Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БЕЛГИЛҮҮЛӨР БОРБОРДУ КАНТИП БАГЫНТЫШКАН?

№387 2-9 апрель, 2010-ж.


Атактуу адамдарды сыртынан карап, алардын турмушуна суктанып келебиз. Бирок алар деле убагында башынан кыйынчылыктарды өткөргөнүн көпчүлүк биле бербесе керек. Мисалга алсак, ырчы, телеалпаруучу Лолитанын сахнага чейинки турмушу өтө эле оор. Үй-бүлөсү кедей тургандыктан, 7-класстан тартып жакыр турмуш менен алпурушуп, өзү гана эмес, оорукчан апасын багып, мектептин полун жууп акча табат. Кийин окууга тапшырып, биринчи жолдошу менен табышат. Аны менен ажырашкан соң Александр Цекало менен кол кармашат. Батирден батирге көчүп жүрүүдөн тажаган Лолита москвалык Александр Милявский аттуу өзү жакшы тааныбаган адамга турмушка чыгып, анын фамилиясына өтүп, отурукташып калат. Мындай турмуш биздин атактууларда да бар.

Бактыбек Мамытов: «КАТТООДОН ӨТКӨРГҮЛӨ ДЕП ЧАТАК ЧЫГАРГАМ»

– 1967-жылы мектепти бүтүрүп, Фрунзеге келдим. Айыл чарба институтунун ветеринардык бөлүмүнө тапшырып, сынактан өтпөй калдым. Союз учуру да, окууга өтүү азыркыдай оңой эмес болчу. Ошентип 4 жыл катары менен иштеп, борборго келип окууга тапшыра алган жокмун. 1971-жылы КМУнун Кыргыз филология факультетине тапшырып, өтүп кеттим.
3-курста үйлөндүм. Жаш үй-бүлөбүз, шаарда үйүбүз жок. Анын үстүнө студентпиз. Аябай кыйналып кеткендиктен, телевидениеге диктор болуп орноштум. Окуп да, иштеп да жүрөм. Телевидениеге орус улутундагы жаштар келет да, каттоого турат. Телевидение жетекчилери жаш адис деп аларга утурумдук батир берет да, мен калып калам. Кайындарымдын борбордо үйү бар эле, келинчегим экөөбүз ошол үйдө күн кечиребиз. Бир жолу шайлоо болуп калды. Мен дал ошол шайлоодон пайдаланып, “шайлоого катышпайм. Мени каттагыла же үй бергиле же жумуштан алып тынгыла!” деп чатак чыгардым. Жылдар өтүп, анан үй беришти. Азыр бала-бакырам менен куттуу борбордо күн кечирип келем.

Айчүрөк Иманалиева: «РОЗА ГҮЛҮМ» МЕНЕН БОРБОРДУ БАГЫНДЫРГАМ»

– Ата-энем мени 8-классымда Таластан борборго алып келип колума 20 рубль карматып, окугун деп таштап кетишкен. Ошентип, Мураталы Күрөңкеев атындагы музыкалык окуу жайга тапшырып, студент болгон кезим. Шаарда таанышым жок же жатарга жерим жок, батирден батирге көчкөн күндөр. Кар жаап, суук болгон учурда бут кийимим жок сабакка да барбай калгам. Ата-энемден сурайын дейм, бирок кичинемден эле мээнеткеч болгондуктан, бул кыйынчылыктардан өзүм чыгууну ойлодум.
Кыйналып жүрүп Мамлекеттик жаштар театрында актриса болуп, алар менен 4 жылдай иштедим. Эл кол чапса сүйүнүп эле үй-жай, байлыкка такыр умтулбапмын. Жөө-жалаңдап жүрүп эле борбордун көчөлөрүндө изим калды. Анан бир тууганымдын жардамы менен Чыгыш-5 кичирайонунан 3 бөлмөлүү үйгө жеттим. Кийинчерээк аны азыркы жашап жаткан үйүмө алмаштыргам. 1989-жылы “Роза гүлү” деген ырым менен борборду багындыргам.

Бакыт Мамаев: «УШУЛ БАЛА АЙНЕК ЖЕБЕЙ НАН ЖЕСИН ДЕП...»

– Бүбүсара Бейшеналиева атындагы искусство институтунда окуп жүргөндө кыйынчылык менен өткөн күндөрдү сен сураба, мен айтпайын. Орус кемпирлердин үйүндө батирде жашап, ижара акысын төлөй албай калганда төшөк-жуурканды көтөрүп алып башка батирге каччубуз. Эртең менен сабакка барам, кайра базарга барып жашылча сатам. Кечкисин фотоаппаратты колго алып, сүрөтчү болуп иштейм. Сүрөткө түшөрүн түшүп алышып, чыгарып келгенден кийин албай коюшат же алдап кетишет. Айтор, ушинтип иштеп да, окуп да жүрдүм.
1992-жылдары йога деп айнек жеген мода болуп калбады беле, аны мен да үйрөнүп алгам. Бир жолу Бишкектин четиндеги бир айылга концерт коюп бардык. Айнек жеп элди таң калтырып жатсам, айыл өкмөтүнүн башчысы келип: “Ушул студент мындан кийин айнек жебей нан жеп жүрсүнчү”,- деп 1 тонна ун берген. Ырчы Салима Балтаева баш болуп ошол ундан нан жасап жеп, жыргап эле калганбыз. Мен кылбаган кара жумуш калган жок. Керек болсо көчө шыпырып да иштегем.

Кубик Калыков: «БОРБОРДО СПИРТ, ЭТ САТЫП ИШТЕГЕМ»

– Бишкекке келгичекти Жалал-Абадда “Эпос” деген музыкалык ансамблди жетектечүмүн. Борборго Бек Борбиевдин жардамы менен келгем. 1992-жылы үй-бүлөмдү Базар-Коргонго калтырып, биринчи өзүм келдим. Дайыма эле майкөл-сүткөл турмуш боло бербейт да, кыйынчылыктар көп болду. Жашоо үчүн күрөш ошол учурда мени сатуучу да кылды.
Нан заводдон нан алып, аны базарга алпарып үстүнө акча кошуп сатып пайдасын көрөм. Кийинчерээк Бишкектен Ат-Башыга спирт алпарып, кайра ал жактан эт алып келип сатып жүрдүм. Ошол эле учурда эстрадага кызыккан жаштарга сабак да бердим. Кыскасы, тытынып иштеп үй-бүлөмдү бакчумун. “Нан болсо, ыр болот” дегендей, нан таап, чыгармачылыкты да өркүндөтүп, айтор, борборго келгенден бери жаным тынган жок. Эми ал энергиям, кайратым кайтканы менен, дагы деле тирүү жанбыз, тирилик деп жүрөбүз. Ак-Өргөдөгү үйүмдө кадимкидей жер тырмап, 5-6 кой, тоок багып, чарбачылык менен күн кечирип келем.

Динара Эсенгулова: «НАНДЫ СЕН САТ, МЕН САТ БОЛУП...»

– 1991-жылы Караколдон музыкалык окуу жайды бүтүрүп, окуумду улантайын деп борбордогу Улуттук консерваторияга тапшырдым. Советтик доор ыдырап, оор күндөрдү баштан өткөрүп жаткан мезгилде менин да студенттик күндөрүм кыйынчылык менен коштолду. Ошол учурда апам кайтыш болуп калды. Бир туугандарыма эркелеп отурбайын деп өзүм иштеп акча тапкым келди.
Бир жолу чогуу жашаган кыздар жегенге тамак таппай калдык. Акчабызды санасак, бир аз унга жеткидей эле бар экен. Ошол учурда көп студенттер нан сатып иштешчү. Биз да акчабызга ун сатып алып, нан бышырып базарга чыктык. Сен сат, мен сат болуп уялганыбызды сураба. Ошентип, бир топ убакка чейин нан сатып күн көргөнбүз. Кийинчерээк гитарадан сабак берип, кошумча акча таба баштадым.

Мерген Турган: «АВТОБЕКЕТТЕ ТҮНӨГӨН КҮНДӨР БОЛГОН»

– Айылдан шаарга келген убакта мен да турмуштун оош-кыйыштарын баштан кечиргем. Ал учурда Бишкекте кыргыздардан да орустар көп болчу. Туугандарыңдын үйүнө бир күнү батасың, экинчи күнү батпайсың. Анан досторубуз болуп батирде, окуу жайлардын жатаканасында жашап жүрдүк. Чынын айтуу керек, күндүзү кычырап кийингенибиз менен, үй жок болуп калганда автобекетте түнөп калган да учурлар болду. Бекеттен чыгып келатсам, айылдаштарым жолугат. Алардан бир уялам десең. Борборго келип кара жумушта иштебесем да, үй азабын укмуш тарттым.
Чынын айтсам, окуган жеримди айтыштан деле уялам. Мен обончу Марат Алыбаевдин студиясында эле окугам. Анан ырчылыкка кастинг болуп калып, ошол кастингден өтүп кеткем. Эстрадада элдер айткандай, улактай эле секирип ырдап чыга келдим. Баштан өткөн кыйынчылыктар бул жакта калып, “кызга окшоп ырдайт экен”, “чачы узун экен” деген сөздөргө кабылгам.

Бурул Исмаилова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
06.04.2010. 11:17 
Тайпасы:
Кыймылы жок
Комментарийлердин саны:
43
Катталган:
04-11-2009
Соӊку аракети:
02-10-2013 22:20
Жынысы:
Белгисиз
0
Негизи бут эле атактуулардын арманы ушундай экенин коп угам, Чет олколук ырчылар, актерлор дегеле бут таанымал адамдардын башында кыйынчылыкты откоргону учун тырышып азыр ушул денгээлге жеткендерин билем, ошондой эркинер кучтуу болуп азыркы убакта ушундай денгээлге жеткендиктери учун баа берем, бирок неге ошол убактагы кордуктан чыккандан кийин эле бат эле озунордун жаш кезинерди унутуп козунорду май басып кетет айткылачы??? эгер жок козубузду май баскан жок деп актансанар анда неге азыр керекте
06.04.2010. 16:20 
Тайпасы:
Кыймылы жок
Комментарийлердин саны:
8
Катталган:
12-03-2010
Соӊку аракети:
04-05-2010 12:08
Жынысы:
Белгисиз
0
туура айтасын бул дуйнодо баары болот
08.04.2010. 14:16 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
"Жерде жаткан жумуртка асманда учкан куш болот!"-деген,чын эле тура.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: