үйгө жеткиргиче коркуп бардык. Анда Жалдагы 1 бөлмөлүү үйдө жашачубуз. Ошол үйдү чоңойтуп 2 бөлмөлүү кылып алалы деген планым бар эле. "Бирөө бизди өлтүрүп, акчабызды тартып кетпесе экен" деп алаңдаганыбызды сураба, түнү менен уйку жок. 8-кабатта жашачубуз, лифт келип токтосо эле көздөрүбүз тостоюп, сыртты тыңшап отуруп калабыз. Ошентип ал акчаны 5 күн кайтарып жатып үй алганбыз.

"Мыктыбек Арстанбек уюштурган "Жалаң кыздар жана мен" долбоорунда түшкөн сүрөтүбүз".



"КАЙРАДАН ЖАЛГЫЗДЫК БАШКА КЕЛГЕНДЕЙ ЖАМАН БОЛДУМ"

-Эл шайырлары" тобунда 25 жыл иштегенден кийин кетүүгө аргасыз болдум. Атадан көрбөгөн мээримди филармонияга келип Эстебес, Ашыралы, Асанкул агайлардан көрдүм. Алар мага өз кызындай мээрим төгүштү, эркелетишти. Ушулардын көзү өткөндөн кийин иштегим келбей, жалгыздык кайра башка келгенсип аябай жаман болдум. Азыр ошол убакты эстесем ыйлагым келип кетет.
Бир жагым кемигенсип, мага жакшы сөз айтчу эч ким калбай калгандай боло бергенде 2010-жылы арыз жазып, Бишкек шаардык мэриясынын алдындагы элдик оркестрге которулуп кеттим. Ушул убакка чейин ошол жерде эмгектенип келем.

Самара Токтакунова, устаты: "МЕН ҮЙРӨТКӨН КҮҮЛӨРДҮ УНУТТУ ДЕП ТААРЫНЫП ЖҮРӨМ"

– Мен Токтобүбүгө таарынып жүрөм. Мурун окуучуларым комуз үйрөнгөнү үйгө келишчү. Алгач алардын курсагын тойгузам, анан шашпай комузга киришчүбүз. Ошондой шакирттеримдин бири Токтобүбү менин колума 15 жашында келген. Музыкантта эс тутум, угуу жана ыргакка түшүү жөндөмү болуш керек. Менин окуучумда бул үчөө тең "5" деген баада, өтө күчтүү музыкант. Эмнеге таарынып жүрөм? Мен үйрөткөн күүнүн баарын унутту. Кайран эмгегим өлдү. Менден кийинки эле ансамблдин солисти ушул болмок. Таза, түз, жылдыз болуп кетпей, жумушка жоопкерчилик менен мамиле кылып жүрсө, эмгиче Эмгек сиңирген артист наамын алат беле. Өткөндө жолугуп калсак "эмнеге мага көңүл бурбайсыз, окуучуңузмун го" деп таарынат. Түз жүргөндөй көрүнөт, бирок арасында ушак-айыңга аралашып, шоктонуп коёт окшойт. Ал ырдагандай эч бир ырчы ырдай албайт. Угармандын оюн, ички туюмун, сезимин таап ырдайт. Азыр деле кеч эмес. Кудай берген талантын аздектеп, бийик алып жүрсүн. Ага Токтобүбүнүн алы жетет.

Нуржамал Табалдиева, ырчы: "КЫЙЫНЧЫЛЫКТЫН БААРЫН ЖЕҢЕ БИЛДИ"

– Токтобүбү менен "Эл шайырлары" тобунда көп жыл чогуу иштедик. Жалгыз кыз деп баарыбыздын боорубуз ооруп, колдошубуз керек деп турчубуз. Биз жумушка келбей калсак же кечигип келсек топтун жетекчиси Эстебес агай бизди кадимкидей урушчу. Токтобүбү ошондой кылса ага сүйлөй алчу эмес. Эшиктен кирип келип "жезде, саламатсызбы?" деп бетинен өөп койсо эле бүттү, жайдары болуп жатып калчу. Айылдан келгенде Самара эженин колуна түшкөн. Эженин окуучуларынын ичинен угуу жөндөмү күчтүүсү, эң кыйыны Токтобүбү эле. Кийин эстрадага өтүп кеткени бир аз капа кылды. Ырдаганы деле жаман эмес. Угармандын жүрөгүн эзип, алдын ойго салып, артын ыйлатып коёт. Адамгерчилиги бийик, сөзгө туруктуу, ак көңүл адам. "Ак көңүлдүн аты арыбайт, аты арыса да өзү жарыбайт" болуп, бул мүнөзүнүн азабын көп тартты. Экинчи турмушунан да жолу болбой кыйналды. Бирок кандай кыйынчылык болбосун баарын жеңе билди. Учурда радиолордун биринде арабыздан өтүп кеткен залкарларды эскерип "Чексиз" деген уктурууну алып барат.

Сагын Ниязалиева, режиссёр: "КОНЦЕРТИНДЕ ЭЛ ТУРУП АЛЫП КОЛ ЧАБЫШКАН"

– Ал кез азыркыдай өнүгө элек учур. 1997-жыл. Токтобүбүнүн биринчи концертин мен уюштуруп, телевидениеге тарткам. Анда ырчы популярдуу болсо билеттер калбай калчу. Концерттин алдынан мен, Токтобүбү, айдоочу болуп түнү бою камыр менен афиша чаптап чыкканбыз. Ошол кезде ал Ибрагим Жунусовдун "Колукту" деген чыгармасын ырдап чыгып, 2 кишинин бири эле ушул ырды созуп калган. Эстрада менен фольклорду айкалыштырган өзгөчө концерт болгон. Соңунда Асанкан Жумакматов өзү дирижёрлук кылып, Токтобүбү оркестр менен ырдап, көшөгөнү "Маш ботой" күүсү менен жапканда эл бир топко кетпей туруп алып кол чабышкан.

"Кызым Медина менен".


"Балам Чыңгызга "мага сендей кезимде мамлекет 1 бөлмөлүү үй берип койгон. Иштесең эле тиштейсиң" деп көп айтам".


Сүйүн Кулматова
(Сүрөттөр каармандын өздүк архивинен алынды)
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  9 
Комментарийлер(25)
17.10.2016. 09:16 
Тайпасы:
Жаран
Комментарийлердин саны:
8
Катталган:
09-02-2016
Соӊку аракети:
03-07-2018 18:16
Жынысы:
Белгисиз
+6
Токтобүбү эже мага абдан жагат,үнү сонун. Эмгиче наам албаганы өкүнүчтүү.
17.10.2016. 09:24 
Тайпасы:
Жаран
Комментарийлердин саны:
172
Катталган:
16-03-2014
Соӊку аракети:
12-02-2018 23:17
Жынысы:
Белгисиз
Калаасы:
Кыргызстан.
+3
Чыгармачылык ийгилик! Ырларын жакшы коруп угам,чыгармачылыгын сыйлайм!
17.10.2016. 09:38 
Тайпасы:
Жаран
Комментарийлердин саны:
24
Катталган:
12-10-2015
Соӊку аракети:
02-11-2017 23:03
Жынысы:
Белгисиз
+5
Ырларыныз абдан сооонун! Унунуз мындан сооонун!
Бар болунуз. Ишинизге ийгилик.
17.10.2016. 09:56 
Тайпасы:
Тартип бузгандар
Комментарийлердин саны:
Катталган:
17-06-2015
Соӊку аракети:
10-07-2017 11:40
Жынысы:
Белгисиз
Калаасы:
moscow
+3
Уй булолук бакыт! Чыгармачылыкта ийгиликтерди каалайбыз!
17.10.2016. 10:04 
Тайпасы:
Жаран
Комментарийлердин саны:
189
Катталган:
04-07-2016
Соӊку аракети:
22-09-2018 15:20
Жынысы:
Белгисиз
+11
Бизде мындай эмгеги бааланбай калган таланттуу ырчыларыбыз коп. АША.нын туулган кунуно барган ырчы аттуулар сразы эле эмгек синирген наамга ээ болуштуго. Эр эмгегин эл баалайт болбой эле, артист эмгегин АША бийлик баалайт болуп калган заман азыр
17.10.2016. 11:38 
Тайпасы:
Жаран
Комментарийлердин саны:
43
Катталган:
26-12-2015
Соӊку аракети:
01-06-2018 22:58
Жынысы:
Белгисиз
0
Супер инфо Токон Дайырбеков жонундо жазып койгулачы суранып эле атам суранып эле атам
17.10.2016. 12:51 
Тайпасы:
Жаран
Комментарийлердин саны:
1023
Катталган:
23-09-2015
Соӊку аракети:
22-09-2018 18:36
Жынысы:
Белгисиз
+6
Бар болуңуз эжекеси ден-соолук каалайм!
17.10.2016. 12:54 
Тайпасы:
Жаран
Комментарийлердин саны:
1023
Катталган:
23-09-2015
Соӊку аракети:
22-09-2018 18:36
Жынысы:
Белгисиз
+8
Илгери коркпой эле койсоңуз болмок элдин пейили кенен жакшы адамдар көп болчу акчага тийбейт болчу азыр ач көз адамдар бузулду заман эмес.
17.10.2016. 13:41 
Тайпасы:
Жаран
Комментарийлердин саны:
125
Катталган:
23-12-2015
Соӊку аракети:
09-07-2017 00:51
Жынысы:
Белгисиз
+3
Самара эже жайлапсыз го. Эми урушасынар го только.
17.10.2016. 18:12 
Тайпасы:
Жаран
Комментарийлердин саны:
38
Катталган:
08-08-2012
Соӊку аракети:
10-09-2018 23:15
Жынысы:
Белгисиз
Калаасы:
Бишкек
+5
Токтобубуго деле эмгек с нирген артист наамын берип койсо эн эле туура болмок каяктагы уну жок кызга бергиче
17.10.2016. 18:14 
Тайпасы:
Жаран
Комментарийлердин саны:
38
Катталган:
08-08-2012
Соӊку аракети:
10-09-2018 23:15
Жынысы:
Белгисиз
Калаасы:
Бишкек
+6
Токтобуунун уну аябай тунук узаак созот
17.10.2016. 20:32 
Тайпасы:
Жаран
Комментарийлердин саны:
56
Катталган:
05-05-2014
Соӊку аракети:
03-03-2018 12:16
Жынысы:
Белгисиз
+15
Мирбек Атабеков менен Гулзада Рускулова тороло электе ырдап чыгыптыр . Уялсанар боло чондор . Акча суйлоп калган Кыргызстанда баары
17.10.2016. 22:01 
Тайпасы:
Кыймылы жок
Комментарийлердин саны:
1
Катталган:
03-04-2015
Соӊку аракети:
18-10-2016 19:20
Жынысы:
Белгисиз
0
Урматтуу админ Кенже Кобокова тууралуу макала жазсаныздар деп суранат элем.Ырлары абдан жагат
18.10.2016. 02:39 
Тайпасы:
Жаран
Комментарийлердин саны:
131
Катталган:
10-05-2016
Соӊку аракети:
19-09-2018 12:16
Жынысы:
Белгисиз
Калаасы:
узген
+2
Самара эженин айтканын тушунгон жокмун.....
18.10.2016. 09:43 
Тайпасы:
Жаран
Комментарийлердин саны:
133
Катталган:
20-04-2014
Соӊку аракети:
22-09-2018 11:54
Жынысы:
Белгисиз
+6
Барибир мурунку муундун адамы, мурунку муундун тарбиясы! Создору орду орду мн! Азыркы ырчылардай чалды-куйду, аалы жетишинче мактанган интервью эмес!
Шикирттери бар бекен?
Ийгилик!
18.10.2016. 13:13 
Тайпасы:
Жаран
Комментарийлердин саны:
4
Катталган:
06-06-2012
Соӊку аракети:
24-06-2018 11:45
Жынысы:
Белгисиз
+6
Токтобубу эженин уну озгочо,кайталангыс!Чынында Гулзада менен Мирбектин жанында таланты ото бийик.Коздору корбойбу чыныгы таланттарды?Элге эбак эле эмгеги синген,бийлик баалабаса дагы сизди эл баалайт.Бар болунуз эжеке!Талантынызга таазим!!
18.10.2016. 13:15 
Тайпасы:
Жаран
Комментарийлердин саны:
4
Катталган:
06-06-2012
Соӊку аракети:
24-06-2018 11:45
Жынысы:
Белгисиз
+3
Самара эже ырчынын комузда ойноп куу чертсе коп ийгиликтерге жетмек деп ойлойт экен да
18.10.2016. 13:40 
Тайпасы:
Жаран
Комментарийлердин саны:
19
Катталган:
21-08-2016
Соӊку аракети:
21-05-2018 12:49
Жынысы:
Белгисиз
+2
Балдарынын атасы жонундо айтып койсо жакшы болмок
18.10.2016. 17:52 
Тайпасы:
Жаран
Комментарийлердин саны:
36
Катталган:
15-10-2015
Соӊку аракети:
05-08-2018 11:08
Жынысы:
Белгисиз
+3
Токтобубу эже сиздин унунузго эч ким жетпейт. Нукура кудай берген талант. Сиздин ырларынызды чын журоктон угабыз. Ишинизге ийгилик каалайбыз. Чыгармачылыгыныз оркундой берсин
19.10.2016. 11:07 
Тайпасы:
Жаран
Комментарийлердин саны:
41
Катталган:
07-05-2014
Соӊку аракети:
21-03-2018 13:04
Жынысы:
Белгисиз
0
Балдарынын атасын такыр айтпайт го, кайсы интервьюсун окубайлы
19.10.2016. 23:42 
Тайпасы:
Жаран
Комментарийлердин саны:
169
Катталган:
31-03-2009
Соӊку аракети:
18-09-2018 12:59
Жынысы:
Белгисиз
Калаасы:
Бактылуулар калаасы.
+1
Окмот эмес эл баалайт. Эл оз иргеп алат кимдин эмгеги канчалык сингенин. Наамы жок болсо да Токтобубу Черикчиева алардан ойдо, кадыр-баркы таланты менен.
20.10.2016. 07:26 
Тайпасы:
Жаран
Комментарийлердин саны:
1751
Катталган:
06-02-2012
Соӊку аракети:
22-09-2018 08:43
Жынысы:
Белгисиз
0
Эл артисти жаштарга берип койду Токтобубу качанкы союз маалынан бери журуп алаэлек,уят биздин маданият министири иштебей эле акча чечип ким кимдин тоюнда бекер ырдаса эл артисти азыркы жаштар той алпарып кечее чыгып бугун эмгеги синип кетет...уяаат ай уяаат...
23.10.2016. 14:58 
Тайпасы:
Жаран
Комментарийлердин саны:
50
Катталган:
15-10-2012
Соӊку аракети:
31-01-2018 10:23
Жынысы:
Белгисиз
Калаасы:
Кыргызстан
0
Черикчиеванын ырынан деп ырдайт элек да.
23.10.2016. 17:49 
Тайпасы:
Жаран
Комментарийлердин саны:
23
Катталган:
08-06-2014
Соӊку аракети:
22-06-2018 11:53
Жынысы:
Белгисиз
-1
Оа көп эле шоктонот окшойт...сигаретти түтөтүп атканын Ош нуру гостиницанын алдында көргөм өтүп бара жатып
24.10.2016. 07:24 
Тайпасы:
Жаран
Комментарийлердин саны:
58
Катталган:
04-05-2013
Соӊку аракети:
08-05-2017 11:46
Жынысы:
Белгисиз
0
Azamatsyz eje, ununuzgo bereke!!!Siz daiyma el artisrisiz, eliniz siz menen, talantynyzdy el baalait!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: