Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ГИРУДОТЕРАПИЯ ЖЕ СҮЛҮК МЕНЕН ДАРЫЛОО

№386 26-март - 1-апрель, 2010-ж.


Адамзат тарыхында байыркы мезгилден тартып бүгүнкү күнгө чейин сүлүк менен дарылоо кеңири колдонулуп келет. Сүлүк менен дарылоонун сырлары, артыкчылыгы, кандай ооруларда колдонула тургандыгы жаатында гирудотерапия боюнча адис Эркинбек Кадыркулов баяндайт.

ТАРЫХЫНАН
– Гирудотерапия латындын «hirudo» – «сүлүк», «therapy» – «дарылоо» деген сөзүнөн алынган.
Сүлүк менен дарылоо байыркы ыкмалардын бири. Аны алгачкы колдонуучу болуп байыркы грек табыбы Никандр (биздин доорго чейинки 200-130-ж.ж.) эсептелет. Гирудотерапия тууралуу Гиппократ, Гален, Авиценна да өз эмгектеринде жазып калтырышкан. Байыркы Египет пирамидаларында да оорулууну сүлүк менен дарылап жаткан сүрөттөр сакталып калган.

УЧУРДА...
– Учурда дарылоого медициналык сүлүктөр гана колдонулат. Алар атайын биофермаларда багылып, өстүрүлөт. Өңдөрү кара, күңүрт күрөң, күрөң, кочкул жашыл жана башкача болот.
Тамак катары мал союлуучу жайлардан алынып келинген уюган таза кандар берилет. Болгондо да оорусу жок, таза малдын (бодо жана майда мал) уюган каны. Дарылоого адатта жашы 1-1,5 жаштагылар колдонулат. Бул убакта алардын салмагы 1-1,5 граммды түзүп калат. Дарылоодо сүлүктөр 1 гана жолу колдонулуп, анан жок кылынат. Сүлүктөр кышында уйкуда болгондуктан, тиштебейт. Башкача айтканда, кышында сүлүк менен дарылоо убактылуу токтотулат. Жаз, жай, күз сүлүктөрдүн активдүү мезгили болгондуктан, дарылоодо колдонулууга өтөт.

КАНДАЙ ООРУЛАРДА КОЛДОНУЛАТ?
– Сүлүк менен дарылоо медицинада кеңири колдонулат.
Гинекология (метроэндометрит, кольпит, жатындын миомасы, мастопатия, эн безинин сезгенүүлөрү, климакс ж.б.);
урология (заара жолдорунун таш оорулары, урук чыктагыч бездин сезгениши, урук чыктагыч бездин аденомасы);
неврология (остеохондроз, миозит, куяң, шакый, неврит, невроз, невралгия, кан басым оорулары ж.б.);
эндокринология (кант диабети, богок, семирүү);
дерматовенерология (безетки, демодекоз, псориаз, нейродермит, экзема);
кардиология (атеросклероз, стенокардия);
пульмонология же өпкө оорулары (бронхит, бронхиалдык астма);
гастроэнтерология (гепатез, холецистит, панкреатит, гастрит);
ревматология (ревматоиддүү артрит, склеродермия);
хирургия (тромбофлебит, варикоз);
проктология (геморрой);
ЛОР оорулары (отит, кереңдик) жана башка ооруларда.

КАЙСЫ УЧУРДА КОЛДОНУУГА БОЛБОЙТ?
– Гемофилияда (кан начар уюй турган оору);
анемиянын оор түрүндө;
гипотонияда (артериалдык кан басымдын төмөндүгү);
кош бойлуулукта;
организмге сүлүк менен дарылоо жакпаса.

СЕАНСКА ДАЯРДЫК
– Сүлүк биологиялык активдүү чекиттерге коюлат. Ошондуктан гирудотерапия ийне менен дарылоо ыкмасына теңтайлаша алат.
Дарылануу сеансына келе турган адам ал күнү ваннага түшпөй, самын менен жуунбай, косметика жана атыр колдонбой келиши керек. Ошондой эле сеанс алдында 3-4 саатка дейре тамеки чекпөөсү кажет. Анткени адамдын табигый жытынан башка жыт чыкса, сүлүк денеге жабышпай, кан сорбой коёт. Сеанска келген адамдын сүлүк коюла турган жери алгач спирт сиңирилген тампон менен тазаланат. Бул микробдорду жок кылып, жыт-жыбырларды да кетирет. Анан ошол эле жер таза, ысык сууга нымдалган тампон менен тазаланып, сүлүк коюлат.

СЕАНСТЫН ЖҮРҮШҮ ЖАНА ДАРЫЛОО ЖӨ­НҮНДӨ
– Сүлүк алгач соро турган жерге жабышып, терини 1,5-2 миллиметр тереңдикте тиштейт. Ал тиштеген жерге шилекейи кирет. Шилекейинде 150 түрдөн ашык пайдалуу заттар бар. Алардын ичинен кандын уюшуна каршы дарылык касиетке ээ гирудин ферментин жана бактерияга каршы заттарды бөлүп көрсөтүүгө болот.
Дарылоонун натыйжасында органдардын кан менен жабдылышы жакшырып, иммунитет көтөрүлүп, оору басаңдайт. Шишик таркап, сезгенген жер айыгат. Артериалдык кан басым менен организмдеги зат алмашуу процесси калыптанып, уюган кан менен залалсыз шишиктер сорулуп кетет. Кант диабети барлардын канынын курамындагы канттын деңгээли төмөн түшөт.
Дарылануудан соң маанай көтөрү­лүп, адам өзүн жакшы сезип, иштөө жөндөмдүүлүгү артат. Оорулуу жөнү жок ачуулануу, бир нерселерден коркуу абалынан арылат.

БИР СҮЛҮК 15-20 ГРАММ КАН СОРОТ
– Сүлүк бир жолкуда 15-20 граммга чейин канды соро алат. Сеанс 30-45 мүнөткө чейин созулат. Ал учурда сүлүк башка жакка жылып кетпешине көз салып турабыз. Тиштеп, соргон жерде кичинекей жаранын орду калат.
Кан соруп жаткан сүлүктү денеден күч менен алып салууга болбойт. Анткени жаагы жулунуп, денеде калып калышы мүмкүн. Кан соруп бүткөн сүлүк өзү эле тоголонуп түшөт. Кокус аны убактысынан мурун алуу керек болсо, анда сүлүктүн денесине туз себелөө же уксус сүртүү жетиштүү. Айта кетчү нерсе, биз сүлүктөрдү Москва шаарынан заказ менен алдырабыз.
Дарылоо курсу оорунун диагнозуна жана оор же жеңил экендигине карап, 3 же 4 сеанстан турат. Зарылчылыгына карап дарылоо курсу 6 айдан кийин кайталанышы мүмкүн.

КАНЧА СҮЛҮК КОЮЛАТ?
– Сүлүктүн саны диагнозго, дартка чалдыккан жердин көлөмүнө жараша коюлат. Мисалы, беттин безеткисинде алардын жыш же сейрек жайгашканына карап, 2-3 же андан көп сүлүк коюлат.
Көөп кеткен веналар (варикоз) канчалык көп болсо, сүлүктөр ошого жараша көбүрөөк (10го чейин жана сүлүктөр тамырлардын өзүнө эмес, чекелерине коюлат) коюлат. Экземаны дарылоо сеансында 3-7 сүлүк пайдаланылат.

КАЙСЫ ДИАГНОЗДОР МЕНЕН КӨП КАЙРЫЛЫШАТ?
– Бизге көбүнчө экзема, нейродермит, варикоз, псориаз, демодекоз, безетки, куяң, остеохондроз, невралгия, мастопатия, урук чыктагыч бездин сезгенүүсү жана урук чыктагыч бездин аденомасы, атеросклероз менен жабыркагандар көп келишет. Ал эми артериалдык кан басымы жогорулар биздин негизги кардарларыбыз. Семирип кеткендер 3-4 сеанстан кийин арыктай башташат. Бул кан менен зат алмашуу калыптанып, анын натыйжасында ашыкча майлардын эрип жок боло баштаганына байланыштуу. Айта кетчү нерсе, сүлүк жашаруу максатында да колдонулат. 2-3 сеанстан кийин беттин бырыштары жазылып, адамдын өңү жашарып калат.

ООРУЛАРДЫН АЛДЫН АЛУУ ҮЧҮН...
– Профилактика (оорулардын алдын алуу) үчүн ар бир адам 1 жылда 1-2 ирет дарылануу курсунан өтүп койсо болот. Мисалы, тамеки чеккен, ичкилик ичкендер организмин тазалоо (канын, ички органдарын) максатында келишсе болот. Ал эми өнөкөт оорулары барлар ооруларынын курчуп кетүүсүнүн алдын ала алышат.

Эскертүү! Сүлүктөрдү өз алдынча колдонууга болбойт. Мисалы, сүлүк күрөө тамырга коюлуп калса, анда кан агуу күтүлүп, адамдын өмүрүнө коркунуч туулат. Саздагы сүлүктөн түрдүү микробдор жугуп, ооруну күчөтөт.

КЫЗЫКТУУ

  • Сүлүктүн дүйнө жүзүндө 400дөй түрү бар. Анын ичинен дарылоого медициналык түрү гана колдонулат.
  • Бир жолу кан соргон сүлүк 6 айдан 1 жылга чейин тамак жебей жүрө алат.
  • Сүлүктөр кокус мурунга, кекиртекке, трахеяга (өпкөнүн дем алуу түтүктөрү) кирип кетиши мүмкүн. Мындай учурда операция жасалат.
  • Сүлүктөр ичке кирип кетсе, гирудиноз оорусун пайда кылат. Башкача айтканда, кан соруу менен ичте кан агууну пайда кылат. Мунун белгилери болуп баш оору, анемия жана башкалар эсептелет. Андыктан саздуу жерден суу ичип жатып, идиште сүлүк бар же жок экендигин байкоо керек.

Канымжан Усупбекова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
04.04.2010. 18:39 
Тайпасы:
Кыймылы жок
Комментарийлердин саны:
17
Катталган:
04-09-2008
Соӊку аракети:
12-03-2014 13:51
Жынысы:
Белгисиз
0
Ой билбейм коруп алып эле жаным чыгып калды.
03.05.2010. 14:37 
Тайпасы:
Жаран
Комментарийлердин саны:
5
Катталган:
23-12-2008
Соӊку аракети:
06-09-2018 09:28
Жынысы:
Белгисиз
Калаасы:
Каракол
+1
Оорусан корконду да унутасын. Кайсы жерлерге кайрылса болот адреси менен жазсанар болмок.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: