Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Болот Тентимишов: "БИЗДЕ УЯТЫ ЖОК АДАМДАР КӨБӨЙҮП КЕТТИ"

№752 31-март-6-апрель, 2017-ж


Актёр Болот Тентимишов режиссёр Актан Арым Кубаттын "Кентавр" тасмасында кезектеги каарманын жаратты. Болот мырза чыгармачылыгындагы жаңылыктары менен катар көкүрөккө толгон ой-толгоолору, көз караштары менен бөлүшүп отурду...

"АКТАН БАЙКЕГЕ КАРАП ТҮЗДӨНӨБҮЗ"

– "Кентавр" тасмасынын бет ачары жакында эле болду. Дал ошол премьера күнү Актан (ред.: режиссёр Актан Арым Кубат) байкенин туулган күнү да экен. 60 жашка толуп жатыптыр. Бирок чынында Актан байке анча-мынча жаштарга караганда чыкыйып турат. Биз ага карап түздөнөбүз дегендей. Кантсе да залкарларды көрүп, алар менен жүрүп калган киши да, азыр ою бышып, болуп-толуп турган чагы. Ойчул киши. Мыкты режиссёр. Мына ушул киши менен чыгармачылыгым кайчылашып калганына ыраазымын. Буюрса, бул акыркы эмгегибиз эмес, мындан да жакшылары болот.

"КИНО ҮЧҮН САКАЛ ӨСТҮРСӨМ, ЖАКЫНДАРЫМ ДА ТААНЫБАЙ КАЛЫШТЫ"

– "Кентаврда" мен Карабай деген каармандын ролун ойнодум. Адегенде кастингге барып, Актан байкенин уулу Мирлан Абдыкалыков экинчи режиссёрдун милдетин аткарарын билдим. Кастинг үчүн ал жооптуу экен. Анан тасмада Карабай Садыр деген ууруну жер төлөсүнө алып кирип сабаган жери бар. Мына ошону кастингде актёр Илим Калмуратов, анан дагы бир актёр менен ойнодум. Бир айдан кийин Карабайдын ролуна бекигенимди айтышты.
Образ жаратуу үчүн фильмдин сүрөтчүсү айткандай сакал-мурутумду өстүрдүм. Аз өтпөй туугандарым да тааныбай башташты. Андан кийин көк линза тагындым. Ошону менен токтоду. Бирок көзүм көк экени фильмде көп байкалбайт. Жакшылап караганда гана көрүнбөсө.
Мен аткарган Карабай айылдын тың жигиттеринин бири. Күлүк таптайт. Негизи мындай да, жөн эле ат бакпай күлүк таптаган, жөн эле куш бакпай төө куш баккандар колунда бар кишилер да. Карабай да ошондой. Анын акыл даремети, балким, мамлекетти башкарганга жете электир, бирок өз айылында жетиштүү сыйы бар киши. Намыскөй жигит. Боорукер да болуш керек. Мындайлар бизде көп. Менин актёрлук милдетим мына ушул кишини ачып берүү болчу.

"КЫРГЫЗДЫ КАНЫНДАГЫ УЮТКУГА ЧАКЫРГАН ТАСМА БОЛДУ"

– Жалпысынан кино тууралуу айта турган болсок, айтайын деген мыкты ойлор бар. Эрнест Абдыжапаров менен Актан байке биргелешип сценарий жазышкан экен. Кыргызды өзүнүн өзөгүндөгү нерсеге, кыргыздын пирине, Теңирине, канында бар уюткуга чакырган тасма. Албетте, ар кимде ар кандай ойлор болушу мүмкүн.
Негизи театр менен кинонун өзгөчөлүгү ушунда да. Мисалы, ошол эле спорттук иш-чарага топурап эл барат, театрга да, киного да эл барат. Спорттук иш-чарага бараткандар "биздикилер жеңет" деген бир ой менен келишет. Жеңсе "оо, жеңди", жеңилсе "кийинкиде жеңет" деген ой менен кетишет. Ал эми театрга, киного баргандар "көрөлү" деген бир ой менен келишет, ар түрдүү ой-толгоо менен чыгышат.

"КИНОНУН КҮЧҮН ПАЙДАЛАНЫШЫБЫЗ КЕРЕК"

– Дегеле театр менен кинону туура пайдалана билсе, жалпыбызды бириктире ала турган күчкө ээ. Бирок мунун технологиясын билиш керек. Студент кезде коркунучтуу кинолордун тарыхы боюнча лекция угуп калганым бар. 1933-1934-жылдары Америкада улуу депрессия болгон. Эл жегенге нан таппай калган учур болгон. Мына ошондо мамлекет кинопродюсер, режиссёрлорду чакырып, "кино тартасыңар" деген шарт койгон. Эмне кино? "Азыркы турмуштан да жаман турмушту көрсөткөн кино болсун" дешкен. Анан экранда "Кинг-Конг" пайда болгон. Бул биринчи "Кинг-Конг" болчу, жапайы. Муну кийин гана өзүнчө ой жүгүрткөн каарман кылып коюшпадыбы. Анан ошол "Кинг-Конг" шаарды талкалап баштайт. Бардыгы көргөн эле имараттарды, үйлөрдү, ошолор жашаган шаардын бырын-чырынын чыгарып жатат. Кинону көргөн эл кинотеатрдан чыгып түз эле чиркөөгө чуркашкан. "Ушундайды башка сала көрбө" деп Кудайга жалынышкан. "Аман болсок болду" деп топук кылышкан. Мына кинонун күчү.

"АТКАРГАН РОЛУМ ҮЧҮН ЖООПКЕРЧИЛИКТЕМИН"

– Биз ыйман жоголуп кетти дейбиз. Менимче, кыргыз баласына уят деген көбүрөөк жакын. Кудайдын жараткан макулуктарынын арасында бизди мына ушул уят айырмалап турат. Тилекке каршы, бизде азыр өйдөдө да, ылдыйда да уяты жок адамдар көбөйүп кетти. "Кентаврда" мына ушул сындуу ойлор кыйыр түрдө айтылат.
Кээде чыгармаларда түз эле бетке айтылган учурлар бар. Мисалы, Султан Раевдин "Ханышанын көз жашы" деген спектаклин биз көп жылдар бою сахнадан түшүрбөй ойноп келдик. Мен анда Караан деген баш каармандын ролун аткарам. Караан – бул жүзү жок, бардык жамандардын башы бириктирилген каарман. Ал Алай ханышасы Курманжан датканы он эки ойго салып сынайт. Мына ошол Караандын түптүз эле бетке айтып чаңырганы бар: "Ордого катын аралашканы – ордого шайтан аралашканы. Катындын орду ордодо эмес, очокто. Катыны жетелеген хандын кадыры болбойт. Катыны бийлеген хан оңбойт!"- деп кыйкырат Караан. А бул Акаевдин заманы болчу. Негизи элге жакшыны жакшы, жаманды жаман деп айырмалап берүүчү саналуу гана кесип ээлери бар. Артисттер, жазуучулар, журналисттер алардын ичинде. Ушул жоопкерчиликти сезе билүүбүз керек. Менин айрым ролдордон баш тартканымдын себеби ушул. Мен эртең болбоду дегенде балдарымдын алдында жооп бергидей болушум керек.

"Кентавр" тасмасындагы менин каарманым Карабайдай жигиттер кыргызда көп".


Мирлан Өмүралиев
Замир Жумабаев
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(9)
03.04.2017. 16:11 
Тайпасы:
Жаран
Комментарийлердин саны:
60
Катталган:
07-11-2016
Соӊку аракети:
18-09-2018 13:15
Жынысы:
Белгисиз
Калаасы:
Бишкек
-2
Бизде уяты жок адамдар кобоюп кетти, туура айтасыз бирок арасында сиз да барсыз.Ээнсиреген уй деген кинодогу ролунуз чатак брат(нике тундогу).Оз кызынызды коро аласызбы ошондой тасмада?
meni_kut түзөттү 2017-04-03 16:14:04
03.04.2017. 18:32 
Тайпасы:
Жаран
Комментарийлердин саны:
1
Катталган:
26-10-2015
Соӊку аракети:
08-03-2018 20:47
Жынысы:
Белгисиз
-2
meni_kut,Мен ойлогонду айттың,ушундай белгилүү адамдар сөз сүйлөөрдөн мурун адегенде өздөрүнүн артын бир карап койсо.
03.04.2017. 19:01 
Тайпасы:
Жаран
Комментарийлердин саны:
18
Катталган:
16-12-2013
Соӊку аракети:
10-08-2018 23:19
Жынысы:
Белгисиз
Калаасы:
Москва
+11
toko08,тоо десе бее дейтда,актерлук бул кишинин кесиби,кыргыздар бироону чукуп,асылмайынча турв албайт(((
03.04.2017. 19:02 
Тайпасы:
Жаран
Комментарийлердин саны:
18
Катталган:
16-12-2013
Соӊку аракети:
10-08-2018 23:19
Жынысы:
Белгисиз
Калаасы:
Москва
+4
Тоо десе бее деген кандай адамдарсынар(((
04.04.2017. 04:41 
Тайпасы:
Жаран
Комментарийлердин саны:
9
Катталган:
18-03-2017
Соӊку аракети:
02-05-2018 07:42
Жынысы:
Белгисиз
+2
а балким бул байке тоо десе бээ дебей эле жаткандыр????
а балким бул байке башкача ой жугуртот??
мумкун биз аны тушунбой жатабыз
04.04.2017. 09:15 
Тайпасы:
Жаран
Комментарийлердин саны:
190
Катталган:
11-01-2017
Соӊку аракети:
18-09-2018 19:17
Жынысы:
Белгисиз
+4
Уят оо бай кишинин баласынан баштап жоголуп эми карапайым адамдар да унутуп баратат уятты.
04.04.2017. 19:11 
Тайпасы:
Жаран
Комментарийлердин саны:
0
Катталган:
14-01-2017
Соӊку аракети:
18-09-2018 02:42
Жынысы:
Белгисиз
+3
meni kut кинону тушунбогондон кийин коммент жазбачы.аны актер дейт.а актер болсо образды жаратат.ал анын жумушу.турмушту чагылдырат.тоо десе бээ дебей
06.04.2017. 08:34 
Тайпасы:
Жаран
Комментарийлердин саны:
283
Катталган:
07-02-2014
Соӊку аракети:
18-09-2018 14:28
Жынысы:
Белгисиз
Калаасы:
Каракөл
+2
Жакшы актёр, мага жагат.....
Жаман роль жакшы роль деп тандап отура беришпейт да.... Актёр деген терс да, оң да каармандын рольюн жаратат.....
09.04.2017. 14:59 
Тайпасы:
Жаран
Комментарийлердин саны:
3
Катталган:
21-01-2017
Соӊку аракети:
20-01-2018 19:34
Жынысы:
Белгисиз
+1
Аткарган ролум учун жоопкерчиликтемин д озу айтып жатпайбы айтканына жараша ролду да тандап ойносо болот да ээнсиреген уй тасмасына эмне д жооп берет экен азыр кыргыз кинолорун деле ата энен балдарын мн коргондон коркосун не бп кетет д ээнсиреген уйдогу ролу аман эле болсун
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: