Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Актан Рыскелдиев: "АРАБА ТҮРТҮП, БУТ КИЙИМ ТАЗАЛАГАН БАЛАЛЫГЫМДЫ САГЫНАМ"

№739 30-декабрь- 06-январь, 2016-ж


Тамашакөй, жайдары, элпек, ачык мүнөз жигит Актан Рыскелдиев бүгүн бизде конокто. "Турмуштун өйдө-ылдыйы көп экенин жакшы билем. Бирок азыркы заманда мээни иштетип жакшы жашаса да болорун түшүндүм",- деген Актан өткөн-кеткени, келечектеги максаттары тууралуу ой бөлүштү.

– Салам! Актан, келе жаткан Жаңы жылың менен! Маанай кандай?
– Саламатсыздарбы? Рахмат. Жаңы жылдык кыйраткан деле маанай жок. 5-6 жылдан бери бул майрамга мурдагыдай толкунданбай деле калгам. Азыр баарынан жыл жаңырары менен январь айындагы Сочиге барарыбызды эстеп, "кандай болор экен, эмне болор экен, даярданыш керек эле?" деген ойлорго курчалып кабатырланып жүрөм.

– Аталган сапар туурасында токтоло кетсең...
– "Позитифф" командасы Кыргызстанда канча лига болсо баарын жеңдик, эми сыртка чыгууга убакыт келди. "Азия MIX'тин" "Ала-Тоо" лигасында 5 команданын ичинен жеңүүчү деп табылып, жыйынтыгында Сочиде өтүүчү КВН командаларынын арасындагы эл аралык фестивалдын ачылышына катышканы турабыз. "Азия MIX" командасынын Жогорку Лиганын жеңүүчүсү болгону бизге да илеби тиет деп ишенем. Эльдияр Кененсаров өзү дагы "жардамымды берем" деген сөзүн берген. Командадагы 7 баладан тышкары бул чөйрөдөгү досторубуз да өз каражаттарына "барып келсекпи?!" деген ойлорун билдиришти. Мисалы, Бахридин, Урмат (ред.Борченов) жана "Ак кеме" командасынын балдары. Ар бир адамга орто эсеп менен барып келүү үчүн 50 миң сомдой каражат кетет экен.

– Жергиликтүү оюндарда, теледолбоорлордо, кинотасмаларда ийгиликтерди жаратып келесиңер...
– "Тамашоунун" жаңы сезонуна катышкан жокпуз, жаштардын кезеги келди дегендей. Бирок чоң-чоң оюндарда конок катары барып турсак деген ниеттерибиз бар. Ал эми теледолбоорлор боюнча колубуздан келишинче иштеп жатабыз. "Эл эмне дейт?" долбооруна режиссёрлордун чакыруусу менен келгенбиз, жыйынтык жаман эмес. Кудай буюрса, Жаңы жылдын алдында 4-сериясы чыгат. Айыл турмушу, жөнөкөй элдин жашоосу, эл үчүн ар дайым актуалдуу, кызыктуу, ал эми бул нерсени тамашалуу вариантта тартууласаң сиңимдүү да болот. Бул жаатта пландарыбыз да көп. Өзүбүздү кино жаатында да сынап жүрөбүз. "Конок" деген кино тарттык эле билбейм, продюсерлердин катачылыгынанбы, негедир сатыкта жакшы болбой калды. Бирок келечекте бул тармакта да ийгиликтер жылмаят деген ойдомун.

– Юмор жаратууда кризис деген түшүнүк барбы?
– Кудай сактасын, андай боло элек. Тамашоудо жаңы ойной баштаган учурда "тамашалар түгөнүп калса кантебиз?!" деген ойлор келип кетчү. Бирок жашоо жүрүп жаткандан кийин күнүгө жаңы тамаша жаратса болот экен, идея да эч качан түгөнбөйт. КВНде "штурмовка" деген термин бар. Команда тизилип отура калабыз да, идеяларыбызды баракка жазып, анын ар бирин жалпылап талкуулап чыгабыз. Талкуу учурунда тамашалар жарала берет. "Эл эмне дейт?" долбоорунда болсо кызыктыруучу нерсе – бул акча, кимдин идеясы жакшы болуп өтүп кетсе акысын алат.

– Кээде туура эмес тамашалап алып, анын запкысын тартып калган учурлар болобу?
– Тамашоудо калыстарды туура эмес тамашалап алып анан сахна артында "антпей жүрсөң" деген эскертүү алып жаткан балдарды көргөм. Бирок өзүмдө андай боло элек. Албетте бардык тамашаларым элге жагып турат, бирок мыкты КВНчимин, юмористмин же актёрмун дегенден да алысмын. Болгону мага ушул иш менен алектенүү жагат.

– Бирок кесибиң боюнча режиссёрсуң да?
- Ооба, бир тууган байкем Дастан (ред.Дастан Жапар уулу) экөөбүздүн ортобуз 1 жаш гана болгондуктан бала кезибизден ээрчишип чоңойдук. Ал мектепке барганда мен 5 жашта экениме карабай анын артынан мектепке бардым. Кийин Искусство институтунда да чогуу окудук. Эмнегедир менин "жиндилик" жоруктарымдан уялчу беле, айтор, "экөөбүздүн бир тууган экенибизди эч ким билбеши керек, институтта жүргөндө жаныма жолобо, мага сүйлөбө" деп көп айтчу. Ошентип экөөбүздүн бир тууган экенибизди группалаштарыбыз кийин гана билишкен. Чынын айтыш керек, Дастан байкем менден кыйын. Кыйындыгы үчүн дүйнөлүк "А" класстагы кинофестивалды жеңип келген "Атанын керээзи" тасмасынын жаратуучуларынын бири болуп жатат да.

– Эки бир тууган биригип кино тарталы деген пландар болбой койбосо керек?
– Экөөбүздүн кино тартканыбыз да кызык. Бир кыска метраждуу тасмабыз бар. Пикир келишпей калса мушташа кетчүбүз. Бир жолу эч эле бир ойго токтоло албай калып, тасмага тартылып жаткан актёрлорубузду "чыгып тургулачы" деп чыгарып коюп мушташып алдык да, кайра киргизип тартуу иштерин улантканбыз. Удаа өсүп калганга менин эгизимдей эле. Анын жанында мен "шустрыйлык" кылып биринчи үйлөнүп алып жатпаймынбы. Аны үйдөгүлөр "камерасына үйлөнүп алган" деп тамашалап калышат. Таң калганым ойлонгонубуз да окшош экен. "Атанын керээзи" тасмасынын сценарийин мага айтып берип жатканда оюма туура келип "бала атасынын күлүн алып келгенге болбойбу?!" деген идеямды айтсам "сен сценарийди окуп алыптырсың" деп мага ишенбей койгон. Көрсө, ал нерсе мага чейин эле сценарийде бар экен.

– Тамашакөйлүк бул өнөр. Өнөр балага үй-бүлөдө бирөөдөн өтчү эле?
– Тамашакөйлүк мага атамдан өткөн десем болот. Ажыкызданып, тамашалап калмай жайы бар. Андан тышкары таякелерим да бул жаатта аябай таланттуу. Талантты деле бакпасаң калып калат. Жамандыр-жакшыдыр азыркы деңгээлиме өзүмдүн эмгегим менен эле жеттим деп ойлойм.

– Учурда өзү ата болууга жетишкен Актандын балалыгына кылчая кетели...
– Бала кезде жетишпеген турмуштун запкысын жакшы эле тарттык. Азыр деле кыйратып жашап жатам дебейм, Кудайга шүгүр эл катарындабыз. Ошентсе да базарда араба түртүп, элдин бут кийимин тазалап акча тапкан, БЧКнын суусуна көлгө түшкөндөй чумкуган күндөрүмдү деле сагынам. Ал кезде апам базарда иштечү, биз араба түртүп, таякем соода кылып бүткөндө катарларды шыпырар эле. Таежем Орусияга иштеп кетип анын 2 баласы да биз менен болчу. Бешөөбүз катарларды аралап картошка, сабиз, пияз дегендерди бир сумка кылып терип келчүбүз. Ошол биз үчүн чоң кубаныч эле. Элде болгон велосипед, топ, оюнчук менде болгон эмес. Азыр ошондуктан канча акча таппайын коротконго даярмын. Бир нерсе жагып калса, дароо сатып алам. Анын айынанбы же башка себеби барбы, канча тапсам деле Нарындан келгенден бери батирден батирге көчүп, үйгө жетпей келебиз. Аздан болсо да акча топтоп үй алалы деген ойдун курчоосунда жүргөн чагым. Кара жумуш бала кезде көкөйгө тийип койгон окшойт, азыр айдама болуп калдым. Үйдөбү, кайын журттабы кыйыныраак иш чыгып калса, дароо шылтоо таап жылт коём (күлүп).

– Кызыктуу маегиңизге чоң рахмат.

"Экран – бизди ар түрдүү кубулуп турууга аргасыз кылат. Кээде дудук, кээде кыз болом"


"Үй-бүлөнүн амандыгынан артык эмне байлык бар? Кудайыма шүгүр".


Чолпон Сүйүнбаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(15)
04.01.2017. 09:29 
Тайпасы:
Жаран
Комментарийлердин саны:
89
Катталган:
06-05-2014
Соӊку аракети:
16-11-2018 12:11
Жынысы:
Белгисиз
0
жакшы апасына окшош экен Актан азаматсын ийгилик сага
04.01.2017. 09:43 
Тайпасы:
Жаран
Комментарийлердин саны:
12
Катталган:
26-11-2016
Соӊку аракети:
17-11-2018 09:26
Жынысы:
Белгисиз
+1
Азамат ийгилик.
04.01.2017. 11:05 
Тайпасы:
Жаран
Комментарийлердин саны:
354
Катталган:
13-06-2016
Соӊку аракети:
17-11-2018 19:02
Жынысы:
Белгисиз
+3
актерлорду чыгарып мушташып алгандары жакты соооонннннун маек болуптур уй булолук бакыт каалайбыз!
04.01.2017. 11:14 
Тайпасы:
Жаран
Комментарийлердин саны:
41
Катталган:
18-09-2013
Соӊку аракети:
25-02-2018 21:03
Жынысы:
Белгисиз
0
Апасына окшош экен аябай
04.01.2017. 11:36 
Тайпасы:
Жаран
Комментарийлердин саны:
9
Катталган:
17-02-2015
Соӊку аракети:
10-10-2017 10:00
Жынысы:
Белгисиз
Калаасы:
Aiylym altyn beshigim!
0
Жасалмасы жок суйлойт да ушул байке,ишине ийгилик Азия Михтин жолун жолдоп силер дагы чемпион болгула! Айдатма деген созу эле жакшы))) инстаграмга коп жазат ушул созун
04.01.2017. 16:51 
Тайпасы:
Жаран
Комментарийлердин саны:
376
Катталган:
06-02-2012
Соӊку аракети:
17-11-2018 08:36
Жынысы:
Белгисиз
0
Ийгилик..сонун маек...
04.01.2017. 21:13 
Тайпасы:
Жаран
Комментарийлердин саны:
6
Катталган:
30-08-2016
Соӊку аракети:
28-08-2018 16:25
Жынысы:
Белгисиз
0
Актан позитив, дайыма позитив тартуулайсын, бар бол, ийгилик!
05.01.2017. 12:01 
Тайпасы:
Жаран
Комментарийлердин саны:
10
Катталган:
08-02-2012
Соӊку аракети:
05-11-2018 08:48
Жынысы:
Белгисиз
Калаасы:
Москва
+4
мен эмнеге эле жаккан нерсени сатып алмайын жаным жай албайт десе жаш кездин таасири болот окшойт ушул нерсеге акылым жетпептир молодчик атына затын жарашкан Актан экенсин....
05.01.2017. 12:29 
Тайпасы:
Жаран
Комментарийлердин саны:
241
Катталган:
16-09-2011
Соӊку аракети:
28-04-2018 09:53
Жынысы:
Белгисиз
Калаасы:
Бишкек
0
Актан азаматсын! Сочиде ийгилик кутсун силерди! "Конок" тасмасын инстаграмга ишенип, ошол эле жерден реклама кылып койдунар, ТВга чыкпай, ошол себептен эл аз барды. Ал эми там алууга акча топтолбой жатса, курулуп жаткан коп-кабаттуу уйдон батир алганын туура болот го, оздорунун графиктери бар внос кылганга,жанталашып чогултасын акча, коп эле долбоорлордо эмгек кыласын, колунан келет. Ийгилик сага!
06.01.2017. 15:51 
Тайпасы:
Жаран
Комментарийлердин саны:
1
Катталган:
17-10-2016
Соӊку аракети:
06-07-2018 23:57
Жынысы:
Белгисиз
0
Супер инфо байкесинен да интервью алгылачы сураныч
06.01.2017. 16:24 
Тайпасы:
Супермодератор
Комментарийлердин саны:
4717
Катталган:
05-09-2011
Соӊку аракети:
16-11-2018 22:12
Жынысы:
Белгисиз
Калаасы:
SUPER.KG
0
Zinazima, саламатсызбы? Сунушуңузга рахмат, тиешелүү бөлүмгө жеткирилди.
08.01.2017. 12:22 
Тайпасы:
Жаран
Комментарийлердин саны:
45
Катталган:
08-11-2015
Соӊку аракети:
27-06-2018 09:20
Жынысы:
Белгисиз
0
эээ актан азаматсын иним сени жакшы кором себеби менин баламын атыда актан
akubeku түзөттү 2017-01-08 12:24:01
08.01.2017. 18:25 
Тайпасы:
Жаран
Комментарийлердин саны:
288
Катталган:
05-10-2014
Соӊку аракети:
23-06-2018 19:10
Жынысы:
Белгисиз
Калаасы:
Жалал-Абад
0
Ийгилик бактылуулук каалайм.
10.01.2017. 12:29 
Тайпасы:
Жаран
Комментарийлердин саны:
64
Катталган:
29-06-2016
Соӊку аракети:
26-02-2018 09:42
Жынысы:
Белгисиз
0
Aзаматсын алга жагат
10.01.2017. 14:41 
Тайпасы:
Жаран
Комментарийлердин саны:
245
Катталган:
13-05-2013
Соӊку аракети:
16-11-2018 13:24
Жынысы:
Белгисиз
Калаасы:
Ош шаары
0
Азамат!!! Айрыкча ак терек кок теректе укмуш кулдуросун
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: