ӨМҮРДҮН БААСЫ 200 СОМБУ?

16-ноябрдан 17-ноябрга караган түнү Бишкекте кардары таксистти өлтүргөн кылмыш катталды. Бул кылмышка шектүү катары 1997-жылы туулган Жалал-Абад облусунун Б.Т. аттуу тургуну кармалган. Тергөө версиясы боюнча анын таксист Нурлан Акимбаевди өлтүрүүсүнө жол киреге 200 сом төлөбөй койгону себеп болгон.

"КОЛУМА ОТВЁРТКА ИЛИНИП КАЛДЫ, САЙЫП САЛДЫМ"

Кылмышка шектүү Б.Т. тергөөдө төмөнкүдөй көрсөтмө берген:
– Такси чакырып, аны "Ош базарына" 200 сомго айдатып баргам. Жеткенден кийин досторумдан акча алып, жол кирени төлөмөкмүн. Бирок алардан акча чыкпай калды. Анан үйдөн алып берейин деп кайра "Дордой" базары тарапка айдаттым. Жолдо баратсак, таксист досторуна телефон чала баштады, мен ага "байке, берем акчаңды" дедим. Ал сөздү көбөйтүп жибергендиктен кол көтөрдүм. Ал "уктатам" деп мени муунта баштады, анан эле колума отвёртка илинип калды, сайып салдым. Алсырап калганынан аны кармап отурдум, бир кезде таштап жиберсем эле "шалкылдап" калыптыр. Айдоочуну алып келип "Дордой" базары тараптагы мүрзөгө таштап, машинасын айдап кетип калгам.

"БАЛДАР МЕНЕН МУШТАША КЕТТИМ" ДЕП ЖООП БЕРДИ"

Кылмышка шектүү ошол эле түнү Бишкек ШИИББинин Патрулдук милиция башкармалыгынын кызматкерлери тарабынан кармалган. Патрулдук милиция башкармалыгынын инспектору Шайлоо Абдиев буларды айтып берди:
– Бишкектин Гагарин көчөсүндө баратканыбызда Хонда Фит унаасы оң жагыбыздан бизди ашып өтүп кетти. Ошол учурда ал унаанын алдыңкы оң капталындагы сүзүлгөн жерин байкап калдык. Унааны токтотууга аракет жасадык, бирок айдоочусу бизге баш ийбей барып 300 метрдей жүрүп токтоду. Ал тиешелүү документтердин бирин да көрсөтө алган жок. Анын кийимдери жана унаанын ичи кан экенин байкап, эмне болгонун сурасак, "балдар менен мушташа кеттим" деп жооп берди. "Жүрү ошол жерге баралы" деп Кулиев менен Рыскулов көчөлөрүнүн кесилишине бардык. Ошондо ал "байкелер, эми чынын айтайын" деп акча жоктугунан таксистти отвёртка менен сайып, аны "Дордой" базары жактагы мүрзөгө таштап салганын билдирди.

Бишкек ШИИББинин маалымат кызматынын билдиришинче, учурда бул кылмыш боюнча Кылмыш-жаза кодексинин 97-беренеси (адам өлтүрүү) менен кылмыш иши козголуп, тергөө амалдары жүрүп жатат. Кылмышка шектүү убактылуу кармоочу жайда.

Айсалкын Качкынбекова
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (12)

Aytur

2016-11-28 11:15:06

Ай ХХХ ай оз келечегине озун ьалта чапкан экенсин!
Ал ортодо бироонун кара чечекей баласын суйуктуу атасын куйумдуу жарынан ажыратып куйутко салып каргышка калып кеттинго!

admin_superstan

2016-11-28 12:10:50

Aytur, этика нормаларын сактоону сунуштайбыз. Оозеки эскертүү!

-2

doni_alaaarcha

2016-11-28 22:36:20

Ушул каза тапкан бала менин куйоомдун досу эле жаткан жери жайлуу болсун. Артында аялы баласы калды. Жакындарына Аллам сабыр берсин

Kroxa

2016-11-29 00:26:08

200 сом омур кыйылды просто неверишь...а так и есть такое в жизне бываеть...

-1

Alibek-0001

2016-11-29 19:58:16

Kroxa, орусчан укмуш гл

-1

lionna

2016-11-30 17:35:21

Alibek-0001, олтурдунуз го ))))))

-2

danilka

2016-11-30 19:57:14

Буларга ким куноолу дейсинер албетте озулору, тарбия жетишпегендиктен,Бул 200сому жетпей калса башка жолу менен деле чечсе болотго, именно адам олтурбой...

-3

NUR_kg

2016-12-01 13:10:33

Бири бириндин жазган созунорго лайк басып комментарий жазып жалган кайгырып олтурбай тиричилигинерди кылсанар...

-2

tabyshmak

2016-12-02 10:08:56

Олгон олду. Эми кылмышкер эмне деген жалган создорду айтса да жалганды четке какчу адам аркы дуйнодо. Чындык деле жок. Омур боюга эркиндигинен ажыратса го бир кеп эле, бирок, бир канча жыл моонот менен камакка алынганы менен аны толук отобой эле кайра эркиндикке чыгышат. Турмодон чыккан адам кайра кылмыш жасагысы келип, дагы терс жолго тушуп, коомго коркунуч жаратабы деген ой келет.

Brendi_mega

2016-12-05 16:56:52

jama9210

2016-12-06 16:53:29

Ужас

Комментарий калтыруу үчүн өз ысымыңыз менен кириңиз же каттоодон өтүңүз.

№ 734, 25-ноябрь-01-декабрь, 2016-ж