Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СЫЙКЫРЧЫНЫН СЫРЛАРЫ

№387 2-9 апрель, 2010-ж.


Фокусчу, сыйкырчы болууну канчалык самаса да, баары эле өздөштүрүп кете албайт. Мүмкүн, бул кесиптин ээсинде табият тартуулаган өзгөчөлүк бардыр. Бүгүн биз иллюзионист же көз боочу тууралуу сөз кылгыбыз келип турат.

Иллюзия “illusio” деген латын сөзүнөн алынган. Которгондо «адашуу, чаташуу, жаңылышуу, алдануу» дегенди түшүндүрөт. Иллюзионист алдоонун негизинде чыныгы нерсени буруп көрсөтөт. Ал эми фокусчу – колдун тез кыймылы менен укмуштуу, таң калтыруучу көрүнүштү тартуулай алган адам.

ФОКУСЧУ МЕНЕН ИЛЛЮЗИОНИСТТИН АЙЫРМАСЫ

Фокусчу менен иллюзионисттин айырмасы өтө деле чоң эмес. Фокусчу акырындап иллюзионист болушу мүмкүн. Ал эми иллюзионист опоңой эле фокусчу боло алат. Мисалы, фокусчу — майда буюмдар (карта, акча, тыйын жана башкалар) менен иштеген сыйкырчы. Башкача айтканда, интерактивдүү маг. Иллюзионист болсо түрдүү чоң аппаратура менен иштеген адам. Мисалы, адамды жок кылып, кайра бар кылып же учуруп койгон көз боочу.

ТАРЫХТА КАЛГАН ФОКУСЧУЛАР

Фокус байыркы мезгилден бери таанылып келет. Тарыхта фокусчулардын изи биздин заманга чейин 1700-жылдары калган. Байыркы Египеттин папирустарында Дедснефудан чыккан Деди аттуу фокусчу таанымал болгондугу сакталып калган. Ал фараондун алдында көптөгөн фокустарды жасап таң калтырган. Чоң-чоң храмдардын эшиги өзүнөн-өзү ачылып-жабылган, шарап кармап турган адамдын шарабы өзүнөн-өзү көтөрүлүп, төгүлгөнгө чейин барган. Муну көргөн фараондор таң калышып, ооздорун ачып эле калышкан.
Орто кылымда Европада фокусчунун иш-аракети алдамчылык деп эсептелинип, көз боочу өлүм жазасына буюрулган.
1584-жылы Реджинальд Скотт аттуу англис жазуучусу “Сыйкырдын сырынын ачылышы” деген китебин жарыкка чыгарган. Анда фокустун көптөгөн түрлөрүн, фокусчулар аны кантип колдонушарын жазган. Автор фокус деген балекетти жок кылуу максатын көздөгөнү менен, ою тескери чыгып, фокусту үйрөнүүчүлөргө жакшы курал болуп калган.
XVIII кылымда фокусчулар менен сыйкырчылар коомдо сыйлуу орунду ээлеп алышкан. Ал доордогу атактуу фокусчулардын катарын Айзек Фоукс толуктайт. Айзек кичинекей нерсени чоң өлчөмдө көрсөтүп бере алчу.
XVIII кылымдын аягы XIX кылымдын башында фокусчулардын саны бир топко көбөйгөн. Ал учурда фокустарды заманбап илимий иш деп, аны аткаруучуларды доктор же профессор деп аташчу. Француз Жан-Эжен Робер-Удэн атактуу адамдарды абага эч нерсенин жардамы жок көтөргөн трюгу үчүн таанымал болуп калды. Кийинчерээк Робер-Удэн “Заманбап фокусчулардын атасы” деген атка ээ болгон.
Дүйнөдөгү улуу иллюзионист деп 1874-жылы туулган Гарри Гудини эсептелинет. Ал турган жеринен жок болуп кете алчу укмуштуудай күчкө ээ эле. Гарри дайыма полиция кызматкерлерине тийишип, анан темир торго түшкөндө оңой эле качып кетчү.

ФОКУСЧУ ИЛЬДАР ЯГОФАРОВ: “ФОКУС – АЛДОО ЭМЕС, ТАҢ КАЛТЫРУУ”

Кыргызстан да бул өнөрдөн артта калбайт. Бүгүн биз таланттуу жана ийгиликтин артынан ийгилик жаратып келген “Престиж” магия тобунун жетекчиси, фокусчу Ильдар Ягофаров менен маек курдук.
– Ильдар, редакциябызга куш келипсиз. Өзүңүз жөнүндө айтып берсеңиз.
– Рахмат. Мен Ильдар, улутум – татар деп аябай олуттуу баштабаймынбы, ха-ха-ха. 13 жылдан бери иллюзия дүйнөсүнө аралашып келем. Буга менин жеке кызыгуум себеп болгон. Кичинемде атамдын иниси ширеңкенин талын мурдуна салып, кулагынан чыгарганын көрүп, абдан таң калгам. Муну көргөн менин жанымдагы бир нече адамдын көзүндөгү таң калууну, кызыгууну байкап, мен да элди ушинтип таң калтырсам деп кыялдангам. Кыялданып эле тим болбостон, мунун үстүндө иштөөгө кириштим. Китепканалардан фокус тууралуу китептерди алып окуй баштагам. Анан Кыргызстандагы мыкты фокусчу, менин устатым Александр Балбекинге тагдыр жолуктурду. Ушул адам мени көп нерсеге үйрөттү.
– “Престиж” магия тобу тууралуу айтып берсеңиз.
– Топтун түзүлгөнүнө 3 жыл болду. Курамында мен, Алексей Гуцев жана жардамчы кыздарыбыз Ольга Вялова, Елена Берхтольд, Ольга Дегтяренко бар. Биз бир гана Кыргызстанда эмес, чакыруу менен Казакстанда жана Орусияда да иштейбиз.
– Анда көп каражат тапсаңар керек?
– Аз деп айтсам калпычы болом. Чындыгында, биздин кызмат кыргыз эли үчүн эмес, чет өлкөлүктөр үчүн аябай кымбат. Кыргызстанда чакырылган кечелерден 8000 сомдон жогору алабыз. «Чет өлкөлүктөргө эмнеге кымбат?» деген суроо туулушу мүмкүн. Топтогу бешөөбүз тең балдарды аябай жакшы көрөбүз. Акча топтоп, өлкөбүздөгү балдар үйлөрүнө жана реабилитациялоо борборлоруна жардам берип турабыз.
– Ильдар, чыныгы фокусчу кандай сапаттарга ээ болушу керек?
– Эң башкысы, эмгекчил болушу керек. Бир жерде отура бербей изденип, күнү-түнү иштөөсү шарт. Талыкпаган эмгектин аркасы менен түрдүү трюктарды үйрөнүп, көрүүчүлөрдүн сүймөнчүлүгүнө ээ болосуң. Болбой жатса эч качан кол шилтеп кетпей, чыдаш керек. Анан да психологияны терең өздөштүрүү зарыл.
– Фокусчуларды таң калтыруу оор болсо керек? Мисалы, сиз акыркы жолу эмнеге таң калгансыз?
Жакында эле чет жактан аквариумга кызды салып коюп, анан жок кылып, кайра бар кылып койгон иллюзияны көрдүм. Муну кантип жасаганын билем, бирок бул чыныгы сыйкыр деп таң калдым.
– Башка сыйкырчылардан эмнеңер менен айырмаланасыңар?
– Биздин топтун өзгөчөлүгү – микро, макромагиядан баштап чоң иллюзияга чейин жасай алгандыгында. Башкача айтканда, акчаны тытып кайра бүтөгөндөн баштап адамды абага учурган сыйкырларга чейин жасайбыз. Албетте, мындай кызмат көрсөтүүнүн акчасы микронуку микродой, макронуку макродой (күлүп).
– Фокусуңарды үйрөнүүгө болобу?
– Албетте, болот. Негизи, фокусту үйрөнүү тууралуу китептер толтура. Аны ар бир эле адам окуп түшүнсө болот. Бирок баары эле үйрөнө алышпайт.
– Окурмандарыбызга жок дегенде бир фокустун сырын айтып берсеңиз эң сонун болор эле...
– Мисалы, туулган күндү кантип билсе болот? Туулган күндүн датасын 2ге көбөйтүп, ага 5ти кошуш керек. Суммасын 50гө көбөйтүп, туулган айдын катар номерин кош. Чыккан суммадан 250нү кемитсең, үч же төрт орундуу сан келип чыгат. Акыркы эки сан – айдын катар номери, биринчи сан – күндүн датасы.
– Ильдар, чынын айтсаңыз, сыйкыр касиетиңизди жеке кызыкчылыгыңызда колдонгон күндөрүңүз болду беле?
– Албетте, кантип болбосун (күлүп)? Тамаша. Жок, эч качан болгон эмес. Тескерисинче, биз көпчүлүккө, мисалы, акча алмаштырган жерлерде кантип алдап коёрун үйрөтүп келебиз. Алар атайы майда акчаны камдап коюшат да, эгер 1000 сом бериш керек болсо, 200 сомдуктан төрттү алып, беш жолу санашат. Алардын колунун ыкчам кыймылы – алдоонун куралы. Ошондуктан айта кетерим, акчаны өтө майдалатып алуудан алыс болуш керек. Акча алмаштырууда иштегендер атайын үйрөтүлүшөт. Бул да фокустун бир түрү.
– Фокусту алдоонун бир түрү деп эсептейсизби? Негизи эле фокусту кандай максатта колдоносуз?
– Алдоо эмес, таң калтыруу максатында колдонобуз. Капчыгы калыңдар фокусту аябай жакшы көрүшөт. Бул көрүнүштү түшүндүрүп бере алам. Жакында эле бир ишкердин колундагы 47 миң долларлык сааттын жебесин токтотуп койсом, ал онтолоп, жаман болуп кетти. Колдун бир шилтеми менен кайра иштетип койгондо таң калып, бир маалда эсине келип, катуу күлдү. Мына биздин негизги максатыбыз. Көрүүчүнү таң калтыруу менен эргүү да, акча да алабыз.
– Кызыктуу маегиңизге чоң рахмат. Элди ишиңиз менен таң калтырып, рахат алып да, тартуулап да жүрө бериңиз.

Бактыгүл Сокушова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
06.04.2010. 00:46 
Тайпасы:
Жаран
Комментарийлердин саны:
281
Катталган:
26-11-2009
Соӊку аракети:
18-09-2018 13:36
Жынысы:
Белгисиз
Калаасы:
Жер эне
0
– Мисалы, туулган күндү кантип билсе болот?... degen suroogo bergen joobu emne ozu? Chyndap ele tuulgan kundu bilse bolobu je oshentip bash ailantyp fokus jasap jataby???
06.04.2010. 15:06 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Ozunun tuulgan kunun eseptep 4yk uwul menen,tuura ele eken.Birok,bul "fokus" emes ta.Baardyk ele fokustun jandyrmagyn bilgen son onoy ele bolup kalat.
06.04.2010. 23:16 
Тайпасы:
Кыймылы жок
Комментарийлердин саны:
27
Катталган:
02-11-2009
Соӊку аракети:
28-04-2014 22:34
Жынысы:
Белгисиз
0
tuura ele deysin. sen datani aytip jatsan, eseptep emne kerek ?
07.04.2010. 01:35 
Тайпасы:
Жаран
Комментарийлердин саны:
17
Катталган:
12-09-2008
Соӊку аракети:
03-03-2018 21:56
Жынысы:
Белгисиз
Калаасы:
KG CITY
0
owonu aitamda mendele.......anun emnesi focus bilveim......
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: