Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАКАРУН

№747 24-февраль-2-март, 2017-ж.


Кызыл, сары, жашыл, көк... Көз жоосун алган бул таттууну ар ким ар кандай атайт – макарон, макарунс, макаронс. Маалыматтарга таянсак, 16-кылымда падыша Генрих II менен ханыша Екатерина Медичинин үйлөнүү тоюнда атайын Италиянын Венеция шаарынан кондитер чакырышып, ушул таттууну жасатышкан. Ушундан кийин бул десерт Францияда популярдуу болгон. Мындан сырткары "кечил эже-сиңдилер Маргарита жана Мари-Элизабет кечилканадагы катуу диетадан улам ушул таттуунун түрүн ойлоп табышкан" деген кеп да айтылып келет.
Элдин шилекейин куюлткан, даярдоодо өтө кылдаттыкты талап кылган ­десертти биз үй шартында жасап көрдүк.

Керектелүүчү азыктар:

  • Бадам уну – 165 грамм
  • Кант упасы – 165 грамм
  • Кумшекер – 150 грамм
  • Жумуртка – 4 даана
  • Лимон ширеси – 0,5 чай кашык
  • Туз – 1 чымчым
  • Азыктарга кошулуучу боёк – 1-2 тамчы

Крем үчүн:

  • Каймак май – 200 грамм
  • Кумшекер – 0,5 стакан

Даярдоо ыкмасы


1.
Макарун жасоодо эң керектүү азык – бул бадам уну. Тилекке каршы, аны ар бир эле дүкөндөн табуу мүмкүн эмес. Анткен менен бадам унун үй шартында эле жасап алууга болот. Ал үчүн кадимки бадамды алып чагып, данегине кайнак сууну куябыз. 1 мүнөттөн соң сүзүп, муздак сууга салабыз. Мындай ыкма менен данектин сыртындагы сары күрөң чел кабыгын оңой тазалоого болот. Мындан соң тазаланган данекти 100 градуста ысып турган электр мешине 20-25 мүнөткө салып, таза кургатып алабыз. Эми данектерди аз-аздан, 40-50 граммдан блендерге салып майдалайбыз. Буга кумшекер упасын кошо салсаңыз, бат жана жабышкак болбой майдаланат.


2.
Эми меренга жасоого киришебиз. Меренга – бул кумшекер менен жумуртканын агынан жасалган азык. Жумуртканын агын бөлүп алып, жакшы көбүктөнүшү үчүн ага лимон ширесин, туз кошуп аралаштырабыз. Андан соң чубурта кумшекерди салып, коюуланганча чалабыз. Буга каалооңузга жараша азыктарга кошулуучу боёктон (сары, кызыл, көк) 1-2 тамчы тамчылатып дагы аралаштырабыз. Эске алыңыз, макарун жарылбай, тегиз, жылтырап бышсын десеңиз, жумуртканын агын “эскиртип” алуу керек. Башкача айтканда, аны 1-2 күнгө муздаткычка салып коюу шарт. Бул учурда курамындагы альбумин заты жоголуп, белок суюк тартып, чалганга да жеңил болот.
Көбүртө чалынган белокко бадам унун кошуп, бирдей массага келгенче жакшылап аралаштырабыз да, кондитердик мүшөкчөгө куябыз.

3. Макарундардын көлөмү бирдей болсун десеңиз, алдын ала пергамент кагазына өзүңүз каалагандай диаметрдеги айланаларды чийип алыңыз. Мисалы, 3 же 4 сантиметр. Андан соң пергамент кагазын табага төшөп, чийген айланадан чыгарбай аралашманы куябыз. Эми муну бөлмө температурасында, үстү катканча 30 мүнөткө тыныктырабыз.


4.
Андан соң 150 градуста ысып турган электр мешине 15 мүнөткө салып бышырабыз. Бышкан макарунду табадан дароо чыгарууга болбойт. Муздагандан кийин акырын чыгарып алуу керек.


5.
Кумшекер менен каймак майды жакшылап аралаштырып крем жасайбыз. Мунун ордуна эритилген шоколад колдонууга да болот. Аны бир макарундун астына сүйкөп, экинчи макарунду жабыштырабыз. Десертибиз даяр.


Бадам уну кондитердик азыктарды, десерттерди, ар кандай соустарды жасоодо колдонулат, ошондой эле биринчи жана экинчи тамактарга кошулуп берилет. Ал тамакты коюулантып, ага єзгєчє даам жана жыт тартуулайт. Курамында глютен заты жок болгондуктан аллергия кылбайт. 100 граммында 602 килокалорий бар.

Дамира Арстанова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: