Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№385 19-25-март, 2010-ж.


(Башы өткөн сандарыбызда)

Агам кызуу сүйлөдү.
– Ушул жерде иштеп, жаша­саң болбойбу?! Артыңдан эмне сөз укканымды мен айтпайын, сен укпай эле кой! Кыскасы, эми шаарга барбайсың!- деп кесе айтты. Анын чечиминен кайтар түрү жок.
– Мен шаардан келип, бул жакка иштей албаймын!- дедим коркуп. Агам менин аргасыздан шаарга байланып калганымды кайдан билсин. Шаарда кетирген каталарым, жаңылыш кадамдарым үчүн азаптанып жашап жатканымды билген жок. Бүт баарын жашырбай айтып берермин деп келген элем. Айта алган жокмун. Агам бул ачуусу менен мени түшүнмөк эмес. Анын Бактияр менен болгон мамилеме каршы экенин да билет болчумун. Анткени өткөндө өзүм айта албай, жеңем аркылуу угузганмын. “Бул жерден жигит табылбай калыптырбы?!” деп жооп бериптир эле. Бактиярга турмушка чыксам, агам баарын кечирет деп жүргөм. Бирок Бактияр экөөбүздүн сүйүүбүздү таптакыр тескери түшүндүргөндөр агам экөөбүздүн мамилебизди оорлотуп таштаган экен. Ал мени түшүнө алган жок. Мен да эч нерсе айта албай, ичимден сыздап турдум. Апам агам экөөбүздү элдештире албай чый-пыйы чыгып, чебелектейт. Кара өзгөйлөр эми бир тууганым экөөбүздүн ортобузга от жагып жатканына жаным кейип, агама катуу тийдим. Мени түшүнүүгө аракет кылбады деп күнөөлөдүм окшойт, биринчи жолу баш көтөрүп, каяша айттым. Агам мени уккан соң катуу талап койду.
– Биз деп айылда кал же ошол жигитиңе биротоло кеткин!
– Кетем!- дедим ниетимден кайтпай.
– Жогол, көзүмдөн!
Мындай жооп күт­пөгөн агам ачуусун кармай албай, мага атырылды.
– Экинчи көзүмө көрүнбө! Бул үйдүн босогосу мындан ары сен үчүн жабык экенин унутпа!
Көзүмдөн салаалап аккан жашымды сүртүп, төшөктө алсыз жаткан апамды кучактап жыгылдым. Апам жардам бермек түгүл, өзү колтуктап тургузуп, суу ичире турган бирөөнүн жардамына муктаж эле. Мен апама канчалык керек экенимди, агамдын сөзүндө чындык бар экенин билсем да, чечимимден кайта албадым. Бактиярды кыя албай же бул абалымды жан адамга айта албай азап отуна күйгөнүм аз келгенсип, өз үйүмдөн куулуп, жалгыз калдым. Апам гана “кызым, колумдан эч нерсе келбейт. Бактиярды акылдуу жигит дедиң эле. Эгер чын эле сен айткандай болсо, анда ал сени бактылуу кылып алар. Силер бактылуу болсоңор, албетте, агаң кечирет. Кантсе да бир тууганың” деп ыйлап жатты. Эмне демекчимин, апама «баары жакшы болот. Бактияр мени бактылуу кылат» деп дагы бир жолу ишендиргенден башка айлам калбады. Ошентип, үйдөгүлөр менен дилим сыздап, жүрөгүм канап коштоштум. Көкүрөгүмдү бууган арман­дын, өкүнүчтүн, өксүүнүн жашы токтобой, аэропортко жеткенче ыйлап бардым. Эл байкабасын деп жүзүмдү муздак сууга чайкап, кара көз айнегимди тагып алдым. Учак өйдө көтөрүлгөн сайын туулган жериме көз чаптырып, сыздап барам. Кайра өз үйүмө келемби, келсем да кире аламбы? Агам кечиреби? Бактияр мени бактылуу кылып, дос-душмандын алдында жүзүмдү жаркыта алабы?.. Ушундай суроолордон башым катып, туулган жеримден узап бараттым.
Күтүп алган Бактиярга сыр бербей, күйүтүмдү ичке катып, жайдары болууга аракет кылдым. Ал маанайымды байкап, улам-улам “сага эмне болгон?” деп сурап жатты. “Баары жакшы, чарчап келдим” деген жообума баары бир ишенбеди.
Дем алыш күнү шаар четиндеги көл боюна бардык. Муну Бактияр уюштурду. Көңүлүм жок болсо да, сунушун четке кага албадым. Алып келген тамак-ашыбызды көл жээгине даярдап, сууга да түштүк.
– Эми айтарсың, эмне болгонун?- деди Бактияр ысык кумга оонаган калыбында.
– Эмнени?
– Мага айта турган сөзүң жокпу? Келгениңден бери кабагың ачылбайт, бир нерсе болгон окшойт, ээ? Биз бири-бирибизден сыр жашырган эмес элек го...- деди. Мен эч нерсе айта албай ыйлап баштадым.
– Токтот!
Бактияр катуу кыйкырды.
– Тажап кеттим! Көңүлүңдү көтөрөйүн деп келсем, дагы баштадыңбы?! Бул жерге сени кыйнаган ойлордон арылтып, дартың болсо угайын деп келдим!- деп айтса да, көпкө чейин токтоно албай ыйлай бердим. Бир топтон кийин гана бардык чындыкты айттым. Ал чачымдан сылап, көзүмдүн жашын аарчып:
– Жаным, биз бактылуу болобуз. Ошондо агаң сөзсүз кечирет. Мен агаңа өзүм барамын. Ушул күздө экөөбүз барып кечирим сурайбыз, уруксат алабыз. Ал бизди сөзсүз түшүнөт!
Бактияр бул сөзүн ишеним­дүү айтты.
– Чынбы, Бактияр?!
– Чын!
– Чындаппы?!
– Чындап!
Азыр эле ыйлап жатканымды унутуп, көкүрөгүмдү бууган азаптарды Бактиярдын бир ооз сөзү жеңип, моюнуна асылдым. Ал башымды көкүрөгүнө коюп, чачымдан жыттады.
– Ошондо ушул көлгө дагы келебиз, ээ?- дедим эркелеп.
– Албетте, келебиз. Кийин балдарыбыз менен да тез-тез эс алууга келип турабыз. Тээтигилерди көрдүңбү, байкайсыңбы, ар дайым үй-бүлөсү менен келет,- деп кичинекей балдарына сүзүүнү үйрөтүп жүргөн жаш жубайларды көрсөттү.
– Биздин да балдарыбыз болот, машинабыз болот... Экөөбүз кыялдана баштадык.
– Эгиз балдарыбыз болот, ээ?- деди мага олуттуу карап.
– Макул, эгиз болот,- деп анын сөзүнө кошулдум.
Акыркы мезгилдерде Бактиярдын апасы бат-бат телефон чала турган болду. Бактияр апасы менен сүйлөшкөн сайын көпкө ойлонуп отуруп калчу. Анын бир чечимге келе албай арсар болуп жүргөнү байкалар эле. Апасы ар дайым жөнү жок жерден ыйлап, акыл-насаатын ыксыз айткандан тажачу эмес.

Жумагүл Жолматова

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: