Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАШТЫН КАН ТАМЫРЫ ИЧКЕРГЕНДЕ ЭС-ТУТУМ НАЧАРЛАП, КУЛАККА ҮН УГУЛАТ

№741 13-январь-19-январь, 2017-ж


Көпчүлүк адамдар баш оорудан азап тартат. Катуу ооруганда башы айланып, көрүүсү убактылуу начарлап, колу-буту чымырайт, жансызданат. Ал тургай эстен танып калуусу да мүмкүн. Мындайда врачтар "мээдеги кан тамырлар ичкерип кеткен" деп айтышат. Бул эмнеликтен келип чыгарын Бишкектеги Улуттук госпиталдын №3-неврологиялык бөлүмүнүн жетекчиси Жамалбек Тургумбаев баяндайт.

Мээни кан менен уйку жана вертебралдык (омуртка) артериялар жабдыйт. Алардын ичкерип кетүүсүнөн баш мээге кан аз барып, мээ кычкылтек жана керектүү азык-заттар менен толук камсыздалбай калат да, баш ооруйт. Өзгөчө "кычкылтек ачкачылыгы" чоң ролду ойнойт. Оору өнөкөт жана курч кармаган түрүндө жолугат. Курч кармаганда инсульт жаралат.

Мээнин кан тамырларынын ичкерип кетүүсүнүн себептери:

  • Атеросклероз
  • Моюн остеохондрозу
  • Вертебралдык (омуртка) кан тамырлардын тубаса патологиясы (кемтиги). Мисалы, кан тамырлар кыска же узун болуп бүктөлүп калат.
  • Тромбоэмболия (кан тамырда кандын уюп калуусу)
  • Стресс, жогорку кан басым, инсульт

Өнөкөт түрүнүн белгилери:
Бул түрү акырындап өнүгөт.

  • Көңүлдүн эч нерсеге чаппай башташы
  • Уйкусуздук же күндүзгү уйкусуроо
  • Баштын түштөн кийин көп оорушу
  • Бат чарчап, шалдыроо
  • Эс-тутумдун начарлай баштоосу
  • Кээде кайда жүргөнүн так аныктай албоо
  • Темселеп басып калуу же таптакыр баса албай калуу мүмкүн

Курч кармагандагы белгилери:

  • Баштын катуу оорутуусу, айлануусу
  • Кусуу
  • Кулакка үндөрдүн угулуусу
  • Колу-буттун сезгичтигинин азайышы же эч нерсе сезбей калышы
  • Көрүүнүн начарлашы
  • Сүйлөөнүн бузулуусу, булдуруктоо (инсультта)
  • Айрым учурда эстен тану

Диагноз, дарылоо

  • ЭКГ
  • Жүрөктүн, аортанын, уйку артериясынын УЗИ жана допплерографиясы
  • Магниттик-резонанстык томография же компьютердик-томографиялык ангиография

Дарылоо

Кан тамырлардын ичкеришинин эмнеден келип чыкканы такталат жана себептери четтетилет. Оору курч кармаганда тынч жерде башты ары-бери кыймылдатпай түз жатуу, "Тез жардамды" чакыруу кажет. Анан ооруканада жатып дарылануу сунушталат.

Дарылоодо колдонулуучу дары-дармектер:

  • Кан тамырдагы холестериндин деңгээлин төмөндөтүүчү
  • Кан айланууну жакшыртуучу
  • Витамин-минералдар комплекси
  • Нервди тынчтандыруучу
  • Кан тамырларды кеңейтүүчү
  • Ток менен дарылоо (физиолечение)
  • Дарылоо жардам бербеген учурда операция жасалат.

Колдонулуучу ыкмалар:

1) Ангиопластика – кан тамырдын май түйдөкчөлөрү менен бүтөлгөн жерине тирөөч (стент) коюу. Тирөөчтү кан тамырдын ичине орнотуу үчүн баллон колдонулат. Баллон үйлөнгөндө тирөөч кереге сымал чоюлуп, кан тамырдын формасына келет. Анан баллон алынып салынат. Тирөөч кан тамырды бир калыпта кармап турат.



2) Эгер ангиопластика жасоого мүмкүнчүлүк болбосо (май түйдөкчөлөрү чоң же алар тамырды узатасынан жаап калса), анда шунт коюлат.

Шунт – артериянын керектен чыккан бөлүгүнүн ордун алмаштыруучу жасалма кан тамыр.

3) Артериядагы уюган кан алынып чыгып, кесилген жерлер тигилип коюлат.

Оорунун алдын алуу

  • Компьютерде бир калыпта узакка отуруу адатын таштоо (Эгер буга муктаждык болсо, анда көнүгүүлөрдү жасап, нары-бери басып туруу, укалатуу курсун алуу, бассейнде сүзүү кажет)
  • Стресстен убагында арылууну үйрөнүү
  • Атеросклероздо диета кармап, дарылануу
  • Малдын майын аз колдонуу же таптакыр колдонбоо
  • Майлуу, куурулган тамак-ашты аз ичүү
  • Ооруганда дароо текшерилип, дарылануу
  • Активдүү жашоо образын кармануу, спорт менен алектенүү

КОШУМЧА МААЛЫМАТ

Атеросклероз


Атеросклероз
– бул артериалдык кан тамырларынын биринин май түйдөкчөсү (холестериновые бляшки) менен бүтөлүп, кандын сызылып аз өтүп, бара-бара кан тамырдын ичкериши. Биз малдын майын, семиз этти көп колдонсок, анда кандын курамында зыяндуу май да көп болот. Ал майлар (липиддер) кан менен кошо кан тамырда жылып жүрүп, анан артериянын бир жерине жабышып калат. Ага башка липиддер жабышып, май түйдөкчөсү жаралат.

Моюн остеохондрозу

Бул дарт моюн омурткаларынын кемирчектериндеги зат алмашуунун бузулуусунан келип чыгат.
Себептери: Бир орунда жылбай отуруу, туура эмес тамактануу. Зат алмашуунун бузулушунан кемирчектерге туздар уюйт да, кан тамырларды кысып, алар ичкерет. Моюндагы грыжа да кан тамырларды кысып, алардын ичкерүүсүнө жеткирет.

Жогорку кан басым, инсульт

Мээге кычкылтек менен азык-заттар керектүү өлчөмдө барбай баштаганда бүтүндөй жүрөк-кан тамыр системи мээни аталгандар менен камсыздоо үчүн күчтөнүп иштейт. Мээ кандан алардын керектүү өлчөмүн алып калып, калганын кайтарып турат. Мээ чарчап, процессти көзөмөлдөй албай калганда кан көбүрөөк барат да, мээдеги басым жогорулап, баш катуу ооруйт. Эгер кан кан тамырды жарып кетсе, анда инсульт жаралат. Дароо "Тез жардам" чакырбаса, адам көз жумат.

Стресс

Адам бат-бат стресске кабылганда кан басым көтөрүлүп, кайра түшө берип кан тамырлардын серпилгичтиги төмөндөйт. Бара-бара кан тамыр ичкерет.

Канымжан Усупбекова
densooluk@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(4)
19.01.2017. 03:15 
Тайпасы:
Тартип бузгандар
Комментарийлердин саны:
444
Катталган:
10-03-2015
Соӊку аракети:
30-06-2018 05:08
Жынысы:
Белгисиз
+2
Ашказан жарасын жазгылачы. Не себептен пайда болот? Кантип дарылаш керек? Кантип жиетага отуруш керек дегендей. kenesh@super.kg'ге кетпей койду
19.01.2017. 10:38 
Тайпасы:
Супермодератор
Комментарийлердин саны:
5911
Катталган:
05-09-2011
Соӊку аракети:
22-09-2018 17:05
Жынысы:
Белгисиз
Калаасы:
Супер-Инфо
0
Patriot...kg, саламатсызбы? Сунушуңуз тиешелүү бөлүмгө жеткирилди. Төмөнкү макалалардан да карап көрүңүз: http://www.super.kg/article/show/36913
http://www.super.kg/article/show/31111
22.01.2017. 10:52 
Тайпасы:
Жаран
Комментарийлердин саны:
30
Катталган:
22-05-2014
Соӊку аракети:
20-06-2018 09:56
Жынысы:
Белгисиз
0
Саламатсыздарбы мен чет олкодо болгондуктан шарт жок текшергени менин башым арка каракуш мээ Жак талып ооруйт кээде кулагыма сигнал сыяктуу ун угулуп турат бул эмнеден жооп алып бересиздерби алдын ала Рахмат
25.02.2017. 23:08 
Тайпасы:
Жаран
Комментарийлердин саны:
4
Катталган:
26-01-2017
Соӊку аракети:
03-09-2018 23:46
Жынысы:
Белгисиз
0
Саламатсызбы турмушка чыга элек кыздын айызы коп келет ич ооруту баш ооруту менен келет ошол жондо жазгылачы.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: