FACE APP АДАМДЫН ЖҮЗҮН КӨЗ ИРМЕМДЕ ӨЗГӨРТӨТ

FACE APP ДЕГЕН ЭМНЕ?

Учурда социалдык тармактарда Face App колдонмосу кеңири колдонулуп жаткан учур. Дүйнө жылдыздарынан тарта белгилүү саясатчы, айтор, бул колдонмо жашы-карысы дебей кимдин болсо да кызыгуусун арттырууда. Face App – бул нейрондук түйүндөр менен иштөөчү жана адамдын жүзүн реалдуулуктан алыстатпай картайтып, жашартып, аялдан эркекке, эркектен аялга айландыруучу жана келбетиңиздин кемчиликтерин жашыруучу мобилдик фоторедактор. Бул колдонмону өзүңүздүн сүрөткө жасап көрүү үчүн Face App аталышындагы программаны жүктөп коюу жетиштүү. Программа Android жана IOS платформаларында иштейт. Бирок бүгүнкү күндө компьютер аркылуу да Face App`ты колдонуп жүргөндөр бар.

УЛГАЙГАН КЕЗИҢДИ КӨРҮҮ МҮМКҮНДҮГҮ

Ар бир эле адам өзүнүн улгайган кезин, айымдар болсо эркекке айланып калса кандай болорун же эркектер айымга айланып калганын сүрөтүнөн көрүү кызыктуу болсо керек. Face App`тын дагы бир өзгөчөлүгүнүн бири – ал адамдын сүрөттөгү жүзүнүн кемчиликтерин өзгөртүүгө мүмкүнчүлүк берет. Адам өзүнүн бетин башка адамдын бетине коюп, реалдуулуктан алыстабай дүйнө жылдызына же башка белгилүү адамга да айлана алат. Анткени колдонмодогу функциянын өзү сүрөттөгү адамдын бетинин түзүлүшүнө карата автоматтык түрдө чоңойтуп, кичирейтип, керектүү формага салып коёт.
Face App чыга электе Face Swap аталышындагы колдонмо да чыккан. Бирок Face Swap Face App`тан айырмаланып, функциялары кыйла жөнөкөй келип, бир адамдын бетин экинчисине алып барып, өлчөмүн эске албай эле жөн гана жайгаштырып коёт. Мындай жасалган сүрөттөр чындыкка коошпогондуктан, бул колдонмо кеңири популярдуу боло алган эмес.

Жазгүл Кенжеева
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (21)

sabyr86

2017-04-24 12:05:26

Эркектер коюп алгандарын,кыздардай болушуп.

oscar89

2017-04-24 12:56:04

Нурлан Насиптин, эки тишинин ортосу жабылып калыптыр гооо.... :)

oscar89

2017-04-24 12:57:07

Азамат Байматовту карачы чиркин жаркылдаган кыз болмок экен да хе хе ))

-2

sirke

2017-04-24 14:42:14

Bul programmanin maksati FBİ SRU siyaktuu al emi Kyrgyzstanda GKNB uchun adamdardyn juzun jashyryp, kartayganda ushuga okshogon adamdardy taap aluu uchun oylop chygarylgan programma. Bir jolu jasagandan kiyin rezervde omur boyu saktalyp kalat.

kursantvs

2017-04-24 19:39:40

sirke,эч кандай далил жок, алдай бересинби?

cholpon119966

2017-04-24 17:14:09

Сооронбай Жээнбеков красавчик жигит болгон экен да убагында:)

Girl1996

2017-04-24 18:02:15

Асема Токтобекова жигит болсо, кыздарды артынан чуркаткан, шок жигит болсо керек эле

-1

Medina007

2017-04-24 19:52:50

Роналдо сулуу кыз болмок экен

NASIKA96

2017-04-25 01:00:30

Зериккенде жасайтурган нерсе экенда

Nurka.201012

2017-04-25 21:53:16

Эми таппагандары ушул эле калды эле,шайтандын оюнундай болуп

JATAMALIEV

2017-04-26 01:29:30

Өттө жакшы нерсе экен

mikoo

2017-04-26 17:14:21

Асема красавчик болмок экен.

kg.boy.98

2017-04-27 01:16:47

Михаил Галустян укмуш болуп калыптырго

Tuke88

2017-04-27 16:41:30

Чынында жакшы ойлоп чыгарылган программа экен

cholpon9393

2017-04-29 21:55:55

Трамп да аябай сулуу жигит болгонкен убагында))))

Tolick

2017-05-02 20:26:56

Maga Salyanova jagat. Suıomun

Комментарий калтыруу үчүн өз ысымыңыз менен кириңиз же каттоодон өтүңүз.

№ 755, 21-27-апрель, 2017-ж.