реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ПРЕЗИДЕНТТИК ШАЙЛООДО КИМГЕ ДОБУШ БЕРЕСИЗ?

(11-сентябрь - 24-сентябрь, 2017-жыл)

Жыйынтык

Добуш берүү үчүн телефон номериңизди жазып жөнөтүңүз. Сизге алты сандан турган СМС-код келет. Добуш берүү акысыз.
СМС аркылуу келген кодду төмөнкү формага жазып добуш бере аласыз:
Код:

 

semetei

Назым Мендебаиров, Кыргыз улуттук драма театрынын жетекчиси: "ТЕАТРДЫН ЖЫТЫ, ТҮЙШҮГҮ КАНЫМА СИҢИП КАЛГАН"

№754 14-20-апрель, 2017-ж.


Назым Мендебаиров Кыргыз улуттук драма театрынын жетекчиси болуп дайындалды. Маектешүү үчүн барганыбызда, ал жаңы иш бөлмөсүнө жайгашып жаткан экен. Таланттуу актёр, режиссёр Назым мырза менен анын жаңы кызматы, чыгармачылыгы тууралуу кеп куруп кайттык.

"Мен үкүмүн"
– Сизди кыймылдаткан нерсе эмне?

– Кудайдын мээрими анан үй-бүлөмө болгон сүйүү.

– Торгойсузбу же үкүсүзбү?
– Мен үкүмүн го.

– Эмне көбүрөөк жагат, акча санаганбы же репетициябы?
– Репетиция.

– Акыркы жолу "жакшы көрөм" деп кимге СМС жазгансыз?
– Кызыма.

– Кандай жетекчи болосуз? Таттуу токоч кармаганбы же камчы кармаганбы?
– Экөөнү бирдей кармаган.

– Эгер скульптор болсоңуз кимге эстелик тургузмаксыз?
– Куйручукка.

– Кайсы сөздү укканда "ии, бактылуу экенмин" деп кетесиз?
"Жакшы тарбия алыпсың" анан "жакшы балдарды тарбиялапсың" дегенде.

– Миллион долларыңыз болсо?
– Тарыхый кино тартмакмын. Башымда ойлорум бышып калды.

– Назым байке, Кыргыз драма театрынын жетекчиси болуп дайындалдыңыз. Ушул учурда мен сиздин театрга эң алгач жумушка орношкон күнүңүз тууралуу сурагым келип турат...
– Ал күн эсимде. Абдан толкундангам. Мугалимим Калыйкан Ибраева эже театрдын жетекчиси Амангелди Керимбаев агайга 19 жашар мени алып келип, "мына, ушул жигитти театрга алгыла, абдан таланттуу жигит" деп сунуштаган. Кыргызда калтаарып деген сөз бар го. Бул коркуу эмес. Чоң жоопкерчиликти сезе билүү деп ойлойм. Калтаарыгам. Мен өзүм эмоциямды сыртка көп чыгарбаган адаммын. Бирок ошентсе да "жумушка алындың" дегенде оозумду жыя албай өзүмөн өзүм эле жылмая бергем.

– Театр жетекчиси болуп дайындалгандачы?
– Бүгүн жумушка келе жатып театр ушунчалык чоң көрүндү. Бул эмне деген керемет жай? Эмне деген таланттар иштеген? Эмне деген тарыхы бар? Театрдын жанында мен бир эрбейген эле караан болуп калдым. Анан бул жолу да толкундандым. Менимче, чыгармачыл адамда сөзсүз толкундануу болушу керек. Ушул жоопкерчиликти алып жатып бир чети корктум.

– Кезинде дал ушул Кыргыз драма театрынын алдынан Өкмөт үйүнө "маданият өлдү" деп өкүрүк менен бардыңыздар эле. Мына ошол "флешмобдон" кандайдыр бир жыйынтык чыктыбы?
– Байкалбай жатышы мүмкүн, бирок жылыштар болду. Аны уюштурган Садык Шер-Нияз, Актан Арым Кубат, Эрнест Абдыжапаров, Таалай Кулмендеев өңдүү агаларыбыздын эмгеги текке кеткен жок. Таптакыр башка чөйрөнүн өкүлүн министрлик кызматка дайындамай токтоду. Маданият министрлигине чыгармачылык менен жашаган, чыгармачылык менен ооруган адамдар келишти. Адегенде, мына, Алтынбек Аскарович (ред.: Максүтов) кызматын кылды. Азыр болсо Түгөлбай Казаков агайыбыз министр болуп отурат.

– Жакында Марат Алышпаев агай театрдын мурунку жетекчиси Темирлан Сманбековду айыптап, тиешелүү органдарга атайын кайрылуу жолдоду. Бул боюнча оюңуз кандай?
– Мен бул боюнча эч кандай комментарий бере албайм.

– Дегеле театрда жамааттын абалы кандай эле? Ички интригалар бар беле?
– Театрдын ичиндеги жамааттык атмосфера сонун бойдон. Акыркы убакта коллективде ынтымак бекемделди деп айтат элем. Мурунку жетекчилер жакшы иштешкен. Жакшы пландары бар эле. Буюрса, өз кезегимде мен аларды ишке ашырууга аракет кылам. Эч кандай интригалар болгон эмес.

– Бир убакта Кыргыз драма театрына билеттер 25 сомго сатылып жатканын көрүп театрдын абалы оор окшойт деген ойго келдим эле. Азыр абал кандай?
– Сен андан да жаманын көрбөптүрсүң. Театрдын эң кыйналган учуру 1994-1998-жылдар болду. Жадакалса кышкысын жылытылбай, айлыктар берилбей калган. Бирок ошондо да адамдар иштеп жатышты. Спектаклдер коюлду. Азыр эми баягы аталарыбыз айтмакчы, элдин боору бүтүн. Салыштырмалуу айтканда, элдин курсагы ток. Бирин-серин театрга каттагандар бар. Бирок театрдын дайымкы көрүүчүсү жок болуп жатат. Байкашымча, кээде жакшы спектаклге жарым зал көрүүчү отурат. Айрым учурда орточо спектаклге зал толуп калат. Көрүүчүлөрдүн көбү капыстан өтүп баратып кирип калгандар. Демек, биз дайымкы көрүүчүнү тарбиялашыбыз керек. Театрды пропагандалашыбыз зарыл болуп жатат.

– Кышкысын театр жылыбай, айлык берилбей калган тапта кол шилтеп эмнеге бизнеске кетип калган жоксуз? Эмне кармап турду сизди?
– Айтыш кыйын. Эмне кармады өзүм да түшүнбөйм. Марат Козукеев экөөбүз ошондо иштеп калдык. Эч нерсе жоктугунан экөөбүз театрдын ичин кыдырып оюбузда спектакль койчубуз. "Бул жерге тигил спектаклди, тигил жерге бул спектаклди койсо болот экен" деп, ошол ойлор менен күйүп, белгилүү ырларды өзгөртүп элге ырдап берип, түнү менен уктабай китептердеги окуяларды сахналаштырып, айтор, өзүбүздү алаксытып ошол сыз жерде отурган өткөөл убактан өтүп кеттик окшойт. Эмнеге бизнеске кеткен жокмун? Менимче, эң ириде театрга болгон сүйүүм жеңип кетти. Мен театрда төрөлүп, театрда өскөн кишимин. Ата-энем ушул чөйрөнүн кишилери. Түнкү репетицияларда, гастролдордо жүрүп чоңойгом. Театрдын жыты, анын түйшүгү менин каныма сиңип калган.

– "Каап, бир нерсени өзгөртүп көргөндө болмок экен" деп азыр өкүнүп калган учур болбойбу?
– Билесиңби эмнеге өкүнөм? Бала кезимде комуз ийримине беришкен экен. Аз-маз эсимде. Бирок аз эле барып, анан барбай койгом. Мына ошого өкүнөм. Азыр деле комуз чертем дечи, бирок мыкты эмес. Эми кайра үйрөнүп мыкты болуш үчүн бир өмүр керек. Негизинен, театрда калганыма таптакыр өкүнбөйм.

– Жумушуңуздан тышкаркы нерселер тууралуу да сөз кылсак. Чыгармачыл адамдын үйүндө атмосфера кандай?
– Үйдө баарыбыз жумуштан кийин кечинде чогулабыз. Менин көңүлүмө көп карашат. Мисалы, мен гречка жебейм. Мен барда аны эч ким жебейт. Көп учурда спектакль даярдап, аны чыгара албай жүргөн тапта "ана төрөйм, мына төрөйм" деген аялдай болуп каласың. Мына ошентип кыйналып жүргөн учурда үйгө келсем, балдарым, келинчегим жакшы дасторкон даярдашып, көңүлдү көтөрүп майрам кылып жиберишет. Ушундай учурда "мен жөн эле жүргөн эмес турбаймынбы, мен, менин эмгегим ушуларга керек тура" деген бир өзгөчө жылуу сезимдер пайда болот.

– Балдарыңыз да чыгармачылыктан алыс болбосо керек...
– Үч балам бар. Кызым журналистика адистиги боюнча окуусун аяктап жатат. Ортончу уулум Аскат телевидение режиссёру кесиби боюнча билим алууда. Кичүү уулум Адил капыстан эле бир күнү "мен театралдык окуу жайга тапшырам" деп чыкты. Азыр окуп жатат. Мен өзүм анын мастеримин, өзүмдүн студентим. Быйыл улуттук "Эргүү" театр сыйлыгына татыктуу болду. Студенттер менен биргеликте койгон "Маугли" спектаклинде башкы каармандын ролун аткарган.
Балдарым кичинесинде киного түшүп калса деп ойлочумун. Кино – бул баары бир тарых болуп калат экен. Үч балам тең кинолорго тартылышкан. Ортончу уулум Аскат бой жетип калган кезде Асакенин (ред.: Аскат Сулайманов) фильминде башкы ролду ойноого жетишти. Кичүү уулум "Ботоной" деген фильмде башкы ролду аткарган. Акырындан чыгармачылыкка аралаштырганга аракет кылып жатам. Кээ бирлери "эмне кыласың артист кылып?" деп айтышат. Менин оюмча, чыгармачылык адамды жакшы нерсеге үндөйт. Ар бир адамда чыгармачылыктын кичинекей уюткусу бар. Кээ бири аны өстүрөт, кээ бири жок кылып салат. Бирок биз мектеп жашынан балдарды чыгармачылыкка үндөгөнүбүз туура болот деген ойдомун.

"Ушунча жыл театрда иштеп, өзүмө окшош каарманды ойногон жокмун. Көбүнчө таш боор, түрмөгө отурган адамдарды ойноп келем".

Мирлан Өмүралиев
Алишер Алиев

star@super.kg


 Кыстарылган видео 

Назым Мендебаиров: "Башка жакка кеткенде сахнанын жытын сагынам"

Автор: Перизат Музуратбекова
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  7 
Комментарийлер(10)
17.04.2017. 09:55 
Тайпасы:
Конок
Комментарийлердин саны:
6
Катталган:
03-04-2017
Соӊку аракети:
19-06-2017 09:27
Жынысы:
Белгисиз
+5
мен бул актерду коргондо эле "Кара жолтой" киносу козумо келет, кичинемде корсом дагы тундо Эшике чыккандан азыркы кунго чейин корком, кара жолтой кайдан пайда болуп калат экен деп,
17.04.2017. 12:36 
Тайпасы:
Жаран
Комментарийлердин саны:
29
Катталган:
26-05-2013
Соӊку аракети:
22-09-2017 10:51
Жынысы:
Белгисиз
+2
Жакшы актер
17.04.2017. 12:51 
Тайпасы:
Жаран
Комментарийлердин саны:
8
Катталган:
04-07-2013
Соӊку аракети:
12-09-2017 19:21
Жынысы:
Белгисиз
Калаасы:
Москва
+2
Сонун маек болуптур!!!
17.04.2017. 16:36 
Тайпасы:
Жаран
Комментарийлердин саны:
6
Катталган:
16-11-2016
Соӊку аракети:
23-09-2017 01:50
Жынысы:
Белгисиз
+1
Кара жолтойдогу образын эстеп азыр деле корко берем. Аябай тасирдуу роль болгон экен.
18.04.2017. 09:37 
Тайпасы:
Жаран
Комментарийлердин саны:
25
Катталган:
26-11-2014
Соӊку аракети:
21-09-2017 19:42
Жынысы:
Белгисиз
+1
Абдан мыкты актер.Чыгармачылыгын баалайм. Ишине ийгилик каалайлы. Ушундай маданиятты которгон адамдар коп болсун.
18.04.2017. 14:27 
Тайпасы:
Жаран
Комментарийлердин саны:
3
Катталган:
10-04-2017
Соӊку аракети:
22-09-2017 15:01
Жынысы:
Белгисиз
+2
мыкты актёр сыйлайм
19.04.2017. 10:56 
Тайпасы:
Жаран
Комментарийлердин саны:
119
Катталган:
01-02-2017
Соӊку аракети:
19-08-2017 05:49
Жынысы:
Белгисиз
+3
Үнү дикциясы жакшы.
19.04.2017. 21:28 
Тайпасы:
Жаран
Комментарийлердин саны:
81
Катталган:
31-05-2015
Соӊку аракети:
01-09-2017 11:40
Жынысы:
Белгисиз
+1
Алтын үн!Азаматсыз агайым.
22.04.2017. 04:49 
Тайпасы:
Конок
Комментарийлердин саны:
8
Катталган:
10-04-2017
Соӊку аракети:
29-05-2017 22:56
Жынысы:
Белгисиз
0
Кара жолтойдогу жараткан образында жакшы ойногон Озунун кесибин жакшы билген актер Ийгилик
24.04.2017. 09:28 
Тайпасы:
Жаран
Комментарийлердин саны:
48
Катталган:
22-02-2011
Соӊку аракети:
21-08-2017 14:11
Жынысы:
Белгисиз
Калаасы:
Бишкек.
0
Эки тизгин бир чылбырды алып кетүү кыйын.Өзгөчө биздин кырдрамда. Түгөнбөгөн интригалар,ушак-айыңдар чыгармачыл адамды эзип коёт. Жаңыча ой, жаңыча башкаруу, изденген жаңычыл адамдын гана колунан келет. Бул жигитке ишенем. Өнүгүү, Ийгилик, зал толтура көрүүчү каалайм.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макалага кирди:

Макалалардын саны:
19459;
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
0,19847393035889