Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«АПАМ БИЗ ҮЧҮН...» АТАКТУУЛАР АПАСЫ ТУУРАЛУУ АЙТЫП БЕРИШЕТ

№748 3-9-март, 2017-ж.


Энелер – бул дүйнөнүн түркүгү, эне бар жашоо уланып жатат. Ошол апалардын мээрими жер шарын огунан чыгарбай кармап тургансыйт. Баарыбызды жарык дүйнөгө алып келген апалардын 8-март майрамы да жакындап калган чагы. Апа – кимдир бирөө үчүн байлык, кимдир бирөө үчүн бейиш, а белгилүү инсандарыбыз апасы тууралуу эмне дейт болду экен?..

Алтынбек Максүтов, мурунку маданият, маалымат жана туризм министри: «АРТИСТ БОЛУП АПАМДЫН КЫЯЛЫН ОРУНДАТТЫМ»

- Менин апам Созул Нарында медициналык училищеде окуп жүргөндө жакшы ырдагандыктан Жумамүдүн Шералиевдерге кошулуп алган экен. Анан туугандары "артист болбойсуң" деп алып кетип калышыптыр. Турмушка чыгып, мен төрөлгөндө "мен жетпеген кыялыма балам жетсин, элдин адамы болсун" деп тилек кылып ырчы Алтынбек Сапаралиевдин атынан Алтынбек деп атымды койгон тура.
Атам мугалим болгондуктан экөө тең бизди катуу кармады. Бирок мен бейбаш элем, тентектик кылып коюп, чоң апамдын артына жашынып алчумун. Союз кезинде электр чайнек болчу эле, апамдын ачуусуна тийсем эле ошол чайнектин шнуру менен сабап калчу. Апамдын тилегин орундатуу үчүн 3-классымда эле артист болом деп маданият тармагын тандагам. Бала бакчада жүргөндө гүл жасап апама белек кылып сүйүнткөм. Андан кийин 9-классымда чөп чаап акча таап, япон жоолугун сатып берип кубантканым эсимде. Ал кезде япон жоолугу мода болчу, тим эле көйнөгүнө батпай сүйүнгөн. Окууну бүткөндө "сени элдин адамы кылам" деп шаарга окууга тапшыртканы өзү жетелеп келген.
1993-жылы Москвадан окууну аяктап келгенде артисттер эле эмес, жеке ишкерлер да кыйналып жашап жаткан кез болчу. Ошондо да апам "кокуй, башка жумушка азгырылып кетпе, акчасы аз болсо да өз кесибиң менен иште, биз жардам беребиз" деп колдоп турду. Азыркыга чейин жумушума көз салып, акыл-насаатын айтып турат. Өзү фельдшер болуп иштеп жүрүп пенсияга чыкты, 5 баланы тарбиялап тууруна кондурду. Апамдын кыялын ишке ашырганыма кубанам. Мындан артык апама эч нерсе кылып бере албадым, ошентсе да айлык алган сайын алдынан апама белек алмай адатым бар. Мындан ары да мага жол көрсөтүп көп жашаңызчы, менин жол башчым апакем.

Жанар Акаев, Жогорку Кеңештин депутаты: «АПАМ НАГЫЗ ДЕМОКРАТ, ОШОН ҮЧҮН ЭРКИН СҮЙЛӨП ЧОҢОЙДУМ»

- Апам учурда 73 жашка таяп калды, Кудайга шүгүр, саламаттыгы жакшы, аты Ырыс. Биз аны тамашалап "Аскар Акаевдин классташы" деп коёбуз, анткени мурдагы президент менен жашташ, бир жылда төрөлгөн. 8 баланы тарбиялап чоңойтту, 2 кызы, 6 уулу бар, эң кенжеси мен. Гезиттерди калтырбай окуп, телевизорду көп көрөт, ишенбесеңиз Мирбек Атабеков менен Нурлан Насиптин акыркы жаңылыктарын сурап көрсөңүз, адашпай айтып берет. Ар ким өз апасынын асыл сапаттарын түбөлүк эстейт эмеспи, менин апам балдарын уруп-сабаганын такыр көрбөдүм, айкөл адам. Шоктук кылган учурда да жакшы сөз менен дароо жайыбызга койчу. Балдарын көк ала кылып сабагандарды көргөндө дароо апамды эстейм, ыраазы болом. Балким, өз оюмду ачык айтып, тартынбай өскөн табиятым апамдын ушул тарбиясынан окшойт.
Көп убакыттан бери бир буту айылда, бир буту шаарда жүрөт. Айылды такыр кыялбай койду, "кокуй, Патила досум эмне болду, кокуй сары уюбуз тууй турган убакыт келди, тоокторум ачка калды, көк бээнин кулуну аксап калды эле" деп өзү шаарда жүрсө да, көңүлү айылда. Азыркыга чейин бизди бала көрөт, "курсагың токпу, ачка жүрбө, акчаң барбы?" деп апам чалса, депутат коллегаларым күлүп калышат. Айылда жүргөндө тамак азыраак болуп калса "мен азыр эле тамактанып алдым эле, силер жегиле" деп өзү ныпым ооз тийбей, ачка калса да бизди тойгузуп жүргөнүн азыр бир туугандар эстеп, ыраазы болуп калабыз.
Апам өмүрү учакта учпаптыр, бир ирет Бишкектен Ошко чогуу учуп калсак, "жүктү багажга бербейм, буларың жоготот" деп чыкса болобу. "Ой, апа, муну Оштон алабыз" десем, "жок, жаныма кармап алам, неберелериме таттууларым бар, самолётто адашат" деп көнбөйт. "Муну жаныңызга алганга болбойт" деп аэропорт кызматкерлери күлүшөт, ошентип ишенбей жатып араң көндүргөм. Байкуш апам азыр да шаарга келсе пенсиясын алып, ар бирибизге сары май, курутун көтөрүнүп келет. Апам көп учурда шаарда болгону үчүн айылга барганда курсагым жакшы тойбой жүрөт. Анткени апамдын очокко заматта жасай салчу тамактары, анын даамы баары бир салыштыргыс болот экен. Айылга барганда мага азыр апамдын наны, тамагы жетишпей, көөдөн толбой кайтчу болдум. Дүр-дүнүйө жасалган дасторкон турса да, апаңдын колунан жасалган бир кесе тамактын орду такыр башкача болот тура.
Чынын айтайын, апамдын дагы бир бактысы – бул келиндери болду. Мына, жеңелеримдин баары апамды өз апасындай көрүп, күн-түн дебей көңүлүн карап, жуунтуп, тарантып, ысык чайын берип, уулдарынан артык карашат. Жашы улуу кишиге жылуу сөз, көңүлдөн артык эмне бар? Мени болсо аяганы аяган, кээде "Ош базарга" ээрчитип түшүп көйнөк-жоолук сатып алабыз, ошондо да "балам, кымбатын тандаба, акчаңды үнөмдө" деп мени аяп турат. Гезитке чыккан бардык сүрөттөрүмдү кыркып, чогултуп, сары майдай сактап алганын көрүп, "эненин көөнү балада, баланын көөнү талаада" деген макалдын таамайлыгын эстедим. Айтор, азыр баарыбыз ата-энебизге кандай мамиле кылсак, эненин кадырын баалай билсек, анын баары өз балдарыбыздан кайтары турган иш. "Бейиш эненин таманында" деп бекеринен айтылбаса керек.

Бактияр Токторов, ырчы: «8-МАРТТА АПАМА АДЫРДАН БАЙЧЕЧЕКЕЙ ТЕРИП БЕРЧҮМҮН»

- Апамдын кесиби мугалим болгондуктан мектепте жакшы окудум. Бирок аябай тентек элем. Сырттагы шоктукту айтпай эле коёюн, үйдө да бирдемени сындырып, бүлүндүрүп эле басып жүрчүмүн. Айрыкча апамдын кийим тиккен машинасынын жанын койчу эмесмин. Бузуп, ийнесин сындырып коюп көп таяк жейт элем. Анан да таттууну аябай көп жечүмүн. Апам момпосуйду кайда катпасын таап алып жеп салчумун. Үйгө конок келгенде дасторконго койгонго таттуусун таппай эле кайсалактап калчу. Бирок эс тартып баштаганда нан жапса тандырга от жагып жардам бере баштадым. Мектепке дайыма кечигип барып капа кылганым менен, майрамдарда комуз менен ырдап берип кубантчумун. 8-мартта адырлардан байчечекей терип келип, апама берип куттуктайт элем. Мен ырчы болуп ырларым теле-радиолордон берилсе, көзүнө жаш ала кудуңдап кубанар эле. Апаларыбызды ушинтип бирде кубантып, бирде ыйлатып өзүбүз картайтып алат турбайбызбы. Өзүм үчүн үй салдым, үй-бүлө күттүм, ырдап күйөрман таптым, бирок апам үчүн ооз көптүрүп айта турган эч нерсе кыла алган жокмун. Апам байкуш ага да ыраазы. "Силердин турмушта өз ордуңарды таап, бактылуу болгонуңар мага чоң белек" дейт биздин аман жүргөнүбүзгө кубанып.
Апамдын оорубай арабызда жүргөнүнө сүйүнөм. Дайыма телефон чалып, ал-акыбалын сурап турам. Бирок мага караганда 70 жаштагы апам көп чалат. Телефонуна дайыма бирдик салып турам. "Эненин жүрөгү сезимтал болот" деген чын экен. Бирдикти кайсы баласы салганынан өйдө билип коёт. Ооруп калсам, кырсыктап калсам да сезет окшойт, дароо чалат "балам, кандайсың, эмне болдуң, жакшы элесиңби?" деп. Бир жолу жол кырсыгына кабылып, нес абалында турсам апам "жакшы элесиңби?" деп чалып жатпайбы. Мени периштедей коргоп жүргөн апама арнап төмөнкү ырды жаздым.

Наристе үнү угулса, кубанат апа жүрөгү,
Периште сылап өткөндөй нурданат апа жүрөгү.
Эркелеп бала жылмайса, эзилет апа жүрөгү,
Эрмендүү чөлдө булактай сезилет апа жүрөгү.
Апакем, асыл жүрөгүң түгөнбөс мээрим мүрөгү,
Күндүзү дагы, түндөсү уктабайт апа жүрөгү.

Кенже Дүйшеева, ырчы: «17 ЖЫЛДАН БЕРИ КӨЗ ЖАШЫМДЫ ӨЗҮМ СҮРТҮП КЕЛЕМ»

- Апам Каныкей оор басырыктуу, айкөл адам эле. Азыр ойлосом баарын ичине сактачу экен. Жадакалса ооруп кыйналып турса да оорудум демек турсун, кабак-кашын бүркөп койчу эмес. Жалгыз болуп оор турмушту көргөндүктөн балдарына такыр катуу айтып урушкан жок. 10 баласынын ичинен мага көбүрөөк көңүл бурчу. Анткени мен 7 айлык болуп төрөлүп, апамды бир топ эле түйшүккө салсам керек. Тамак аз жегендиктен кичинекей болчумун. Эртең менен мектепке жөнөгөнүмчө уйду саап, сүттү бышырып, өз колу менен ичирип, анан сабакка жиберчү.
Эсимде, бир жолу ойноп жатып менден чоңураак бала таш ыргытса башыма тийип жарылып кеткен. Ошондо да "балаң кызымдын башын жарып койду" деп башка аялдардай болуп чаң салбай, ата-энесине акырын түшүндүрүп айтып, чыркырап ыйлап жаткан менин жашымды аарчып, башымды дарылап, бооруна кысып уктатканы көз алдымда. Ойноп жүрүп эжем сууга агып кеткенде куткарып үйгө алып келген экенмин. Ошондон кийин "менин баатыр кызым" деп калчу. Тез кыймылдап, чечкиндүү болгонум үчүн мага ишенип турчу. Анан "бетке чабарсың, ошонуңду оңдо" деп көп айтар эле.
Мурун ыйласам апам жашымды аарчып сооротсо, 17 жылдан бери көз жашымды өзүм сүртүп, өзүмдү өзүм сооротуп келем. Мен кааласам да, каалабасам да жаз мезгили, алма гүлдөгөн учур ата-энемди эске салат. Анткени жазында атамды, 15 күндөн кийин апамды жоготком. "Алма гүлү ачкан кезде, ата, сизден айрылдым, алма гүлү төккөн кезде, апа, сизден айрылдым" деп ата-энеме арнап ырдагам. Ырды арнап койгон менен бөксө жериң толбойт экен. Жаз келген сайын апамды эстеп сагынам, апамдыкындай мээримди издеп келем. Эненин ордун эч ким баса албайт тура. Болгону түшүмдө апам менен кезигишип, сагынычымды таркатам. Аян берип турат, апам түшүмө кирсе сөзсүз бир ийгиликтерди багынтам. Мурун ачууга алдырсам азыр апамдай чечкиндүү, акылдуу, сабырдуу болуп, апам көрсөткөн жол менен баратам. Апам менин кумирим.
Апа, сен кеткенде 24 жаштагы ак-караны ажырата элек кызың турмуштун ысык-суугуна бышып, эне болуп отурат. Апам тирүү болгондо быйыл 74чү жазды тосмок экен. Аттиң, менин арманым апакем.

Улан Молдодосов, спортчу: «АПАМДЫН АРАКЕТИ МЕНЕН ИЙГИЛИК ЖАРАТЫП, 20 ЖЫЛ СПОРТТО ЖҮРДҮМ»

- Бардык эле энелер менин апамдай бала дегенде ичкен ашын жерге коёбу же дүйнөдө менин эле апам камкор, менин эле апам мээримдүү, менин эле апам сулуубу? Чоң эле жигит кайдагы жаш баланын сөзүн айтат дебегиле, апам үчүн мен дале баламын. Менин белгилүү спортчу болгонума да апамдын салымы чоң. Ал мен үчүн баарына даяр. Эсимде, мектепте окуп жүргөндө мелдешке Токтогулдан Кара-Балтага келгем. Ошондо апам артымдан келип, мелдеш жүрүп жатканда мени көрүп сүрдөп кетпесин деп акмалап карап турган экен. Карап эле турбастан жүрөгү менен менин жеңишке жетишүүмдү тилеп турган.
Спортчулар үчүн колдоодон сырткары тамак-аш 1-орунда болот. Апам өзү витаминдүү азык-түлүктөн түрлөп тамак жасап берчү. Муздак суу ичирбей, бактагы жер-жемиштерди кургатып шербет жасап койчу. Анын аракети менен ийгиликтерди жаратып, 20 жыл спортто жүрдүм. Менден кийинки 2 иним да спорт жаатында ийгиликтерди жаратып, өз ордуларын табышты.
Апамдын кесиби бухгалтер, бирок бүт убактысын бизге арнап, өз кесиби менен иштеген жок. Ал 62 жашка чыгып калыптыр, ушул кезге чейин бизди эч урушпады. Жалаң мээрим төгүп эркелетип гана тарбиялаган. Апама караганда атам кичине какус-кукус кылып койчу. "Мырза апасына окшош кыз тандайт" деген чын экен. Азыр жубайым апама окшоп токтоо. Ага караганда мен 2 баламды кээде урушуп калам. Апам менин спортто жараткан ийгиликтеримдин башаты.

Замира Рахманбердиева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(31)
08.03.2017. 09:47 
Тайпасы:
Конок
Комментарийлердин саны:
7
Катталган:
07-03-2017
Соӊку аракети:
04-04-2017 08:14
Жынысы:
Белгисиз
+15
Ар дайым бар болушсун Апакелер!!!
08.03.2017. 10:00 
Тайпасы:
Жаран
Комментарийлердин саны:
12
Катталган:
28-10-2016
Соӊку аракети:
09-09-2017 06:50
Жынысы:
Белгисиз
+9
Апалар аман болсун!
08.03.2017. 10:41 
Тайпасы:
Жаран
Комментарийлердин саны:
240
Катталган:
06-08-2015
Соӊку аракети:
07-12-2017 18:23
Жынысы:
Белгисиз
+5
Апаларыбыз аман болушсун!!!
08.03.2017. 10:42 
Тайпасы:
Жаран
Комментарийлердин саны:
1
Катталган:
01-01-2014
Соӊку аракети:
03-01-2018 01:01
Жынысы:
Белгисиз
+22
Кенже эжени аябай тушуном. Мен да былтыр 24 жашымда энекемсиз калдым. Аябай сагынып куса болом, бирок тушумдо энекемди коруп сагынычымды таркатам. Айтайын дегеним апанарды тируу кезинде сыйлагыла, журокторун оорутпагыла, дайым бир тал роза болсо дагы берип, конулун которуп тургула. Энесиз жашоо-карангы! Энекелер, майрамыныздар менен!
08.03.2017. 11:41 
Тайпасы:
Жаран
Комментарийлердин саны:
24
Катталган:
11-02-2014
Соӊку аракети:
17-11-2018 21:01
Жынысы:
Белгисиз
Калаасы:
Бишкек Кыргызстан
+13
Кенже эжени аяп кеттим
08.03.2017. 12:53 
Тайпасы:
Жаран
Комментарийлердин саны:
205
Катталган:
14-11-2016
Соӊку аракети:
17-11-2018 23:36
Жынысы:
Белгисиз
+3
Апаларыбыз дайыма ден-соолукта, тынч болушсун.
08.03.2017. 14:45 
Тайпасы:
Жаран
Комментарийлердин саны:
157
Катталган:
20-11-2010
Соӊку аракети:
18-11-2018 12:59
Жынысы:
Белгисиз
Калаасы:
Жалал-Абад
+12
Бактияр Токторов туура айтыптыр. Озу учун бар жокту кылып энелер учун эч нерсе кыла бербейбиз да, эххх...
08.03.2017. 15:01 
Тайпасы:
Жаран
Комментарийлердин саны:
18
Катталган:
06-04-2014
Соӊку аракети:
09-08-2018 15:55
Жынысы:
Белгисиз
Калаасы:
Орто Азиядагы Байыркы шаар
+4
Жанар азаматсын!
08.03.2017. 16:44 
Тайпасы:
Жаран
Комментарийлердин саны:
16
Катталган:
04-03-2017
Соӊку аракети:
30-04-2018 07:32
Жынысы:
Белгисиз
Калаасы:
Москва
0
Апалар аман болсун. Эч качан оорубасын! Апамды сагынып кеттим окуп жатып.
08.03.2017. 19:27 
Тайпасы:
Тартип бузгандар
Комментарийлердин саны:
7
Катталган:
04-12-2016
Соӊку аракети:
07-01-2018 14:03
Жынысы:
Белгисиз
Калаасы:
Тынч токой
-16
Ошондо эмне жанар Акаев Аскар акаевдин баласы эмеспи. Мен майрам Акаева менен аскар акаевдин баласы деп журсом
08.03.2017. 20:13 
Тайпасы:
Жаран
Комментарийлердин саны:
3
Катталган:
18-09-2016
Соӊку аракети:
15-09-2017 20:18
Жынысы:
Белгисиз
+8
izdeim.seni, жок ай ошолордун эле баласы, бул чон энеси да, ата-энеси алыстада коптон бери.
08.03.2017. 21:48 
Тайпасы:
Жаран
Комментарийлердин саны:
59
Катталган:
19-11-2016
Соӊку аракети:
15-11-2018 13:07
Жынысы:
Белгисиз
+6
Namystan,Доорубочу коп
08.03.2017. 22:47 
Тайпасы:
Жаран
Комментарийлердин саны:
3
Катталган:
18-09-2016
Соӊку аракети:
15-09-2017 20:18
Жынысы:
Белгисиз
+11
mentol, ахахах тамашалап жатпаймынбы, журокко жакын албаныз
08.03.2017. 23:26 
Тайпасы:
Жаран
Комментарийлердин саны:
1
Катталган:
11-07-2016
Соӊку аракети:
06-05-2018 21:46
Жынысы:
Белгисиз
+12
Namystan,боорду эзесин да! Апалар аман болгула, оорубагыла, ар дайым журогунор кубанып турсун.
11.03.2017. 14:13 
Тайпасы:
Жаран
Комментарийлердин саны:
16
Катталган:
05-05-2010
Соӊку аракети:
17-04-2018 14:52
Жынысы:
Белгисиз
+2
izdeim.seni,Аскар Акаевдин баласы эмес,Супер Инфону кобуроок окуп замандан артта калбаныз :)
08.03.2017. 19:39 
Тайпасы:
Жаран
Комментарийлердин саны:
2
Катталган:
19-10-2015
Соӊку аракети:
10-10-2017 22:53
Жынысы:
Белгисиз
+2
Апалардын ордун эч бир жан баса албайт,
апалар бар биз бактылуубуз !!!
08.03.2017. 20:12 
Тайпасы:
Жаран
Комментарийлердин саны:
40
Катталган:
14-11-2016
Соӊку аракети:
16-11-2018 08:01
Жынысы:
Белгисиз
Калаасы:
Кыргызстан
+4
Кандай гана керемет 3 тамгадан соз АПА........апалар бактыбызга аман болушсунчу ар дайым...эчкачан коз жаш токпосун.
09.03.2017. 00:34 
Тайпасы:
Жаран
Комментарийлердин саны:
113
Катталган:
26-11-2010
Соӊку аракети:
18-11-2018 12:32
Жынысы:
Белгисиз
Калаасы:
Москва
+2
"Эне жылмайса дуйно жылмаят".Барыбыздын бактыбызга апаларыбыз аман болушсун!
09.03.2017. 00:40 
Тайпасы:
Жаран
Комментарийлердин саны:
27
Катталган:
08-02-2017
Соӊку аракети:
24-08-2018 03:24
Жынысы:
Белгисиз
Калаасы:
Москва
+6
Мен да апамды сагынып куса болом, анын мээримин эч жерден таба албадым ... мен да апамдан 15 жашымда айрылгам. Козу тируу болгондо майрамды чогуу тосот элек аттин...
09.03.2017. 01:27 
Тайпасы:
Конок
Комментарийлердин саны:
1
Катталган:
06-03-2017
Соӊку аракети:
09-03-2017 13:36
Жынысы:
Белгисиз
+1
Аман болсун алтын апаларыбыз оору сыркоодон алыс болушсун.Энелер дуйнонун туркугу
09.03.2017. 08:52 
Тайпасы:
Конок
Комментарийлердин саны:
1
Катталган:
02-02-2017
Соӊку аракети:
17-03-2017 06:21
Жынысы:
Белгисиз
+3
Жанар Акаев
Алайдан болот.
09.03.2017. 11:08 
Тайпасы:
Жаран
Комментарийлердин саны:
513
Катталган:
11-08-2016
Соӊку аракети:
25-11-2017 19:18
Жынысы:
Белгисиз
0
Apalar bar bolsun
09.03.2017. 12:32 
Тайпасы:
Жаран
Комментарийлердин саны:
99
Катталган:
02-01-2016
Соӊку аракети:
13-11-2018 15:34
Жынысы:
Белгисиз
Калаасы:
Суйууу мекени
+1
Апалар бар болушсун Жанар Акаев мыкты азамат жакшы адамсыз ийгилик. Аллахым апаныз омур жашын узак кылсын.
10.03.2017. 11:07 
Тайпасы:
Жаран
Комментарийлердин саны:
1136
Катталган:
07-11-2016
Соӊку аракети:
01-11-2018 09:51
Жынысы:
Белгисиз
Калаасы:
Бишкек
+1
nazgul90,Жанар балашка ой баклашка беле,шефи койгон ат
10.03.2017. 10:35 
Тайпасы:
Супермодератор
Комментарийлердин саны:
4717
Катталган:
05-09-2011
Соӊку аракети:
16-11-2018 22:12
Жынысы:
Белгисиз
Калаасы:
SUPER.KG
0
erkekizmin, далилсиз маалымат жазып, башкалардын башын чаташтыруудан алыс болуңуз. Эскерүү!
10.03.2017. 13:12 
Тайпасы:
Жаран
Комментарийлердин саны:
34
Катталган:
03-02-2017
Соӊку аракети:
28-06-2017 14:09
Жынысы:
Белгисиз
+1
Бу акаюп дегенинер парламентте суйлоп суйлоп эле коет экен. Же анысы ишке ашсачы.... жон эле койбоптур да. Урматуу депутаттар минтиш керек , антиш керек дейт купулдоп же б коллегалары тоботуп койсочу балашканы... дагы айтайын десен бан деп чыга калат да бул немелер...
11.03.2017. 17:18 
Тайпасы:
Жаран
Комментарийлердин саны:
30
Катталган:
13-12-2016
Соӊку аракети:
16-06-2018 16:44
Жынысы:
Белгисиз
+1
Ой тообо темаданда коменттер ха ха го апалар аман болушсун ар дайым
11.03.2017. 23:57 
Тайпасы:
Жаран
Комментарийлердин саны:
2
Катталган:
19-10-2016
Соӊку аракети:
11-03-2018 23:57
Жынысы:
Белгисиз
0
Энелер коп жашасын,бактылуу,омурлуу болушсун,эч качан оорубасын,энелерибиз такыр капаланбашса экен дайыма кулуп эле журушсун Кудайым Буюрса Ин Шаа Аллах.
12.03.2017. 08:34 
Тайпасы:
Жаран
Комментарийлердин саны:
14
Катталган:
04-07-2013
Соӊку аракети:
18-11-2018 08:40
Жынысы:
Белгисиз
+1
Апалар аман болушсун. Жандарында жолок болгон аталар аман болушсун
13.03.2017. 10:18 
Тайпасы:
Жаран
Комментарийлердин саны:
9
Катталган:
16-10-2015
Соӊку аракети:
23-09-2018 22:16
Жынысы:
Белгисиз
0
calam baryna!!kenje eje en tuura enenin ordun ech kim basalbait,men 19 jawymda apam otkon..oz jawymdy ozym archyim dep tura jazdynyz.Balany echkim enesi chalyk suyboyt,jaratkan ozu eneni meerimdyy kylp koetken..azyr bir uul,kyzym bar jawym 26 da azyrtadan kudaidan tileim baldarymyn baktysyna omyrym uzun bolsun dep,jawoodo enen bolso ech jenilbeisin al senin utuwun..demekchi,ardauym toka aldyga!!!bary ketet konyl kalat baarybyz enelerbi barktap syilayly!!!
13.03.2017. 14:01 
Тайпасы:
Жаран
Комментарийлердин саны:
132
Катталган:
16-09-2013
Соӊку аракети:
16-11-2018 15:58
Жынысы:
Белгисиз
Калаасы:
KGZ
-1
Алтынбек МАКСУТОВ минисрликтен кеткенине коп болдуго анан эмнеге Алтынбек Максүтов, мурунку маданият, маалымат жана туризм министри: деп журот тушуно албадым же ЭКС дегенин унутканбы?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: