«КЕНТАВР» БЕЛЬГИЯДА БАШ БАЙГЕГЕ ЭЭ БОЛДУ

Актан Арым Кубат режиссёрлук кылган "Кентавр" тасмасы Бельгияда болуп өткөн "MOOOV" кинофестивалында "Канвас" башкы сыйлыгын алды. Режиссёрдун айтымында, фестивалдын негизги бөлүгүндө Сингапур, Түркия, Индия, Кыргыз, Түштүк Африка, Мексика өлкөлөрүнөн жалпы 8 фильм ат салышкан. Белгилей кетсек, "MOOOV" кинофестивалына автордук фильмдер тандалып алынат.
Аталган фестивалда жеңип чыккан "Кентаврды" Бенелюкс өлкөлөрүндө (Бельгия, Нидерланды, Люксембург) прокатка чыгарууга сынактын уюштуруучулары кепилдик беришкен. "Буюрса, 2018-жылдын жаз мезгилинен тарта аталган өлкөлөрдүн чоң экрандарына чыгат",- деди режиссёр Актан Арым Кубат. Фестиваль 18-апрелден 30-апрелге чейин өткөнүн, "Кентавр" тасмасын көрүүчүлөр жылуу кабыл алышканын Актан мырза кошумчалады. Белгилей кетсек, 26-мартта коомчулукта чуу жаратышы мүмкүн делген "Кентавр" тасмасынын улуттук премьерасы болуп өткөн.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

Nazaroff1974

2017-05-10 18:58:01

Жакпайт ушунун кинолору.Кыргыздын жаман жактарын эле коргозо берет

-1

Комментарий калтыруу үчүн өз ысымыңыз менен кириңиз же каттоодон өтүңүз.

№ 757, 5-11-май, 2017-ж.