реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ГОЛУБОЙДУН» КЕГИ ЖЕ АЛА ЖИПТИ АТТАГАНГА АЖАЛ!

№221 26-январь-1-февраль, 2007-ж.


«Эмнеге сен «голубой» экениңди айтпайсың? Бети жок, дагы «аялым көзүмө чөп салды» деп мени күнөөлөйсүң! Эр болуп жыргатчу белең? Же сен эркектик касиетиңди эчак эле жоготуп койгонуң жалганбы?» ...Ушинтип, аялы сот залын жаңырта кыйкырып жатты. Көздөрү караңгылап, кулактары чуулдап чыккан Тимур бир гана соттун: «Тазакеев Тимур Кыргыз Республикасынын кылмыш кодексинин 95-статьясы менен 10 жылга эркинен ажыратылсын жана жазасын эмгек-түзөтүү колониясында күчөтүлгөн режимде өтөөсү белгиленсин!»- деген өкүмүн чала-була укканга араң жарады... Мындай кырдаалга алып келген окуянын негизи тереңде эле...

ЖАҢЫ БУХГАЛТЕР

Командировкадан келгенден бери Тимур катуу өзгөрүлүп кетти. Турмуш кургандарына он беш жылдын жүзү болсо да күйөөсүнүн көп иче баштаганын Рахат жакындан бери гана байкай баштаган эле. Андан да ачуусу неге мынчалык чукул болуп калганына түшүнбөйт. Фирмада кыйынчылыктар болуп жатабы дейин десе, ал жерде өзү чогуу иштегендиктен, иш күндөн-күнгө алдыга жылып баратканын жакшы билет. Ушундан улам Рахат бара-бара “болду-болбоду ойнош таап алса керек. Же мага билгизбей экинчи аял алып алды бекен?!” деп шекший баштады. Анткени, Тимур командировкадан келгенден бери экөө бир да жолу төшөк ырахатына батыша элек. Башында күн алыс ой-боюна койбой асылып, эркелеткенден тажабаган неме эми болсо негедир жанына жакын жууткусу келбей калды. Алгач таарынтып алдым бекен деп ойлоп, Рахат өзү назданып көргөн эле. Бирок, анысынан майнап чыкпай, тескерисинче, катуу кагуу жеп тим болгон. Ошондон кийин ойнош күтүп алыптыр деген ою биротоло бекемделди.
– Эртең биздин фирмага жаңы бухгалтер келет. Сиңдиңди болсо мындан ары менеджер кылабыз,- деди бир күнү Тимур күтүүсүз.
– Эмне, менин сиңдим сенин акчаңды уурдап жатыптырбы? Анчалык эмне болду? Же сиңдимден да, менден да жакшыраак бирөөнү таап алдыңбы?
– Каяктагы болбогон сөздү сүйлө­бөчү, Рахат. Тиешелүү билими болбосо деле тууган-уруктун баарын тыга берелиби? Бизге профессионал бухгалтер керек! Ансыз да билими жоктордун баарын толтуруп алдык...
Ушуну менен сөз бүттү. «Эми кандай суйкайган профессионалын таап келер экен?»- деп Рахат катуу ызаланган. Бирок, ал күткөндөй эмес, тескерисинче, келишимдүү жигит келди...
– Шавкат,- деп тааныштырды ал өзүн. Мен бүгүндөн баштап Тимур Тазакеевичтин жана сиздин жеңилиңиздерди жерден, ооруңуздарды колдон алаарыма ишенсеңиздер болот...
Ушинтип, алгач эле табышмактуу сүйлөдү...

КӨБӨЙГӨН ЧЫР ЖАНА АЧЫЛГАН СЫР

Күйөөсүнүн кайдыгер мамилесине Рахат акыры чыдабады. Күндөн-күнгө турмуштары супсак тартып, чыр-чатак көбөйгөндөн көбөйө берди. Фирмада болсо күйөөсүнүн директор деген аты эле калып, калган иштин баарын Шавкат билип калган. Атасынын карызы барчылап же ага өзү өйдө карап сүйлөй албайт, же бирөөнү сүйлөтпөйт. Кээде ажырашып туруп басып кетейин дейт, бирок, атасыз калтырбайын деп уулу менен кызын аяйт. Ушунча бактысын, байлыгын чанып, балдарын тирүү­лөй жетим кылды деген сөздөн корунат. Анан калса, балдары да атасына аябай жакын. Өзгөчө акыркы мезгилде Тимур эртеден кечке эле балдары менен алек болуп калчу болду. Алардын каалаганын алып берип, оюндагысын кылат. Атасынын камкордугуна жетине албаган балдар үйдө уруш чыкса эле апасын күнөөлөшүп, болуша кетишет.
Ойлоп көрсө, чындап эле чырды Тимур эмес, өзү баштайт экен. Ооба, ал күйөөсүнүн такыр көңүл бурбай калганына арданат. Аял болгондон кийин ага наздангысы, эркелегиси, кучагында балкыгысы, кумарга баткысы келет. Аны балдары кайдан түшүнсүн? Алардын көзүнчө сыр бербегени менен “атаңар мага көңүл бурбай калды” деп кантип, кайсы бети менен айтат? Айтор, аябай эле бук болуп кетти.
– Мен минтип жашай албайм,- деди бир күнү агынан жарылып. – Эгер менден башка таап алганың болсо, колуңду кармабайм. Өзүңдү да, мени да, аны да кыйнабай ошонуңдукуна барып жаша!
– Рахат, он беш жылдан бери мен сага калп айтканымды уктуңбу? Эгер ойношум болсо, эмгиче билмексиң! Мен үчүн биринчи никем, алгачкы сүйүүм, башкача айтканда, сени менен балдарым мага ыйык. Ишенбесең артымдан тыңчыңды деле салып көр. Шавкат менен фирманын иштери боюнча бир жактарга барганым болбосо, аялзатын ойлогонго да чамам жок...
– Анан эмнеге мени эркелеткиң келбей калды? Эмнеге боюңду алып качасың? Айтчы чыныңды?
– ???
– Эмне унчукпайсың? Менден жашырган эмнең бар? Менин да тирүү жан экениме, күйөөнүн мээримине, лаззатына муктаж болоорума түшүнөсүңбү? Жок, ишенбейм! Сенин менден башка таап алганың бар...
Тимур чыдабады. Көпкө чейин башын жерге сала мыкчып, оор үшкүрүнө отурду да, анан уктоочу дивандын баш жагындагы тумбочкадан аракты алып чыгып бокалга толтура куюп, тартып жиберди.
– Ии, бир нерсе болсо эле күчүңдү арактан чыгарасың! Андан көрө ачык айтып, көңүлүң каалаганга барып жашабайсыңбы!- деди аялы ансайын буркулдап.
– Болду, жетишет!
Ушинтип катуу кыйкырып жибергенин, ал эмес стаканды ыргытып ийгенин да байкабай калды. Анан башын бир-эки койгулап алып, жаш баладай бышактап ыйлай баштады. – Кечир мени, Рахат! Баары сен ойлогондой эмес, мен... мен айыккыс импотент болуп калдым... Айтууга оозум барбай жүрдү эле. Кантейин, ымандай сырым ушул...

ЭКИНЧИ МАХАБАТ...

Ошол сыр ачылган түндөн кийин экөө көпкө чейин сүйлөшпөй жүрүштү. Рахат эми чындап ой-санаага жанчыла баштады. Эл көзүнө телегейи тегиздей болуп сыр бербегени менен жан дүйнөсүнүн тээ түпкүрүндө кандайдыр бир боштук пайда болду. Үстүндө үй, астында машина, акча, айтор, баары бар. Бирок, антсе да бир нерсе эле жетишпейт. Балдарына, жумушка алаксыйын дейт, ага да болбойт. Күйөөсү болсо күндөн-күнгө көзүнө негедир өгөй көрүнө баштаганын туюп келетат. Ал да өз күнөөсүн сезгендей, дегеле мунун кайда жүргөнү менен иши болбойт, же жок дегенде сурап да койбойт. «Жеке турмушуңа кийлигишпейм, болгону менин абийиримди кетирип, үйбүлөмдү бузбасаң, балдарыма уят кылбасаң болду» деп суранган бир жолу.
Айтор, ошондой күндөрдүн биринде, күтүүсүз анын иш кабинетине баягы бухгалтер Шавкат кирип келди.
– Рахат эжекеси, сизди мынча эмне ой басып калган?- деди табышмактуу жылмайып.
– Бир аз башым ооруп жатты эле...
– Сиздин эмнеге башыңыз ооруп жүргөнүн билем...
– Эмнени билесиң?- деген айым чочуп кетти.
– Баарын, эжекеси, баарын... Андан көрө жүрүңүз, тиги маңдайдагы кафеге кирип, бир аз сырдашып отуралы. Кичине “стресстен” арылып дегендей...
Өзүнүн бир кылмышы кармалып калгансыган Рахат бир аз кыйылымыш болуп макул болду. Экөө кафеге кирип баратканда, артка кылчайса күйөөсү кабинетинин терезесинен тиктеп турган экен. Муну сезе койгон Шавкат:«Кабатыр болбоңуз, шеф да баарын билет, өзү уруксат берди» деп ансайын табышмактуу сүйлөдү. Экөө аркы-беркини сүйлөп көпкө отурушту. Кантсе да, көптөн бери бук болуп кеткенгеби, негедир коньякка албыра баштаган Рахат жанатан бери көөдөнүн өйүгөн суроону кабыргасынан койду.
– Айтчы, Шавкат, жана баарын билем деп эмнени айттың?
– Сиздин жалгыздыктан зеригип, жан дүйнөңүз сыгылып жүргөнүн...
– Ал эмне дегениң?
– Калп эле сыр бермексен болбоңузчу, эжекеси, жашырып эмне кыласыз? Күйөөңүз сиз менен иши жок, туурабы?
– Аны сен кайдан билесиң?
– Ох-хоо, мен билген нерсе көп, андан көрө келиңиз, жакшы темадан сүйлөшүп, жакшылап көңүл ачалы! Бул тирүүлүктө бир төрөлөбүз, эртең кимдин өлөөрүн бир кудай билет...
Экөө көпкө отурушту. Ичимдиктин күчү менен Рахат бир топ өзүн таштап жиберди. «Чындап эле, качанкыга чейин ушинтип жүрөм?» деп ойлонгонго араң жарады Шавкаттын кучагынан суурула албай жатып.
Ошол күндөн баштап экөө тез-тез жолугуп, кадимки эрди-катындай ынак болуп кетишти. Бир жагы Шавкаттын жаштыгы, келишкен келбети тез эле Рахатты өзүнө арбап алды. Бара-бара аны башы айлана сүйүп, үйбүлөсү менен балдары экинчи планга жылып кеткен. Кээ күнү кеч келет, кээ күнү келбей калат. Экөө “баба Шура” дегендин эки бөлмөлүү квартирасына акча төлөп, жолугушуу үчүн батирге алып коюшкан. Ошол жерден сүйүүнүн лаззатына батышат. «Экинчи махабатым» деп эркелетет Шавкатты...

АЖАЛ АЛДЫНДА АЧЫЛГАН ЧЫНДЫК

Аялынын Шавкат менен жүргөнүн күйөөсү билчү. Бирок, негедир кийлигишпеди. Рахат: «Ушинтип жашагандын неси кызык. Андан көрө, кел, ажырашып кетели. Балдар мейли, сени менен эле калсын» деп бир-эки жолу айтып көрсө көнбөдү. «Рахат, менин эл караган жү­зүм­дү жер каратпа, ансыз деле тирүү­лөй өлүкмүн. Мен сага кийлигишип жаткан жерим жок го? Кааласаң аны менен да, мени менен да жашай бер» деди жалдырап.
Ошону менен бул темага чекит коюлуп токтоп калган. Анан эле бир күнү Тимур мындай деп калды:
– Рахат, бүгүндөн баштап Шавкат менен жолукканыңды токтот. Аны эртең жумуштан кетирем!
– Эмне, түшүңдөн чочудуңбу, же кайрадан эркектик касиетиң калыбына келдиби?- деди аялы какшыктай.
– Мен сага тамашалап жаткан жерим жок. Эгер токтотпосоң капа болуп каласың!
– Мен да оюнчук эмесмин! Аялды караш колуңдан келбедиби, эми өзүңдөн көр! Башыңды ташка койсоң да кеч болуп калды.
Экөө ушинтип катуу кер-мур айтышкан соң Рахат эшикти тарс жаап чыгып кетти. Түз эле баба Шураныкына келсе Шавкат да ошол жерде экен. Кабагы бүркөлүп отуруптур.
– Күйөөң менен урушуп кеттим,- деди ал көңүлсүз.
– Билем, ал мени кызганып жатат.
– Жок, сени эмес, мени кызганып жатат...
– Эмне дейсиң?
– Тамаша, сен да уруштуңбу?
– Ооба, жетишет мага! Эртең аны менен мыйзамдуу түрдө ажырашам! Фирманын документтери мага катталган. Керек болсо, өзү жумуштан кетет...
Шавкат унчукпады. Негедир бир нерсени айтчудай обдулуп барып, анан акырын кол шилтей тамекисин күйгүздү. Экөө көпкө тунжурап отурушкан соң Рахат анын мойнуна асыла эркелей кетти...
Махабат лаззатына чөмүлө башташкан. Аңгыча эшик «шырк» этип ачылып, кайдан-жайдан колуна бычак кармаган Тимур пайда болду. Шавкат жан- далбастай дивандын аркы башына секире бергенде, бычак шилтенди. Ачуу чаңырган Рахат:«Жексур, мени да өлтүр!» деп кызыл-жаян болгон Шавкаттын үстүн калкалай жыгылды. Тимур саамга шалдая турду да, артка кетенчиктеп барып сыртка жүгүрүп кетти.
– Күйөөң «голубой» болчу,- деди калчылдаган Шавкат. – Эркек менен жатмайынча тура алчу эмес. Мени студент кезимде акча менен алдап торуна илген. Мени менен жаткан соң эркектиги козголуп сага кетчү. Кийин өзүң билгендей, айыккыс импотент болуп жарабай калды. Ошон үчүн мени бухгалтер кылып, көзүмдү карачу. Сени менен көңүлдөш болууну да өзү сунуштаган. Ушул квартираны да өзү таап берген. Анан... анан мен сени чындап сүйүп калып, анын айтканын кылуудан баш тарткам... Ошого кызганды, сени эмес, мени кызганды...
Ушинтип, Шавкат үзүлүп кете берди. Аңгыча «мына, мен өлтүрдүм» деп сырттан милиция менен доктурду ээрчиткен Тимур кирди...

Мурас Айти



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(1)
26.02.2012. 03:37 
Тайпасы:
Кыймылы жок
Комментарийлердин саны:
10
Катталган:
15-01-2012
Соӊку аракети:
26-06-2012 01:55
Жынысы:
Белгисиз
0
кандай гана кыйын эркектер учун эн уйат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: