Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ВЕРСУС» ТОБУ

№223 9-15-февраль, 2007-ж.


Акыркы кездерде концерттердеги ар бир ыр мазмунуна жараша бий менен коштолуп туруусу модага айланды. Концерттерге ырчыны гана эмес, бийчи кыздарды да көргөнү барган көрүүчүлөр көп. Ушундан улам бийчилер концерттерде чоң роль ойношууда. Эмесе, концерттерди шаңга бөлөгөн бий топторунун бири "Версус" тобу бизде конокто.

АЙПЕРИ,
22 жашта.

Бишкек шаарында төрөлүп-өс­көн. Учурда КМКТАУнун архитектор бөлүмү­нүн 5-курсунда окуйт. Бийден тышкары чоң тенниске, футболго кызыгат.

– Айпери, топтун түзүлгө­нүнө канча убакыт болду?
– Топ 2002-жылы түзүлгөн. Топтун курамы төртөөбүздөн турат. Баарыбыз тең “Жаш кыял” бий тобунан чыкканбыз. “Жаш кыялда” бийлеп жүргөн кезде эле төртөөбүздүн жылдызыбыз келишип, жакшы курбулардан болуп калган элек. Ал эми өзү­бүз­чө бий тобун түзүү сунушун Айгүл киргизген. Бул идея баарыбызга жаккан. Бирок, мындай жоопкерчиликтүү ишти баштоодон алгач бир аз жүрөксүнгөнбүз. Анан “Аракет кылсаң берекет” дегендей, оюбуз иш жүзүнө ашты.
– Топту ким жетектейт?
Топтун жетекчиси жок. Мындайча айтканда, өзүбүзгө-өзүбүз жетекчибиз. Топко тиешелүү иштерди өзүбүз аткарганга кудуретибиз жетет. Ошондуктан, жетекчи, продюсер дегенге муктаж эмеспиз.
– Айпери, бийден тышкары эмне менен алектенесиң?
– “Версус” тобунан сырткары Жаркынай экөөбүз “Тумар” деген бий клубун ачканбыз. Ошол жакта 6 жаштан 16 жашка чейинки кыздарга бий үйрөтөм. Андан тышкары, бир окуу жайда хореографиядан сабак берем. Ошону менен бирге, “Афродита ” деген сулуулук салонунда чыгыш бийи боюнча машыктыруучумун.
– Демек, досторуң менен көңүл ачканга сенде убакыт деле болбойт тура?
– Негизи, убакытты туура пайдалансаң, бардык жакка жетишсең болот. Мен ар бир ишиме өзүнчө убакыт бөлүп коём. Темир жоргомду минип алып, баарын өз учурунда бүтүрөм. Ушундан улам ишим канчалык көп болсо да, досторум менен жолугуп эс алганга мүмкүнчүлүк табылат.
– Темир жорголуу болгонуңа канча болду?
– Жарым жылдан ашып калды. Бийдин арты менен Жаркынай экөөбүз машиналуу болгонбуз.

ЖАРКЫНАЙ,
23 жашта.

Бишкек шаарында төрөлүп-өскөн. Учурда Бишкектеги №2-мектепте биология сабагынан мугалим. Бийден тышкары даамдуу тамактарды жасаганды жакшы көрөт.

– Жаркынай, тобуңар кандайча “Версус” деп аталып калган?
– Топтун атын өзүбүз койгонбуз. Бирок, бул сөз кимибизден чыкканы азыр эсимде жок. Чогулуп отуруп, топко ат тандап жатып бирөөбүз “Версус” деп сунуш киргизген элек. Эмнегедир бул сөз кулагыбызга жагымдуу угулду. “Версус” деген сөз англис тилинен которулганда “каршы” дегенди түшүндүрөт. Ошентип, капысынан эле топко ат тандалып калган.
– Топто ким лидер?
– Топто баардыгыбыздын укугубуз бирдей. Болгону, ар кимибиздин өзүбүзгө тиешелүү иштерибиз бар. Мисалы, административдик иштер менен Айпери алектенет. Сейде экөөбүз кайсы кечеге кандай бийди бийлөө керек экенин тактап пландайбыз. Айгүл болсо формаларды даярдайт. Кыскасы, ынтымакта иш алпарып келатабыз.
– Демөөрчүңөр барбы?
Учурда демөөрчүбүз жок. Бир жолу “Манас” аэропорту демөөрчү болуп, жыйырма миң сомго топко костюм тиктирип берген.
– Мектепте мугалим болуп иштейт экенсиң, окуучуларың тийишкен учурлар болобу?
– Жок. Өзүм иштеп жаткан мектептин директору – өзүмдүн апам. Ушунданбы же өзүмдүн бекем мүнөзүм­дөнбү, айтор, окуучуларым менен сый мамиледемин.
Турмушка чыгуу жөнүндө ойлоно элек­сиңби?
– Азырынча ойлоно элекмин. Бирок, сүй­лөш­­көн жигитим бар. Ал дагы чыгармачыл адам.

АЙГҮЛ,
22 жашта.

Бишкек шаарында төрөлүп-өскөн. Учурда КМКТАУнун бажы бөлүмүнүн 5-курсунда окуйт. Хоббиси: адабий китептерди окуу.

Айгүл, кайсы ырчылар менен көбү­рөөк иштешесиңер?
– Султан Садыралиев, Мирбек Иманбеков, Акбар Сүйүнбаевдер “Жаш кыял” бий тобу менен иштешкендиктен, алардан тышкары бардык ырчылар менен иштешебиз. Алар бизге концертке бир- эки жума калганда сүйлө­шүп, кайсы ырына бийлей турганыбызды айтышат. Биз ошол ырга ылайыктуу бий таап, ырга жараша костюмдарыбызды да камдап коёбуз.
Кыздар ортосунда сөз табыша албай, урушуп кеткен учуруңар болобу?
Башында тил табыша албай кыйналабыз го деп ойлогонбуз. Бирок, айлап деле чогуу гостролдордо жүрүп, бир бөлмөдө жашап келе жатабыз. Бир да жолу бири-бирибиз менен уруша кетип, таарынычтар болгон эмес.
– Бош убактыңда эмне менен алектенесиң?
– Мен азыр жалаң окуу менен алекмин. Болгону, топ менен концерттерге, кечелерге барып бийлеп турам. Буюрса, жазында төртөөбүз биргеликте бий үйрөтүүчү жай ачканы жатабыз. Клубдун атын да тобубуздун атынан коюуну пландап койгонбуз.
– Бий сен үчүн кесиппи же жөн гана хоббиңби?
– Бий мен үчүн хобби. Анткени, мен келечекте өз кесибим менен бажы тармагында иштегим келет.
– Хореографияны окуган бийчи менен окубаган бийчинин айырмасы барбы?
– Айырмасы бар. Бийлеп жаткандардын ичинен хореографиядан сабак алган бийчи адегенде эле көзгө урунат.

СЕЙДЕ,
21 жашта.

Бишкек шаарында төрөлүп-өскөн. Учурда кыргыз-орус Славян университетинин экономика бөлүмүн­дө 5-курста окуйт.

Сейде, бийлегенде кийүүчү костюмдарыңарды ким тигет жана саны канча?
– Сахнага чыгуучу костюмдарыбызды дайыма Венера деген эжеге тиктиребиз. Ал эми фасондорун өзүбүз ойлоп таап, ага сунуштайбыз. Баш-аягы биригип 15 формабыз бар.
– Кечеге чакырышып, акчаңарды төлө­бөй алдап кеткендер болгонбу?
– Бир жолу Карабалтага дунган улутундагы адамдар “үйлөнүү тойго бийлеп бергиле” деп чакырышкан. Эки күн бийлегенибизге 500 доллар деп сүйлө­шүп макулдашканбыз. Бирок, кетээр маалыбызда 400 доллар эле берип, “100 долларды шаарга барганда беребиз” деп алдап кетишкен.
– Жактырган адамың барбы?
– Бар. Кыз-жигит болуп жүргөнүбүзгө эки жылдын жүзү болуп калды. Бири-бирибизди жакшы түшүнүшөбүз. Чыгармачылыгымды да колдоп келет.

Маектешкен Бактыгүл Абдыкадырова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: