Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

6-7 ЖАШТАГЫ БАЛАГА КАМ КӨРҮҮ. АНЫ МЕКТЕПКЕ ДАЯРДОО

№743 27-январь-02-февраль, 2017-ж


6-7 жаш. Мектепке даярдык, мектеп босогосун аттоо. Бул баланын турмушундагы олуттуу мезгил. Баланын даярдыгы анын 36 тамганы таанып, окуп, жаза билгендиги менен гана чектелбейт. Аларды психологиялык жактан да тарбиялоо шарт. Баланы мектеп шарттарына кантип көндүрүү керек? Өз алдынчалыкка кантип үйрөтүүгө болот? Бул жаатта ата-энелерге ЮНИСЕФтин колдонмосу жардамга келет.

6-7 ЖАШТАГЫ БАЛАНЫН АНАТОМИЯЛЫК-ФИЗИОЛОГИЯЛЫК ӨЗГӨЧӨЛҮКТӨРҮ

  • Бою жылына орто эсеп менен 5-10 сантиметрге чейин өсөт. Салмагына жылына 2 килограммдай кошот.
  • Тери калыңдап, чоюлчаак келип, тышкы чөйрөнүн таасирине чыдамдуулугу артат.
  • Омурткаларынын формасы чоң кишиникине окшошот. Бирок скелет сөөктөрү анча катпай, кемирчектүү болот.
  • Бала көп кыймылдап, булчуң системи тез өсөт. Бул учурда баланын туура отуруп-туруусуна, кыймылына жана оюнуна көз салуу зарыл. Кара күч эмгегине акырындык менен кылдат үйрөтүү керек.
  • Дем алуу органдары калыптанып бүтөт, дем алуу булчуңдары жана өпкө ткандары өсөт. Дем алуусу тереңдейт жана сейректей баштайт.
  • Жүрөк-кан тамыр системи да кыйла өсөт. Жүрөктүн салмагы жана жыйрылуу саны көбөйөт, жүрөккө түшөр оордукка чыдамдуу боло баштайт.

ПСИХОЛОГИЯСЫ

Баланын жүрүм-туруму бир топ калыптанып, сөз байлыгы акырындап көбөйөт.
Татаал сүйлөмдөрдү түзө алат.
Ырларды бат жаттайт, көргөн-билгенин саймедиреп айтып берет.
Калемди туура кармап, буюмдун, айбанаттардын сүрөтүн тартат, билген тамгаларын басма түрүндө жаза алат.
Өз эмоциясын: кубанычын, кайгыруусун, таарынычын, коркконун билдирет.
Мүнөзү калыптанат, өз жоопкерчилигин сезе баштайт.

МЕКТЕПКЕ ДАЯРДЫК

Мектепке барганга чейин бала өз алдынчалыкка, эмгекке үйрөнүүсү тийиш. Мисалы, өзү кийинип, жуунуп, тамак ичип, ата-энесине кол кабыш кылып...
Балага кат таанытуу жагына келсек, үйрөтүүнү сөздү муунга бөлүп, аларды так жана созуп айтуудан баштоо керек. Андан бала сөздөгү тыбыштарды угууга жана айтууга үйрөнөт. Эгер бала угууга көнсө, тыбышты жакшы ажырата алса, кийин катасыз жазат, сабаттуу, маданияттуу сүйлөйт. Ал эми эсептөөнү үйрөтүү үчүн мисалдарды турмуштан алуу керек. Негизи мектепке чейинки бала онго чейин санаганды жана 10го чейинки сандары алып-кошууну билиши керек. Баланын аң-сезими өссүн десеңиз, аны менен көбүрөөк аңгемелешиңиз. Аңгемелешүүдөн анын сөз байлыгы көбөйөт, сөздү так айтууга көнөт, сүйлөмдү туура түзүүгө үйрөнөт, ой жүгүртүүсү өсөт. Бала менен үзбөй көнүгүү жүргүзүү керек, бирок аны чарчатууга болбойт. Көнүгүү түрдүү болсо кызыктуу өтөт. Балага бир нерсени үйрөткөндө ачууланбай, токтоолук, сабырдуулук менен түшүндүрүү зарыл.

МЕКТЕП БОСОГОСУН АТТАГАНДА...

Баланы күн сайын эртең менен өөп-жыттап, кучактап, эркелетип ойготуңуз. Бул нерсе ага жакшы маанай тартуулайт.
Эч убакта баланы ач карын мектепке жөнөтпөңүз. Анткени курсагы ач баланын сабакка көңүлү чаппайт. Мүмкүн болушунча эртең мененки тамакка жакшы көргөн даамын даярдоого аракет кылыңыз.
Жылуу узатып, жылуу тосуп алыңыз. Сабактан чыкканда кандай жаңылыктар болгонун сураңыз. Эгер анын күнү жагымсыз жаңылыктар менен коштолсо, көңүлүн жагымдуу нерселерге бурганга аракеттениңиз.
Катасын көрсөңүз шылдыңдабаңыз. Өз катасын тапканга машыктырыңыз. Эгер таап чыкса, анда сөзсүз сиз тараптан мактоо айтылсын.
Балам өз алдынчалыкка үйрөнсүн десеңиз, китеп-дептерлерин өзү алып чыгып, тапшырмаларды өзү аткарсын. Сиз жөн гана жанында көзөмөлдөп, жардам бергенге даяр туруңуз. Үй тапшырмасын мектептен келгенден кийин 2-3 сааттан соң аткартуу туура. Анткени бул учурда бала эс алып, сергий түшөт. Саат 5-6дан кийин баланын бир нерсени кабылдоосу басаңдайт. Андыктан тапшырмаларды кечкиге калтырбаңыз.
Сабакты жакшы билбегени үчүн аны элдин көзүнчө уяткарбаңыз. Бул баладагы өзүн-өзү баалоо сезимин төмөндөтөт.
Балаңыздын шыгын байкап, ошол тармак боюнча ийримдерге бериңиз. 1-класстын окуучусу үчүн 1-2 гана ийрим жетиштүү. Анткени тыгыз күн тартиби баланы физикалык да, психикалык да жактан алсыратып, стресске кабылтат. Мунун айынан бала бат-бат ооруйт.

Дамира Арстанова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(2)
01.02.2017. 09:52 
Тайпасы:
Жаран
Комментарийлердин саны:
209
Катталган:
28-11-2008
Соӊку аракети:
20-09-2018 17:57
Жынысы:
Белгисиз
+6
Сонун кеңештер үчүн рахмат, "Супер-Инфо"!
02.02.2017. 23:23 
Тайпасы:
Жаран
Комментарийлердин саны:
21
Катталган:
06-06-2016
Соӊку аракети:
06-06-2017 12:16
Жынысы:
Белгисиз
0
Рахмат !!! Супер кенештерге!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: