Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Жабырлануучу: "МЕНИ АКЧА ҮЧҮН ЭМЕС, ӨЧ АЛУУ ҮЧҮН БАРЫМТАДА КАРМАШТЫ"

№741 13-январь-19-январь, 2017-ж


Өткөн жылдын акыркы күндөрүндө коңшу Тажикстандын укук коргоо кызматкерлери барымтада жаткан кыргыз жаранын бошотушту. Кыргыз жараны кантип Тажикстанга барып калган, аны эмне үчүн барымтада кармашкан деген суроолор менен жабырлануучу Акжол Калбаевге кайрылып, окуя тууралуу уктук. Анын айтып бергендери кадимки Голливуд боевиктеринен айырмаланбайт. Дагы жакшы, окуя терс каармандардын колго түшүүсү менен аяктаган.

ОКУЯ ТУУРАЛУУ

2016-жылдын 14-декабрь күнү Ош облусундагы Кара-Суу районунун 31 жаштагы тургуну Акжол Калбаев досу менен мурун чогуу бизнес кылып жүргөн тажик жараны Набижон Набиевге автоунаа сатканы Тажикстандын Ходжент шаарына барышкан. Ал таанышы башка шериктери менен биргеликте конокторун барымтага алып калышкан. Ал жерден досун сабап, "мен баңгизатын колдоном" деп айттырып видеого тартып алышкан. Кийин досун кетирип жиберишкен дагы Акжол Калбаевди алып калып, анын туугандарынан акча талап кылышкан.
18-декабрь күнү алар барымтадагы адамды Ходженттен Душанбеге алып барышкан. Жабырлануучунун айтымында, ошол учурда ага качууга эч кандай мүмкүнчүлүк болгон эмес. Душанбе шаарында дагы 6 күн барымтада кармалып турган Акжол Калбаев 24-декабрда Тажикстандын Улуттук коопсуздук кызматынын кызматкерлери тарабынан бошотулган. 29-декабрга чейин тергөөдө көрсөтмө берип, 30-декабрь күнү Кыргызстанга кайтып келди.
Кылмышкерлер талап кылган 23 миң доллардын 3 миңин алып, калган 20 миңин алууга үлгүрүшкөн эмес. Учурда Тажикстандын Улуттук коопсуздук кызматы тарабынан 6 адам камакка алынып, алардын үстүнөн кылмыш иши козголду.

"МЕНИ АЛДАП ЧАКЫРЫШКАН ЭКЕН"

Жабырлануучу Акжол Калбаевге байланышканыбызда, ал окуя тууралуу төмөнкүлөрдү айтып берди:
– Набижон Набиев менен 2011-жылдан бери таанышмын. Үй-бүлөлүк катышыбыз да бар эле. Ошко келгенде мен аны сыйлап жөнөтчүмүн, Тажикстанга иштер менен барганымда анын балдары мага жардам беришчү. Жакшылык-жамандыктарда катышып турчубуз.
Ал мага "машина караштырып бер" деген болчу, ошондуктан 14-декабрь күнү досум экөөбүз Набижонго Хаммер үлгүсүндөгү унааны сатуу үчүн Тажикстандын Ходжент шаарына барганбыз. Хаммерди көрүп Набижон байке "Ошко берчү белек бар, ошону ала кеткиле" деп калды. Үйүнө барсак, ал жөнөтө турган белек кылыч экен. Аны колума алып карап жатсам эле баласы Хаким Набиев башыма катуу нерсе менен уруп жиберди. Эсимди жоготуп коюптурмун, өзүмө келсем буту-колумду байлап, оозумду скотчтоп салышыптыр. Досумдун колуна бычак берип, мени өлтүрүп жаткандай кылып сүрөткө тартышты. "Эгерде бирөөгө айтсаң, ушул абалга сен да келесиң" деп коркутуп, анан аны кетирип жиберишти да мени алып калышты. Дагы 2 күн өткөндөн кийин мага "үйүңө телефон чал да, "акча жөнөткүлө" деп айт" дешти. Бычак такап турушкандыктан "барымтада калдым, мага 23 миң доллар жөнөткүлө. Карызым бар болчу, ошону төлөп беришим керек" деп айттым. Аны укканда апамдын кан басымы көтөрүлүп, ооруканага жатып калыптыр. Анын эртеси Оштон Тажикстанга иним барды. Менин жылаңач, колу-бутум байланып турган сүрөтүмдү тартып, инимдин өзүн кошо тартып, "акең тирүү, акчаны сөзсүз которгула" деп аны кетиришти. Интернетке таркап кеткен сүрөттөр ошолор.

"ТУУГАНДАРЫҢ АКЧА БЕРБЕСЕ КУЛЧУЛУККА САТАБЫЗ ДЕШТИ"

– Эртеси туугандарым 3 миң доллар которушкан экен, аны алган тажиктер "сага белек алып келдик" деп мени мыскылдашып, чынжыр, кишен сатып келип, аны менен буту-колумду байлап коюшту. Бошоткуча алар мени аябай тепкилеп, бычак менен сайгылап, "кылыч менен көзүңдү оёбуз" деп мазакташты.
Алар "эгерде бизге керек адамдарды Тажикстанга алып келип берсең, анда сени аларга алмаштырып жиберебиз" дешкен. Мен алар айткан адамдарды тааныбайт да, билбейт да болчумун. Мурда Набижон Набиевдин Ош шаарында жүк ташуучу "Голд тур Транс" деген фирмасы бар болчу. Иштеп жүрүп өздөрүнө душман арттырып алып, ошолор буларды алдап кеткен окшойт. Ал адамдарды мен аркылуу таап алуу же өч алуу алардын башкы максаты болгон. 23 миң доллар бул жөн гана баш айлантма сценарий.
Барымтада кармап турушканда экөө мага 4 маал тамак берип турду, дагы экөө келип сабап турушту. Алар арматура менен буттарыма чаап, кайра аны кебез менен тазалап, таңып турушту. "Туугандарың акча бербей койсо, биз сени Ооганстанга кулчулукка сатып жиберебиз" дешти.

"ТАЖИК ДОСТОРУМ АРКЫЛУУ БОШОТУЛДУМ"

– Мени тажиктер барымтага алып, кайра ошол эле жердеги тажик досторум аркылуу бошотулдум. Анткени Набижонго жолугардын алдында башка тажик досторум менен иш бүткөндөн кийин чогулуп, аш жейбиз деп сүйлөшкөн элек. Алар менин ошол бойдон кабарсыз кеткениме тынчсызданып, издей башташкан экен.
Ал эми 20 миң долларды Фархад деген бир жигиттин атына салдыртып, анан ошол алды кылып коюшмак экен. Дагы жакшы, алар банкка барганда банк кызматкерлери "мынча чоң сумманы бере албайбыз" деп коюшуптур. Ошондо Фархад Тажикстандын УКМКсына арызданып барыптыр. Тажикстандын УКМК кызматкерлери Душанбе шаарындагы мен барымтада жаткан үйгө кирип, мени куткарышты.
Азыр ден соолугум жакшы, баары жайында. Кыргыз болгондон кийин эт, чучук көп жегендиктенби, айтор, күчтүү келет экенбиз, ден соолугум бат эле калыбына келди.

"КЫЛМЫШ ЧӨЙРӨСҮНӨ ТИЕШЕМ ЖОК"

Мындан 4 жыл мурун Акжол Калбаев башка адамдар менен чогуу бирөөнү коркутуп, анын 2 автоунаасын алып койгон деп шектелип кармалгандыгы тууралуу ИИМ билдиргендиги интернет булактарына жарыяланган. Биз ушул окуя боюнча да сураганыбызда Акжол Калбаев буларды айтып берди:
– Ноокатта Мухтаржан Айтбаев деген киши мага карыз болчу. Ошол акчаны доолап барганымда ал "бирөөдөн ала турган аласам бар, ошондон алып берем" деп мени жанына ээрчитип барган эле. Ал бирөөлөрдү коркутуп акча алып, мага берген окшойт, анан тиги тарап милицияга арыз жазышкан экен. Ошондо мен күбө катары көрсөтмө бергем.
Мен тууралуу "киши өлтүрүүгө аракет кылып соттолгон" деген да маалымат бар экен. Аны да тактап кетсем, 2006-жылы балдар менен мушташа кетип, менин үстүмдөн "бейбаштык" боюнча кылмыш иши козголуп, айып төлөгөм.
Ошондой эле Ош, Жалал-Абаддын "смотрящийи" делген Кадыр Досонов менен эч кандай мамиледе эмесмин жана кылмыш чөйрөсүнө тиешем жок.
Бул боюнча Ош ОИИБинин басма сөз кызматынын жетекчиси Жеңиш Ашырбаевге кайрылганыбызда, ал Акжол Калбаев мурда күбө катары гана көрсөтмө берип, сот жообуна тартылбаганын тастыктады.

"Туугандарыма ушул абалдагы сүрөтүмдү жөнөтүшкөн".


"Набижон Набиев жана анын баласы менен үй-бүлөлүк катышыбыз бар болчу".


Айсалкын Качкынбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(11)
18.01.2017. 14:23 
Тайпасы:
Жаран
Комментарийлердин саны:
279
Катталган:
08-02-2016
Соӊку аракети:
05-08-2017 19:39
Жынысы:
Белгисиз
+11
Жакшылык кутуп болбойт бул тажиктерден, байкуш кыргыз калкым мейман Дос келебиз ак конулбуз баарыны озубуздой ойлоп мамиле кылабыз а бул акмактар жазасын алсын эми
19.01.2017. 03:33 
Тайпасы:
Жаран
Комментарийлердин саны:
12
Катталган:
17-05-2016
Соӊку аракети:
24-10-2017 22:43
Жынысы:
Белгисиз
+1
Озбек досун болсо болсун. Жанында кылычын да кошо болсун деген соз бар эмеспи. Дегеле таджик , озбек болобу озубузго тын бололу туугандар. Азыркы заманда эч кимге ишенбей турган эле болуп калды. Бул ХХХ ХХХ адамдар. Ушунчалык жек коруп кеттим.
Модератор admin_superstan түзөттү 2017-01-19 10:06:49
19.01.2017. 10:07 
Тайпасы:
Супермодератор
Комментарийлердин саны:
5990
Катталган:
05-09-2011
Соӊку аракети:
16-11-2018 22:12
Жынысы:
Белгисиз
Калаасы:
SUPER.KG
0
Adelchik, улут аралык тушүнбөстүктү жаратчу билдирүүлөргө тыюу салынган.
19.01.2017. 10:12 
Тайпасы:
Супермодератор
Комментарийлердин саны:
5990
Катталган:
05-09-2011
Соӊку аракети:
16-11-2018 22:12
Жынысы:
Белгисиз
Калаасы:
SUPER.KG
0
baska, momun74, regina86, tatynam_88, chingizhan01, Gulkin, akush97, bakaiBBBB, Aima94, Aiko_92_29_08, Nazikbaigazy, темадан алыс билдирүүлөр өчүрүлдү. Порталдын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикирлер gazeta@super.kg же portal@super.kg электрондук даректерге жазылып жөнөтүлүшү керек.
19.01.2017. 22:10 
Тайпасы:
Жаран
Комментарийлердин саны:
139
Катталган:
03-04-2012
Соӊку аракети:
14-11-2018 14:48
Жынысы:
Белгисиз
Калаасы:
Ош
0
ХХХ ишенич жок.Айрыкча бизнес кылган байкелер алар менен катыш кылбаш керек.Кез кези келгенде алдап ушундай сызга олтургузуп кетет.Бул го жарыяга чыккканы чыкпаганынан канчоону билем алдангандарды.Булар акчасы коп бизнесмендерге кошомат кылышат кобунчо
Модератор admin_superstan түзөттү 2017-01-20 09:44:01
20.01.2017. 09:44 
Тайпасы:
Супермодератор
Комментарийлердин саны:
5990
Катталган:
05-09-2011
Соӊку аракети:
16-11-2018 22:12
Жынысы:
Белгисиз
Калаасы:
SUPER.KG
0
gulperi.kg, улут аралык түшүнбөстүктү жаратуучу билдирүүлөргө тыюу салынган!
20.01.2017. 18:59 
Тайпасы:
Жаран
Комментарийлердин саны:
7
Катталган:
09-01-2017
Соӊку аракети:
15-11-2018 12:06
Жынысы:
Белгисиз
+1
Бечара алданган экенда жазасын алсын ошо тажиктер.
21.01.2017. 09:36 
Тайпасы:
Жаран
Комментарийлердин саны:
97
Катталган:
07-06-2013
Соӊку аракети:
11-03-2017 21:42
Жынысы:
Белгисиз
0
Ой кыргызым ай,биз табигаттан жонокой, манроо улутбуз,ичибиз таза,далдандап. Тез ишенчээктмгибизда бар. Бирок тажиктер менен дос болгондо ото абайлаш керек. Алардын ХХХ ХХХ. Мен аны коруп эмес, билгендигимден айтып жатам. Омурумдун жарымын Тажикстанда откоргом.
Модератор admin_superstan түзөттү 2017-01-23 10:03:54
23.01.2017. 10:02 
Тайпасы:
Супермодератор
Комментарийлердин саны:
5990
Катталган:
05-09-2011
Соӊку аракети:
16-11-2018 22:12
Жынысы:
Белгисиз
Калаасы:
SUPER.KG
0
gutler, улут аралык түшүнбөстүктү жаратчу билдирүүлөргө тыюу салынган. Эскертүү!
Модератор admin_superstan түзөттү 2017-01-23 10:03:09
21.01.2017. 23:31 
Тайпасы:
Жаран
Комментарийлердин саны:
9
Катталган:
05-11-2015
Соӊку аракети:
01-03-2018 23:47
Жынысы:
Белгисиз
+1
Эмне козун алып качат камерага тик карабай...озундо да куноо барго.
23.01.2017. 14:40 
Тайпасы:
Жаран
Комментарийлердин саны:
64
Катталган:
29-06-2016
Соӊку аракети:
26-02-2018 09:42
Жынысы:
Белгисиз
0
обаа озундо да куноо бар жон адамды жакшы мамиле кылган адамды эч ким эч качан ушундай абалга алып келбей кудай эле сакта тооба кылдым
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: