ЖЫЛДЫЗ ТӨЛГӨ (12-декабрдан 18-декабрга чейин)

КОЙ (21.03-20.04)
Апта ичи жакындарыңыздан көп жолу жардам суроого мажбур болосуз. Күнүмдүк түйшүк менен убара боло бербей, ден соолугуңузга кам көрүүнү унутпаңыз. Жылдыздар ооруп калышыңыз мүмкүн экенин айтышууда.

БУКАЧАР (21.04-20.05)
Апта бою сизди жагымдуу таанышуулар күтүп турат. Жаңы тапкан досторуңуздун арасында өмүрлүк жарыңыз да болушу мүмкүн. Ошондуктан аларга жакшылап көз чаптырыңыз.

ЭГИЗДЕР (21.05-21.06)
Бул жылдыз белгисинин астында төрөлгөндөр апта ичи жасаган жумушунан өзгөчө ырахат алышат. Ага жараша капчыктары кыйла калыңдашы мүмкүн. Тамак-ашка ууланып калуу коркунучу бар, андыктан сак болуңуз.

БӨЙӨН (22.06-22.07)
Жан дүйнөңүз көңүл ачууну дегдеп, күнүмдүк түйшүктөн алыс качууну каалайсыз. Бирок ал үчүн ишеничтүү достордун курчоосунда болушуңуз зарыл экенин унутпаңыз. Себеби жагымсыз окуяларга кабылып калышыңыз күтүлүүдө.

АРСТАН (23.07-23.08)
Чыдамкайлыкты бул аптада досуңузга айлантыңыз. Сиз ушунчалык көп сыноолорго кабыласыз. Аткарган ишиңиз энергияңызды бүтүндөй жутат. Акырында депрессия менен беттешкиңиз келбесе чыдаңыз, андан башка аргаңыз жок.

БИЙКЕЧ (24.08-23.09)
Колуңуздан келсе үйдөн чыкпай эс алганыңыз оң. Себеби аптада оору жугузуп алуу коркунучу жогору дешет жылдыздар. Анын үстүнө кайсы ишке урунбаңыз, жыйынтыгы баары бир көңүл толчудай болбойт.

ТАРАЗА (24.09-23.10)
Жаман адаттарыңыздан арылуу үчүн жакшы апта. Баштаган жумушуңуздун өтөсүнө чыгып, ийгилик кушун колуңузга кондурууга мүмкүн болот. Убактыңызды текке кетирбей, аракетиңизди баштаңыз.

ЧАЯН (24.10-22.11)
Ден соолугуңузга байланыштуу көп жумуштарыңызды токтотуп турууга аргасыз болосуз. Бирок аз убакытта жакындарыңыздын жардамы менен баары мурунку калыбына кайтат. Алыстан жагымдуу кабар угасыз.

ЖААЧЫ (23.11-21.12)
Өзүңүздү оор жумуш менен кыйнабаңыз, жыйынтыгы жаман аяктайт. Апта ичи тапкан каражаттарыңыздын баары карыздан кутулууга жумшалат. Бирок кошумча киреше табууңуз мүмкүн.

ТЕКЕЧЕР (22.12-20.01)
Көптөн бери айта албай жүргөн сезимдериңизди ашыгыңызга билдирүү үчүн эң ылайыктуу апта. Эгерде сүйүктүүңүз менен көптөн бери мамиле куруп жүрсөңүз, анда баш кошуу үчүн сонун шарттар түзүлөт.

СУУ КУЯР (21.01-19.02)
Жетекчилик тарабынан аткарган жумушуңуз үчүн мактоого татыйсыз. Андыктан катылып жаткан фантазияңыздын баарын сыртка чыгарып, кесиптештериңизди таң калтырууга умтулуңуз.

БАЛЫК (20.02-20.03)
"Аракет кылсаң берекет" накыл кеби сиздин урааныңызга айланышы керек. Себеби апта ичи максатыңызга жетүү үчүн жасаган ар бир аракетиңиздин акыбети сөзсүз кайтат.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 736, 09-декабрь-15-декабрь, 2016-ж