АЛИГИ ЖӨНҮНДӨ СУРАСАҢЫЗ... СЕКСОЛОГ ЖООП БЕРЕТ

Көптөгөн окурмандарыбыздан ден соолук, анын ичинде интимдик жашоо багытындагы түрдүү суроолор келет. Сиздердин сурооңуздарга Бишкектеги «Грация» медициналык борборунун уролог-андрологу, сексологу Мирлан Айбашов жооп берет.

"КҮНҮНӨ 5-6 ЖОЛУ КОШУЛУУ ЗЫЯНБЫ?"

– Турмушка чыкканыма 1 ай болду. Жолдошум аябай темпераменттүү окшойт, жанымды койбой "сурай" берет. Эсебим боюнча, күнүнө эбин таап 5-6 жолу кумарга батабыз. Көп кумарга батуунун зыяны жокпу?

Шарипа, Ош шаары


– Күнүнө 5-6 жолу кошулуу зыян. Анткени уруктук топтолууга жетишпей калат, кошулган учурда жолдошуңуздун жыныстык мүчөсүнөн жөнөкөй эле суу сыяктуу суюктук агат. Бул нерсе тукумсуздукка, жыныстык жактан шал болууга алып келет. Жубайлар регулярдуу түрдө кошулууга көнүүлөрү шарт. 25 жашка чейинки эркектер жумасына 5-8 жолу, ал эми 25 жаштан улуулар 3-5 ирет кошулушса нормалдуу болуп саналат.

"ЖЫНЫС МҮЧӨМӨ ЧЫККАН КАРА БҮДҮРЧӨЛӨР КӨБӨЙҮП ЖАТАТ"

– Жыныс мүчөмдүн башына чекиттей болгон кара нерсе чыкканына 6 айдан ашты. Оорутпайт, бирок күн сайын көбөйүп жатат. Меңби дейин десем ага окшобойт. Кимге кайрылсам болот?

Адыл, Сокулук району


– Сүрөттөөңүзгө караганда, жыныс мүчөңүзгө чыккан нерсе папиллома же кондилома (сөөл сымал өсүндү) окшойт. Бул папиллома вирусун жаратчу жугуштуу оору. Ал башка кишиге буюмдар аркылуу, өбүшкөндө, жыныстык катнашка барган учурда жугат. Аны чыкканда эле жок кылуу керек, болбосо өсүп, жан жагына жана вирус түшкөн башка дене бөлүгүнө чыгып көбөйө берет. Папилломаны лазер менен күйгүзүүгө жана хирургиялык жол менен алып салууга болот. Өтүшүп кеткен учурда, 5-10 жыл аралыгында ракка айланат, андыктан дарыланууну сунуштайм.

"КЫЗДЫККА ТИЙИШПЕЙ КАНТИП ЫРАХАТ АЛУУГА БОЛОТ?"

– Сүйлөшкөн кызымды абдан жакшы көрөм. Экөөбүз кучакташып, өбүшкөн учурда делебем козголуп, өзүмдү араң кармайм. Анткени болочок келинчегимди көшөгөгө аруу боюнча киргизгим келет. Сурайын дегеним, кыздыкка тийишпей кантип кумар алууга болот?

Амантур, Талас шаары


– Албетте, кыздыкка тийишпей кумарга батууга болот. Илимде мындай ыкманы пейтинг деп коюшат. Тактап айтканда, бул ыкма эки сандын ортосунда ишке ашырылат. Эске алчу жагдай, пейтингде ар кандай вирустар, бактериялар жыныс органдарына жугушу мүмкүн. Андыктан баш кошкончо мындай нерсе менен алектенбөөгө чакырам. Андан көрө үйлөнүп алганыңыз оң.

"40 ЖАШТАН КИЙИН ЭРКЕКТЕР ТӨШӨКТӨ АЛСЫЗ БОЛУШАБЫ?"

– Мен 26 жаштамын. Жакында турмушка чыкканы жатам. Болочок жолдошум 38 жашта. "40 жаштан кийин эркектер төшөктө алсыз болуп калышат" дегенди угуп, "турмушка чыксам төшөк жаатында маселе жаралабы?" деп кабатырланып жүргөн чагым. Мунун канчалык чындыгы бар?

Перизат, Бишкек шаары


– Бул нерсе адамдын организминен көз каранды. Дени сак эркектер 70-80 жашка чейин жыныстык катнашка жарамдуу болушат. Эч кооптонбой чыга бериңиз. Турмушка чыккан соң жолдошуңузду жылына бир жолу дарыгердин текшерүүсүнөн өтүп турууга үндөңүз. Ошондо жолдошуңуздун сизди дагы 40 жыл кумарга батырууга мүмкүнчүлүгү жетет.

"УМАМ ТҮЛӨП ЖАТАТ"

– Урук безим жайгашкан жер – умам күнгө күйгөн теридей болуп түлөп жатат. Жайкысын күнгө күйгүдөй деле болгон эмес. Бул эмнеден болушу мүмкүн?

Азамат, Базар-Коргон району


– Айтууңузга караганда, сиз тери оорусу менен жабыркап жаткан окшойсуз. Сөзсүз дерматологго кайрылыңыз.

"ТӨШӨК ОЮНУНАН КУМАР АЛБАЙМ"

– Жолдошумдун жыныстык мүчөсү кичине болгондуктанбы, төшөк оюнунан такыр кумар ала албайм. Ал мени "муздаксың" деп жемелейт. Эмне кылсак болот?

Гүлайым, Аксы району


– Төшөк оюнунан кумар албай жатышыңызга жолдошуңуздун жыныстык мүчөсүнүн кичинелиги себеп эмес. Болгону ал сиздин эрогендик чекитиңиз кайсы жерде экенин билбей жатат. Андыктан эрогендик чекитиңиз кайсы жерде экенин айтып койсоңуз, маселе оң жагына чечилет. Мындан сырткары сексуалдык каалоону арттыруу үчүн ортодогу мамилени бекемдеңиздер, позитивдүү маанайда жүрүңүздөр.

"СҮЙГӨНҮМДҮН АЛДЫНДА "АЛИГИМ" УЯТ КЫЛДЫ"

– Жашым 32де. Ичимдик ичпейм, тамеки тартпайм. Менде мындай кызык окуя болду. Бала кезден сүйүп жүргөн таанышымды мейманканага чакырган элем. Жакшынакай эле сүйлөшүп отурганбыз. Бирок төшөк оюнуна келгенде "алигим" турбай мени уят кылды. Ар кандай ыкма колдондук, бирок болбоду. Ал келинди жакшы көргөндүктөн аябай сүйүндүм эле. Үйгө келип, аялым менен 2 жолу кумарга баттым. Ушундай да болобу?

Уларбек, Бишкек шаары


– Сиз бул учурда аябай толкунданып, кырдаалдык неврозго кабылгансыз. Балким, "ала жипти аттап жатам" деп корккондурсуз. Буга көп маани берүүнүн кажети жок. Улам аны ойлоно берсеңиз стресске кабыласыз. Бул окуядан кийин аялыңыз менен жыныстык катнашта болуптурсуз. Демек, ден соолугуңуз жакшы.

Эч кимге ооз барып айта албаган, олуттуу жоопту талап кылган, ден соолук жаатындагы жүрөк өйүгөн суроолоруңуз болсо, бизге кат жазыңыз же erotika@super.kg электрондук дарегине кайрылыңыз. Сизге тажрыйбалуу медицина кызматкерлери жооп беришет.

Венера Камалова
erotika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (74)
Nazulya
2017-05-04 21:32:02
Уларбек дагы ала жипти аттасан омур бою турбай калсын! Бул чон куноолордун бири!
+1
Benazir08
2017-05-04 22:52:55
чын ошондой болот экеен менин бир айылдашыбыз 1- аялын кетирип кийин башкага уйлонгондо, кийинки аялына такыр турбай койгон экен. корсо 1 жубайы байлатып салган экен. кайра 1-си мн жарашып, ясашып 5ти торотту го чиркин....
-6
Lekarstvosvoegomuja
2017-05-06 10:42:01
Уларбек ал келинди бала кезден эле суйуп журуптур. Эми бала кездеги суйуу башка чонойгондогу суйуу башка да. Эми кыялын ишке ашырайын дептир. Аны эмне анча каргап шилединер. Андан коро омурун узун болсун деп тилеп койгула. Кудайдын сообуна каласынар. Жаман иш кылса озу жооп берет. Жакшы соз жан эргитет дейт. Силер канча жинденсенер деле эчтеке озгорбойт. Ал уже кылып коюптур
0
lusia
2017-05-06 13:34:54
Саламатсызбы супер инфо мен erotika@super.kg
сайтына суроо менен кайрылгам жообун кандай алсак болот.Оздук @mail сайтынан келеби же газетага жазасыздарбы??? Чоон рахмат
0
admin_superstan
2017-05-08 09:40:55
lusia, Саламатсызбы? Гезиттин кийинки сандарынан күтүңүз.
0
aiperiska
2017-05-06 15:24:50
Бир келген омур деп эле ойнош кутуп журо берсе болобу?!козунорду ачкыла эркектер!озунордун ордунарга аялдарынарды коюп коргуло кандай болот эленер!бир келген омурдо жыргап деп коет кыйраткансып
+1
aiperiska
2017-05-06 15:28:12
Мин кандай суйуу болсо да биринчи болобу ортончу суйуу болобу азыркы балдарындын энесине болгон суйууно эч суйуу жетпейт...ал биринчи суйуун кетти бутту келбейт башка менен бактылуу ал сен башка менен ...
0
Ulan1988
2017-05-06 17:55:23
Да жакшы совет
0
aibi8984
2017-05-07 11:09:49
каерде байлайт миш турбай турган кылып
0
dasta
2017-05-07 16:21:53
айабай кулкулуу го
0
sonisoni
2017-05-07 19:13:46
Комментарийлер кызыктууго турбай калгандан Кудай сактасын аялдар озубуго эле кыйын эркектер бар биз бар биз бар эркектер бар ден соолукка пайдалуу жактары коп эркектин суюктугу.Албетте зина кылбай ак нике менен алган жарын менен болгула!Кийин жооп беришти да ойлонгула ала жипти аттабай!!!
0
Kanybek121195
2017-05-22 13:51:47
Суроо Берген елем еч еле жооп ала албадым го Супер инфо
0
admin_superstan
2017-05-22 16:57:27
Kanybek121195, саламатсызбы? Кээ бир жоопторду гезиттин кийинки сандарынан окуй аласыз.
0
Mister12
2017-06-16 05:49:10
Саламатсыздарбы мен алигим тошок кумарына келгенде 1.2,3 дегенде тушот да солуп калат анан суйуктук кою болуш керек дешет а меники суйук абалда эмне кылсам болот айтып коесуздарбы рахмат.
+1
askar_myrza
2017-09-15 21:29:30
Админ ...... erotika@super.kg gmail менен жонотобу
0
aiba.8327
2017-09-27 15:34:11
Уларбек просто ошол маалда эртелеп дуулугуп койгон болсо керек...
0
sumash
2018-01-14 15:32:13
Саламатсызбы админ мен суро жонотум еле,жообун кайсыл бетден окусам болот
0
№ 756, 28-апрель-4май, 2017-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА