Нияз Абдыразаков, ырчы: «ТОКТОЛУП, ЖАКШЫ АДАМДАРДЫН КАТАРЫНА КОШУЛУП КАЛДЫМ»
Нияз Абдыразаков музыка жаатында билим албаса да табият берген таланттын арты менен обон жаратып, казакстандык топторго, ырчыларга обон жазып берген жайы бар. Бир тууган агасы Ильяз Абдыразаковдун окуучусу болуп, аны көрүп чоңойгон Ниязды жеке ырчы катары да тааный баштадык.
Туулган жылы, күнү – 1990-жыл, 1-ноябрь Туулган жери – Баткен облусу, Кызыл-Кыя шаары Бою – 178 сантиметр Салмагы – 60 килограмм Репертуарындагы ырлары – «Кайрылбаймын», «Сени сагынганда», «Кыздар, ай», «Таене» жана башкалар Үй-бүлөлүк абалы – Бойдок
– Нияз, «шоу чөйрөнүн казанында кайнап келатканыма 10 жылга чукул болуп калды» деп айтып жүрөсүң. Ушул жылдар аралыгында чыгармачылыкта кандай ийгиликтерге жеттиң? – Азбы-көппү күйөрман топтой алдым. Айыл жергесине болсо да жеке концерттерди берип жүрөм. Бир гана чыгармачылыгым эмес, жан дүйнөм өзгөрдү. Мурда шоктонуп көп басып, оюн-зооктун үстүндө жүргөндү жактырчумун. Жаман-жакшы сыноолорду башыман өткөргөндөн кийин токтолуп, жакшы адамдардын катарына кошулуп калдым (күлүп). Мурда ырчылыктын пайдасын көрчү эмесмин. Быйыл өзүмө болгон ишеним пайда болуп, талыкпай эмгектенип, үзүрүн көрө баштадым.
– Сени ырчы гана эмес, обончу, аранжировкачы катары да билебиз. Музыка ыргактары кайсы убакта жаралат? – Мээң чарчабай, жалгыз отурганда жакшы чыгармаларды 2 сааттын ичинде жаратып коё алам. Өзөгүн түзүп койсом эле, обонго «көйнөк кийгизген» 1 жумага созулат.
– Ырчылык карьераң кандай уланып жатат? – Жаңы клиптерди тартып, Нурлан Насип, казакстандык «Аll Давай» тобу менен дуэт жаздырып жатам. Жакында ырчы Темир Дамирбеков менен аткарып чыккан «Таене» деген чыгармабыз элге жагып, кенен жайылып жаткан кези.
– Ырчылардын көбү киного тартылып жатышат. Бул тармакта өзүңдү сынап көргүң келбейби? – Тасмада башкы каармандын образын жаратканды кыялданам. Голливуд кинолорундагы "мачо" каармандардай болуп бардык кыздарды сүйдүргөн романтик жигиттин ролун ойногум келет. Тилекке каршы, бизде андай сценарийлер жок. Анын үстүнө тасмага тартылуу сунушу деле түшө элек.
– Азыр Инстаграмдын доору. Ал жактан сулуу кыздар менен таанышып, жолукканда башка кыз болуп чыккан учурга кабылдың беле? – Инстаграмда башка эле сулуу кыздын сүрөтүн жүктөп, бардык ырчы балдарга жаза берген бирөө бар. Сүрөттөгү кыздын өзү менен болсо Казакстандан таанышкам. Ал фотомодель болчу. Мага жазганда «сен Адэмайсың го» десем, «жок, адаштырып жатасың» дейт. Мен сүрөттөгү кыз менен тааныш экенимди айткандан кийин ал мага жазбай калган.
– Азыркы заманбап тенденцияга кандай карайсың? Мисалы, кыздардын чач коштуруп, көкүрөгүн, оозун чоңойтконуна көз карашың кандай? – Кыздар келбетин өзгөртүп ден соолугун бузуп жатышат. Андайлар бардык эркектерге жакпайт. Жасалма болуп алып жагабыз деп ойлошкону менен, өздөрүн алдап жатышат. Качанкыга чейин боёнуп жүрүшмөк эле, үйгө барганда бетин жууйт да. Мен табигый сулуулукту баалайм. Мага жоолук салынган, кыргыз жыттанган кыздар жагат.
– Келбети, жүзү маанилүүбү? – Кыйын болуп «кебетеси маанилүү эмес, эң башкысы жан дүйнөсү сулуу болсун» дегим келбейт. Келбети маанилүү эле. Узун бойлуу, көздөрү капкара, чачы узун, далактабаган, жоош кыздар менин табитимде.
– Жоош кыздар зериктирип жибербейби? – Жок. Мен өзүм жоош болгондуктан, көп сүйлөбөгөн кыздар жагат. Тарбиясы жакшы, көп баспаган, жөнөкөй кызга жолуккум келет. Андай кыздар биз издеген жерде эмес, ата-энесинин жанында, үйүндө отурушат окшойт.
– Сулуулук менен сексуалдуулуктун айырмасын айтып өтсөң... – Сулуулук сырткы көрүнүш болсо, сексуалдуулук адамды өзүнө тартып турган нерсе. Сексуалдуу кыздарды көп эле жолуктурам. Алар жүзү анча эмес болсо да аябай сексуалдуу болушат. Көз карашы, үнү, сүйлөгөнү, күлгөнү башкача болгондуктан, жанында уялып сүйлөй албай каласың.
– Сени «шопоголик» деп айтсак болобу? – Жарашыктуу кийингенди жакшы көрөм. Мурда кийимге көп акча сарптачумун. Ошондо «шопоголик» болсом керек. Азыр токтолуп калбадымбы. Кайсы стилде көп кийинип жүрөрүмдү айта албайм. Классиканы концерт, той-топурда эле кийбесем, кысылып, жүдөп кетем.
– 5 жылдан кийин Нияз кандай болуп өзгөрөт? – Апамдын керегине жараган уул, сүйүктүү жолдош, кыздардын атасы болуп калат. Өзүмдү кыргыз жеринин маданият чөйрөсүнө өзгөрүү киргизген чыгармачыл инсан, ийгиликтүү ишкер катары элестетем. Мурда кийимдерди Орусияга ташып иш кылчумун. Тилекке каршы, ишкерликтин көзүн таба албай, таштап койгом. Буюрса, үйрөнүп алып планымды орундатам.
– Маегиңе рахмат, тилегиң орундалсын!
"Апамдын керегине жараган, сыймыктанган уулу болгум келет".
"Агам Ильяз аркылуу шоу чөйрөгө аралаштым. Ал аркылуу казакстандык белгилүү ырчылар менен ага-ини болуп калдым".
“Кыздардын табигый сулуулугун жактырам” дейт Нияз Абдыразаков
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (22)
bakaiBBBB
2016-11-21 12:47:51
Бир радиодо маек берип жатып; мектептеги суйукту сабагын кайсы? десе сурот сабагы деп кулдурду эле бул бала
+1
jama9210
2016-11-21 17:37:35
Апеей ботом бул баланын сахнада жургонуно 10жыл болуп кеттиби? Тообо кылдым э кече эле газетада эми Ильяздын иниси Нияз ырдап чыгат деп журот элего чиркин. Ай же бул мектепте ырдап жургон кезин кошуп атабы? Ой ушу азыркы ырчылар укмуш ай кече эле чыгып алып 10жыл болду дешип же бир жарытылуу ыры жок
+1
Jamalym
2016-11-21 17:41:31
Нияз казакстанда да иштеп журду адашпасам инстаграмда уй-булолуу деп жургон.
0
akil.91
2016-11-21 20:42:50
Ильяз менен бир тууган но Ильяздан сулуу окшойт.
0
kyrgyzstan00
2016-11-21 23:30:05
Экоо тен ырчы болсо канында бар окшойт ырчылык.Азаматсын.Алга....
0
strelok
2016-11-22 05:09:26
Саны коп сапаты жок ырчылар аябай эле кобойду го,Ильязды талантуу деп айтса болот.
+1
tynchtyk93
2016-11-22 18:33:31
Бир клибинде баланын бетиндеги тортту балдар кыздарга жалатыптырсын мунун аша чапкандык уят ырдасан болот
0
jazmina909090
2016-11-23 10:03:30
Көч бара бара оңолот ишиңе ийгилик
0
Aselina_kg
2016-11-23 13:32:57
Ырларын,токтоо мунозун баалайм
0
nurda00
2016-11-23 20:09:50
"Далактабаган"— дейби))))
0
alibekova94
2016-11-23 22:15:17
Жакшынакай болуп озгоруптурго, он жыл деп туурале айтып жатат он жыл болбосо да сегиз тогуз жылдай болуп калды. Бир жолу коргом биз жака ырчылар менен келгенинде анда мен мектепте окучумун. Ийгилик, Иляздай адамгерчиликтуу жакшы инсан бол.
+1
Rasul_Rahmanaliev
2016-11-24 09:56:59
Нияз алга!Талыкпай эмгектене бер!
+2
GGggUUuuLLll
2016-11-24 20:10:56
Аябай сулуу,жылдыздуу бала экен..Актер катары кинолорго тартылса да болот
+1
kozuwka
2016-11-25 19:19:22
кебетесинен тентек баладай корунгону менен озу чын эле токтоо бала турбайбы))))) ийгилик ырлары аябай жагат!))
+1
Nur_5555
2017-08-06 01:05:17
Ырлары жагат, ийгилик
0
Комментарий калтыруу үчүн өз ысымыңыз менен кириңиз же каттоодон өтүңүз.
Нияз Абдыразаков музыка жаатында билим албаса да табият берген таланттын арты менен обон жаратып, казакстандык топторго, ырчыларга обон жазып берген жайы бар. Бир тууган агасы Ильяз Абдыразаковдун окуучусу болуп, аны көрүп чоңойгон Ниязды жеке ырчы катары да тааный баштадык. 
