реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТУУРА ТАМАКТАНУУ КӨП ООРУНУН АЛДЫН АЛАТ

№746 17-23-февраль, 2017-ж.


Бүгүнкү туура тамактанганыңыз эртеңки чың ден соолугуңузду шарттайт. Себеби жакшы тамактануу – организмди керектүү заттар менен чыңдап, көптөгөн оорулардан сактап, сергек жашоо тартуулайт. “Ден соолуктун чың болушу үчүн 80 пайыз туура тамактануу, 20 пайыз спорт” керек дейт туура тамактануу боюнча кеңешчи Калыбек Баякунов. Бул боюнча дагы эмнелерди билүүбүз керек, анын кебине кулак салалы.

ТУУРА ТАМАКТАНУУНУН НЕГИЗГИ ЭРЕЖЕЛЕРИ

1.
Күн чыккандан күн батканча 5-6 маал тамактануу керек.
2. Тамактын өлчөмүнө эмес, пайдалуулугуна кароо керек. Белоктуу, клетчаткалуу жана пайдалуу майы бар азыктарды кабыл алуу туура. Тамак-ашка өсүмдүк майын колдонсо жеңил, аш болумдуу болот. Малдын майын колдонуудан зат алмашуу, тамак сиңирүү бузулуп, адамдын салмагы көбөйөт.
3. Адам баласынын организминин болжолдуу түрдө 75 пайызы суудан турат. Андыктан салмагыңызга жараша суу ичиңиз. 1 килограмм салмакка 30 миллилитр суу туура келет. Мындай өлчөмдө сууну ичүүнүн себеби – организмден күнүнө 2 литрдей суу ар кандай жолдор менен сыртка чыгып турат. Аны толуктап турбаса, суу жетишпестигинен адам тез чарчап, кан айлануу бузулат. Сууну бир жолу баарын жутуп албай, аз-аздан ичүү сунушталат.
4. Адам күнүнө 600 граммдан кем эмес жер-жемиш жеп, организмди керектүү витаминдер менен толуктап туруусу зарыл.
5. Мүмкүн болушунча кумшекерди, тузду аз пайдалануу керек. Кумшекердин ордун таттуу жер-жемиш, жаңгак, мөмө-жемиштин кактары же таза бал менен алмаштырууга болот.
6. Ооздогу тамакты шашпай, кеминде 20 жолу чайнап, майдалап анан жутуу туура.
7. Жарым фабрикаттарды, кетчуп, газдалган суусундук жана ылдам даярдалган (фастфуд) тамактардан баш тарткан оң.

7:00-8:00
ЭРТЕҢ МЕНЕНКИ ТАМАК

Айымдар ашыкча калория топтоп аламбы деп эртең мененки тамактан баш тартышат. Бирок бул туура эмес. Бул маалдагы тамактанууну өткөрүп жиберсек, кандын курамындагы канттын деңгээли түшүп, инсулин көтөрүлүп, организм май топтойт. Эгер ушундай ыргак менен кете берсе, адам бир жылда 5-7 килограммга чейин салмак кошот.
Эртең менен курамында жай ажыроочу углеводдуу, белоктуу, клетчаткалуу азыктар, сууга бышкан жумуртка, кебектүү нан, чечевица, буурчак, сыр абдан пайдалуу. Мындай азыктар адамды ток кармап, энергия тартуулайт.

10:00-11:00
ЭРТЕҢ МЕНЕНКИ ШАМ-ШУМ

Сыр, мөмө-жемиш, кактар

13:00-14:00
ТҮШКҮ ТАМАК

Адатта биз түшкү тамакты калориялуу тамактар менен камсыздаганга аракеттенебиз. Бул жаңылыштык. Түшкү тамакка орто калориялуу, эт кошулган суюк тамактарды ичкениңиз, гарнирге гречка, күрүч, төө буурчак, чечевица жеген талапка ылайык. Камыр тамактын жана картошканын күнүмдүк өлчөмү 20 граммдан ашпашы керек. Анан да менюңузга жашылчалардан жасалган салатты кошууну унутпаңыз. Мындай меню кандагы холестериндин төмөндөшүнө жардам берет.

16:00-17:00
ШАШКЕДЕГИ ШАМ-ШУМ

Шашкеде майлуу жана электр мешинде бышкан бардык тамактардан баш тартуу зарыл. Мындай убакытта сыр, быштак, жер-жемиштерди жеп, ширелерди ичүү керек.

18:00-19:00
КЕЧКИ ТАМАК

Кечкисин жеген ар бир тамагыңызда белоктун болушу шарт. Белоктон организмдеги клеткалар түзүлөт. Организмдеги белоктун жетишсиздиги иммунитетти түшүрүп, гормоналдык тең салмактуулукту жоготот.
Кечки тамакка балыктын, тооктун, майда жана бодо малдын этин сууга кайнатып же бууга бышырып, буурчак, төө буурчак, сууга бышкан жумуртка, капустанын түрлөрүнөн жасалган даамдар сунушталат. Буларга, албетте, жашылча салаттарын кошуп жеңиз. Жашылчалар тамакты жакшы сиңирүүгө жардамын тийгизгенден тышкары сиздин организмиңизди керектүү витаминдер менен камсыз кылып турат.

20:00-21:00
КЕЧКИ ШАМ-ШУМ

Майлуулугу аз айран же 1 стакан жылуу суу жетиштүү.

ФРАНЦУЗ ОМЛЕТИ

Керектелүүчү азыктар:

  • Жумуртка – 3 даана
  • Жандоо – 1 тутам
  • Сарымсак – 1 тишче
  • Кызыл болгар калемпири – 1 даана
  • Тоголок көк буурчак – 3 аш кашык
  • Сыр – 2 аш кашык
  • Өсүмдүк майы – 2 аш кашык
  • Татымына жараша туз, кара мурч

Даярдоо ыкмасы:

1. Алгач жандоону жууп, туурап, туздуу сууга 1-2 мүнөт кайнатып алабыз. Сарымсакты, кызыл калемпирди майда туурайбыз. Жандоонун ордуна гүлдүү капустаны, брокколини колдонсоңуз да болот. Буларды да сууга бир кайнатып алуу керек.
2. Жумуртканы чагып аябай аралаштырабыз да, сүргүчтөн өткөрүлгөн сырды кошобуз. Табага майды куюп, жашылчалардын баарын салып 1-2 жолу аралаштырып, үстүнө жумуртканы куюп, жай отто 5 мүнөттөй демдеп коёбуз.

ВИТАМИНДҮҮ САЛАТ

Керектелүүчү азыктар:

  • Сабиз – 2 даана
  • Кызылча – 1 даана
  • Консерваланган жүгөрү же буурчак – 100 грамм
  • Салат жалбырагы – 1 тутам
  • Өсүмдүк майы – 1 аш кашык
  • Татымына жараша туз, кара мурч

Даярдоо ыкмасы:

1. Сабизди аарчып, жууп, сүргүчтөн өткөрүп алабыз.
2. Кызылчаны сууга бышырып, төрт чарчы кылып туурайбыз.
3. Жашылчалардын баарын чоң идишке салып, татымына жараша туз, өсүмдүк майынан же болбосо лимон ширесин кошуп аралаштырып коёбуз. 5 мүнөт тыныктырган соң салатыбыз жегенге даяр!

ЧЕЧЕВИЦА, НОКОТ ШОРПОСУ

Керектелүүчү азыктар:

  • Сууга бышырылган чечевица – 1 стакан
  • Сууга бышырылган нокот – 1 стакан
  • Помидор – 2 даана
  • Пияз – 1 баш
  • Сабиз – 1 даана
  • Сарымсак – 2 тишче
  • Ашкөк – 1 тутам
  • Өсүмдүк майы – 2 аш кашык

Даярдоо ыкмасы:

1. Пияз менен сарымсакты майда, сабизди болсо төрт чарчы түрүндө туурап, майга кууруйсуз.
2. Кайнап жаткан сууга чечевицаны, нокотту, тууралган помидорду жана куурулган пияз менен сабизди салабыз. Татымына жараша туз, кара мурч кошуп 15 мүнөт кайнатабыз. Тамагыбыз даяр! Чечевица, төө буурчак, нокотту колуңуз бош кезде бышырып, муздаткычтын тоңдургуч бөлүгүнө сактап койсоңуз болот.
3. Дасторконго берерде үстүнө майда тууралган ашкөктөн салабыз.

Дамира Арстанова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
22.02.2017. 09:01 
Тайпасы:
Жаран
Комментарийлердин саны:
5
Катталган:
08-05-2016
Соӊку аракети:
08-05-2017 22:25
Жынысы:
Белгисиз
+1
Жасап коруш керек экен
22.02.2017. 10:52 
Тайпасы:
Жаран
Комментарийлердин саны:
90
Катталган:
26-01-2015
Соӊку аракети:
11-03-2017 16:27
Жынысы:
Белгисиз
+1
Сонун экен рахмат.
22.02.2017. 11:51 
Тайпасы:
Жаран
Комментарийлердин саны:
2
Катталган:
03-01-2016
Соӊку аракети:
13-03-2018 15:42
Жынысы:
Белгисиз
Калаасы:
Ош шаары
+1
Колдон келишинче аракет кылыш керек
24.02.2017. 18:00 
Тайпасы:
Жаран
Комментарийлердин саны:
384
Катталган:
28-11-2008
Соӊку аракети:
21-11-2018 18:40
Жынысы:
Белгисиз
+1
Мен 1 айдан бери күнүнө 2 литрден суу ичип жатам, өзүмдү сонун сезип калдым. Терим жылмакай тартып.
19.03.2017. 00:07 
Тайпасы:
Жаран
Комментарийлердин саны:
1
Катталган:
30-03-2016
Соӊку аракети:
05-10-2018 20:27
Жынысы:
Белгисиз
0
Сууну кобуроок ичсен салмак кошулбайбы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: