Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЕЛИҢИЗ, ОЮНЧУК ТАНДАЙБЫЗ!

№744 03-09-февраль, 2017-ж.


ЮНИСЕФтин адистери "бала оюнчуктун жардамы менен дүйнө тааныйт, аң-сезимин өстүрөт, максатына жетүүгө үйрөнөт. Бул үчүн ар бир ата-эне оюнчукту сапатына, баласынын жашына карата тандап бериши шарт" дешет. Менин балама кайсы оюнчук туура келет дейсизби? Анда төмөнкү макала сиз үчүн.

2-4 АЙЛЫК

1 айлык ымыркай жашоосунун көп бөлүгүн уйкуда өткөргөндүктөн, ага эч кандай оюнчуктун кереги деле жок. 2 айынан баштап ымыркай айлана-тегерегине көз чаптырып, өзүнө тааныш үндөрдү ажырата баштайт. Дал ушул мезгилден тарта ага эң керектүү болгон шылдырактын түрлөрүн сатып берсеңиз болот. Шылдырактын үнү ымыркайдын көңүлүн көтөрүп, ыйлаганда соороткондон сырткары баланы түс, үн жана көлөм менен тааныштырып, колу-бутун кыймылдатууга үйрөтөт.

5-7 АЙЛЫК

Бул курактагы наристелер бир нерсеге жетип, аны кармалап, оозуна салууга ынтызар. Андыктан балага бир нерсени кармоого, жетүүгө, ыргытууга мүмкүнчүлүк түзүп берүү керек. Мисалы, чоюлма, асма, жумшак кездемеден тигилген оюнчуктарды, жел коңгуроолорун алып берүү керек. Дагы бир эске алчу жагдай, бул куракта көпчүлүк балдардын сүт тиштери жарыла баштайт. Андыктан атайын тиштегенге ыңгайлуу оюнчуктарды сатып берүүнү унутпаңыз.

8-12 АЙЛЫК

Мындай курактагы бөбөктөр мурдагыдай оюнчукту алаканы менен гана кармабай, манжаларынын учтары менен иштөөгө өтөт. Бала оюнчукту бөлүктөргө ажыратып, ыргытып, сындырууга аракет кылат. Бул учурда оңой ажырап, кайра бириге турган оюнчуктарды алуу туура. Мисалы, кураштыруучу пирамидалар, барабан, топ, зыянсыз желимден жасалган ар кандай оюнчуктар. Аларды ажыратып, кайра жыйноо баланы кыймылдуулукка үйрөтөт.

1-3 ЖАШ

Баланын сезүү органдары өөрчүп, ар түрдүү оюнчуктарды талап кылган учуру. Бул куракта бала жөн гана ойноого алымсынбай, өз колу менен бир нерсе жасоону каалайт. Андыктан суу менен кумда ойноочу шаймандарды, дөңгөлөктүү оюнчуктарды, жөнөкөй куурчактарды сатып бергениңиз туура. Буларды ойноодо баланын колу эле иштебей, ой жүгүртүүсү да өнүгөт. Оюнчуктардан чыккан үн да чоң мааниге ээ экенин эске алып, ышкырык, сурнай сатып берсеңиз болот.

3-5 ЖАШ

Бул курактагы балада өзүнө окшош нерселерге, ар кандай жаныбарлардын, адамдардын фигураларына болгон кызыгуу күчөйт. Сиз тандаган жаныбарлар балага тааныш болууга тийиш. Ал эми тандаган куурчагыңыз ийилчээк, кийими кийилип-чечиле тургандай болууга тийиш жана өтө кооз болбошу керек. Анан да анын жыныс белгиси көрсөтүлбөшү зарыл. Кызыңызга өзгөчө мүчө-келбети, саркеч кийимдери бар куурчак алып берүүдөн качыңыз. Булар баланын адаттан тыш эрте жетилүүсүнө таасирин тийгизет. Ошондой эле бул курактагы балдарга эреже менен ойнолуучу, чүкө, домино сыяктуу оюндарды үйрөтүү туура. Мындан бала кезек күтүүгө, бир нерсеге көңүл коюуга, таамай атууга, негизи эле аракет кылууга үйрөнөт. Мындан тышкары жумшак оюнчуктар да дал ушул курак үчүн. Алар балага коопсуздук жана тынчтык сезимдерин тартуулайт.
Бул курактагы балдардын дагы бир өзгөчөлүгү, чоңдорду тууроо болуп саналат. Андыктан ролдуу оюндарды ойноого арналган оюнчуктар топтомун алып бериңиз. Мисалы, дарыгердин, ашпозчунун, устанын буюмдары.

5-7 ЖАШ

Бир нерсени жаратуучу курак. 5-7 жаштагы балаңыз үчүн өз колу менен бир нерсе жасоосуна шарт түзүп бериңиз. Буларга пластилин, туздалган камыр, кызыктуу, сүрөттүү китептер, көп бөлүктөн турган конструктор, пазл, сүрөт тартуучу такта, музыкалык аспаптар, стол оюндары сыяктуу нерселер туура келет.

ОЮНЧУК САТЫП АЛАРДА ТӨМӨНКҮЛӨРДҮ ЭСКЕ АЛЫҢЫЗ!

Сатып алынган оюнчук сөзсүз баланын жаш курагына туура келүүгө тийиш.
Ар бир эле бала оюнчукту оозуна салып, даамын татып көрүүгө ашыгат. Андыктан анын кандай материалдан жасалганын билүүңүз керек.
Желмогуз, скелет, жөргөмүш сыяктуу түрү суук, коркунучтуу оюнчуктарды сатып бербегениңиз оң. Мындай оюнчуктар баланын психикасына терс таасирин тийгизиши мүмкүн.
Музыкалуу оюнчуктардын үнү балага жагымдуу болушу шарт. Жагымсыз музыка баланын психикасына терс таасирин тийгизет.
Баланын жашы канчалык кичине болсо, оюнчугунун тетиктери ошончолук көлөмдүү болуусу зарыл. Анткени аларды жутуп алуу коркунучу бар.
Жумшак оюнчуктун кылдары колуңузда калып калса, аны сатып алуудан баш тартыңыз. Мындан тышкары анын мурду, көзү бекем бекилгенине ынаныңыз.
Оюнчуктун түсүнө, түстөрдүн шайкеш келишине өзгөчө көңүл буруңуз.
7 жашка чейинки балдарга салмагы 400 граммдан ашкан оюнчук сатып берүүгө болбойт.
Жыгач – экологиялык жактан эң таза жана коопсуз материал. Ошондуктан мындан жасалган оюнчуктарды алыңыз.

ОЮНЧУКТАРДЫН ТАЗАЛЫГЫН САКТАЙЛЫ!

Булганган оюнчукту кир самын менен жууганга аракеттениңиз. Өтө кир болгондо гана атайын балдарга арналган айна менен жууп, таза чайкаңыз. Кадимки айна менен жуугандан качыңыз. Себеби аллергия жаратышы мүмкүн.
Жыгачтан, желимден жасалган оюнчуктарды суу жана шарап уксусунун теңме-тең аралашмасы менен сүртүп тазалоого болот.
Балаңызга жумшак оюнчуктар менен сыртта ойноого уруксат бербеңиз. Сейилдөө үчүн атайын оюнчуктарды сатып алып, баштыкка салып, кире беришке даярдап коюңуз.

Дамира Арстанова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(4)
09.02.2017. 22:22 
Тайпасы:
Жаран
Комментарийлердин саны:
14
Катталган:
31-10-2016
Соӊку аракети:
31-03-2017 14:35
Жынысы:
Белгисиз
+3
Абдан жакшы кенештер жазыптырго. Эмне форумчулар бул болумго кирип билдируу таштабай керексиз жакта журосунор.(тамаша)
10.02.2017. 03:13 
Тайпасы:
Жаран
Комментарийлердин саны:
4
Катталган:
03-02-2017
Соӊку аракети:
19-11-2018 03:43
Жынысы:
Белгисиз
+2
Жакшы кеңеш экен. Жакшы көргөн бөбөктайларыма жакшы оюнчук эч качан аябайм)))
11.02.2017. 09:35 
Тайпасы:
Жаран
Комментарийлердин саны:
41
Катталган:
01-02-2015
Соӊку аракети:
30-10-2018 22:31
Жынысы:
Белгисиз
Калаасы:
Нарын, Ат-Башы
+1
Жакшы кенеш. Менин балам ,2 айлык ушул жактан окуп калып шылдырак оюнчуктарды сатып бергем. Шылдыратсам аябай суйунуп тыбырчылайт. Рахмат кенешинерге
12.02.2017. 06:30 
Тайпасы:
Жаран
Комментарийлердин саны:
5
Катталган:
13-10-2016
Соӊку аракети:
08-10-2018 18:41
Жынысы:
Белгисиз
Калаасы:
Кыргызстан
0
Мен азырынча турмушка чыга элекмин, 18 демин, бирок темасын көрүп калып окуп көрүүнү жана эске тутуп калууну чечтим, абдан жакшы, пайдалуу кеңештер айтылыптыр,келечекте пайдасы сөзсүз тийет деген ишеничтемин. Супер инфо рахмат сиздерге!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: