Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

"АТА, МЕН АКМЫН!" ЖЕ ОКУУЧУНУН ӨЗ ЖАНЫН КЫЙЫШЫНА ЭМНЕ СЕБЕП БОЛГОН?

№730 28-октябрь-03-ноябрь, 2016-ж


"Ата мен Бакыт аканын акчасын 1сомун дагы алган эмесмин Бакыт аканын баласы түнкү саат 2де бакка алпарып сомду алдың деп чывык менен кийимими көтөрүп 10-15 жолу чаап анан башыма бетиме 5-6-жолу чапканда көзүм караңгылашып кеткенде өлтүрүп коёт окшойт деп мойнума алгам. Мынтыгынын мага эмне кереги бар аны алгандан кийин мен кантип көтөрүп жүрмөг элем мен берген 3900-сом. Өзүмүн акчам болчу2000-сомду туалет казып калган 1900-сомду мурда чоглуткан акчам болчу ата мени сиз ууру деп ойлобоң ал жерде мен акмын ак экеними даказайтетип берем мени Бакыт аканын үйүнөн табас бул катты бир эле сизге эмес 2-3 адамга бердим ата мен азыр апамы эле күтүп жүрөм 2-3 күндөн кийин келсе апамы бир көрсөм эле болду. өзүмүн 3900-сомумду дагы сиздин 10000-сомуңузду 100000-кылып төлөтүп берем. мени башка жактан издеп убара болбоң Бакыт аканын үйүнөн табасыз менин акыркы сөзүм мен акмын. ал жерде"

 

Бул Сузак районунда уурулукка шектелип, өз жанын кыйган 9-класстын окуучусунун акыркы каты. Окурмандарга каттын эч бир жерин оңдобой берүүнү туура көрдүк. Ал эми окуучунун өлүм алдында бул катты жазуусуна, өз өмүрүнө кол салуусуна эмне түрткү болгондугуна төмөндө жооп издеп көрдүк.


"БАЛАМДЫ САБАП, КҮНӨӨНҮ МОЮНУНА АЛДЫРЫШЫПТЫР"

2016-жылдын 23-октябрында Жалал-Абад облусунун Сузак районундагы Сымкат айылынын тургуну Шерзат Алимбеков өз үйүндө асынып алып, ооруканага жетпей каза тапкан.

Маркумдун атасы Талантбек Алимбеков менен байланышып, окуя кандайча болгондугун өз оозунан уктук:
– Шерзат 4 уулумдун кенжеси эле. Биз тууганыбыз ооруп Жалал-Абад шаарына кетип, үйгө малды карасын деп Шерзатты таштаганбыз. 17-октябрь күнү келсем айылдашыбыз Бакыт Токтосунов дегендин 25 жаштагы Кубаныч аттуу баласы жолугуп: "Аяш ата, мен балаңызды айылдын этегиндеги бакка алып барып аябай сабадым. Атамдын унаасынан акча алып коюптур. Моюнуна алды",- деди. Баламды милиция бөлүмүндө дегенинен барсам уулум отурат. Бети-башы, денеси көк ала. "Сени ким урду?" десем эле Кубаныч "аяш ата, мен урдум дедим го" деп калды. Көрсө, ал баламды 15-октябрь күнү сабаган экен, таң аткыча унаасына салып жүрүптүр.
16-октябрда 5-6 милиция кызматкерлери жана Кубаныч Октябрь аймактык милиция бөлүмүнө жашы жете элек уулумду алып келишип, ата-энеси же мугалиминин катышуусуз өз алдынча суракка алышкан. Жыйынтыгында уулума уурулукту моюнуна алган түшүнүк кат жаздырып алышыптыр. Уулум буга чейин айылдаштарыбыздын биринин дааратканасын казышып акысына 2 миң сом, дагы бирөөлөргө шагыл ташышып 1900 сом алып, аны уюлдук телефон сатып алам деп сактап жүргөн экен. Ошол акчаны сурак учурунда милиция кызматкерлери уулумдун чөнтөгүнөн таап алып, "уурдалган акчадан калганы" деп алып коюшуптур. "Балаңыз өзү моюнуна алды" дешкенинен уулум чын эле уурулукка барган окшойт деп ойлоп калгам. Айлам кеткенде Бакытка барып 10 миң сомун төлөп берип, алардан "доом жок" деген тосмо арыз алып келдим. Өлөрүнө 3 күн калганда уулум "ата сиз уялбаңыз, мен Бакыт байкенин акчасын уурдаган эмесмин. Аны далилдеп берем. Мен жөн жерден жаманатты болуп калдым, эгер актыгымды далилдей албасам Бакыт байкенин үйүнө барып асынып алам" деп кат жазганынан көңүлүн алып уюлдук телефон сатып берип, кайтарып 2-3 күн жанынан чыкпай жүрдүм эле (каарманым сөзүнүн ушул жерине келгенде мукактанып сөзүн андан ары улай алган жок)...

"ИНИМДИН ӨЛҮМҮНӨ АЙЫЛДАШЫБЫЗ КҮНӨӨЛҮҮ"

Талантбек Алимбековдун иниси Эркинбек буларды кошумчалап өттү:
– Шерзат арыкчырай, узун бойлуу, кызга окшоп созулган бала эле. Ата-энеси 10 жылдан бери Москвада иштеп биздин колдо чоңоюп баламдай эле болуп калган. Былтыр атам каза болгон соң агам айылга келип, жеңем Москвада иштеп жүргөн. 6-ноябрда атамдын жылдыгы болмок. Жеңем ошого келмек, 24-октябрга учакка билет алып койгон.
Инимди уруп-согуп уурулукту моюнуна алдырып коюшуптур. Анда мен шаарда элем, келсем иним сүйүнүп кетти. "Эркинбек байке, сизди күтүп жүргөм, ушул иштин акырына чыгып бериңиз, мен акмын",- дейт. Аны уккан соң мен окуяны териштирейин деп туугандар менен чогуу милиция бөлүмүнө барып, жетекчисине жолуккан элек. Бирок ал инимдин акчасын кайтарып бермек түгүл, "сабаганы тууралуу арыздансаңар балаңарды каматып жиберем" деп Бакыт Токтосуновдун сөзүн сүйлөп туруп алганынан баса бергенбиз.
Бакыт Токтосунов мурда Жалал-Абад ОИИБинин тергөө бөлүмүнүн башчысынын орун басары болуп иштеген. Бир уулу азыр Ала-Бука РИИБинде тергөөчү. Инимдин өлүмүнө 100 пайыз Кубаныч күнөөлүү. Себеби ал инибизди бактын жанына алып барып сабап, "эгер уурулукту моюнуңа албасаң бакка асып өлтүрөм. Эртең милиция кызматкерлерине барып "акчаны мен уурдагам" деп айтасың" деп коркутуптур.

Маркум тирүүсүндө туугандары анын денесиндеги ур-токмоктон калган тактарды уюлдук телефонго тартып алышкан. Акыркы жолу тартылып алынган видеодо анын: "Мен 10 миң сом уурдаган эмесмин. Бакыт акенин баласы мас абалда катуу сабады. Өлтүрүп коёбу деп моюнума алгам. Ошол учурда жанымда 3900 сом бар болчу. Анын 2 миң сомун жер казып алгам, калганын чогултуп жүргөм",- дегенин көрүүгө болот.
Апсамат Тажибаев атындагы орто мектептин директору Гүлбара Эргешовага байланышканыбызда бул окуя мектептен тышкары болгондугун, окуучуларга убагында рэкетчиликтин, суициддин алдын алуу боюнча сабактар өткөрүлүп келгендигин маалымдады.

"БАЛАМ МАРКУМДУ САБАГАН ЭМЕС!"

Андан соң Бакыт Токтосуновго байланышып, анын да оюн уктук:
– Бул боюнча милиция кызматкерлери тергеп жатат. Унаамдын бардачогунда 10 миң сомум бар эле. Каза болгон бала уулум менен үйгө келип унаада отуруп ойноп кеткен экен. Анын 1000 сомун бирөөгө бергем. 9 миң сому калган. Бир күнү карасам 3 миң сому жок. Уулумду барып "сен алдың" деп уруштум. Ал "алган жокмун" дегенинен, аялыма "сен алып керегиңе жараткан окшойсуң" десем, ал да албаптыр. Эртеси бир жакка тойго барып унаамдагы капчыгымды карасам калган 6 миң сом да жок. Эшиктин алдындагы тирдин мылтыгын да уурдап кетиптир. Ошондо милиция кызматкерлерине телефон чалдым.
Каза болгон бала уурулукту моюнуна алган. Менин уулум аны уруп-согуп моюнуна алдырган деген жалаа. Тирдин мылтыгын уурдап кетип, бирөөнүн үйүнө бекитип койгон жеринен табылды. Бул баланын мурдагы фактылары да толтура. Атасы келип ыйлап, кечирим сураганынан "акчамды төлөп бергиле" дегем. Акчамды берип тосмо арыз жаздырып кетишкен.
Баласына кат жаздырып алыптыр, аны мага окуп берди. Аны бала өзү жазганбы же башка бирөө жазганбы, аны да экспертизага берип текшертүү керек. Ага "балаңдын ушинтип "өлөм" деп жатканын билип, ошол катын окуп шолоктоп ыйлагандан көрө балаңды жакшылап кара" дедим. Мына мен айткандай болуп уулу асынып алды. Менин үстүмдөн бир жума арыз жазбай жүрүп, баласы өлгөн соң гана арыз жазып жатышат. Мен да "уурулук кылган" деп арыз жаздым. Калганын тергөө чечет да.

"БАЛАНЫ АТАСЫНЫН КӨЗҮНЧӨ СУРАККА АЛГАНБЫЗ"

Ал эми баланы суракка алган аймактык тескөөчү Санжар Маатжакыпов бардыгы мыйзам чегинде болгондугун айтат:
– Бизге Бакыт Токтосунов "унаамдан 9 миң сомумду жана тир мылтыгын уурдап кетти" деп арыз жазган. Каза болгон бала уурдаткан адамдын баласына өзү барып уурдаганын моюнуна алыптыр. 17-октябрь күнү баланы өспүрүмдөр менен иштеген кызматкердин, атасынын көзүнчө суракка алдык, бирок атасы түшүнүк катка кол коюудан баш тарткан. Бала күнөөсүн атасынын көзүнчө моюнуна алды. Ошол жерден эле атасы "мени элге уят кылдың" деп сабап баштаганынан ажыратканбыз. Баланын бети-башы биз баргыча эле сыйрылып жүргөн экен. "Эмне болду?" десек арыз ээсинин Кубаныч деген баласы сабаганын айтты. Атасына "арыз жазыңыз" десек, "биз тааныш болобуз, өзүбүзчө бүтүрүп алабыз" деп болбой койгон. Кийин өздөрү барып арыз ээсине жоголгон акчасын кайтарып беришип, ага тосмо арыз жаздырып келишкен.
Баланын чөнтөгүнөн табылган 3900 сом акчага акт түзүлүп, далил буюм катары алынган. Тирдин мылтыгын биз баргыча ээсине кайтарып берип коюшуптур. Азыр акча да, тир мылтыгы да тергөөчүдө. Баланын атасы келип "3900 сомду бергиле" дегенинен, биз "тергөөнүн токтому чыкмайынча берилбейт" деп түшүндүрүп айтканбыз. Ага "балаңызды тергөөчү чакырганда алып келип турасыз" деп өзүнө кошуп бергенбиз.

"МАРКУМ КАЗА БОЛГОНГО ЧЕЙИН САБАЛГАН"

Бул окуя боюнча Жалал-Абад ОИИБинин басма сөз кызматынын жетекчиси Мыктыбек Турдубеков буларды билдирди:
– Маркумдун атасы баласын бакка алып барып ургандыгы боюнча Токтосунов Кубанычбек Бакытбековичтин үстүнөн арыз жазып, ага Кылмыш-жаза кодексинин 234-беренеси (ээнбаштык) боюнча кылмыш иши козголду. Анын маркумду өзүн өзү өлтүрүүгө жеткирүүгө тиешеси барбы же жокпу иликтөө жүрүүдө. Маркумдун денесине соттук-медициналык экспертиза жүргүзүлгөн. Жыйынтыгында денесинде каза болгонго чейин алган жаракаттары бар экендиги аныкталды. Ал эми милиция кызматкерлери жашы жете элек баланы ата-энесиз суракка алгандыгы тууралуу да териштирилүүдө.

Учурда тергөө иштери улантылууда. Эгер тергөөнүн жүрүшүндө кимдир бирөөнүн маркумду өзүн-өзү өлтүрүүсүнө жеткирүүгө тиешеси бар экендиги аныкталса, анда Кылмыш-жаза кодексинин 102-беренеси (өзүн-өзү өлтүрүүгө жеткирүү) менен кылмыш иши козголушу мүмкүн. Бул кылмыш боюнча күнөөлүү деп табылган адам мыйзам боюнча 3 жылдан 7 жылга чейин эркинен ажыратылат.

Асхат Субанбеков
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(41)
31.10.2016. 12:17 
Тайпасы:
Жаран
Комментарийлердин саны:
22
Катталган:
18-03-2016
Соӊку аракети:
03-07-2018 18:12
Жынысы:
Белгисиз
+5
Тигил кишинин жаш баланы озу билип сабаганга кандай акысы бар,мен ошону тушунбайтам.Анан да атасына мен баланызды сабадым десе атасы унчукпай,кайра алардан кечирим сурап.Тигил сабаган акмакты олтуруп салса болмок,сен менин баламды сабаганга кандай акын бар деп.Турмого отурса да зато баласы учкн отурмак анан да баласы тируу калмак.
31.10.2016. 12:56 
Тайпасы:
Жаран
Комментарийлердин саны:
87
Катталган:
31-05-2013
Соӊку аракети:
23-09-2018 23:23
Жынысы:
Белгисиз
Калаасы:
Шибер
+1
Ээ кудай жазанарды берсин! Бетин кило кылып калп айткан кишиде да бала бар!!!
31.10.2016. 14:52 
Тайпасы:
Жаран
Комментарийлердин саны:
253
Катталган:
14-11-2015
Соӊку аракети:
26-08-2018 21:56
Жынысы:
Белгисиз
Калаасы:
Шахризааданын жомогу
+4
Тиги Кубаныч деген озу эле алганго. Айыбын жашыруу максатында жаш балага зулумдук кылып жаткандай.
31.10.2016. 15:15 
Тайпасы:
Жаран
Комментарийлердин саны:
22
Катталган:
18-03-2016
Соӊку аракети:
03-07-2018 18:12
Жынысы:
Белгисиз
0
баланы урган милиция,тигил урган зоокурго бул дуйнодо ХХХ ХХХ
Модератор admin_superstan түзөттү 2016-11-01 11:02:41
01.11.2016. 11:02 
Тайпасы:
Супермодератор
Комментарийлердин саны:
5912
Катталган:
05-09-2011
Соӊку аракети:
24-09-2018 13:20
Жынысы:
Белгисиз
Калаасы:
Супер-Инфо
-1
dilnaz100284, провокациялык билдирүүлөргө жол берилбейт. Оозеки эскертүү!
31.10.2016. 15:31 
Тайпасы:
Жаран
Комментарийлердин саны:
22
Катталган:
18-03-2016
Соӊку аракети:
03-07-2018 18:12
Жынысы:
Белгисиз
+1
мыкачылар жакшынакай баланы олтурушту.Кудай урсун баланын олумуно кунолуулорду арбагы омур бою кыйнасын силерди.
31.10.2016. 15:44 
Тайпасы:
Жаран
Комментарийлердин саны:
22
Катталган:
18-03-2016
Соӊку аракети:
03-07-2018 18:12
Жынысы:
Белгисиз
+1
Шерзаттын ата энесине айтаар элек артыкайыр болсун бул ишти жон калтырбагыла каматкыла кунолуулорду акчага алданып калбагыла.
31.10.2016. 16:03 
Тайпасы:
Жаран
Комментарийлердин саны:
12
Катталган:
17-10-2016
Соӊку аракети:
06-09-2018 20:42
Жынысы:
Белгисиз
0
MAATJAKYPOVdun aitkany kulku keltireerlik, ozu baryp, men uurdagam dep moiununa algan imish, ech kim urbai teppei ele, uurdagan kundo da myizam cheginde surak alyshynar kerek bolchu, kyrchyndai balanyn ubaly kimge
31.10.2016. 16:12 
Тайпасы:
Жаран
Комментарийлердин саны:
0
Катталган:
12-04-2016
Соӊку аракети:
03-07-2017 18:42
Жынысы:
Белгисиз
+1
Акчаны ким алган болсо да айтсында эми,олум болду,ушунча нерсе болду кантип тынч жашайт экен куру доомат кылып коюп.
31.10.2016. 16:36 
Тайпасы:
Жаран
Комментарийлердин саны:
5
Катталган:
18-11-2011
Соӊку аракети:
22-12-2016 12:35
Жынысы:
Белгисиз
Калаасы:
ростов-на-дону
+1
Машинасынын бардочогуна да акча калтырабы?Азыраак акча болсо да мейли,10000 сомду эч качан калтырбай калды го.Озун акташ учун ойлоп тапкан жалган созу да.Жаш балага ото жалко.Чонураак адам болсо озунун жанын кыймак эмес,бул бала Али наристе да,бул жашоонун жакшы жаманын тушуно элек.Жок жерден жалаа жабып,токмоктоп жатышса колунан эчтеке келбесе оз жанын кыйганга алып барды да.Тобо кылдым,эч бир адам баласына бул кунду салбасын.Жаткан жери жайлуу болсун.Убалы куноолулорго тийсин.
31.10.2016. 17:47 
Тайпасы:
Жаран
Комментарийлердин саны:
13
Катталган:
17-05-2016
Соӊку аракети:
21-09-2018 15:37
Жынысы:
Белгисиз
Калаасы:
токмок
+6
милиция кызматкерлери жон эле мойнуна алдыра береби машинасынын ар бир кармаган жеринде колунун издери калатта ошону неге карашпайт жон жерден кичинекей балага куноо жаап
31.10.2016. 18:39 
Тайпасы:
Жаран
Комментарийлердин саны:
29
Катталган:
02-01-2015
Соӊку аракети:
24-09-2018 12:10
Жынысы:
Белгисиз
+2
Адам укуктары үчүн күрөшкөн уюмдар ушундай да үнү чыкпай калат, анан эле көптөгөн адамдардын өлүмүнө күнөөлүү Алимжанга окшогондорду коргоп калышат,
31.10.2016. 18:49 
Тайпасы:
Жаран
Комментарийлердин саны:
41
Катталган:
26-05-2016
Соӊку аракети:
20-09-2018 18:33
Жынысы:
Белгисиз
+1
10 000 мин сомду айынан бир адамдын омуру кыйылдыбы , эмнеге милицияга алпарат лучше атасы келгенче унчукпай турса атасына айтып эле тушундуруп койбойбу, бала эгер ууру болгондо асынып алмак эмес эле ,уялбай журо бермек , уялып намыстанып асынып алдыда .
31.10.2016. 19:47 
Тайпасы:
Жаран
Комментарийлердин саны:
30
Катталган:
10-01-2016
Соӊку аракети:
16-08-2018 09:20
Жынысы:
Белгисиз
+5
Акчасы болунуп болунуп жоголуптур,озунун баласы эле алганго,жаш баланы кыйнап мойнуна алдырган окшойт.ошо озунун баласында каттуурак сурак кылыш керек.Байкуш бир баланы жок кылышыптыр.
31.10.2016. 21:23 
Тайпасы:
Жаран
Комментарийлердин саны:
121
Катталган:
04-04-2013
Соӊку аракети:
23-09-2018 10:48
Жынысы:
Белгисиз
+1
3900 акт тузуп алганбыз дейтко тосмо арызды алгандан кийин бериш керек эле кайра булар оздору эле алып койгонго ошо 3900 да
31.10.2016. 21:32 
Тайпасы:
Жаран
Комментарийлердин саны:
1023
Катталган:
23-09-2015
Соӊку аракети:
23-09-2018 13:55
Жынысы:
Белгисиз
0
Кубаныч деген куноолуу окшойт, 3 жылдан 7 жылга чейин азго
31.10.2016. 22:16 
Тайпасы:
Жаран
Комментарийлердин саны:
25
Катталган:
12-04-2016
Соӊку аракети:
14-07-2018 08:49
Жынысы:
Белгисиз
0
Эх жаш омурду кыйган Ошо акчасын жоноткон кишинин баласы ХХХ ХХХ Бечара жакшынакай эле бала экен эле. Журогум ооруп ыйлап турам. Аллахым жазасын берсин анткорлордун акча жоготконун да урганын да милийциясынын да. Ата энесине сабыр тилейм Кайрат берсин кудайым...
Модератор admin_superstan түзөттү 2016-11-01 11:05:04
01.11.2016. 11:05 
Тайпасы:
Супермодератор
Комментарийлердин саны:
5912
Катталган:
05-09-2011
Соӊку аракети:
24-09-2018 13:20
Жынысы:
Белгисиз
Калаасы:
Супер-Инфо
0
adi.sumi, провокациялык билдирүлөрдү калтыруудан алыс болуӊуз. Оозеки эскертүү!
31.10.2016. 23:24 
Тайпасы:
Жаран
Комментарийлердин саны:
16
Катталган:
21-08-2016
Соӊку аракети:
27-07-2018 14:00
Жынысы:
Белгисиз
Калаасы:
коптогон жерлер
+3
бул иш да акчалуу анан тааныш аркылуу чечилип калбаса экен айтайын дегеним ошол кубаныч деген ээрчитип келгенде эле милициялар анализдебейби ал деген мектеп окуучусу болсо анан сабалып токмок жеп келгени билингендир эле
31.10.2016. 23:59 
Тайпасы:
Жаран
Комментарийлердин саны:
34
Катталган:
30-05-2016
Соӊку аракети:
27-03-2018 16:14
Жынысы:
Белгисиз
+1
Баласы озу эле алган дагы, башкага жалаа жаап койгон окшойт. Уруп сабап мойнуна алдырткан. Уяты жок. Кудай баары бир жазалайт.
01.11.2016. 01:37 
Тайпасы:
Жаран
Комментарийлердин саны:
30
Катталган:
08-04-2014
Соӊку аракети:
22-05-2018 11:43
Жынысы:
Белгисиз
Калаасы:
New York
+1
Уялбаган адамдар экен кошуналары, бир нерсең жоголсо бирөөнүн алганын билип турсаң да айткандан уялысын го киши, 10 миң азыр эч нерсе деле келбейт го.
01.11.2016. 02:50 
Тайпасы:
Жаран
Комментарийлердин саны:
1
Катталган:
10-04-2014
Соӊку аракети:
19-09-2018 05:47
Жынысы:
Белгисиз
+1
Бакыт Токтосунов дегенинер чыныгы а..ак.экен, ууруну алыстан издебей эле койсо болмок экен, менимче ууру оз уулу Кубаныч окшойт. Атасы жоголгон акчасын издей баштаганда жаш баланы сабап мойнуна алдырган. Ошол Бакыт Токтосунов деген кантип Жалал-Абад ОИИБинин тергөө бөлүмүнүн башчысынын орун басары болуп иштеген тушунуксуз. Же милицияда ак адамдын мойнуна кылмыш илип "результат" корсоткон "профессионалдар" иштейби?!! Карасан эч кимди козго илбей машайык сезет го оздорун!!!
01.11.2016. 03:00 
Тайпасы:
Жаран
Комментарийлердин саны:
1
Катталган:
10-04-2014
Соӊку аракети:
19-09-2018 05:47
Жынысы:
Белгисиз
+1
Эгер ушул окуя боюнча окумду мен чыгаруучу болсом, баланы туну сабап жок жеринен ууру атактырган Кубаныч аттуу чон муштумду 7 жылга, аймактык тескөөчү Санжар Маатжакыповду мыйзамды одоно бузганы жана жалган корсотмолору учун кызматтан четтетип, 3 жыл абакка кесмекмин... Ошондой эле мурда Жалал-Абад ОИИБинин тергөө бөлүмүнүн башчысынын орун басары болуп иштеген Бакыт Токтосуновду бардык чининен ажыратып, условный 1 жылга кесмекмин. Ошондо адилеттуулук орномок, кылмышкерлер жазаланып.
Revolyutsiya түзөттү 2016-11-01 03:02:29
01.11.2016. 03:11 
Тайпасы:
Жаран
Комментарийлердин саны:
1
Катталган:
10-04-2014
Соӊку аракети:
19-09-2018 05:47
Жынысы:
Белгисиз
+2
Ушул окуя боюнча соттун окумун эл кутуп жатат. Эл адилет жазаны талап кылат.
01.11.2016. 03:33 
Тайпасы:
Жаран
Комментарийлердин саны:
41
Катталган:
17-12-2013
Соӊку аракети:
07-08-2018 22:55
Жынысы:
Белгисиз
+3
Бир караса 3мин жок, дагы караса 6мин жок деп коет.Рас 3мини жоголгондон кийин мне учун кайра машинага коет акчасын ? Озунун баласынан башка машинасына ким чыгат бээсурак? Сак болбойбу ар кимден тонковой ? Питина бир адамдар окшойт тооба.Анын машинасына кундо олгон бала киргидей туалет беле ? Азыр бироонун туалетине деле уруксат сурап кирген заман. Аны озунун балан эле алган арам тамак мн баккан балан алган.Жаш оспурумго жакшы конул болбогон атасы деле уруп кайра психикасын бузуп ?!
02.11.2016. 14:22 
Тайпасы:
Жаран
Комментарийлердин саны:
0
Катталган:
29-09-2014
Соӊку аракети:
15-08-2018 02:54
Жынысы:
Белгисиз
Калаасы:
Аска зоолуу, ала тоонун бир боору.
0
Кудай жазасын берсин.менда журогум сыздап жаман болуп турам,болбогон бир он мин учун ушунча жанжалдын емне керееги бар.баарына Кудай бар.
ушундай мыкаачы адамдардан Аллахым озу алыс кылсын.
02.11.2016. 14:23 
Тайпасы:
Жаран
Комментарийлердин саны:
0
Катталган:
29-09-2014
Соӊку аракети:
15-08-2018 02:54
Жынысы:
Белгисиз
Калаасы:
Аска зоолуу, ала тоонун бир боору.
+1
оа адилеттикти талап кылабыз!!!
02.11.2016. 16:05 
Тайпасы:
Жаран
Комментарийлердин саны:
11
Катталган:
03-09-2016
Соӊку аракети:
24-09-2018 06:41
Жынысы:
Белгисиз
Калаасы:
...Там Где Счастье...
+1
Ээх кандай гана окунучтуу.Адилеттуулук болушуна ишенбейм.Азыр акча менен чечилип калган баары. Ким куноолу болсо да кудайым жазасын берсин.
02.11.2016. 23:12 
Тайпасы:
Жаран
Комментарийлердин саны:
72
Катталган:
18-03-2011
Соӊку аракети:
22-09-2018 10:37
Жынысы:
Белгисиз
Калаасы:
Бишкек
0
Биздин соттордо адилет чечим деген жок, буга кепилдик бере алам! "Черныйларга" берип, Бакыт менен Кубанычынын жазасын бердириш керек, башка чара жок! Черныйларга акча чогулт десе мен да берем!
04.11.2016. 13:18 
Тайпасы:
Жаран
Комментарийлердин саны:
3
Катталган:
23-03-2016
Соӊку аракети:
25-11-2016 16:12
Жынысы:
Белгисиз
+1
ошол Кубаныч дегенди ХХХ ХХХ
Модератор admin_superstan түзөттү 2016-11-04 14:07:49
04.11.2016. 14:08 
Тайпасы:
Супермодератор
Комментарийлердин саны:
5912
Катталган:
05-09-2011
Соӊку аракети:
24-09-2018 13:20
Жынысы:
Белгисиз
Калаасы:
Супер-Инфо
0
nurik2012sham, провокациялык билидүүлөрдү жазууга тыюу салынган. Оозеки эскертүү!
05.11.2016. 01:37 
Тайпасы:
Жаран
Комментарийлердин саны:
154
Катталган:
25-04-2014
Соӊку аракети:
23-09-2018 17:33
Жынысы:
Белгисиз
Калаасы:
Moskva
0
журокту катуу оорутту!Сабаган жана куноологон адамдарга дал ушундай куйутту тилеймин.Намыс кучтуулугунон олумго барды.Сен да баланын энесиндей сыздап калышынды унутпа!!!кудай бар!
05.11.2016. 19:56 
Тайпасы:
Жаран
Комментарийлердин саны:
2
Катталган:
18-02-2014
Соӊку аракети:
26-08-2018 23:15
Жынысы:
Белгисиз
0
Кандай акмак адамдар.жашоосу баштала элек оспурумдун олумуно себеп болуп эми кантип жашайт?
1
2
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: