Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Адил Турдукулов: "АТАМБАЕВДИН МАКСАТЫ АКАЕВ, БАКИЕВДИКИНЕН АЙЫРМАЛАНБАЙТ"

№731 04-ноябрь-10-ноябрь, 2016-ж


Адил Турдукулов бийликтин кемчилигин тайманбай түз айтып, далилдер менен ачыктаган жаш муундун билимдүү өкүлү. Дүйнө таанымы кенен, алгылыктуу ой жүгүртө алган жаш активист гезитибизге маек берип, кыргыз саясатынын күнгөй-тескейи тууралуу ойлору менен бөлүштү.

Турдукулов Адил Ильясович

1981-жылы
– Талас облусунун Кара-Буура районунда туулган.
1999-2003-жылдары – УТРКда алып баруучу, кабарчы болуп иштеген.
2003-2005-жылдары – Депутаттыкка талапкерлердин консультанты жана башка кызматтарды аркалаган.
2005-2006-жылдары – Тышкы иштер министрлигинин маалымат бөлүмүнүн башчысы.
2006-2007-жылдары – КСДПнын Бишкек шаардык саясий кеңешинин төрагасы.
2007-2008-жылдары – Өкмөт башчынын жардамчысы.
2008-2011-жылдары – Кыргызстандын Япониядагы элчилигинде экинчи катчы.
Учурда – Сөз эркиндигин коргоо комитетин жетектейт, "Жаңы муун" кыймылынын өкүлү.
Бир уул, бир кыздын атасы.

– Адил мырза, сиз азыркы бийликти аёосуз сынга алып келесиз. Бийликтин жүргүзүп жаткан саясатына каршысызбы же бийликтеги айрым бир адамдаргабы?
– Бийликтеги адамга каршы болуу бул туруксуз нерсе. Себеби адам өзгөрүп турат. Мен бийликтин туура эмес саясатына, айрыкча, былык иштерине каршымын. Саясат менен жеке адамдык сапаттарды аралаштырбоо керек.

– Саясатка кандайча аралашып калдыңыз?
– Мен эмгек жолумду 1999-жылы теле жаатында баш­тагам. Ал кезде оппозиция­дагы, бийликтеги адамдар менен жолугуп маектешип, берүүлөрдү даярдачумун. Жогорку Кеңештин съезддерин калтырбай көрүп, кыскасы, саясий турмуштан кабардар болчумун. Теледе иштегеним ошол саясатка жасалган кадамдарымдын бири болгон. 2003-жылы теледен кетип, шаардык кеңешке депутаттыкка эң жаш талапкер катары ат салыштым. Жеңишке жеткен жокмун. Жеңилүү менин кызыгуумду жок кылмак тургай, тескерисинче күчөттү. 2005-жылдагы революцияга активдүү катышып, 2007-жылы Алмазбек Атамбаев өкмөт башчы болуп турганда ага жардамчы болдум. Кийин анын жардамы менен Япониядагы элчиликке иштеп кеттим. Келгенден кийин өзүмдүн фондумду ачып, саясий процесстерге активдүү аралашууга аракет кылып келе жатам.

– Алмазбек Атамбаев экөөңүздөрдүн эки жээкке бөлүнүп калууңуздарга эмне себеп болду?
– Ачыгын айтканда, Япониядан келгенден кийин мен Алмазбек Атамбаевге жаштык кылып таарынсам керек. Бирок азыр эч кандай таарынычым жок. Алмазбек Шаршеновичтин адамдык мыкты сапаттары бар жана анын мага берген тажрыйбасына ыраазымын. Бирок анын жүргүзгөн саясатына каршымын. Эки революцияда тең ал "бийликти бир ууч топко бербеш керек, коррупциялык схемалардан 2-3тү ачсак эле калганы кыйрап түшөт, мигранттардын өз үйлөрүнө кайтып келишине шарт түзөбүз" деп айткан болчу. Баарыбыз ишенгенбиз. Мен ошол убадаларын аткарсын деп талап кылып келе жатам. Аны мөөнөтүнөн мурда кетсин дебейм. Бирок президенттин бийликтен кетерине бир жыл калганда Конституцияны өзгөртмөкчү болуп жатканын туура эмес деп эсептейм. Учурда ал өзүнүн айланасындагы бир ууч адамдардын бийлигин сактап калуу үчүн жана саясатта жасаган туура эмес кадамдары, былык иштери үчүн жоопкерчилик тартпаштын амалын кылып өзгөртүүлөргө барып жатат.

– Бийликтин Конституцияны өзгөртүү аракетинин артында дагы эмне жатат?
Акаев да, Бакиев да бийлигин сактап калуу жана жоопкерчиликтен таюу максатында Конституцияны өзгөртүүгө барышкан. Атамбаевдин максаты ал экөөнүн максатынан айырмаланбайт. Парламенттик шайлоо учурунда Атамбаевдин КСДПны алдыга сүрөп, клондолгон партияларды парламентке өткөрүү аракетинде эле Конституцияны өзгөртүү максаты бар болгон. Ал эми Элдик парламенттин, Улуттук оппозициялык кыймылдын мүчөлөрүн, айрым жаш саясатчыларды камакка алганы Конституцияны өзгөртүүгө ким каршы чыкса камалат деп берилген белги болчу. Бирок мекенчил, тайманбаган адамдар ал эскертүүдөн коркуп калышкан жери жок. Конституцияны өзгөртпөө үчүн аракеттерди көрүп жатабыз. Каршы турабыз. Конституция өзгөргөн күндө да президент түзгөн сценарийдей болбойт. Себеби кыргыз саясатында бири-бирине эч ким ишенбейт. Айрыкча КСДПнын катарына кубулма, түлкү мүнөз адамдар чогулушкан. Алар кечээ Акаевди сатып, Бакиевдин коюнуна кирип, кийин Бакиевди сатып Атамбаевдин коюнуна киришкен. Эми Атамбаевди сатпайт деп ким кепилдик берет?! Демек, өзгөртүүлөр деле Атамбаев каалаган жемишти бербейт.

– Карапайым калкка Конституция боюнча да, башка саясий окуялар боюнча да маалымат мамлекеттик ММКлар аркылуу бир тараптуу кетип жатат. Мындайда референдумда көпчүлүк Конституцияны өзгөртүүгө каршы чыга алабы?
– Конституция 8 жолу өзгөрдү. Ал жакшылыкка алып келбегенин тажрыйбабыз көрсөттү. Бирок ошол эле тажрыйба бул жолу да бийлик мурункудай эле жолго барып өзгөртүүгө барарын, референдумду кандай болсо да өткөрөрүн көрсөтүп турат.
Элдин шайлоого болгон ишенимин да белгилей кетүү керек. Жакынкы шайлоодо эле элдер партиялардын идеялары, программаларына эмес, акча тараткандарына карап добуш беришпедиби. Бул элдин бийликке, шайлоого кол шилтеп койгону. Бирок мындай кол шилтеп коюу бийликтин ар кандай манипуляцияларга барышына жол ачат. Мындай жүрүштө референдум өтөт, Конституция өзгөрөт, себеби административдик ресурс колдонулат жана элдин кайдигерлиги да таасир этет. Антсе да бийлик өзгөртүлгөн Конституция менен алыска баралбайт. Өлкөдө кризис күч алууда, тышкы саясатта Орусия, Түркия Атамбаевге ишенбей калышты, мигранттар жиберген акчанын суммасы азаюуда. Бул сөзсүз өз таасирин берет.

– Акыркы убакта президентке жана анын жакын чөйрөсүндөгүлөргө байланыштуу чуулгандуу фактылар калкып чыкты. Бирок бийлик "баары мыйзамдуу болгон" деп кутулду. Бул боюнча оюңуз кандай?
– Оппозиция алсыз дешет. Алсыздыгынын себеби президент бардык күч органдарын тейлеп отурат. Ал оппоненттерин эптеп кылтак таап соттотуп, каматып жибере алат. Ал эми Атамбаевдин жанындагылар боюнча иштер калкып чыкканда президенттин калыс болууга даремети жеткен жок. Бул анын адилетсиз саясат жүргүзүп жатканынын көрсөткүчү.

– Кыргызстандын Япониядагы элчилигинде иштеп келгенсиз. Бүгүн Япония экономикасы боюнча алдыңкы өлкөлөрдүн бири, Кыргызстан болсо күн санап карызга батып бара жатат. Эмнени туура эмес кылып жатабыз?
– Адамдар Японияда да, Кыргыз өлкөсүндө да бирдей эле. Болгону саясий систем аларда туура калыптанган, бизде туура эмес.
Япондордо саясий лидерлер жоопкерчиликти сезе билишет. Мисалы, мурунку тышкы иштер министри анын эсебине белгисиз жактан 3 миң доллар түшүп калганы үчүн кызматын таштап кетип калган. Токионун губернатору жеген тамак-ашына ашыкча акча коротуп койгон делген үчүн отставкага кеткен. Бул эми кыргыз саясатында түшкө кирбей турган нерсе да. Өкмөт башчысын да тындырбай көзөмөлдөп, такалап турушат. Жумушка канчада келди, канчада кетти, эрте кетип калган жокпу, оппозициячыл саясатчы менен канча мүнөт жолукту, жөнөкөй саясатчы менен канча жолукту деп эле турушат. Анык ачык коом, сөз эркиндиги бар. Биздин өлкөдө адегенде экономика өнүксүн, анан сөз эркиндигин жасап алабыз дебеш керек. Сөз эркиндиги бар ачык коомдо гана өнүгүү болот, коррупция азаят.

Мирлан Өмүралиев
politika@super.kg


Адил Турдукулов: "Атамбаевдин бийлигин сактап калуу максаты бар"

Автор: Кызжибек Раимова
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: