ТИМАТИ, МИХАИЛ ГАЛУСТЯНДЫН КӨҢҮЛҮН БУРУП, ИНТЕРНЕТ ЖЫЛДЫЗЫНА АЙЛАНГАН КЫРГЫЗ ЖИГИТИ
Бишкектик вайнер Данияр Токтомаметов Инстаграмдагы баракчасына 1 жума мурун эле күлкүлүү видеолорду жүктөй баштаган. Айылдык жигиттин образында акцент менен орусча рэп айткан тамашакөй жигиттин видеолору интернет аркылуу тез арада жайылып, элдин колдоосуна арзып кетти. Баарынан да Даниярдын видеосун белгилүү рэп ырчы Тимати, казакстандык битмейкер Jah Khalib, шоумен Михаил Галустян, "А`Студио" тобунун солисти Кети Топурия бөлүшүп, баракчасына катталгандары анын окурмандарына да, өзүнө да күтүлбөгөн жагымдуу жаңылык болду. Ошондон кийин эле вайнердин популярдуулугу артып, Инстаграмдагы окурмандарынын саны мүнөт санап өсүп жатат. 1 күнгө жетпей ага 50 миң окурман жазылып, видеолорун дагы деле бөлүшүүдө. Жигиттин популярдуулугу ушуну менен эле токтоп калбай, чет өлкөлүк жалпыга маалымдоо каражаттарынын да ага кызыгуусу артып, репортаж даярдаганга жетишти.
Белгилей кетсек, 23 жаштагы Данияр Токтомаметов күлкүгө сугарган "Тамашоу" долбоорунан тапталып чыккан. Ал «IUK», «Brооklyn-IUK» командаларынын оюнчусу болгон. Аталган долбоордун негиздөөчүсү Эрмек Нурбаев: "Данияр командада жакшы оюн көрсөтчү. Ал башынан эле күлкүлүү видео тартып, монтаж кылганга жөндөмдүү. Биздин долбоордон чыккан бала болгондуктан ийгилигине сүйүнөсүң, сыймыктанасың. Бул атактуулукту убактылуу кылбай, андан ары өнүктүрүп, маңыздуу рэп айтышына тилектешмин. Миша Галустян "Даниярды "Пусть говорят" телеберүүсүнө чакырабыз" деген оюн билдириптир. Ал жакка бала даярданып барып кыргыз жери тууралуу жакшы ойлорду айтышы зарыл. Бизде орус тили расмий тил болгондуктан эл аны суудай билерин, өзү да так сүйлөөрүн даңазалашы керек",- деген оюн билдирди.
БЛИЦ-МАЕК
Бир күндө жылдызга айланган Данияр популярдуулугу тууралуу бизге кыскача айтып берди.
– Данияр, өзүң жөнүндө тааныштыра кетсең. Качантан бери тамашакөй видео тартуу менен алектенип келесиң?
– Мен Бишкекте төрөлгөм. Кыргызстан эл аралык университетин бүтүргөм. Интернетке видеолорумду жүктөй баштаганыма 1 жыл болду. Ал эми Инстаграмга mc_doncha деген ат менен баракча ачып, видео жүктөгөнүмө 1 жума эле болгон.
– Михаил Галустянды кумир тутат экенсиң...
– Ал баракчама катталганда бакыра албай же күлө албай, 15 мүнөттөй нес болуп отуруп калдым. Кичинекей кезимден бери аны баалап келгендиктен аябай сүйүнүп, ага ыраазычылыгымды билдирдим.
– Орусча кыйналып сүйлөгөн айылдык баланын образы бирөөнүн прототиби эмеспи?
– Жок, мен эч кимди туурабайм. Болгону мурун университетке жаңы кадам таштаганда орусча ката сүйлөчүмүн, кийин таза сүйлөп калдым.
– Атактуулук бат эле бүтүп калат деп корккон жоксуңбу?
– Андай болбош үчүн талыкпай иштешим керек. Андыктан өнөрүмдү өркүндөтүүгө аракет кылам.
Тимати кыргыз вайнеринин видеосун өз баракчасына бөлүшкөндө ал 1 миллионго жакын каралып, 10 миңден ашык билдирүү калтырылды.
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (24)
Жаш баланын оюну болуптур го. Шылдын болбой очур эми, мыкты иш кылдым дебей
Тообо,адамдар мынчалык эле коралбас болот экен,аа?! Бизде жок дегенде моралдык жактан колдоо жок... Россиядагы белгилуу адамдар баалаптыр,эми силердин пустой комменттинер ага не интересно. Даниярга ийгилик каалайм,Пуст говорятка чакырса барып Кыргызстанды тааныт,буткул дуйно корсун Кыргызстанда кандай таланттуулар бар экенин...
Азамат!!!! Кыргыз элибизди ушинтип тамашакойлук жагынан таанытып журо бер. Антпесе, башка олкодогулор бизди митингчи, президенттерди кубалаганыбыз мн таанышат ((
love_you,туура айтасын кайсы олкодонсун десе,кыргызстандан десен,аа призидентин кубалап жиберишкендерби дейт((((
Erika16,жада калса Президент деген созду туура жаза албайсызбы?
Erika16,жада калса Президент деген созду туура жаза албайсызбы?
Токтот анан уят кылба деп каттуу тыйып жатасынар го ар кимде ар кандай талант,кээ бироосу аксент менен суйлоп тамаша кылат,башкасы маймыл болот ит болот.мындай образдарды баары эле аткара алышпайт.
Куло берип жинди болдум эле коруп алып, Эллаи да жуктогон мунун бир видеосун.
Аракет кылып иштей бер, бар талантты жашырып болобу, эч кимди укпа. Ийгилик.
Biz kachan kubantyp oz jaranybyzdyn iygilikterin koldop barktaibyz. Bul degen tamasha video.
Бир жуманын ичинде ушунча атактуулукка жетишсе ити чоп жеген экен да.
Озунор атактуу боло албайсынар болгонду коро албайсынар, мындан хужелерин дагы чыгарып жатпайбы, молодец Данчик,
Москвага келип калсан айтып кой...)))
урматтуу супер инфо ушу коммент калтырууну жоюп эле таштагылачы бул жерде жалан эле жашоого наразы адамдарго же кыргыз эли ушунчалык эле чукумай калкпы
Айткылачы Тимати баракчасына бөлүшкөндө 10,000 ден ашуун коммент жазылыптыр, ал комментке эмнелер жазылыптыр? Жакшы сөздөрбү жээ жаман сөздөрбу?
Бул башталышы экен, али бвары алдыда! Азаматсын.
Видеосун каерден корсок болот?
Хахаха просто супер . Лично мне понравилось.
озу кыла албай
кылганды коро албай журо берет экенбиз ушу адамдар
