Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МУРАТ НАСЫРОВДУН ӨЛҮМҮНӨ БАҢГИ ЗАТ СЕБЕПКЕРБИ ЖЕ...

№222 2-8-февраль, 2007-ж.


АЖАЛГА МОЮН СУНГАН ЫРЧЫ
Мурат Насыров 19-январь күнү дүйнө­дөн кайтты. Баңгизаттын күчүнөн улам ал Москвадагы өзү турган үйдүн бешинчи кабатынан секирип кеткен. Мурат өлүм алдында ага Кудайлар келгенин жана алар менен кеткени жатканы тууралуу айткан. Ошол күнү алыскы жолго узап жаткандай, балдарын уктап жаткан жеринен ойготуп коштошкон экен. Ырчынын өлүмү тууралуу орус ырчыларынын ханышасы Алла Пугачёва: “Мурат акыркы жылдары чыгармачылык кризисти башынан өткөрүп жаткан. Мындай абалдан чыгуу үчүн күчтүү болуу керек эле. Мурат алсыздык кылып койду” деген оюн билдирген. Мындан тышкары, өткөн жылдын жай айында Мураттын жакын досу, “А-Студио” тобунун гитарада ойногон жигити Баглан Садвакасов каза болгон. Муну ырчы чоң жоготуу катары кабыл алып, баңгизатты көп колдоно баштаган. Акыркы учурда ал каза болгон досун көбүрөөк эстеп, “досум тиги дүйнөгө чакырып жатат” деген сөздөрдү да айтып калчу дешет. Ал эми ырчынын үйбүлөсү: «Мурат баңгизат колдонгон эмес. Бул – болгону кокустук» дешүүдө. Мураттын бир туугандары анын аялы Наташаны жемелеп, “Муратты көзөмөлгө албай койдуң” деп жаткандары да айтылууда. Ырчынын сөөгү өзү төрөлүп-өскөн Алматы шаарында 22-январь күнү жерге коюлган. Эмесе, өлүмү ар түрдүү көз карашты туудурган ырчынын басып өткөн жолу жана үйбүлөсү тууралуу сөз кыла кетсек.

КӨПЧҮЛҮКТҮ СҮЙБӨГӨН БАЛА
Белгилүү ырчы, композитор Мурат Насыров 1969-жылы 13-декабрда Алматы шаарында төрөлгөн. Улуту уйгур ырчынын атасы учурунда такси айдап үйбүлөсүн баккан, апасы фабрикада жумушчу болуп иштеген. Мурат беш бир туугандын кичүүсү болгондуктан, абдан эрке өскөн. Ырчы кичинесинде көпчүлүк­төн алыс болгонду жакшы көрчү. Ошондон улам үйүндөгүлөр Муратты ырчы болот деп ойлошкон эмес. Мураттын музыкага болгон кызыгуусу жети жашынан ойгонгон. Гитара чертүүнү үйрөнүп, өзүнө жаккан ырлардын обондорун ойной баштайт. Ошондо эле анын музыкалык шыгы байкалган. Музыкадан тышкары ырчы математика, физика деген сабактарды кызыгуу менен окуганы белгилүү. Мектепти аяктаган соң аскерге чакырылат. Аскерде кечелердин көркүн Мурат менен кошо анын орус улутундагы досу ача баштайт. Аскерден келген соң ырчы чыгармачылыкка жан дили менен берилип, “Москвага барып чыгармачылыгымды улантсам” деген ойго арбалат. Буга албетте, ата-энеси каршы чыгат. Бирок, өзүн сахна адамы элестетип алган Мурат эч кандай тоскоолдукка, апасынын ыйлаганына да карабастан, 1989-жылы Москвага сапар алат.

МОСКВАНЫ БАГЫНТУУ
Үйбүлөнүн көңүл борборунда өскөн болочок ырчы Москвага келгенде бир топ кыйынчылыктарды башынан өткөрөт. Адегенде ал өзү менен аскерде кызмат өтөгөн досунукунда жашайт. Экөө “Новый порт” деген рок-тобун түзүшүп, алгач чакан кечелерде ырдап чыга башташат. Музыкалык билим керектигин ойлоп, Мурат музыкалык окуу жайга тапшырат. Өзүнөн көп нерсени талап кылган Мурат “Ялта-91” конкурсуна катышып, Гран-прини утуп алат. Ошондон кийин Мураттын чыгармачылыкта жолу ачылат. Көп узабай ал “А-Студио” тобу менен таанышат. Мураттын казак жердештери ага болгон жардамдарын көрсөтүшөт. “Мальчик хочет Тамбов” деген ыры Мураттын атын чыгарат. “Кто-то простит” аттуу альбому, “Лия” деген ыры менен популярдуулукка жетишип, ырчы орус шоу дүйнө­сүн­дө өз ордун табат. Антсе да Мурат өз улутунда, тагыраак айтканда, уйгур тилинде альбом жаздырып чыгарууга жетишет.

МУРАТТЫН БИРИНЧИ ЖАНА АКЫРКЫ СҮЙҮҮСҮ
Мурат өзүнүн граждандык никедеги жубайы Наташа менен студент кезде жатаканадан таанышат. Наташа Эстониядан курбу кызы менен Мурат окуган окуу жайга тапшырганы келген болот. Наташаны Мурат бир көрүп эле жактырып калат. Бирок, ал кезде ырчы башка кыз менен сүйлөшүп жүргөн эле. Наташа менен жакындан таанышкандан кийин Мурат сүйлөшкөн кызынан кол үзүп, Наташанын жүрөгүн багындыруу аракетин көрө баштайт. Таланттуу жигитке ал бат эле көнө түшөт. Ошентип, экөө бир жашап калышат. Ата-энеси Наташа экөөнүн мамилесине каршы чыгаарын сезгендиктен, бул тууралуу Мурат үйүндөгүлөргө ооз ачпайт. Себеби, ырчынын үйбүлөсү мусулман динин бекем кармаган адамдардан болгон. Ал эми Наташа христиан дининде болгон. Качан гана эки жаш Лия аттуу кыздуу болгондон кийин Мураттын ата-энесине билгизишкен. Мураттын атасы келининен “мусулман динин кабыл аласыңбы?” деп сураган. Орус келини кабыл алууга даяр экенин айткандан кийин гана экөөнө нике кыйылып, той өткөрүлгөн. Наташа мусулман динин кабыл алса да, Мураттын ата-энеси аны толук кандуу келин катары кабыл алышкан эмес. Мурат менен Наташа бүгүнкү күнгө чейин расмий түрдө никеге турушкан эмес. Анткени, Наташа Эстониянын атуулу боюнча калууну чечкен. Наташа ырчылык кесипти аркалоого киришкенде, экинчи баласы Аким төрөлөт. Ошентип, анын ырчылык карьерасы токтоп калат. Учурда Мурат менен Наташанын кызы Лия 11 жашта, ал эми уулу Аким 7 жашта.

Даярдаган Жаркынай Нусубалиева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: