Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БААҢ КАНЧА, «КӨПӨЛӨК КЫЗ?»

№222 2-8-февраль, 2007-ж.


Сойкулук менен акча табуу бүтүндөй дүйнө жүзүндө эң кирешелүү бизнес экенин буга чейин эле уккандырсыз. Ооба, ошондой. Соңку он беш жылда бул бизнес биздин өлкөбүздө да катуу өнүктү. Расмий эмес маалыматтарга караганда, республикабыз боюнча 10 миңден ашык сойку бар. Алар тууралуу маалымат каражаттарында айтылып да, жазылып да келатат. Ошентсе да биз дагы бир ирет өз көзүбүз менен күбө болуп, журналисттик иликтөө жүргүзүш үчүн Бишкек шаарын кыдырып чыктык. Максатыбыз баалары, сутенёрлору, жатаканалары жана «түнкү көпөлөктөрдүн» тагдырлары тууралуу билүү эле...

ЖИГИТТЕР, СИЛЕРГЕ КЫЗ КЕРЕКПИ?...

Фотокабарчы шеригим экөө­бүз кечки саат бештерде жолуктук да, сойкулардын мекени болгон Ю. Абдрахманов (Правда) көчөсүнө түштүк.
Негедир топтолгон кыздар эч жерден көрүнбөдү.
– Иштеген кыздар көрүнбөйт, биз эрте чыгып алганбыз го?- дедим эски аянттын тушуна келгенде.
– Жигиттер, силерге кыз керекпи? Биз иштейбиз,- деп ары жакта турган эки кыз бизди көздөй басты.
Алар биздин сүйлөшкөнүбүздү угуп калышкан экен. Чынында, көчө жээгинде турган кыздардын кимиси сойку экенин ажыратуу кыйын эле. Мен тиги кыздар менен соодалашканга өттүм:
– Силерден башка да кыздар барбы?
– Толтура. Бирок, азыр милициялар «рейд» жүргүзүшүп, көбү качып кирип кетти. Эми караңгы киргенден кийин чыга башташат.
– Кыздар, саатына канча?
– Жатакана өзүңөрдөн болсо 250 сом, бизден болсо 300.
– Бир түнгөчү?
1200 сом. Бирок, азыр убакыт эрте болгондуктан, көпкө түшүп каласыңар. Саат ондон кийин келсеңер арзаныраак болот.
– Бир жолкусучу?
10 мүнөт болобу, 20 мүнөт болобу, бир «палкасы» 200 сом.
– Түнгө 500-600 деп уктук эле го?
– Былтыр ошондой болчу, быйыл баа кымбаттады.
Ушул учурда биздин тушубузга иномарка келип токтоду. Экөө бизге кол шилтеп коюп, машинаны көздөй чуркашты. Машинада жашы элүүлөрдөгү курсактуу киши отурган экен...

СОЙКУЛАРДЫ ТЫЙГАН МЫЙЗАМ ЖОК...

Биз иликтөөбүздү андан ары уланттык. Караңгы кирген сайын топтолушкан кыздар көчө жээгинде көбөйө баштады.
Көпчүлүгү 18ден 30 жашка чейинкидей көрүнөт.
– Биз «одиночкаларбыз»,- дешти Фрунзе-Абдрахманов көчөлөрүнүн кесилишинде турган эки кыз.
Көрсө, «одиночка» дегени эч кимге баш ийбей, жеке иштегендер экен. Ал эми топ болуп тургандардын дээрлик бардыгында сутенёрлор (ортомчу жеңелер) болот.
Биз Абдрахманов көчөсү менен жогору көпүрөнүн үстүнө (Толстой көчөсү) чыкканыбызда топтолуп турган он бештен ашык кызга туш келдик. Дээрлик бардыгы 18-20 жаштын тегерегиндеги жаш кыздар экен. Аңгыча укук коргоо органдарынын түнкү күзөт машинасы келип токтогондо, топтолгон кыздар туш тарапка дыркырап качып беришти.
– Биз тынбай «рейдке» чыгып, колдон келишинче көчөнү «көпөлөктөр­дөн» тазалаганга аракет кылып жатабыз. Бизди көргөндө көз ачып-жумгуча таптырбай калышат. Бирок, сойкуларды тыйган мыйзам жок болгондуктан, аларды жоюу кыйын экен. Бир жерден кубаласаң, экинчи жерге барып турушат. Көчөлөрдө кыздар көп. Кимиси сойку, кимиси жөн турганын да айырмалаш кыйын болуп калды,- деди Биринчи май райондук ички иштер бөлү­мү­нүн старшинасы.

КҮЙӨӨМ МЕНИН СОЙКУ ЭКЕНИМДИ БИЛБЕЙТ...

Ошентип, андан аркы багытыбызды Ош базарын көздөй уладык. Фрунзе-Кулуев көчө­лөрүнүн кесилишиндеги сойкулар жашаган жатак үйлөрдүн бирине кайрылдым. Баарлашыш үчүн кыздардын бирин сатып алууга туура келди.
Ал жерден өзүн Наргиза деп тааныштырган кызды бир саатка 150 сом төлөп сатып алып бөлмөгө кирдим.
– Чечинип тур, мен душка түшүп чыга калайын. Жаңы эле бир клиент менен болуп чыктым эле,- деп сырт­ка кетип, арадан 6-7 мүнөт өт­пөй кайра кирди.
– Ой, бли-ин, дагы эле чечине элексиңби?
– Кичине сүй­лө­шүп отурбайлыбы?
– Башты оорут­пачы, сени менен сүй­лөш­көнгө убактым жок. Бол тез-тез ишиңди бү­түр. Сенден башка да клиент­тер толтура,- деп халатын ыргытты.
– Наргиза, халатыңды кийип ал. Мага өз тагдырыңды айтып берсең жетиштүү,- дедим.
Алгач сөгүнүп-сагынып каршы болду. Экөөбүз көпкө тартышып, акыры дагы 50 сом кошуп бергенимде кыскача мындай деди:
– Мен өзүм Нарындан келгем. Онунчу класста окуп жүргөнүмдө апам каза болду. Көп өтпөй атам жаңы аял алды. Мен өгөй энеме баш бербей, ээн-эркин болуп кеттим. Ошонун кесепетинен жигитимден боюмда болуп калып, ага шашылыш турмушка чыктым. Келин болуп, көшөгөгө кирген күн­дөн баштап эле кайненем экөөбүздүн ыркыбыз келишпеди. Башында ата-энемдин колунда жок экенине асылса, кийин эрте төрөп койгонум шылтоо болду. Акыры чыдабадым. Бир күнү кайненем менен ит-мышыктай катуу урушуп кеттим да, алты айлык баламды таштап Бишкекке баса бердим. Бул жакта жакын тууганым жок болгондуктан, алысыраак эжемдикине келдим. Көрсө, ал сутенёр экен. Башында мен үчүн эң күйүмдүү адамдай мамиле кылып жүрүп, акыры ушул жолго түрттү.
Быйыл иштегениме эки жыл болот. Башында ата-энемди, күйөөмдү, өзгөчө уулумду сагынып, күчүм­дүн баарын шолоктогон ыйдан чыгарчумун. Бирок, азыр акчадан башка эч нерсе кызыктырбай калды. Чынымды айтсам, күйөөм мени аябай сүйчү. Кийин мени издеп Бишкекке көп жолу келиптир деп уктум. Кел­гени менен экөөбүз кайра бирикпей калдык го...Сойкуга айланбаганымда ойлонуп көрмөк белем, ким билет...

СОЙКУНУН АРМАНЫН КАТКАН КҮНДӨЛҮК

Ал күнү кеч болуп кеткен соң үйгө кетип, эртеси иликтөөм­дү улантууга кайра чыктым. Бул жолу орточо баадагы түзүк кыздардын бири менен баарлашууну максат кылдым.
Үсөнбаев-Фрунзе көчөлөрүнүн кесилишине келгенимде 5-6 кыз турган экен. Таксини көрүп, баары бери жүгүрдү. Арасынан бир кыз гана умтулбастан ордунда кабагы суз кала берди.
– Мага тээтиги кыз керек,- дедим беркилерге. Алар: «Зуля, сени чакырып жатат» деп тигиге мыскылдуу карашты. Анчейин көңүлдөнбөгөн тиги кыз: “Биздин жатаканага барсаңыз гана иштейм” деп бери бурулду. Мен макул болуп 300 сом төлөп, жатаканасына бардым.
Менин жөн гана сырдашып отургум келгенин укканда сүйү­нүп кетти. Аты Зуля экен. Экөөбүз көпкө сүй­лөш­түк. Оштун алыскы районунан келип иштей баштаганына алты айдан эми өтүптүр. “Баарынан тажап кыйналып кеттим. Анан кээде бугумду чыгарып алыш үчүн күндө­лүк жазам” деп анын айрым жерлерин окутууга макул болду.

КҮНДӨЛҮКТӨН
«10. 09. 2006.
... Ушул эркектерди кудай неге мынча мыкаачы кылып жаратты экен?! Колумдан келсе баарын кескилеп салгым келет. Акыркы күндөрү каяктагы аферисттерге, кыз көрбөгөн таш боорлорго туш болчу болдум. Кечээ шыпылдаган Айбек деген жигит «үйдө досум эле бар» деп алдап алып кеткен. Барсам үчөө экен. «Кетем, акчаңарды кайра алгыла» дегениме карабай уруп-согуп, таң аткыча азабымды беришти. Келип «мамочкама» айтсам укмаксан болуп койду. Ага баары бир эмеспи. Денемдин баары ооруп, бутумду шилтөөгө дарманым келбей жатат. Болду, бү­гүн­ ишке чыкпайм...
17. 11. 2006.
... Кечээ классташым Нурбекке колго түш­түм. Анын бул жакка келээрин кайдан билейин. Жүгү­рүп бара калсам эле таанып калса болобу?! Уялганымдан өлбөгөн төрт шыйрагым калды. Акыры аны эч кимге айтпа деп алдап, таң аткыча бекер жатып бердим. Каалаган күнү келип тур дедим... Мен жө­нүндө кандай ойдо кетти экен? Акча жоктон ушинтип жүргөнүмө ишенбесе деле керек. Жашообуз жакшыраак болгондо бул жолго түшпөйт элем деп ыйлайм көбүнчө. Атама менин өлүү-тирүүмдүн зарылдыгы жок. Ага арак болсо болду. Болгону апамдан корком... Байкуш апам, мени кафеде иштейт деп ишенип жүрөт... Сойку болуп кеткенимди укса тирүүлөй өлүп алат го. О, кудай, ылайым апам укпаса экен...»

АРЗАНСЫҢБЫ? КЫМБАТСЫҢБЫ? КАЙДАСЫҢ?

Ошентип, эки күндүк кыдыруумдун жана ага чейинки жеке илик­төө­­лөрүм­дүн негизинде Бишкек шаарындагы сой­кулар тууралуу төмөнкүдөй жыйынтык чыгардым.

АРЗАНДАР
Сойкулардын эң эле арзандары Ош базарынын тегерегинде жана Бишкектин түндүгүндөгү трассада (объезд) табылат экен.

Ош базарына жакын Кулуев, Фрунзе, Бейшеналиева сыяктуу көчө­лөрдө сойкулар да, суткага берилүүчү кейпи кеткен жатак үйлөр да эң эле көп. Ал эми Ош базарынын жанындагы көп кабаттуу үйдүн подъездинен башка квартиралардан бөлүп турган темир торду көрүүгө болот. Мындай темир торду сутенёрлор күтүүсүз келген милициялардан жана алдап качып кеткен кардарлардан коргонуш үчүн жасашкан.
Кардарларды тей­лөө негизинен үчкө бөлүнөт:

  • Бир жолкусу же «палкасы» – 50дөн 150 сомго чейин.
  • Саатына – 100-200 сом.
  • Бир түнгө – 300-500 сом.
  • Жатаканага – 50-100 сом.

Аталган райондордо бир бөтөлкө аракка, же бир порция тамакка макул болгон селсаяк кыздар да көп учурайт. Ошол үчүн бул райондогу кыздарды жалпылап «дешёвкалар» деп коюшат экен. Мындагылардын 90 пайызын алыскы райондордон келген кыргыз кыздар түзөт.

ТҮЗҮК КЫЗДАР
Шаардагы сойкулардын баасына карап дагы бир бөлүгүн ушинтип койсок болчудай. Буларга Абдрахманов, Алматы, Совет көчө­лө­рүндөгү, Цирктин жана ЦУМдун тегерегиндеги кыздарды кошсок болот. Алардын 60-65 пайызы кыргыз кыздар, 30-35 пайызы орус кыздар жана 5-10 пайызы башка улуттардан.
Мындагылардын «палкасына» макул болгону сейрек кездешип, көбүнчө саатка жана бир түнгө чыгышат.

  • Палкасы – 200-300 сом.
  • Саатына – 250-400 сом.
  • Бир түнгө – 800-1200 сом.

Албетте, жогорудагы баалар болжолдуу түрдө алынды. Анткени, көбүнчө соо­далашканга жараша чечилет. Кээ бир кыздарга кардар жагып калса кыйла эле арзандатат. Кээде бир кызды үч-төрт кардар сатып алган учурлар да кездешет.

ЭЛИТНЫЙЛАР
Шаардагы эң эле кымбат сойкуларды ушундай аташат. Алар көбүнчө сауналарда, түнкү клубдарда жана белгилүү мейманканалардын тегерегинде иштешет жана чакыруу боюнча барышат. Кээ бир гезит бетин карасаңыз, «көңүлдүү эс алуу» деген сыяктуу жарыялар бар. Мына ошол кулактандыруулардын ээлерин көбүнчө кардарлар телефон аркылуу чакырышат.
Баалары бир түнгө 2000-4000 сом болот. Ошондуктан, мындайларга көбүнчө акчалуулар, чоң кызматта иштегендер жана чет элден келгендер барышат. Алардын басымдуу бөлүгүн орус тилдүү шаардык кыздар түзөт.

СУТЕНЁРЛОР

Бишкектеги сойкулардын дээрлик 80 пайызы «сутенёрлорго» баш ийет. Алар кыздарды жатакана, кийим-кече, тамак-аш менен камсыз кылышып, рекеттерден жана милициялардан арачы болушат. Айрым сутенёрлор бул кесипти тээ 90-жылдарда башташып, бүгүнкү күндө чоң бизнесменге айланышкан. Алардын эң байыгандары Араб Эмираттары, Корея, Европа сыяктуу чөт өлкөлөргө кыздарды сатып иштешет. Ошондой эле башында өздөрү да сойку болуп иштеген сутенёрлор бар. Алар сойкулуктун жолун өздөштүрүшүп, ушул жолго өтүшкөн.
Сутенёрлордун колунан «кыздыгы бар» жаш секелектер да табылат. Алардын баасы 150-200 доллардан жогору бааланат экен. Негизинен, бардык сутенёрлордун ишенген «крышалары» бар.

СӨЗ СОҢУ

Кыскасы, ушундай, окурман. Сойкулар жөнүндө жаза берсек түгөнчүдөй эмес. Албетте, бул жерде сойкуларды бир жактуу күнөөлөш да туура эмес. Алардын көбү жетишпестиктен, жумушсуздуктан, акчанын айынан ушундай ыплас жолго барып жатат.
Бирок, эң эле өкүнүчтүүсү, «өзүбүз үч миллиондон ашпаган улут болсок, анын ичинен он миңдей келин-кыздарыбыз сойку болсо эртеңкибиз эмне болот? Улутка таандык адеп-салт бизге улам чоо­чун болуп баратабы?» дегиң келет.

Мурас Айти


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -2 
Комментарийлер(1)
14.03.2012. 21:18 
Тайпасы:
Кыймылы жок
Комментарийлердин саны:
14
Катталган:
06-03-2012
Соӊку аракети:
15-07-2012 11:21
Жынысы:
Белгисиз
Калаасы:
кадамжай
+2
мен орусияда бир кыргыз кызын кордум ото коп акча таап келет каерде иштейсин?-деп суроо берсем офисте дейт кийин уктум сойку деп кунуно 10000 20000 рубль таап келет эле
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: