КАНАТ КАДЫРЖАН АЛДАМЧЫЛЫККА АЙЫПТАЛУУДА
Продюсер жана ди-джей Канат Кадыржанга айрым таланттар нааразы экенин айтышып, алдамчылык менен алектенген дешүүдө. Алардын бири Нурбек Токбаев бизге кайрылып, төмөнкүлөрдү айтып агынан жарылды:
– Өз алдынча ырдап, клип тарттырып жүрчүмүн, бирок элге көп таанылган эмесмин. Анан продюсер менен иштешүү керек экен деп Канат Кадыржанга баргам. Ал 2014-жылы Нурлан Насип менен келишими бүткөндөн кийин мени менен иштешип, Адильхан деген ысым менен чыгармай болгон. Иштешүү үчүн 3 миң доллар сураган. Андай сумма менде жок болгондуктан, "бөлүп берсең болот" дегенинен насыя алып, 30 миң сом берген элем. Андан тышкары 4 ядерлик ноутбукту насыяга алып берүүмдү айткан, бирок алып берген эмесмин. Акча бергенден кийин байланышсам, "мен сени тааныбайм, итим да тааныбайт" деп койду. Апам дагы телефон чалып "бирөөнүн акчасы сага байлык болуп бербейт" десе, "сиздин балаңызды тааныбайм" деп койгон. Кагаз түрүндө келишим түзүп албагандыктан эч кандай далилим жок болчу.
Эмнеге 3 жылдан кийин ишти козготуп жатам? Анткени анын үстүнөн менден башка арыз жазгандар бар экен. Мен дагы Свердлов РИИБине кайрылып, арыз жаздым. 13-февралда бетме-бет жолугушуп, сүйлөшүүлөр болду. Сурак учурунда Канат Кадыржан "30 миң сом алган эмесмин, 10 миң сом эле алгам" деп жатат. Эң негизгиси акча алганын моюнуна алды. Баарынан кызыгы, "акчасын кайтарып берейин десем өзү жоголуп кеткен" деп жатпайбы. Убагында мага колдоо көрсөтөм деп коюп 3 жыл чуркаткан. Негизги максатым акчада эмес, башкалар алдамчылыктын курмандыгы болбосун.
Аталган окуя боюнча Канат Кадыржанга байланышып,төмөндөгүдөй жооп алдык:
– Мага ошол жылы Нурбек Токбаев кайрылып, "мени таанымал ырчы кылып чыгарбайсызбы?" деген. "Сенин вокалың жок экен, угармандар вокалга карайт, бирок аракетиң бар. Азыркы учурда Нурлан Насип менен иштешип жатам, сен менен иштешкенге убактым аз, каражатым жок" деп айткам. "Бир нерсе кылыңыз" деп суранганынан, "ыр жаздырганга, клип тарттырганга кеткен чыгымдарды өзүң чыгарсаң жардам берейин. Бирок продюсериң боло албайм, менеджер катары эле иштейин" дедим. Нурбек мага "ушул акчага ыр жаздыралы" деп 30 миң сом берди. Анын имиджин, атын өзгөртүү керек деп бир нече ысымдарды сунуштасам, өзү Адильхан деген атты тандаган. Ал эми ноутбукту "өзүңдүн материалдарың сакталат, сеники болот" дедим.
2015-жылы орто жолдон байланышка чыкпай калды. Башка иштери болуп жатса керек, бир күнү байланышат деп күтүп жүрдүм. Ошол бойдон үстүмдөн алдамчылык жолу менен акча алган деп арыз жазыптыр. Мага келип акчасын сураса кайтарып бермекмин. Бул өзүнө пиар жасап жатат. Азыр териштирүү иштери соңуна чыгып, акча кайтарылып берилди. Бул иш боюнча эч кандай дооматтар жок.
Бул ишти тергеп жаткан Свердлов РИИБнин тергөөчүсүнө кайрылганыбызда ал:
"Аталган окуя боюнча арыз түшкөнү чын. "Алдамчылык" беренеси боюнча тергөө иштери жүрүп жатат. Ошондуктан эч кандай маалымат бере албайбыз", -деп билдирди.
Эске салсак, эстрада жылдызына айланган Дайыр Исмадияров, Нурлан Насип, Данияр Эрматов жана Нооруз Алымбаев аттуу ырчылар Канат Кадыржандын колунан тапталып чыккан.
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (43)
Адилханга ишендим. Продюсер жонундо бир нерсе жазаыйн дейм,бирок бан болот. Такталбаган маалымат деп
2009 жылы мен да бишкекте иштеп журуп жазган ырларымды чыгарып койойун деп, Белгилуу бир адамдан совет сурасам,ырчыларга,продюсерлерге алрарып кор деген. Кнат Кадыржандын номери бар эле чалсам, КТРга алып кел дегенинен 8ыр обону менен алып барып бергем. Ошол ырларды Дайыр И. Ырдамай болгон. Арадан коп кун отту дайыны жок боуп кетти. Не болду деп сурасам ар кандай шылтоо айтып бербей койгон. Кийин Алтынбек Алымов байке алып берген,ошондо Дайыр И.ге Алымов мн Ильяз Абдыразаков ыр жазып берген
Как бутдо Насиптин вокалы кучтуу )))
Темасы эсимде жок.
Кулачын жайчы,
Кабарын айтчы.
Сагынып суйуп мен келем деген создору бар
Алтынбек байке таанышым болбогондо ырларымдан айрылмак элем.
КанатКадыржанды жаман да жакшы да дей албай. Нурландар журот го ырдашып эле.
Канатка асылбагылааааа. ал жакшы адам.. коп жылдан бери канча ырчыларды таптап, остуруп келатат.. анан каяктагы Адилханга ишенесинерби.. ал озун пиар кылып жатат. катуу тийсе кечиргиле.
Жалан продюсер соройдун кишилери го жазгандар. Ушу баланын бети мынча сыйгалак ХХХ ХХХ))
erkekizmin, кимдир-бирөөнүн кадыр-баркына шек келтирүүгө тыюу салынган. Эскертүү!
erkekizmin,Озу деле ошондой сыйгалак го.
erkekizmin, жардын го ха ха ха
Канат Кадыржандын чыныгы жузу ачылыптыр го эми. Уят эле иш.
Арбир инсанга ынсап берсин
Ынсап берсин ар бирибизге
ушу канат кадыржандын унунон окшуйм...мин кыялга жанагы акыркы жаш кыз диджей лерди жана канаттардын унун уккум келбейт....ал эми алдамчылык дегенине келсе анысы ХХХ ХХХ ХХХ
syrduujan, далили жок кимдир-бирөөнүн кадыр-баркына шек келтирүүдөн алыс болуңуз!
admin_superstan,ааа кечириниздерчи эмкиде антпейм
Талантын болгондо акчасы да продюссери да жок озун эле таанымал болуп кетмексин озундо жок окшойт т деген нерсе.
Жакпады анча бул ырчы, уну деле жок экенго... Кадыржан уктатса канчасын уктатып коймок да, жакшыле иштеп журбойбу, дагын билбейм иштешип корбогондон кийин бир нерсе дей албайм.
Канат Кадыржан мындай ишке барбаса керек..мен аны жөнөкөй инсан деп эсептейм.Башкалардай саламды алик албай койчулардан эмес..
черный пиар тоже пиар! атын чыкпаса жер орттого булар. уят эле)))
Жамандатып эле койсо тоооообоооооо !!!!! Силерди бирден алып чыгып ушинтип обсуждение'ге салса охоооооо
