Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Боинг кырсыгынын күбөсү Мирлан Токоев психикалык жактан жабыркап, дарыланууда. "ОЮБУЗ КӨБҮРӨӨК АДАМДЫ ТИРҮҮ АЛЫП КАЛУУ БОЛДУ"

№744 03-09-февраль, 2017-ж.


"ЖЕР ТИТИРӨӨ ДЕП ОЙЛОДУМ"

– 16-январь күнү эртең менен саат 7лер чамасында ойгонуп, балдарым түштөн кийин окугандыктан аларды ойготпой эле жандарына барып жаттым. Бир учурда бороон сыяктуу үн угулуп, жер улам акырындан титиреп катуулай берди. Ошол замат балдарымды ойготуп, бир бурчка чогулттум. Кийин  катуу үн угулду да, үйүмдүн чатырына бир нерсе түштү. Үй-бүлөм менен бирге эшикке качып чыктык. Метеорит түштү го деп да ойлодум, көрсө, учак кулап, майда сыныктары үйүмдүн чатырына түшүптүр. Ал эми чоң бөлүктөрү бир эле метр жетпей калган. Кайра үйгө чуркап кирип төшөк алып чыгып балдарымдын үстүн жаап, коопсуз жерге алып бардым. Эшик аябай суук болуп, түтүндөн эч нерсе көрүнбөй жаткан. Аялым сол жагыбызда жашаган кошунамдын үйүн көрсөтүп, "Ороз үйүндө жок, балдары жалгыз калган болчу" деп кыйкырды. Аялымды, бала-чакамды үйү соо калган кошунамдыкына жөнөтүп, өзүм Ороздун үйүн көздөй чуркадым. Көрсө, ал кечинде үйүнө келген экен. Урандынын астында аялы менен уулу калып, кызын гана алып чыгыптыр. Аман калган кошуналар чогулуп жаткан тарапка Орозду жөнөтүп коюп, өзүм ызы-чуу болуп жаткандыктан учактын куйругу түшкөн жакка жөнөдүм. Ошол учурда дагы бир кошунам "балдарым" деп бакырып жаткан экен.
Караңгы, түтүн болгондуктан бири-бирибизди тааныбастан эле 2 адамды тирүү, дагы 2-3 адамдын жансыз денесин алып чыктык. Кийин эле ар жерде майда жарылуулар боло баштагандыктан, кайрадан үй-бүлөм жакка чуркадым. Барсам кошунам бир адамды уранды астынан алып чыгып коюптур. Анын астына төшөк салып, үстүн жылуулап, башка адамдар да уранды астында болушу мүмкүн деп издей баштадык. Жуурканды көрүп ача калсам кичинекей кыздын бети кан болуп жатыптыр. Дем алып жатканын байкап чыгардым, анан жууркан, жаздык көрүнгөн жерлерди каза баштадык. Нес абалда суук болсо да футболка менен жүрө бериптирмин.

"УРАНДЫ АСТЫНАН ЧЫГАРЫЛГАНДАРДЫ ТААНЫП БОЛБОЙТ ЭЛЕ"

– Уранды астынан казып чыгып жаткандарыбыздын да беттери кан, топурак болгондуктан таанып болбойт. Эң негизги оюбуз көбүрөөк адамды тирүү алып калуу болду. Адамдардын денесин тапсак астына төшөк салып, үстүн жаап эле кийинки үйлөргө өтүп кете бердик. Саат так канча болгонун билбейм, бир учурда "Манас" аэропортунун "Тез жардам" менен бир өрт өчүрүүчү унаасы келди. Жерде жаткан адамдарды "Тез жардам" унаасына салып баштадык. Чыгарылгандардын кээ бирлери биз барганча каза болуп калышкан экен. Аман калган кошуналардын айрымдары өлүктөрдү, жараат алгандарды көтөрүшпөй, "өлүктөн коркобуз, чыдай албайм" деп жардам бербей коюшту. Анысы аз келгенсип кээ бирлер телефонуна сүрөткө, видеого тартып жүрүшүптүр. Дарыгерлерге "жаракат алган адамдарды ооруканага ташый бербейсиңерби" десем, "ушунча адамды бир унаа менен кантип ташып бүтмөк элек, азыр шаардан дагы унаалар келет" деп болбой коюшту.
Ошол убакта бир үйдөн жалгыз тирүү калган Жакшылык аттуу 8 жашар баланы бизге алып келишти, анан анын үй-бүлөсүн издей баштадык. Уранды астынан атасын алып чыкканда ал тирүү эле, кийин гана "Тез жардам" унаасынан каза болуптур. Элдин айтымында, Жакшылыктын атасы учак кулап келе жатканда үйдөн аны түртүп чыгарып, башкаларын алып чыгуу үчүн киргенде үйү басып калган. Кийин куткаруучулар аймакка лента тартты да, бизди чыгарып салышты.

"КЕЛГЕН ЖАРДАМ АДИЛЕТСИЗ ТАРАТЫЛДЫ"

– Күндө көрүп жүргөн кошуналарыбыздан, балдарыбыз менен ойноп жүргөн алардын балдарынан айрылып калган оор экен. Айрымдары кеч куткарылып, көбү каза болуп калды. ӨКМдин кызматкерлери негизинен оор нерселер басып калган үйдөгүлөрдү чыгарышты, жергиликтүү тургундар болсо жабырлануучулардын көпчүлүгүн куткарып чыктык. Алды, арка жана сол тарабымдагы кошуналарымдын үйлөрү кыйрады. Үйүмдүн ичинен жарака кетип, шыбым түшүп калган. Азыр да үй-бүлөм ошол эле жерде жашап жатат. Керосиндин зыяны балдарымдын ден соолугуна таасирин тийгизип, алар да ооруканага жатып калышты.
Айылыбызга бийлик өкүлдөрү барганда "баарын жайгаштырып, каза болгондорду жерге берип алалы. Кийин гана кимге кандай жардам беребиз карап көрөбүз" деген болчу. Андан сырткары ар тараптан гуманитардык жардамдар келе баштады. Бирок анын көпчүлүгүн кырсык болгон аймактан алыста жашагандар эле ала беришиптир. Биз нааразычылык билдиргенден кийин гана учак кулаган жакка алып келе башташты. Кырсык болгон жерде 2 күн электр жарыгы болгон жок. Ошол учурда психологдор менен милиция кызматкерлери тынбай бизден кабар алып турушту.
Мен ал жерди жумушума жакын деп 2008-жылы сатып алгам. Окуя болгондун эртеси аэропортко жумушка барсам ишканабыздын дарыгери "психикалык сокку алыпсың, дагы деле беттериң тырышып жатат" деп ооруканага жөнөттү. Бишкекке ооруканага келсем, дарыгерлер абалымды сурагандын ордуна учактын кантип кулаганына кызыгып жатышты. Мен дарыланууга окуя болгондон бир жума өткөндөн кийин келип жаттым. Мени ооруканага өлүктөрдү ташып жатып чочуп калган, психикасы жабыркаган болушу мүмкүн деп жаткырышты. Биринчи келгенимде дарыны өзүм сатып алып жаткам, кийин гана врачтарга "бизди бекер карайт деген" деп кайрылып, акысыз дарыланып баштадым.

"БАШЫНДА УЙКУДАН ЧОЧУП ЖАТЫШКАН"

Каарманыбыз дарыланып жаткан Психикалык ден соолуктун республикалык борборунун дарыгери буларды айтып берди:
– Учак кырсыктаган аймактан бизге 2 жаран кайрылган. Алар алгач келгенде уйкудан чочуп ойгонуп жатышкан, азыр жакшы болуп калышты. Оору белгилери байкалбаганы менен, шашпай дарыланып чыгышканы дурус. Так диагноз коюлган жок, болгону окуядан улам чочуп калган. Алар качан ооруканадан чыгары азырынча белгисиз.

ПСИХОЛОГДОН КЕҢЕШ

Медициналык-психологиялык жана психотерапевттик жардам медициналык борборунун дарыгери Жаныбек Ажибеков каарманыбызга төмөнкүдөй кеңеш берет:

– Учак кулаган аймакта Мирлан Токоев сыяктуу ондогон адамдар болгон. Ушул сыяктуу кандуу окуядан улам психикалык жаракат алгандар түрдүүчө зыян алышы мүмкүн. Алар топторго бөлүнөт: 1-топко жакындарын жоготкондор, кийинкиге Мирлан Токоевге окшоп окуя чордонунда жүргөн адамдар кабылышат. Токоев нервди калыбына келтирүүчү дарылардын баарын кабыл алып, атайын врачтын кароосунда турганы оң. Окуяны канчалык эрте унутуп, сакайып кетүүсү өзүнүн эркинен, жөндөмүнөн көз каранды. Учурунда толук дарыланбаса, кийин ден соолугуна терс таасирин тийгизиши мүмкүн.

Бектур Токтоноев    
koom@super.kg


Боинг кырсыгынын күбөсү: "Оюбуз көбүрөөк адамды тирүү алып калуу болду"

Автор: Перизат Музуратбекова
Оператор: Сергек Шатманов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(19)
08.02.2017. 10:45 
Тайпасы:
Жаран
Комментарийлердин саны:
54
Катталган:
06-08-2015
Соӊку аракети:
30-06-2018 09:27
Жынысы:
Белгисиз
+51
Эрдикти, мына ушундай Мирланга окшогон жонокой адамдар кылат. Эл козуно адырандап жургондор мындай маалда озулорун жоготуп, отуруп калышат. Азамат Мирлан
08.02.2017. 11:08 
Тайпасы:
Жаран
Комментарийлердин саны:
337
Катталган:
10-01-2015
Соӊку аракети:
22-09-2018 12:26
Жынысы:
Белгисиз
+12
Мындай боодо кырсыкты кудайым мындан ары жолото корбосун элибизге. Чындыгында аябай аянычтуу тагдырга туш болду кыргыз элибиз. Мына кыргыз элимдин журогу кен,боорукер экенин ошол окуя болгон учурда жана андан кийин да байкадык ушунусуна кубанасын кудайга шугур дейсин элибизде кайрымдуулук сезими ыйманы бар экенине. Эми элинин абалына кош конул караган бийлик окулдору да болду ушул учурду саясаташтырган адамдар болду аларга журогуно ыйман демекмин.
stimyl.kg түзөттү 2017-02-08 11:09:35
08.02.2017. 11:18 
Тайпасы:
Жаран
Комментарийлердин саны:
337
Катталган:
10-01-2015
Соӊку аракети:
22-09-2018 12:26
Жынысы:
Белгисиз
+8
Бийлик окулдору ушул окуяга тийиштуу адамдарды таап оз жазаасын бергендин ордуна,элдин назарын алаксытуу учун аркандай шоу спектаклдарды уйуштуруп жатышат,кайдагы эле коккит ойунун ойлоп табышты мисалы. Кырсык алып келген жук жогорку кызматтагы адамдардыккы деген кеп чыкты,ал кепке ишенбей койууга болбочудай анткени жуктун ээси ким экенин жашырууга бийлик колунан келишинче аракетенди. Буйруса кырсыкка себептуулор кудай алдында оз жазаасын алат деп ишенем. Мирлан байкеге денсоолук каалайм.
08.02.2017. 12:26 
Тайпасы:
Жаран
Комментарийлердин саны:
30
Катталган:
03-05-2012
Соӊку аракети:
08-06-2018 02:30
Жынысы:
Белгисиз
Калаасы:
Abu Dhabi UAE
+4
juk kimge taandik? emnege azyrga cheyin juktun eesi tabila elek ? eldin nazarin kaydagy kok kitke burbay super silerden suranich ushul kirsiktin sebebin tagiraak izildesener.
08.02.2017. 12:27 
Тайпасы:
Жаран
Комментарийлердин саны:
0
Катталган:
07-02-2017
Соӊку аракети:
22-09-2018 10:37
Жынысы:
Белгисиз
+3
Мирлан байке сизге Аллахым ыраазы болсун!!!
08.02.2017. 13:29 
Тайпасы:
Жаран
Комментарийлердин саны:
2
Катталган:
11-04-2016
Соӊку аракети:
17-04-2017 09:17
Жынысы:
Белгисиз
+10
Тоообо кылайлы, тообо... Ушул Мирланга окшогон журогу тоодой, патриот инсандар кобуроок болсо... Кудай сактасын мындай боодо кырсыктан. Эмнегедир, жукту жоноткон адамдан да дайын жок,жукту куткон адамдан да дайын жок... Бирок бул табышмактуу жуктун себебинен бир нече адам казза болду. Жаткан жерлери жайлуу, топурагы торко болуп, Кудай кетирген куноолорун кечирсин, Бейиштен орун берген болсун. Кудай, тилсиз жоо, боодо кырсыктан озу сактасын.
08.02.2017. 14:48 
Тайпасы:
Жаран
Комментарийлердин саны:
1
Катталган:
12-04-2016
Соӊку аракети:
24-02-2017 15:02
Жынысы:
Белгисиз
Калаасы:
Жалалабад шаары)
+4
Кара кутуну табышты, жонотушту эми качан кайсы жылы кайсы куну жообун айтышат?!
08.02.2017. 22:45 
Тайпасы:
Жаран
Комментарийлердин саны:
79
Катталган:
03-02-2014
Соӊку аракети:
16-01-2018 16:08
Жынысы:
Белгисиз
+2
Бул окуядан ичим ачышып канырыгы тутоп адилеттик издеп жаткан кыргыз элимин катарында мындай жамандык эч качан болбосун ойдодогу жепжутарларга эч кимдин иши тушкулук кылбасын дейт тилейм. Ким не деп ойлосонор ойлогула бирок мен бул жук бир гана ашага гана тийиштуу жук болгон деп ойлойм. Себеби башка бир жепжутардын тымызын кылган иши болгондо али бери аша кокурок кагып таптыртат беле деген ой кетти. Балким анын да оозун майлап тынчытып коюшкандыр ким билет. Суроолор коп бир да жооп жок.
08.02.2017. 23:01 
Тайпасы:
Жаран
Комментарийлердин саны:
5
Катталган:
01-02-2017
Соӊку аракети:
18-09-2018 17:59
Жынысы:
Белгисиз
+1
Чондорубузга ынсап берип, элден чогулган жардамды адилеттуу болуштуруп берсе экен жабыр тарткандарга. Бизде гум.жардамдар дарексиз жок болуп кетчу эле.
09.02.2017. 01:19 
Тайпасы:
Жаран
Комментарийлердин саны:
75
Катталган:
14-12-2013
Соӊку аракети:
26-06-2018 21:29
Жынысы:
Белгисиз
Калаасы:
Okeandun jeeginde.
0
Mirlan moldes sendei azamattarybyz kop bolsun el uchun kuigon.respect.Emi senin uiundu dele uratyp ketiptir . Kop adamga jardam kylypsyn . Saga jakshy batir bersin okmotubuz. Sen murunkudaile ekensin . Jakshy kelinchegin bar eken . Jurogun taza adamdardy saktait Allahym. Ketken markimdarybyzga janyn jannatan bersin. Keiygydeile okuia boldu. Kyrgyz elimin bashyna alamaat kelbesin. Mirlanga alkysh. Kop jasha , ui buloono bakyt. Chon soroilor jardam bergile ushuga okshogon patriottorubuzga.
Super TV
09.02.2017. 05:45 
Тайпасы:
Жаран
Комментарийлердин саны:
60
Катталган:
03-02-2014
Соӊку аракети:
20-09-2018 09:32
Жынысы:
Белгисиз
+1
Жакшылап дарыланыныздар. Козунуздор менен коруп калганга кыйла эле коркуп калыпсыздар. Кучтуу молдолорго дем салдырынызар. Жанылыктардан коруп угуп биз канча болуп атабыз. Кайгырып кошо ыйлап.силер козунор менен коруп аралашып жургонго коркуп калыпсыздар. Кечеки эле кошуна бугун жок болуп атса кантип кайгырбай коё аласынар. Ден соолугунарды берсин. Ичер суунар тугонбогон экен соо калыпсыздар. Узак омур сургуло. Балдарынардын жакшылыгын коргуло. Жамандык болбосун Кыргыз элимде
09.02.2017. 12:15 
Тайпасы:
Жаран
Комментарийлердин саны:
6
Катталган:
04-02-2017
Соӊку аракети:
14-02-2018 18:57
Жынысы:
Белгисиз
0
Кайрат кылгыла аман калгандар,эми гумжардамдар адилеттуу таратылса эле болду,айак башы жок болуп кетпей...
09.02.2017. 12:20 
Тайпасы:
Жаран
Комментарийлердин саны:
6
Катталган:
04-02-2017
Соӊку аракети:
14-02-2018 18:57
Жынысы:
Белгисиз
+1
Кыргызчылык менен журок котортуш керек,коркуп калган киши журокту котортбосо болбойт, медицинада бул жерде алсыз,созсуз психологдун жардамы керек.
11.02.2017. 23:27 
Тайпасы:
Жаран
Комментарийлердин саны:
19
Катталган:
28-01-2016
Соӊку аракети:
22-09-2018 17:21
Жынысы:
Белгисиз
-1
azimbek74,
Жакшы эле болуп калышты, балдары азыр уйдо эле, откондо биз барганда колдору калчылдап атты эле, азыр жакшы, Кудайга шугур!
13.02.2017. 04:55 
Тайпасы:
Жаран
Комментарийлердин саны:
35
Катталган:
31-12-2014
Соӊку аракети:
22-09-2018 11:19
Жынысы:
Белгисиз
Калаасы:
Кыргызстан.
0
Элибиз тынч болсун жаман кырсыктан аллахым озу сактасын
13.02.2017. 09:21 
Тайпасы:
Жаран
Комментарийлердин саны:
2
Катталган:
09-02-2017
Соӊку аракети:
22-09-2018 12:49
Жынысы:
Белгисиз
0
Кыргыз эли которумду эл экенин дагы бир ирээт аныктады. Деги боодо кырсыктан кудай сактасын.
13.02.2017. 12:43 
Тайпасы:
Жаран
Комментарийлердин саны:
6
Катталган:
27-01-2017
Соӊку аракети:
07-09-2018 12:45
Жынысы:
Белгисиз
0
Аллах озу сактасын . Тооба кылдым
14.02.2017. 01:19 
Тайпасы:
Жаран
Комментарийлердин саны:
108
Катталган:
03-06-2011
Соӊку аракети:
07-07-2018 19:32
Жынысы:
Белгисиз
Калаасы:
Kyrgyzstan
0
Allah ozu saktasyn!!!
Men korup alyp aiabai yilachu boldum.
14.02.2017. 11:34 
Тайпасы:
Жаран
Комментарийлердин саны:
31
Катталган:
14-02-2017
Соӊку аракети:
15-09-2018 16:06
Жынысы:
Белгисиз
+1
Журогум ооруп турат кудайым мындай кырсыкты эч кимге ыраа корбосо экен.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: