Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Светлана Назаренко, «Город 312» тобунун ырчысы: «5 ЖЫЛ КЫЙНАЛАРЫБЫЗДЫ БИЛГЕНИМДЕ МОСКВАГА БАРБАЙТ БОЛЧУМУН»

№757 5-11-май, 2017-ж.


Кыргыз өлкөсүнөн чыккан «Город 312» тобуна 15 жыл. Мааракелик турунун алкагында аталган топ О! мобилдик оператору уюштурган концертке келип, Жалал-Абад, Ош, Бишкек шаарларында чыгармачылыгын тартуулап кайтышты. Мекенибизди КМШ өлкөлөрүнө тааныткан, өлкө сыймыгына айланган топ 15 жыл аралыгында кандай жолду басып өтүшкөн? Атактуулукка кантип жетишти? Бул суроолорго топтун солисти Светлана Назаренко жооп берди.

Толук аты-жөнү
– Назаренко Светлана Анатольевна
Туулган жылы, күнү – 1970-жыл, 17-октябрь
Туулган жери – Бишкек шаары
Үй-бүлөлүк абалы – Үй-бүлөлүү, 1 кыздын апасы
Билими – Бүбүсара Бейшеналиева атындагы Искусство институтунун вокал бөлүмүн бүтүргөн
Учурда – «Город 312» тобунун солисти
Каймана аты – Ая
Сыйлыктары – Кыргыз Республикасынын Эмгек сиңирген артисти, Бишкек шаарынын ардактуу атуулу, «Даңк» медалынын ээси

БАЛДАР ХОРУНАН БАШТАЛГАН КАРЬЕРА

Светлана Назаренконун ырчылык карьерасы 7 жашында балдар хорунун солисти болуудан башталган. 13 жашында элдик таланттардын республикалык сынагына катышып, жеңүүчү аталат. Калыстар тобунда отурган музыкант Рафаэль Сарлыков болочоктогу жылдыздын талантына баа берип, «Аракет» ансамблине чакырган.
–Рафаэль Тагайбекович апама барып, «каршы болбосоңуз кызыңызды биздин топко алайын дегем» деп сураган. Ошондон кийин алгач кенже тайпага алынып, 1 жарым жылдан кийин чоң тайпага кошулдум. Ата-энем музыкалык чөйрөдөн алыс адамдар эле. Ансамблде күндө ырдап даярдангандыктан, атам ырчылыкка аралашканыма башында каршы болгон. Мага ырдаган жагарын билсе да ырчылыкты олуттуу кесип катары саначу эмес. Бир күнү менин ырдап жатканымды телевизордон көрүп калып аябай сыймыктанган. Ошондон кийин «мындан ары расмий түрдө даярдыкка бара берсең болот» деген. Жеке ырчы катары таанылыш үчүн топтон кетип, КМШда өткөн түрдүү фестиваль, сынактарга катышып, алдыңкы орундарды багынтканга жетиштим.

5 ЖЫЛ БАГЫНБАГАН МОСКВА

Көптөгөн фестивалдардын жеңүүчүсү болуп, коомдук иштерге активдүү аралашып ийгиликке жетишкени менен, Светлана Назаренко Кыргызстанда потенциалын бүтүндөй ача албай калган. Бул убакта ырчы жолдошу Алексей Лесников жетекчилик кылган «Пирамида» радиосунда иштечү.
–Мен радиодо 3 автордук берүүнү иштетчүмүн. Радиону ушунчалык сүйчүбүз. Биз таң эрте келип, берилип иштеп, түн ичинде үйүбүзгө кетчүбүз. Алексей директор болуп 9 жыл иштеп, жамаат үчүн жанын берчү. Мурунку кесиптештер менен азыркыга чейин кездешип турабыз.
Кыргызстанда ийгиликтин болгон чегине жеттим. Мындан ары да өскүм келди. Окшош күндөрдөн тажап, көзүмдөгү оттор өчө баштады. Ага-ини Дмитрий менен Леонид Притула радиодо берүүлөрдү алып барып, жарнама бөлүмүндө иштечү, үй-бүлөбүз менен жакын катышкан достордон болчубуз. Бир күнү чай ичип отурсак алар «биз башка мамлекетке кетсек кетесиңби?» деп сурап калышты. Жолдошум «албетте, барат, ал дагы өсүш керек» деди.
Москвага барып мекенибиздин атагын чыгаргыбыз келди. Биринчи Казакстанга баралы десек жолдошум «Казакстан да жабык территория, жакшысы, Москвага кетишибиз керек. Ал жактан көп нерсеге үйрөнө аласың» деди. Аябай коркунучтуу болсо да тобокелге салып Москваны көздөй бет алдык. Бул 2001-жылы Жаңы жыл алдындагы авантюралык жорук болду. Кетерде Спорт ордосунда зал толгон концертте ырдап чыгып «достор, биз Москвага кетип жатабыз, атактуу болушубузду күткүлө» деп мактанганбыз. Биз бул сөздөрдү айтып алып артка кайтчу жолубузду кесип салдык. Анткени ийгилик дароо жылмайган жок. 5 жыл атыбызды чыгара албай кыйналып жүргөндө «эмнеге айттык эле?» деп өкүндүк. Себеби кайтып келсек эл бизди түшүнмөк эмес. Андыктан вариант жок болчу. Эгер мага бирөө алдын ала «5 жыл тааныла албай кыйналып жүрөсүңөр» десе Москвага барбайт болчумун.

АТАКТУУЛУККА ЖЕТКИРГЕН КЕЛИШИМ

Москваны багынтуу музыканттарга бир топ кыйын болгон. «Город 312» тобунун «Останусь», «Вне зоны доступа» аттуу хиттери булуң-бурчтан жаңырганга чейин топтун мүчөлөрү көп нерседен баш тартканга туура келген.
–Биз төртөөбүз – мен, гитаристтер Маша, Леон, клавишник Дима менен 2 бөлмөлүү квартирада чогуу жашадык. Анткени өз алдынча жашаганга акчабыз жок болчу. Жолдошум, кызым Бишкекте калышты. «Квартира сатыш керек, радиону ишеничтүү адамдарга калтырышым зарыл, мен бул жакта кармалам» деди.
Алгач клубдарда ырдап жүрүп, «213 дорог» деген альбомду өз күчүбүз менен чыгардык. Альбом 1000 нускада басылып чыкты. Москвада бир аз таанылып калганда бир концерттик залда альбомдун бет ачарын өткөрүп концерт койдук. Ар бир ырды аткарып бүткөндөн кийин «бул жакта биздин дисктер сатылып жатат» деп жарнамалап турдук. Ошондо кокустук менен мурунку «Реал-Рекордс» компаниясынын башкы директору бош убактысында жаңы музыка издеп ошол концерттик залга келиптир. Ал бизди угуп көрүп, биздин үн режиссёрго барып, альбомубузду 200 рублга сатып алыптыр. Бул анын биздин топко кошкон биринчи салымы болгон. Кийин биздин ким экенибизди, каяктан болорубузду сурап кеңсесине чакырган. Биздин сүйлөшүү бир нече айдан кийин гана болгон. Бул убакыт аралыгында ал биз өзүбүздү кандай алып жүрөбүз, канчалык деңгээлде олуттуу команда экенибизди билиш үчүн сыртыбыздан акмалап жүрүптүр. 2005-жылы 3-декабрда келишим түздүк. Ошондон бери аны менен иштешип келебиз.

ҮТҮКТӨРДӨ ДА ЖАҢЫРГАН «ОСТАНУСЬ»

«Дневной дозор» тасмасы үчүн жазылган «Останусь» аттуу ыры «Город 312» тобуна ийгиликтин ачкычы болуп берди. Аталган ыр, клиби музыкалык хит-параддан түшпөй мекендештерибизди заматта атактуу топко айлантты.
–Биз «Реал-Рекордс» компаниясы менен келишим түзгөнгө чейин клубдарда көп ырдап, күйөрмандарды топтогонбуз. Башында интернет жана клубдар аркылуу таанылганбыз. Бирок радио менен телевидениеге чыга албай жүргөнбүз. Жашообузда бул компания пайда болуп, көйгөйүбүздү чечип берди. «Останусь» аттуу ырыбыз дароо хит болуп, ар бир үтүктөн, терезеден жаңырып жатты. Жадакалса кошуналар бул ырды кечке уга беришкенинен ойгонуп да кетчүбүз. Өзүбүздүн ырыбыздан башыбыз ооруп калганга чейин жеттик. Мына ошондо гана атактуу боло баштаганыбызды түшүндүк. Арты-артынан популярдуу ырлар жаралып, КМШ өлкөлөрүн концерттик турне менен кыдыруу мүмкүнчүлүгү түзүлдү.
2015-жылы Орусиянын «Точь-в -точь» долбоорунун 3-сезонуна катышып, Азиза, Мэрайя Кэри, Ёлка, Антонелла Руджеро, Барбара Брыльска, Шер, Валентина Толкунова, Сиа жана башка ырчыларды туурап чыгып жаңы тажрыйба топтодум.

«ГОРОД 312» ТОБУ 15 ЖАШТА

Топ өткөн жылы 28-октябрда Москвада 15 жылдыгын ЧБК деген концерт менен белгиледи. Бул концертке Гоша Куценко, Владимир Пресняков, Баста келип куттукташты.
–Эмнеге ЧБК (чёрный, белый, красный)? Ак менен кара – бул контраст. «Город 312» тобу мына ушундай бири-бирибизге карама-каршы келген, ар башка адамдарбыз. Биздин жолубуз дал ушундай болгон, бийиктикке көтөрүлүп, ылдыйга түшүп. Кызыл болсо топко тийиштүү адамдарды байлап турган жип. Бул жип энергия, чыгармачылык, музыка. Ушул жип бизди 15 жыл бирге кармап турду, мындан ары да кармай берет деп үмүт кылам. Бул мааракелүү дата мен үчүн оор учурга туш келди, анткени бул жылы апамды жоготуп кабыргам кайышты. Мен жашоого, өзүмө, жакындарыма болгон мамилемди өзгөрттүм. Азыр кенедей нерсеге кубанып, ырахат алууга аракет кылып жатам.
Негизи 15 жылдык мааракебизге арналган концертти Бишкек шаарында берип, Орусиянын телеканалдарынан көрсөтмөкпүз. Кайсы телеканал келип концертти тартары да сүйлөшүлгөн эле. Кандай себептер менен оюбуз ишке ашпай калганын айтпай эле коёюн, бирок Москвадан берүүгө туура келип калды. Буюрса, мааракелик датада болбосо да, Бишкекте чоң масштабдуу концерт берүүнү пландап жатабыз.
Биз өлкөбүздүн патриотубуз. Жыл сайын Ысык-Көлдө эс алабыз. Менин оюмча, биздин көлүбүздөн өткөн керемет жер жок. Ысык-Көл тууралуу маектерде айтып мактап, болушунча жарнамалайм. Кийин Ысык-Көлдө жашагым келет. Бирок мен ал үчүн телегейи тегиз карылыкта жашаганыма шарт түзүп алышым керек.

Рафаэль Сарлыков, музыкант, Светлана Назаренконун устаты: «СВЕТЛАНА АТАКТУУ БОЛГОНДОН КИЙИН ӨЗГӨРГӨН ЖОК»

– Света музыканы бир-эки жолу угуп жакшы ырдап кетчү. Кенже тайпада Аслан Исабаев, Актан Исабаев, Ырыскелди Осмонкулов бар болчу. Алар менен чогуу ырдап чоңойду. Алар Орусияга кеткенде 5 жыл Москванын четиндеги шаарларда, жөнөкөй клубдарда ырдап өзүлөрүн жарнамалап жүрүштү. 5 жыл эмне деген убакыт? Бул жылда бизде 2 революция болгон. Алар менен чогуу барган 2 бала 3 айдан кийин чыдабай кетип калышкан. Света атактуу болгондон кийин мүнөзү да, мага болгон мамилеси да өзгөргөн жок.
Бишкекке келгенде жок дегенде телефон чалып абалымды сурап турат. Убактысы болсо, үйгө келип учурашып кетет. Башында ал маектеринде мен тууралуу айта берчү. Ал жактагылар «аны эмне бекер жарнама кылып жатасың? Ал акча төлөсүн же сен унчукпа» дептир. Света чоңоюп калганда кээ бир өзүн кыйын сезгендер «анын эч кандай өзгөчөлүгү жок экенине кошуласызбы?» деп сураганда «ал өзгөчө, көрөсүңөр, андан бир нерсе чыгат» дегем, мен жаңылбаптырмын.

Жамиля Муратова, Кыргыз Республикасынын Эмгек сиңирген артисти, Светлана Назаренконун сахналашы: «СВЕТА ТАМАШАЛАП КҮЛДҮРҮП ОТУРЧУ»

– Светлана менен менин чыгармачылык жолум бир заманда башталган. Сынактарга, кастингдерге чогуу катышып, бири-бирибиздин чыгармачылыгыбызга күбө болгонбуз. Ал өтө өжөр, өзүнүн ишин жакшы билген, алдыга койгон максатына жетүүгө бүтүндөй күчүн жумшаган адам. Ар дайым тамашаларды айтып күлдүрүп эле отурчу. 2001-жылы Светлана Назаренко, Курмангазы Азыкбаев, Гүлнара Тойгонбаева, Жылдыз Осмоналиева, Ырыскелди Осмонкулов болуп Түркияга чогуу барганбыз. Телевидениелердин бирине тартылып, чыгармачылыгыбызды көрсөтүп келгенбиз. Светлана кыргызча, орусча ырдап бергени эсимде. Атагы чыккандан кийин Кыргыз мамлекетинде чоңоюп-өскөнүн жашырбаганына, патриоттук сезиминин күчтүүлүгүнө баа берсе болот.

Светлана Назаренко үй-бүлөсү тууралуу көп комментарий бербейт. Жолдошу Алексей Лесников "Город 312" тобунун үн режиссёру.


Кичинекей Светлана Назаренко апасы менен.




АЛЕКСАНДР ИЛЬЧУК – ГИТАРИСТ

Александр Ильчук музыка менен 4 жаштан бери алектенет. Кичине кезинде музыканы жаман көргөндүктөн, стоматолог болгусу келчү. 16 жашында аккордеондун ордуна гитараны колго алып, музыкага болгон көз карашы өзгөргөн. Топко 2010-жылы кошулган.

ЛЕОНИД ПРИТУЛА – БАС-ГИТАРИСТ

Леонид Притула «Город 312» тобунун негиздөөчүлөрүнүн бири. Музыкалык мектепте Леонид Притулага мугалимдер келечекте мыкты скрипач болот деп үмүт артышкан. Скрипканын ордуна бас-гитараны тандаган өспүрүм музыкалык окуу жайдын эстрада бөлүмүнө тапшырып, 14 жашында ыр жазып баштаган. Кесипкөйлүгүнө жогору баа берген орусиялык барабанчы Игорь Жавед-Заде «Леон менен ойногондон ырахат аласың. Ал абдан музыкалдуу, «даамдуу» басист» деген.

ДМИТРИЙ ПРИТУЛА – КЛАВИШНИК

Дмитрий Притула музыка менен 6 жашынан бери алектенет. Музыкалык мектептин фортепиано классын жана музыкалык окуу жайдын дирижёр-хордук факультетин бүтүргөн. Топтун чыгармаларынын авторлорун бири Дмитрий Притула: «Биз эсте кала турган композиция жаратканга аракет кылабыз. Угуп гана тим болбостон, биздин жашообуз менен чогуу кеткен ырларды чыгарабыз»,- дейт.

МАРИЯ ИЛЕЕВА – ГИТАРИСТ, (Дмитрий Притуланын жубайы)

Музыка дүйнөсүнө Мария Илеева бий чөйрөсүнөн келген. Бала чагынан балет, көркөм гимнастика менен машыгып жүрүп шейпинг, аэробиканы өздөштүргөн. 6 кылдуу музыкалык аспапты чоңойгондо үйрөнө баштаган. Гитарада кол ойнотконду «Город 312» тобунун келечектеги мүчөлөрүнөн үйрөнүп, кийин Алексей Кнышов менен Тимур Мордалейшвилиден сабак алган. «Гитара мен үчүн баарлашканга, өзүмдү көрсөткөнгө жардам берген аспап, ырахат тартуулаган оор эмес жумуш. Ал команданы Жер шарынын болгон жеринде колдонгонго мүмкүндүк берет»,- дейт Илеева.

ЛЕОНИД НИКОНОВ – БАРАБАНЧЫ

Леонид Никоновду топтун музыканттары «Сальвадор» тобунда ойноп жатканда көрүп, анын өзгөчө талантына баа беришкен. «Мага «Город 312» тобуна кошулуу сунушун киргизишкенде ойлонбостон макул болгом, азыр ошол чечимиме кубанычтамын»,- дейт Никонов. Топто эки Леонид болгондуктан (бири гитарист Леонид Притула), аларды алмаштырбаш үчүн жаңы музыкантты Никон же Ник деп чакырышат.

Динара Абдыкадырова
Адилет Бектуров
star@super.kg



"Город 312": "5 жыл кыйналарыбызды билсек, Москвага барбайт болчубуз"

Автор: Илимбек Туратбек уулу
Оператор: Сергек Шатманов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  14 
Комментарийлер(16)
08.05.2017. 09:04 
Тайпасы:
Жаран
Комментарийлердин саны:
117
Катталган:
06-11-2016
Соӊку аракети:
06-11-2018 13:59
Жынысы:
Белгисиз
+21
суйом го ушул группаны. чыныгы патриоттор!
Super TV
08.05.2017. 10:56 
Тайпасы:
Жаран
Комментарийлердин саны:
1
Катталган:
05-08-2016
Соӊку аракети:
09-07-2017 20:39
Жынысы:
Белгисиз
-8
Эмне себептен 312 группанын аты?
08.05.2017. 12:25 
Тайпасы:
Жаран
Комментарийлердин саны:
59
Катталган:
19-11-2016
Соӊку аракети:
11-11-2018 01:54
Жынысы:
Белгисиз
+3
Обернись,Вне зоны доступа ыры менен жинди болуп ооруймго
08.05.2017. 12:27 
Тайпасы:
Жаран
Комментарийлердин саны:
115
Катталган:
05-01-2017
Соӊку аракети:
14-11-2018 00:20
Жынысы:
Белгисиз
+13
Азаматсыздар кыргызстандын атын очурбой жургонунуздорго таазим
08.05.2017. 16:54 
Тайпасы:
Жаран
Комментарийлердин саны:
7
Катталган:
01-05-2017
Соӊку аракети:
03-04-2018 19:04
Жынысы:
Белгисиз
+4
Аябай жагат мага ушул группа ийгилик!озгочо сен менин жазылбаган ырларымсын деген ырды эн жакшы аткарат азаматсынар
Super TV
08.05.2017. 21:26 
Тайпасы:
Жаран
Комментарийлердин саны:
185
Катталган:
21-09-2016
Соӊку аракети:
09-11-2018 15:44
Жынысы:
Белгисиз
+2
Хорошая концовка
09.05.2017. 00:22 
Тайпасы:
Жаран
Комментарийлердин саны:
10
Катталган:
03-02-2014
Соӊку аракети:
16-01-2018 16:08
Жынысы:
Белгисиз
+4
Сен менин жазылбаган ырларымсын
Сен менин айтылбаган сырларымсын -деген ырын кичинемде кууп журуп жакшы коруп угат элем. Ишинерге ийгилик.
09.05.2017. 19:13 
Тайпасы:
Жаран
Комментарийлердин саны:
11
Катталган:
03-08-2014
Соӊку аракети:
04-11-2018 13:14
Жынысы:
Белгисиз
Калаасы:
Бишкек
+3
Азаматсынар биз силер менен сыймыктанабыз чыныгы патриоттор, ийгилик жарата бергиле.
10.05.2017. 12:02 
Тайпасы:
Жаран
Комментарийлердин саны:
6
Катталган:
26-03-2017
Соӊку аракети:
07-08-2018 23:30
Жынысы:
Белгисиз
+3
Ишинерге ийгиллик сыймыктанабыз силер менен
10.05.2017. 16:07 
Тайпасы:
Жаран
Комментарийлердин саны:
11
Катталган:
30-08-2013
Соӊку аракети:
13-11-2018 23:50
Жынысы:
Белгисиз
Калаасы:
Жалал-Абад
+1
Эмне учун бул топтун ырлары жок анда, озубуздун кыргыз гезитте?
10.05.2017. 19:22 
Тайпасы:
Жаран
Комментарийлердин саны:
2
Катталган:
02-05-2017
Соӊку аракети:
09-06-2018 22:32
Жынысы:
Белгисиз
+2
чыгармачылык ийгилик
10.05.2017. 19:48 
Тайпасы:
Жаран
Комментарийлердин саны:
91
Катталган:
26-04-2017
Соӊку аракети:
27-08-2018 16:03
Жынысы:
Белгисиз
+1
Светлана суйомго сени суйом
10.05.2017. 20:54 
Тайпасы:
Жаран
Комментарийлердин саны:
67
Катталган:
06-02-2015
Соӊку аракети:
16-10-2018 00:26
Жынысы:
Белгисиз
+5
Бул ырчы 2000-жж. устудо комментте бироо жазып кеткендей "Сен менин жазылбаган ырларымсын" деп кыргызча таптаза ырдап чыккан. Ошондо орус болуп туруп кыргызча ырдаганы учун аябай жакшы коргом. Бирок ошол бойдон кийин атагы чыкканда группанын атын Бишкектин коду менен атаган учун дагы бир жолу сыймыктандым бул жердештер менен. Кыргызстанды жакшы жагынан атын чыгарып жаткан адамдар - мындан ары да ийгиликтер коштоп, атактары алыска кете берсин демекчимин. Орустарга Азия микс менен 312 де
11.05.2017. 08:10 
Тайпасы:
Жаран
Комментарийлердин саны:
91
Катталган:
26-04-2017
Соӊку аракети:
27-08-2018 16:03
Жынысы:
Белгисиз
+1
Светлана кутом сени беш сарыдан
14.05.2017. 08:41 
Тайпасы:
Жаран
Комментарийлердин саны:
90
Катталган:
16-09-2015
Соӊку аракети:
19-06-2018 15:36
Жынысы:
Белгисиз
+1
Останусь ырын укканда артта калган жакшы кундор коз алдыма эстетелет,ийгилик
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: