Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ХОТТАБЫЧ

№222 2-8-февраль, 2007-ж.


Режиссёру – Пётр Точилин
Сценарийин жазгандар – Пётр Точилин, Сергей Кладо
Продюсери – Сергей Сельянов
Ролдордо: Владимир Толоконников, Марюс Ямпольскис, Лива Крумина, Марк Гейхман

КЫСКАЧА МАЗМУНУ
“...Биздин заманда Москва шаарында Геннадий аттуу жалгыз бой жигит жашайт” деп башталат жомок. Чынында, аны достору интернеттеги Мазахака деген ысымы менен таанышат. Анткени, ал Москвада катардагы адамдардай жашабай, жалгыз интернет менен гана жашайт. Интернет аркылуу дос күтөт, көңүл ачат. Анын болгон байлыгы – эскирген “ЗиЛ” муздаткычы жана куурап калган кактус. Ал эми эң баалуу, керек болсо ал үчүн бөйрөгүн сатууга даяр болгон буюму – албетте, сүйүктүү компьютери. Гена үчүн реалдуу жашоодо эч кызыкчылык жок. Кичинесинен бери самаган тилеги – Майкрософт серверин (дүйнө­дөгү эң бай адамдын компаниясынын жашыруун сайты) талкалап кирүү. “Жок дегенде чай кайнатканга бир чайнек алып коюуга жарабайсың!”- деп сүйлөшкөн кызы Ленанын жемелегенинен аукциондордун биринен (интернет аркылуу) эски, арзан баадагы жез кумура сатып алат. Аны көргөн Лена жигитине чыныгы жашоо менен жашашты үйрөтө албасына көзү жетип, кетип калат. Ал кумуранын ичинде үч миң жылдан ашык жашап келген сыйкырдуу жин болоорун ким билиптир?
Так ошол Хоттабыч менен таанышкан күндөн баштап Генанын жашоосунда ойдо жок окуялар башталат. Майкрософттун расмий сайтын талкалагандыгы үчүн америкалык коргоо кызматы, ал эми көп акча карыз болгону үчүн жергиликтүү зөөкүрлөр байкуш Генанын аркасынан кууп алышат. Ал аз келгенсип, Хоттабычтын душманы, дүйнөнү башкарууну көздөгөн куу Шайтаныч башкалардан кем калбай биздин каармандарга бут тосот.
Хакер менен сыйкырчы душмандардан кутулууга линолеум-учак менен (килем-учакты күбө жеп койгон болот) шаар аралап учуп күн өткөрүшөт. Хоттабычтын арты менен миллион доллар жаадырып алган Хакер жаңы таанышы Эннини романтикалуу кездешүүгө чакырат да, аны эч жерден табылгыс машинага отургузуп саякатташат.
Күлкүлүү сыйкырчы чал кадимки өспүрүмдөрдөй кийинип, санарип сүрөт тартканды үйрө­нөт. Гена жаныбарлардын тилин билип алса, Хоттабыч компьютер оюндарын тез өздөш­түрүп, мыкты “геймер” болуп чыгат да, жаштардын урматына татыйт. Акыры коопсуздук кызматкерлеринин колуна түшкөн Генаны Хоттабыч сыйкырынын жардамы менен куткарып калат. Кезегинде Шайтанычтын куулугуна алданып калган Хоттабычтан Гена да жардамын аябайт.
Ошентип, кыска мөөнөттүн ичинде “ээси менен кулу” чыныгы досторго айланышат. Эми Хоттабычты жоготуп албаш үчүн Гена менен Энни түнү менен абышканын генетикалык кодун изилдеп чыгышып, ага эч кимден көз карандысыз чексиз жашоону белек кылышат. Тагыраак айтканда, интернеттин ичиндеги жашоону тартуулашат.

ЖАҢЫ ЖАНР ПАЙДА БОЛДУ
Жыйырма үч жаштагы таланттуу режиссёр Пётр Точилин XXI кылымдын заманбап техникасын туура колдонууну билгендигине тасманы көргөндөр күбө болушту. Фильмге 13-17 жаштагы өспү­рүмдөр интернет менен компьютерге кызыкдар болгондуктары үчүн азгырылса, 30-40ка чамалап калган улуу муун “баягы Хоттабыч кандай болуп өзгөрдү экен?” деп көрүүгө шашылышат.
Совет мезгилинде Лазарь Лагиндин колунан жарык көргөн «Хоттабыч чал менен досу Ибн-Волька жөнүндө жомок» Сергей Кладонун китебинин өзөгүн тү­зөт. Автор жомокту үч жыл бою киносценарийге ылайыктап жазган. Ошондон кийин жомок интернет-комедия жанрындагы тасмага айланып чыга келген.
Пионер Вольканын ордунда бекерчи хакер Гена. Мурунку душмандар милиционерлер болсо, эми каардуу Шайтаныч алардын ордун ээледи. Футбол менен цирк интернет жана компьютер оюндарына айланды. Жалгыз гана биз сүйгөн куу абышка Хоттабыч ошол бойдон назарыбызда.

ЧЕТ ӨЛКӨЛҮК АКТЁРЛОР ОРУС ТАСМАСЫНДА
Актёрлор бул тасмага катуу талап менен тандалган. Программист Генанын ролуна ылайыктуу актёрду миңдеген россиялыктардын ичинен таба албаган соң, режиссёр Литваны көздөй жөнөп, жакында эле кыздуу болгон Марюс Ямпольскиске туш болот. Америкалык ЦРУдан келген тыңчы кыздын ролун аткаруучу Лива Круминаны да Литвадан таап, аны да ала келет.
Таланттуу жана тажрыйбалуу актёр Марк Гейхмандын да улуту орус эмес, немис экендигин кошо кетели. Тагдырдын тамашасыбы, айтор, башкы ролдогу Владимир Толоконниковду да режиссёр Москвадан издегени менен Алматыдан табат. “Балким, Толоконников болбогондо, фильм мынчалык бийик даражага жетпейт эле” дешет сынчылар.
Кинонун дагы бир айырмачылыгы – каармандардын көптүгү. Алардын ичинен Шайтанычтын кол алдында кызмат өтөгөн байкуш Көлөкө (компьютердик графика менен тартылган) эсте калаарлык.

КӨРСӨ...

  • Фильмдеги Көлөкөнү, итти жана күбөнү бир эле адам сүй­лөткөн. Ал кайталангыс үндүн ээси – мырза Гоблин.
  • Лива Круминанын айтуусунда, ролундагы эң оор нерсе машина айдоо болгон. “Мен машина айдаганды билем. Бирок, орустун эски “Победасы” машина эмес, танк экен. Педалдарына бутум жете албаганы аз келгенсип, рулду бүткүл боюм менен аракеттенип буруп аттым” деп күлөт Лива.
  • Режиссёр дегеле фильмге машинаны кошуп койгону үчүн аябай өкүнгөн. Себеби, тасманы тартуу учурунда кызыккан элдер сейрек кездешүүчү машинанын жанында сүрөткө түшүп, анда жүктөлгөн пиводон да ичкилери келген. Бир таксист аны ижарага сурап тажатса, башка бирөө машинаңды сат деп кыйнаган.
  • Гена “менттерден” тепки жеген эпизодду тартууда актёрлордун бирөөсү Марюстун бөйрөгүнө жаздым катуу тээп алат. Режиссёр онтоп жаткан Марюстун жакшы аткарганына сүйүнүп мактаса, актёр оорусуна чыдабай “жарым саат жата турайынчы” деп өтүнүп­түр.
  • Бул кинонун шыптан миллион доллар жааган эпизодун тартууда тартуучу топ экинчи акча карагыс болуптур. Себеби, бул дублди кайталап тарткан сайын акчаны жерден чогултуп, улам-улам жаадырып атышып эстери оогон экен.
  • Толоконников менен Гейхман фильмде компьютерде кыйын иштешсе да, чыныгы жашоодо экөө тең бул техника менен тааныш эмес.

Даярдаган Бегайым Мусакеева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: