Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САЯСАТ ЖАНА КООМ ЖАҢЫЛЫКТАРЫ

№385 19-25-март, 2010-ж.


ЖЕКШЕНКУЛОВ 5 ЖЫЛГА КЕСИЛДИ

16-мартта Бишкектин Биринчи Май райондук соту мурунку Тышкы иштер министри Аликбек Жекшенкуловду 5 жылга шарттуу түрдө эркинен ажыратуу өкүмүн угузду.

Райондук сот Жекшенкуловду 3 жылга чейин мамлекеттик кызматка койбоо чечимин чыгарды. Бир жылдан ашуун соттук териштирүүнүн аягында экс-министр “жеке тапанчасынан түрк ишкери атып өлтүрүлгөн” деген күнөө боюнча толук акталды. Ал “Тышкы иштер министри болуп турганда министрликтин эшиктерин алмаштырууга мыйзамсыз буйрук чыгарганы үчүн күнөөлүү” деп табылды. Жекшенкуловдун өзү сотто күнөөсүн моюнга алган жок. Ал ага карата козголгон кылмыш иштери саясий негизде экенин айтып, бул чечимди жокко чыгаруу үчүн Бишкек шаардык сотко арыз жолдоорун билдирди.


ЭЛДИК КУРУЛТАЙДА 7 ТАЛАП КОЮЛДУ

17-мартта Бишкектеги “Форум” ишканасынын алдында оппозициялык күчтөрдүн Элдик курултайы болуп өттү. Бул Курултайга 5 миңдей адам чогулду.

Курултайга белгилүү саясатчылар: Роза Отунбаева, Алмазбек Атамбаев, Өмүрбек Текебаев, Эмил Каптагаев­, Дүйшөн Чотонов жана Топчубек Тургуналиевдер катышып, сөз сүйлөштү. Курултайдын соңунда бийликке 7 пункттан турган талаптар коюлду. Анда электрге, жылуулукка болгон тарифтерди эски калыбына келтирүү, “Түндүкэлектро”, “Кыргызтелекомду” мамлекетке кайтаруу, Исмаил Исаков жана башка саясий себеп менен камакта отургандарды бошотуу, Конституциялык реформаны токтотуу, Максим Бакиев башында турган Инвестиция жана инновация боюнча борбордук агенттикти жоюу, президенттин бир туугандарын бийликтен алуу, Гуревичтин ишин текшерүү үчүн оппозиция өкүлдөрү кирген комиссия түзүү сыяктуу талаптар коюлду. Эгерде бул талаптар 24-мартка чейин аткарылбаса, анда жер-жерлерде курултайларды өткөрүп, элдик бийликти калыбына келтирүү сунушталды. “Курултайдын чечимдерин турмушка ашыруу үчүн Роза Отунбаева башында турган уюм түзүлдү”,- деп билдирет Элдик курултайдын уюштуруучулары.


ЖЕТИМ-ТООДО КЕН ЖОКПУ?

Жаратылыш ресурстары министри Капар Курманалиевдин айтымында, Жетим-Тоодо азырынча эч кандай кен ачыла элек.

Учурда кендин бар же жок экендигин аныктоо боюча иштер жүргүзүлүп жатат. “2008-2009-жылдары эки кытай компаниясы иликтөө иштерин жүргүзүү боюнча лицензия алган. Алар кыртышты, айлана-чөйрөнү коргоо, өндүрүш кооп­суздугу боюнча бардык экспертизалардан өтүшкөн. Эл арасында Жетим-Тоо Кытайга биротоло берилиптир деген сыяктуу ушак сөздөрдүн тарап кетишине да ушул нерсе себеп болгон өңдөнөт”-, деп билдирет министр.
«Кенди чалгындоо иштерин өзүбүз эле жасасак болбойт беле?» деген суроо туулат. Министрдин маалыматы боюнча Жетим-Тоодо кен бар же жок экенин аныктоо иштери СССР мезгилинде эле башталып, эки минералдын: магнентит менен гематиттен турган руданын белгилери аныкталган. «Ал канчалык тереңдикте жайгашкандыгын, запасы канча экендигин аныкташ үчүн беш жылдан аз эмес убакыт кетет. Геологиялык чалгындоо иштерине 20 миллион доллардан көбүрөөк каражат талап кылынат. Ошондон кийин гана бул участок киреше берер-бербесин аныктоого болот”,- дейт Капар Курманалиев.


ЖУРНАЛИСТТЕРГЕ МАМЛЕКЕТ ҮЙ КУРУП БЕРЕБИ?

«Журналист деген кесиптин ээлеринин жашоо шартына мамлекет тарабынан жетиштүү көңүл бурулбай келатат”,- деп жазат президентке жазган кайрылуу катында «Курманжан датка» фондунун төрайымы Жылдыз Жолдошова.

«Массалык маалымат каражаттары бийликтин төртүнчү бутагы деп эсептелет. Бирок, тилекке каршы, ошол төртүнчү бийликте иштеген журналисттердин 90 пайызы турак жай менен камсыз болгон эмес. Үй-бүлөсү менен батирлеп, өтө оор шарттарда жашашат.
Буга карабастан, журналисттер мамлекеттин жана коомдун өнүгүшүнө чоң салым кошуп келишет. Ошондуктан урматтуу Курманбек Салиевич, мамлекеттик жана эркин массалык маалымат каражаттарында иштеген журналисттердин эмгегин эске алууңузду өтүнөбүз. Алар үчүн атайын журналисттерге арналган көп кабаттуу үйлөрдү куруу боюнча Бишкек шаарынын мэрине тапшырма берүүңүздү суранар элек»,- деп айтылат кайрылуу катында.


МИНИСТРЛИК КЫЗМАТКЕРИ ПАРА СУРАП...

Мамлекеттик мүлк министрлигинин кызматкери 2 миллион 150 миң сом пара талап кылгандыгы үчүн кармалды.

Маалыматка караганда, финансы полициясына “Т-Б” ЖЧКнын түзүүчүсү Д.А. аттуу айым кайрылган. Ал өз арызында Мамлекеттик мүлк министрлигинин Банкротчулук иштери боюнча департаментинин кызматкерине чара көрүүнү суранган. Ал өзүнүн кызматтык абалынан кыянаттык менен пайдаланып, “Т-Б” ЖЧКны банкрот деп жарыялоо үчүн ал айымдан 2 миллион 150 миң сом талап кылган. Оперативдик тергөө иш-чараларынын жүрүшүндө министрлик кызматкери 2 миң 500­ доллар пара алып жаткан жеринен колго түшүрүлдү. Учурда бул факты боюнча иликтөө жүрүп жатат.


АЖО РЕВОЛЮЦИЯ ТУУРАЛУУ КИТЕП ЖАЗДЫ

Президент Курманбек Бакиевдин 2005-жылкы революция тууралуу “Март революциясы: элдин тарыхый тандоосу” аттуу китеби басылып чыкты.

Аталган китеп Москвадагы басмаканалардын биринен жарык көрдү. Китепте автор 24-март революциясынын мыйзам ченемдүү жактарын жана өзгөчөлүктөрүн талдоого алат. Революциянын негизги милдети авторитардык башкарууну сындыруу жана саясий системаны демократиялаштырууга багыттоо болгондугу айтылат. Ошондой эле аталган эмгекте өлкө башчысынын эгемендүү мамлекет катары Кыргызстандын келечеги туура­луу көз караштары камтылган.


Эл аралык кабарлар

НАЗАРБАЕВ ГЭСтер БОЮНЧА КАРИМОВДУ КОЛДОДУ

Иш сапары менен Ташкентке келген Казакстандын президенти Нурсултан Назарбаев «аймактагы жаңы ГЭСтердин курулушу сөзсүз экспертизадан өтүшү керек» деген оюн айтты.

Назарбаевдин айтымында, Тажикстандын «Рогун», Кыргызстандын «Камбар-Ата» ГЭСтерин эл аралык экспертизадан өткөрүү зарыл. Андай экспертиза учурунда экологиялык, техникалык коопсуздук маселелери жана суу агымынын жөнгө салынышы каралууга тийиш. Ал экспертизанын жыйынтыгы чыккандан кийин гана Тажикстан менен Кыргызстандагы ГЭС­тердин курулушуна катышууга даяр экендигин кошумчалады. Айта кетчү жагдай, экспертизадан өткөрүү талабын буга чейин Өзбекстан гана айтып келсе, эми Казакстан да колдой баштады.


УКРАИНА НАТОдон БАШ ТАРТАТ

Жаңы өкмөт парламентке эч кандай аскердик уюмдарга, анын ичинде НАТОго да мүчө болбой турган мыйзамды сунуш кылууда.

Мындай демилгени жаңы түзүлгөн бийлик коалициясы көтөрүп чыккан. Ошол эле учурда жаңы шайланган президент Виктор Янукович мындай идеяны мурдатан эле колдоп келе жаткандардын катарында. Бул мыйзам кабыл алынса, Орусия менен Украина мамилелеринде да чоң жетишкендик болмокчу. Себеби Орусия Украинанын НАТОго мүчө болуусуна каршы чыгып келет.


ТАИЛАНДДА КАН ТӨГҮЛДҮ

Таиландда демонстранттар өздөрүнөн алынган адам канын Өкмөт үйүнүн башкы дарбазасына нааразылык символу катары төгүштү.

Демонстранттар мындай жол менен талаптарына курмандык чалышканын билдиришкен. Борбор калаа Бангкокто 13-марттан бери акция өткөрүп жаткандар, негизинен, мурдагы премьер-министр Таксин Чинаватранын жактоочулары. Алар “учурдагы өкмөт бийликте мыйзамсыз отурат” деп өлкөдө жаңы шайлоо өткөрүүнү талап кылышууда. Ал эми Таиланддын учурдагы премьер-министри Апхисит Ветчачива нааразылык акциясы башталганда эле өз резиденциясын таштап кетүүгө аргасыз болгон.


БУУ ЖАНА ЖККУ КЫЗМАТТАШАТ

Москвада Бириккен Улуттар Уюмунун башкы катчысы Пан Ги Мун жана Жамааттык Коопсуздук Келишим Уюмунун башкы катчысы Николай Бордюжа биргелешкен декларацияга кол коюшту.

БУУнун башкы катчысы Пан Ги Мун бул иш-чарага катышуу үчүн 18-мартта атайын Орусияга учуп келген. Бул макулдашуу БУУнун Генералдык Ассамблеясынын 64-жыйынында кабыл алынган “БУУ менен ЖККУнун ортосундагы кызматташтык” деген резолюцияга ылайык ишке ашты. Анда тараптар эл аралык деңгээлде жардамдашуу, гуманитардык, терроризм жана баңгизат менен күрөшүүдө кызматташмакчы. Айта кетсек, ЖККУга (ОДКБ) Армения, Казакстан, Кыргызстан, Орусия, Беларусь, Тажикстан жана Өзбекстан мүчө.

Айбек Кочкоров
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
19.03.2010. 14:07 
Тайпасы:
Кыймылы жок
Комментарийлердин саны:
50
Катталган:
11-09-2009
Соӊку аракети:
26-12-2012 22:59
Жынысы:
Белгисиз
Калаасы:
Бишкек
0
Элдик курултайды баштагандар - жакшы талаптарды коюшуптур, келгиле эми эл-журт баарыбыз кайдыгер карабай аракет кылалы.
20.03.2010. 14:54 
Тайпасы:
Кыймылы жок
Комментарийлердин саны:
13
Катталган:
14-02-2010
Соӊку аракети:
08-11-2014 12:27
Жынысы:
Белгисиз
Калаасы:
Ош
0
чын дилимден кошулам элим учун.......
25.03.2010. 16:58 
Тайпасы:
Кыймылы жок
Комментарийлердин саны:
93
Катталган:
01-08-2009
Соӊку аракети:
10-01-2016 15:43
Жынысы:
Белгисиз
0
Davai davaiopozisiya alga.Jekshenkulovtu chygargyla. Olso bir turk olptur da anyn emnesi bar eken. Amerikalyk soldat bizdin jarandy olturup koyp jon ele kachyp kettigo, ech kim dele sottogon jok.Bizdin jarandar bashka jarandardy jon ele sabap koiso da joopko tartylat.
25.03.2010. 17:00 
Тайпасы:
Кыймылы жок
Комментарийлердин саны:
93
Катталган:
01-08-2009
Соӊку аракети:
10-01-2016 15:43
Жынысы:
Белгисиз
0
P.S eshikterdi almashtysa emne boluptur.
25.03.2010. 17:05 
Тайпасы:
Кыймылы жок
Комментарийлердин саны:
93
Катталган:
01-08-2009
Соӊку аракети:
10-01-2016 15:43
Жынысы:
Белгисиз
0
Uzbekter birinchiden KG menen vizasyn joisun anan bizdin gesterge kiligishsin. A Kazaktarga emne jok Kg svetin berip jatkandan kiin bir jerin kysyp ele jurboibu. Je biz alalrdyn jashoosuna kiligiship jatabyzby. Karimov Nazarbaevke davno pora na pensiy.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: