Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ГОЛЛИВУДДУН "ТЕМИР АЙЫМЫ" – МЕРИЛ СТРИП

№749 10-16-март, 2017-ж.


Нью-Йорктогу "Подиум" журналынын ханышасы, модада эмне болорун бир жыл мурун аныктай алган, күчтүү Миранда Пристлини билесизби? Ооба, "Prada" кийген азезил" тасмасы тууралуу айтып жатам. Ошол Миранданын ролун жараткан Мерил Стрип чыныгы жашоодо «Prada» маркасынын кийимдерин кийбейт экен. Эмесе, легендага айланган Голливуд жылдызы тууралуу баянга назар салыңыз.

ГОЛЛИВУД ЖЫЛДЫЗЫ ЖӨНҮНДӨ КЫЗЫКТАР

  • Толук аты Мэри Луиз Стрип, бирок ысымынын узун болушун каалабаган айым Мерил деп кыскартып алган.
  • Нью-Йорктогу Манхэттен бийлиги 27-май – Мерил Стриптин өздүк күнү деп бекиткен.
  • Көп жылдардан бери актриса кайрымдуулук менен алектенет.
  • Бир да жолу пластикалык операция жасаткан эмес.
  • Кесиптештеринин арасында "Актриса-хамелеон" деген лакап атка конгон.
  • Айрым бир тасмаларда гомосексуалдык ролдорду жараткан.
  • Миллиондогон күйөрмандарынын арасында АКШнын экс-президенти Барак Обама да бар.

САЯСАТТА ДА ӨЗ ПОЗИЦИЯСЫ БАР

Көптөгөн тасмалардын көркүн ачкан Мерил Стрип Лос-Анжелесте "Алтын глобус-2017" сыйлыгын тапшыруу салтанатында сөз сүйлөп жатып, АКШнын жаңы президенти Дональд Трамптын ден соолугунун мүмкүнчүлүгү чектелген журналист Сержа Ковалевскиди тамашага салганын туура эмес деп белгилеп өтөт. Эл назарындагы адам болгондон кийин бул айткандары социалдык тармакта кызуу талкууну жаратат. Четте карап турбаган Трамп дагы Твиттер баракчасына "Голливуддагы өзүн жогору баалаган жылдыз" деп жооп жазат. Алардын кайым айтышуусу эмнеге алып келерин убакыт көргөзөт. Ал эми айрым эксперттер муну саясий оюн дешүүдө.



АЛТЫН СТАТУЭТКАЛАРДЫ КОЛЛЕКЦИЯ КЫЛГАН АКТРИСА

Айрымдар жетпей жүрсө, учурдун легендарлуу актрисасы Мерил Стрип "Оскар" наамынын 3 статуэткасынын ээси. Ал бул наамга 19 ирет көрсөтүлүп, "Крамер Крамерге каршы" ("Экинчи пландагы эң мыкты актриса"), "Софинин тандеми" ("Эң мыкты актриса") жана "Темир айым" ("Эң мыкты
актриса")
деген тасмаларда жараткан образдары үчүн алган. Баса, эң биринчи алган сыйлыгын актриса жуунуучу бөлмөдө унутуп кеткен. Мындан тышкары Мерил "Алтын глобус" наамына 29 жолу көрсөтүлүп, 10 жолу алып, рекорд жараткан. Британиялык Кино жана телеискусство академиясынын (BAFTA) "Эң мыкты айымдын ролу" наамынын 2 жолку лауреаты. 1995-жылы түптөлгөн АКШнын Киноактёрлер гильдиясынын сыйлыгын 2 ирет алган, ошондой эле ардактуу "Сезар" жана "Эмми" наамдарын багындырган. Канн жана Берлин кинофестивалынын ардактуу сыйлыгы «Алтын аюу» статуэткасы менен актриса көп жылдык
карьерасындагы жетишкендиктери үчүн сыйланган.

АТА-ЭНЕСИ ОПЕРА ЫРЧЫСЫ БОЛОТ ДЕП...

Мерил Стрип жашоо шарты жөнөкөй үй-бүлөдө жарык дүйнөгө келген. Атасы фармацевтикалык компанияда менеджер, апасы сүрөтчү болгон. Кичинекей кыздын ырдоого жөндөмдүү экенин байкаган ата-энеси вокал боюнча билим алышына жол ачып, келечекте кызы опера ырчысы болот деп күткөн. Бирок бул тилектер орундалбай калса дагы,
актрисанын музыкага болгон сүйүүсү дале күчүндө.
Мектепте окуп жүргөн күндөрүн "менин чачым кара түстө эле, ага кошумча көз айнек тагынгандыктан, өзүмдү аябай түрү суук сезчүмүн" деп эскерет. Мектепти аяктагандан кийин Вассар колледжинин англис адабияты жана драмалык искусство жаатында билим алат. Андан кийин Йель университетинин алдындагы драма мектебинде билим алуусун уланткан.

КАРЬЕРАГА КАДАМ

Актриса болуудан мурда 1971-жылы Мерил театрда иштеген. Ал эми кинодебюту 1977-жылы "Жулия" мелодрамасынан башталган. 2 жылдан кийин "Крамер Крамерге каршы" тасмасына тартылуу менен бирге "Оскар" сыйлыгынын жеңүүчүсү болгон. Мерил ХХ кылымдын 70-80-жылдары атактуулуктун туу чокусуна жеткен. Жалпысынан алганда ал 60тан ашуун роль жараткан жана мындан ары да жаратат. Дегеним, ушул жылы Мерил Стрип Том Хэнкс менен бирге Стивен Спилбергдин "Пост" тасмасында баш каармандын ролун аткарат экен.



АЛГАЧКЫ МАХАБАТ

Атактуу болом деп ойлобогон Мерил өзүнөн 13 жаш улуу Жон Казале аттуу үй-бүлөсү бар мырзага ашык болуп калат. "Сүйүүнүн көзү сокур" дегендей, Мерил үчүн Жондун аялы, ийгиликсиз
карьерасы бир тыйын эмес болчу. Чакан батирде жашап, кечкисин чогуу китеп окушуп, күндүн кызыктуу темаларын талкуулашчу. Алар үчүн бакыт ушул эле. Бирок бактылуу күндөрдүн чеги бар тура. Жон айыкпас рак илдетине кабылып, Мерилди бирде үйдөн кууса, бирде урушчу. Кантсе да Мерил сүйгөн адамын таштап кете албай, акыркы мүнөттөргө чейин жанында болууга сөз берет. 1978-жылы Лос-Анжелесте "Эмми" сыйлыгын тапшыруу аземине катыша албагандыктан, Мерилге сырттан сыйлык тапшырышкан. Мунун себеби ошол мезгилде актриса өлүм менен күрөшүп жаткан Жон Казаленин жанында болчу. Жон көз жумгандан кийин маркумдун биринчи никедеги аялы Мерилди батирден кууп чыгат. Ошентип биринчи сүйүүсү аянычтуу окуялар менен коштолот.

Биринчи сүйүктүүсү Жон Казале менен.


"КӨП БАЛАЛУУ ЭНЕ" СТАТУСУН АЛЫП ЖҮРӨТ

Нью-Йорк. Баш калкалоочу жайы жок, туруктуу иши да жок. Кыйын кезде колдоочуң ата-энең, бир тууганың болот эмеспи. Бир тууган агасы карындашынын абалына кайдигер карап тура албай, досунун ишканасына алып келип, убактылуу жашап туруусун айтат. Ал адам Дон Гаммер аттуу скульптор эле. Жаралуу жүрөк даба тапкан өңдөнөт. Мерил Дон менен бат тил табышып, баш кошуу чечимине келишет. 1978-жылдан тарта бүгүнкү күнгө чейин бирге болуп, үлгүлүү үй-бүлө экенин далилдеп келишет. Бир уул, үч кызды татыктуу тарбиялап, тууруна кондурушкан. "Үйдө мен эч кандай жылдыз эмесмин. Ашпозчу, үй тазалоочу, айдоочу жана энемин. Жылдыз болуу – бул Голливуд үчүн. Карьерасыз жашай алам, бирок үй-бүлөсүз жашай албайм",- дейт актриса. 
Мерил тасмада роль жараткан мырзалар менен мамиледе деген кептер желдей тараган. Бирок, алардын үй-бүлөлүк пайдубалын эч ким жана эч нерсе буза албады. Мисалы, америкалык актёр Жек Николсон менен Мерил тууралуу ушактар чындыкка дал келбейт. Болгону ал адам актрисанын тасма талаасындагы идеалдуу өнөктөшү болгон.

Уулу Генри Вулф ырчы, ал эми кыздары Мэми Гаммер, Грейс Гаммер актриса, кичүү кызы Луиза Гаммер модель.


Бактыгүл Момбекова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  9 
Комментарийлер(8)
14.03.2017. 14:29 
Тайпасы:
Жаран
Комментарийлердин саны:
143
Катталган:
13-07-2013
Соӊку аракети:
18-09-2018 23:00
Жынысы:
Белгисиз
Калаасы:
Бакыт калаасы!
+7
Аябай жагат...
+туруктуу үй-бүлөсү бар экен
jemile түзөттү 2017-03-14 14:31:23
14.03.2017. 21:55 
Тайпасы:
Жаран
Комментарийлердин саны:
30
Катталган:
13-12-2016
Соӊку аракети:
16-06-2018 16:44
Жынысы:
Белгисиз
+3
Молодец
15.03.2017. 11:10 
Тайпасы:
Жаран
Комментарийлердин саны:
4
Катталган:
19-08-2016
Соӊку аракети:
11-08-2018 15:41
Жынысы:
Белгисиз
+3
Бактылуу уй було балачакалуу экени аябай жакты кандай сонун э...
Атактууларда мындайлар чанда кездешет
alhamdu түзөттү 2017-03-15 11:11:32
16.03.2017. 20:39 
Тайпасы:
Жаран
Комментарийлердин саны:
41
Катталган:
12-03-2017
Соӊку аракети:
10-11-2017 09:29
Жынысы:
Белгисиз
+2
1-сүйүктүүсү менен пара эмес анын эмнесин сүйдү болду экен?
17.03.2017. 03:59 
Тайпасы:
Жаран
Комментарийлердин саны:
49
Катталган:
21-02-2013
Соӊку аракети:
26-02-2018 05:37
Жынысы:
Белгисиз
Калаасы:
Бишкек
+3
Jako18, жүрөккө буйрук бере албайсын, сүйүү өң, келбетин тандабайт. Вампир болсо да жүрөк сүйүп калса эмне кыла алмак пенде деген...
17.03.2017. 16:20 
Тайпасы:
Жаран
Комментарийлердин саны:
31
Катталган:
14-10-2015
Соӊку аракети:
11-07-2017 18:31
Жынысы:
Белгисиз
Калаасы:
Баткен
0
hanzada_samatova,+ ))))
19.03.2017. 07:52 
Тайпасы:
Жаран
Комментарийлердин саны:
0
Катталган:
10-06-2015
Соӊку аракети:
15-06-2018 17:25
Жынысы:
Белгисиз
0
hanzada_samatova,журокко буйрук бере албайсын дер туура айтасыз.
17.03.2017. 18:06 
Тайпасы:
Жаран
Комментарийлердин саны:
17
Катталган:
11-11-2012
Соӊку аракети:
03-06-2018 19:17
Жынысы:
Белгисиз
0
Прада кийген азезил,деген киносунда рольун сонун аткарган,мага аябай жагат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: