“КЫЗ-БУРАК” ЧЫККЫНЧЫЛАРДЫ КАНТИП ЖАЗАЛАЙТ?

Жылдыздар турмушунан

Атактуу “Кыз-Бурак” тобунда ырдап таанылган Айпери Сыдыкованын топтон эмне себептен кеткени, негизи эле ортодогу чыр-чатак тууралуу маек курдук. Айпери тууралуу сураганыбызда Гүлшайыр Садыбакасова да өз пикирин билдирди.

Айпери Сыдыкова: “КЫЗ-БУРАККА” ЭМЕС,
ӨЗҮМӨ КЫЗМАТ КЫЛГЫМ КЕЛДИ”

– Айпери, саламатсыңбы? “Апакай ак куу” аттуу ырыңа клип тартып жатат деп уктум эле...
– Саламатчылык. Ооба, буюрса, клип тартылып бүттү. Бул менин жеке ырчы катары аткарган ырыма тартылган алгачкы клибим. Аны өзбек режиссёру Тахир Макситов тартты.
– “Апакай ак куудан” башка дагы ыр жаздырдыңбы?
– Ооба, “Таарынба тагдырга”, “Сагындым” аттуу эки ыр жаздырдым.
– “Кыз-Бурак” тобунда ырдагандан жеке ырдоонун айырмасы бар бекен?
– Албетте, айырма бар. Жеке ырчы катары ырдоонун мага эмнеси жакты? Эркиндик. Жөн гана эркиндик эмес, толук эркиндик. Мага бирөө келип “саат мынчага бул жакка барышың керек” деп айтпайт. Ырдагым келсе, барып ырдайм. Эгер жакпаса барбайм. “Муну кыл, тигини аткар” дегендер жок.
– Топтон эмне үчүн кеттиң?
– Ар бир адамдын жан дүйнөсүндө самаган кыялы болот эмеспи. Менин кыялым – жеке ырчы болуп, атымды таанытуу болчу. Ал эми “Кыз-Буракта” топтун атына иштейсиң. Мен болсо өзүмдүн атыма иштегим келди. 4 жылдын ичинде аталган топтон көптөгөн тажрыйба топтоп, сабак алдым. Бул үчүн Гүлшайыр, Кенже эжелерге рахматымды айтам.
– Топтон кетерде жетекчиси Гүл­шайыр Садыбакасовага себебин эмне деп түшүндүрдүң эле?
– Топтон кетүүнү өзүм көп­төн бери каалап жүргөм. Бирок эмне деген себепти айтарымды билчү эмесмин. Мүмкүн, себебин айтпай иштен кетип калганым менин катачылыгым болгондур. Бирок муну чоң күнөө деп эсептебейм.
– Келишимди бузганың чынбы?
– Биз расмий түрдө келишим түзгөн эмеспиз. Бул сөз оозеки айтылып келчү. Эгер келишим менен иш баштаган болсом мени жумушка албайт эле. Себеби анда мен 17 жашта болчумун. Топко келгенде 5 кыз мени менен чогуу келген. Мисалы, Гүлбахар, Мирана жана башкалар. Баарыбызга оозеки “он жыл иштешиңер керек” деп эле айтылган. Анан да “материалдык жактан бул кызга каражат жумшадык” деп айтышууда. Мен аларга 4 жыл иштеп бердим да. Менин иштеп тапканым кийимиме, бирдигиме, күнүмдүк баскан-турганыма эле жетчү. Баары эле так эсептелди деп ойлойм.
– Билишимче, топтон кеткениңе эки жыл болду. Чыгармачылыкта көбүрөөк тыныгуу кылган жоксуңбу?
– Топтон чыккандан кийин эле өзүнчө ыр жаздырып ырдап чыксам болмок. Даярга тап болуп чыгып алгандай болбоюн деп бир аз тыныгуу жасап, анан кайра нөлдөн баштайын деп Орусияга кетип калгам. Ал жакта ресторандарда ырдап, иштеп жүрдүм. Ошентип, эки жыл өтүп кетти.
– Ырчылык сен үчүн кесиппи же...
– Жок, кесип эмес. Бул мен үчүн хобби. Өзүм үчүн эле ырдап рахат алам. Бийликтеги адамдын креслосун алып коюшу мүмкүн, ал эми адамдагы талантты алып коюуга болбойт. Ошондуктан талантымды эч ким ала албасына ишенип, аны өстүрүүгө даярмын.
– Айпери, сага ийгилик. Алдыга койгон максатың ишке ашсын.


Гүлшайыр Садыбакасова:
“АЙПЕРИДЕЙ ЧЫККЫНЧЫНЫ КЕЧИРБЕЙБИЗ”

– Бир кезде Айпери Сыдыкова деген ысымды эч ким билчү эмес. Биз аны миңдеген кыздын арасынан сууруп чыгып ырчы кылганбыз. Аны таптап, тарбиялап топко кошконбуз. Ага сабак берип, канча каражат кетирдик. Бир кызды ырчы кылыш үчүн акыл каражатың да, акча каражатың да сарпталат. Мисалы, бир кызга вокалдан сабак бериш үчүн бир жылга мугалимге 40 миң сом, сахна маданиятын үйрөтүүгө да 40 миң сом кетет. Андан тышкары бир ыр сөзү, обону менен аз дегенде 12 миң сом турат. Аны аранжировкалоо 8 миң сом, ал эми 1 клип тартуу болбоду дегенде 1000 доллар. Сахна кийимин тиктирүү 20 миң сомду чапчыйт, ал эми 1 эле фотосессия 15 миң сом. Бул саналган сандар сарпталган каражаттын чети эле.
Айпериге 5 ыр жаздырып, клип тарттырганбыз. Жогорудагы сумманы көбөйтсөң канча акча? Ал эми популярдуу кылыш үчүн белгилүү ырчы менен ырдатуунун өзү жок дегенде 500 доллар. Биз Айжамал Кабылованын “жок, ырдабайм, жакпайт бул кызыңдын келбет-мүчөсү” деген каршылыгына карабай дуэт ырдаттык. Айжамал менен ырдаган “Ак куулардын арманы” аттуу ыр бул кызды кандай популярдуу кылган. Анан ушунун баарын ойлоп уялып, бети кызарышы керек го.
Айперинин бул жоругун чыккынчылык деп эсептейм. “Кыз-Бурактын” тарыхында мындай чыккынчы чыккан эмес. Айперидей чыккынчыны кечирбейбиз. Ортодогу түзүлгөн келишимди бузду. Келишим расмий түрдө түзүлгөн. Силерге өзү кол коюп берген келишимдин көчүрмөсүн көрсөтө алам. Миң ырдагысы келсе да, тымызын кетпей батамды алып, уруксат сурап кетсе болот эле го. Кеткенде да унчукпай кеткен. Башында даярдыктарга такыр келбей, 3-4 ай өткөндөн кийин апасы тортун, бир сумка токочун көтөрүп алып “кызымды бир жылга Москвага жөнөтүп жатам. Өзүңүз билесиз, жашоо шартыбыз начар, бир аз каражат таап келсин. Келген соң кайра топтон ишин улантат” дегенинен кийин макул деп жөнөткөнбүз.
Орусиядан келгенден кийин өзүнчө эле ыр жаздырып, аларды радио-телевидениеге тараткан экен. Келишимди бузуп кеткенден кийин да топтун ички жобосу боюнча чоң айып төлөнөт. Сотко берсек материалдык да, моралдык да каражатты төлөп берет. Сотко берүү үчүн тиешелүү кагаз топтолду. Мен каражатты өндүрүп алуу үчүн эмес, мындай жорук башкаларга сабак болушу үчүн да сотко берем.

Бактыгүл Сокушова
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (30)
Aizilya
2010-03-31 16:38:56
Гулшайыр эже, Айперини кылганы топко терс таасирин тийгизбесин деген ою да туура бир жагынан.
-1
kyrs
2010-04-01 11:11:37
Aizilya kantip ters taasirin tigissin. Mumkun Aiperi topton bolunup jalgyz Akkuu bolup uchkusu keldi. Myndai bolo berse ech kim prodyserler menen ishteshpei kalatko. Byltyr Kyz Burak tobu janylanganda dagy bir tatynakai kyz bar bolchu al kyz da korunboi kaldy, kaida ketti oshol kyz kim bilet? Je al dagy 2-jyldan kiin ozuncho yrdap chygyp any da sotko berebi:(
0
Light
2010-04-01 12:05:59
sottoshsor elge ele uyat bolosunar
0
Light
2010-04-01 12:31:21
turmushu oor bollup moskvaga ketken dep jazyptyr bul tuura emes. biroodyn turmushun elge jaryialash.ertenki turmushun emne bolushun ech kim bilbeit.
0
Prince
2010-04-01 13:32:30
Айпери негизинен туура эмес кылып коюптур. Келишимди кармаш керек болчу, же болбосо Гулшайыр эженин да ыраазычылыгын алып чыкканы жакшы эле. Бирок бул жашоодо ар ким озу каалаганына укуктуу. Айпери болсо бираз туура эмес кадам жасап коюптур. А Гулшайыр эже озунун аброюна чон эле доо кетирип алыптыр.
-1
Terminator
2010-04-01 17:53:28
Gulashayir eje mintip jashtarga but tosup kaerge cheyin baram dep oyloysuz??? juzu jok adam ekeninizdi el bilet go...
0
maratbek
2010-04-02 02:29:25
Мындай келишимди бузгандарды жазасын бериш керек
0
Akjol
2010-04-02 15:55:15
Менин угушумча,Кыз буракта иштеш аябай кыйын экен,кыздарды коп урушат дейт,ошого чыдабаса керек да,бирок Айпери,Айжамалга караганда уну жакшы и сонун ырдайт.Кыз буракты эч ким деле укбай калды го азыр.
+1
Chippolino
2010-04-03 02:01:02
Gruppa "Kyz Burak" mne soovsem ne simpatichen i ya ne slushayu ih pesni.Allllergiya u menya na nih.Stil' u nih kakoi-to ne ponyatnyi.Besvkusiza,da i tol'ko!!!
0
ymyta
2010-04-03 13:06:16
Негизи Кыз бурака кирип жатканда эч ким кыйнабайт да ,бизден ырда же,бизде кал деп.Ар ким оз каалоолору менен келет.Анан алар оздорунун болгон условияларын коюшат.Ошого чыдасак иштейсин ,чыдабасан кетесин деп.Бирок тартип каттуу мен аны билем,ал жагы туура,жаш кыздарды алат,10 жыл контракт боюнча иштешет,10 жыл иштейсин эч ким менен суйлошпойсун,эгер жаш болсон ,10 жылдан кийин деле суйлошконго жетишесин да.Популярдуу болуп,Гульшайыр эженин ишеничине кирсен албетте 10 жылдан кийин озунун батасын
-1
Debi
2010-04-03 18:45:03
Айжамалдын бирөө менен ырдаган шандуу ыры бар экен, эжемдин телефонунда. озбекче-кыргызча, вуаааааххххх сонун ырдаптыр. уну бир башкача жагымдуу тим эле. Назик дагы кучтуу дагы. А Айперини мен тааныбайт экем. БИрок "озум" дегенде кеп жатпайбы. Кыз буракка кирбей эле башынан эле "озу" чыкпайт беле анда.
0
Jainagul
2010-04-04 20:16:36
Айпери со вкусом и с голосом!Молодец, дерзай на зло им!Тебя народ поддерживает!
0
tumarchik
2010-04-06 17:00:39
SUPER INFO. Emnege Aiperinin klibin Media-Portaldan alyp saldynar? Kaira juktop koigula.
0
tumarchik
2010-04-06 17:06:26
Emne ele menimn Gulshair ejeme asylyp jatasynar,
Gulshair eje jashoodo oto kichi peil kechirimduu aial, birok bir jini kelse toktotush kyiyn, ushundai kattulugunan 35-40 jyldan beri KYZ-BURAK tobu jogolboi kele jatat. Kecheki ele paida bolgon toptor jogolup jatpaiby. Bashka prodyserler 1-2 yrchyny bashkara albai urushup ele jatyshpaiby elelstetsener 4-5 kyzdy bashkargandy.
0
zvezda
2010-04-19 08:44:31
Aiperinin yrlary kana? media-portalda klibi da, audiodo yry da jok. nege andai kylasynar? juktop koigula,pls. uwudan da bilse bolot da... but tosuunu...
0
№ 386, 26-март - 1-апрель, 2010-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА